இந்திரன் (இந்து சமயம்)

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
இந்திரன்
Indra deva.jpg
ஐராவதம் வாகனத்தில் இந்திரன்
அதிபதி தேவர்களின்
தேவநாகரி इन्द्र
சமசுகிருதம் Indra
இடம் தேவ லோகம்
ஆயுதம் வஜ்ஜிராயுதம்
துணை இந்திராணி

இந்திரன் (தேவேந்திரன் [1]) என்பவர் இந்து தொன்மவியல் அடிப்படையில் தேவ உலகத்தின் அரசனாவார். இவருடைய மனைவி இந்திராணி. இவர் வேதகால இந்து சமயத்தில், மிக முக்கியமான தேவர்களில் ஒருவராக உயர் நிலையில் வைத்து வணங்கப்பட்டவர்.

ரிக் வேதத்தில்[தொகு]

இந்துக்களின் மிகப்பழைய புனித நூலான ரிக் வேதத்தில் தலைமைக் கடவுளாகப் போற்றப்படுபவன் இந்திரனே. அவ்வேதத்திலுள்ள சுலோகங்களில் காற்பங்குக்கு மேற்பட்டவை இந்திரனைப் போற்றுவனவாகவே உள்ளன. இவனுடைய வீர தீரச் செயல்களைப் பற்றிய ஏராளமான குறிப்புக்கள் வேதங்களிலே காணப்படுகின்றன. மனத்தின் வேகத்தையும் கடந்த வேகத்தில் செல்லக்கூடிய தேரை உடையவனாகக் கூறப்படுகின்ற இந்திரன் ஐராவதம் என்னும் வெள்ளை யானையை வாகனமாகக் கொண்டவன் என்றும் குறிப்பிடப்படுகின்றது. இவன் வஜ்ஜிராயத்தை ஆயுதமாகக் கொண்டவர். இவன் போர்க்குணம் கொண்ட கடவுளாகச் சித்தரிக்கப்படுவதன் காரணமாகப் போருக்குச் செல்லும் வீரர்கள் இந்திரனை வணங்கிச் செல்வது வழக்கமாக இருந்திருக்கிறது. இந்திரனுக்கு ஜெயந்தன் என்னும் பெயருடைய ஒரு மகன் உண்டு என்று கூறப்படுகிறது. அமிர்தத்தை குடித்த தேவர்களில் ஒருவன். யாகங்களில் படைக்கப்படும் ஹவிஸை (படையலை) அக்கினி இந்திரன் முதலான தேவர்களுக்கு பகிர்ந்து தருகிறான்.

புராணங்களில்[தொகு]

தொடர்ந்தும் தேவர்களின் தலைவனாகவே இந்திரன் மதிக்கப்பட்டாலும், வேதகாலத்துக்குப் பின்னர் அவன் நிலை தாழ்ந்துவிட்டது.ஆனால் ஆரியர்களால் உருவாக்கப்பட்ட ராமாயணத்தின் ஆரம்ப காலம் (கி.மு 6ஆம் நூற்றாண்டு) தொட்டே இந்திரன் பற்றிய இழிவான பேச்சுகள் தொடங்கிவிட்டது எனபதே உண்மை. வியாசரால் எழுதப்பட்ட ஜெயம் (கி.மு 5 ஆம் நூற்றாண்டு) எனப்படும் மகாபாரதத்திலும், புராணங்களிலும் இந்திரன் பெரிய அளவில் போற்றப்படவில்லை என்றே தெரியவருகிறது. வேதங்களில்கூட மூன்று இந்திரர்கள் உள்ளனர். அவர்களுள் இரண்டு இந்திரர்கள் இந்தியத்தமிழர்கள்; ஒருவர் கிருஷ்ணர் எனப்பட்ட கரவேல், மற்றொருவர் திருமால் எனப்பட்ட செம்பியன் கரிகால்சோழன். முதல் இந்திரனே அந்நிய நாட்டவன். இவனுக்கும் ஒரு இந்தியத் தமிழ்ப்பெண்ணுக்கும் பிறந்தவனாலேயே இந்த அந்நிய இந்திரன் அடக்கி ஒடுக்கப்பட்டான். அப்படி அடக்கி ஒடுக்கியவனே செவ்வாய் எனப்பட்ட செங்குட்டுவன்.[சான்று தேவை]

பின் குறிப்பு:- இந்த ஆரியர் -தமிழர் பாகுபாடு மிகுந்த நகைப்பை வரவழைக்கும். தமிழ்சித்தர் போகர் அருளிய 'ஜெனன சாகரம்' என்ற நூலைப் படித்திருந்தால் இது புலப்படும். 'ஆதியில் நந்தியாகி, அயனும் மாலுமாகி, பிறகு இந்திரன், முருகன், ராமன், கிருஷ்ணன், நபி என்று ஜெனனம் எடுத்தபின் இன்று போகராக இருக்கிறேன்' (பா.324) என்கிறார். அப்படிஎன்றால் தேவேந்திரனனான போகர் ஆரியரா? புராணங்களில் ஒவ்வொரு கதாபாத்திரமும் வேறொரு பாத்திரத்தை ஏற்கும். இதை ஈசன்தான் முடிவு செய்கிறார் என்று போகர் குறிப்பிடுகிறார்.

இந்திர விழா[தொகு]

முதன்மை கட்டுரை: இந்திர விழா

இந்திர விழா என்பது இந்திரனை சிறப்பிக்கும் வகையில் பழந்தமிழகத்தில் கொண்டாடப்பட்ட விழாவாகும். பசி, பிணி, பகை முதலியவற்றால் துன்பம் அடையாது இருத்தல் பொருட்டுத் தெய்வத்தைக் கருதிச் செய்யும் சாந்திப் பெருவிழாவே இந்திர விழாவாகும். இவ்விழாவைத் தீவகச் சாந்தி செய்தரு நன்னாள் என்று சாத்தனார் கூறுகின்றார். [2]

இவ்விழா புகார் என்ற நகரோடு அதிகம் தொடர்புற்றிருந்தாலும், மதுரையிலும் கொண்டாடப்பட்டது.[3] இலக்கியங்களில் உவமை கூறும் அளவுக்கு இவ்விழா சிறப்பு பெற்றிருந்தது.[4] தொடித்தோட் செம்பியன் எடுத்த காதல் விழாவைக் காமன் விழா என்றும், இந்திர விழா என்றும் குறிப்பிடுகின்றனர். அவ்விழா, இருபத்தெட்டு நாள் 'நாளேழ் நாளினு நன்கறிந்தீர் என'க் [5] குறிப்படுவர். அவ்விழா விருந்தாட்டு விழா என்றும் குறிப்பிடப்படுகிறது. ஆகையால் அதனை ஆண்டுதோறும் கொண்டாடப்படும் விழா என்று பொருள் கொள்ளலாம்.

இந்திரன் தமிழனா !? ஆரியனா!? :[சான்று தேவை]

  1. கலிங்கம் (ஒரிசா) மன்னன் காரவேலன் (கி.மு 165) தனது கல்வெட்டில் தமிழ் மூவேந்தர்கள் 13 நூற்றாண்டுகளாக ஆட்சி செய்ததாகவும் அவர்களின் கூட்டிணைப்பை உடைத்து அவர்களை வென்றதாகவும் தனது கல்வெட்டில் எழுதியுள்ளார் .

2. சங்க கால புலவர் கபிலர் (கி.மு 3 ஆம் நூற்றாண்டு) தனது பாடலில் வேளிர் குல மன்னர்கள் 49 தலைமுறையாக வாழ்வதாகவும் அவர்களின் முன்னோர் துவாரகையை ஆண்டதாகவும் கூறுகிறார். அக்காலத்தில் கழாத்தலையார் என்ற புலவர் வாழ்ந்ததாகவும் கூறுகிறார். அதாவது (கி.மு 16 ஆம் நூற்றாண்டு பற்றி).

3. இந்திர விழா பல நூற்றாண்டுகளாக தமிழ் மூவேந்தர்களால் கொண்டாடப்படுவதாக சிலப்பதிகாரம் (கி.மு 3ஆம் நூற்றாண்டு) இளங்கோவடிகளால் எழுதப்பட்டுள்ளது.மேலும் கி.மு 3 ஆம் நூற்றாண்டிலேயே தமிழ் மூவேந்தர்களால் வெகு விமரிசையாக கொண்டாடப்பட்ட இந்திர விழா தனது பெருமைமை இழந்துவிட்டதாக கூறி வருந்துகிறார் இளங்கோவடிகள்.

4. சங்க கால புலவர் நக்கீரர் (கி.மு 3ஆம் நூற்றாண்டு ) இவர் சங்க கால புலவர் கபிலருக்கு ஒரு தலைமுறை இளயவர். நக்கீரர் மூன்றாம் தமிழ் சங்கம் (1850 வருடம் ) நடைபெற்றதாக எழுதியிருக்கிறார்.

5. ஆரியரின் மண்பானை கலாச்சாரம் (கி.மு 1025 முதல் - +75) என்று 1980ல் கங்கை சமவெளி பகுதிகளில் (ஆரியர் வாழ்ந்த பகுதிகள்) நடத்தப்பட்ட அகழ்வாராய்ச்சியில் பி.பி.லால், ஆர்.எஸ்.கௌர், பி.கே.தாபர் போன்றோரால் கண்டுபிடிக்கப்பட்டு உறுதிப்படுத்தப்படுத்தப்பட்டது. மேலும் அக்காலத்தில் ஆரிய சார்பாளராக செயல்பட்ட தொல்துறை ஆராய்ச்சியாளர் எஸ்.ஆர்.ராவ் ஆல் இக்காலம் ஏற்றுக்கொள்ளப்பட்டது. ஆரியரின் மண்பானை கலாச்சாரம் கி.மு 1100 கு மேல் வர எவ்வித வாய்ப்பும் இல்லை என்று அந்த ஆராய்ச்சியாளர்களால் உறுதியாக கூறப்பட்டது. இதனால் 1980 கு பிறகு வெளிவந்த அனைத்து மொழி நூல்களிலும் ஆரியர்கள் பாரத கண்டம் (இந்தியா) வந்த காலம் கி.மு 1200 கு பிறகே என்று எழுதப்பட்டது. மேலும் ரிக்வேதம் வாய்மொழி வாயிலாக சொல்லப்பட்டு பழக்கப்பட்ட காலம் கி.மு 11 ஆம் நூற்றாண்டு என வரலாற்று ஆசிரியர்களால் அக்காலத்தில் எழுதப்பட்டது. ஆனால் இன்று ஆரியர்கள் இந்தியா வந்த காலம் கி.மு 1500 என்று கூறுவது உண்மை வரலாற்றை மாற்ற நினைப்பதாகும்.(எவ்வித சான்றும் இல்லாமல்).

ஆரியர்களில் சிலர் தமிழகம் நுழைந்த காலம் கி.மு 700. ஆனால் ஆரியர்களில் பெரும்பாலோனோர் நுழைந்த காலம் கி.மு 650 ஆகும்.தமிழகம் நுழைந்த ஆரியர்கள் மக்கள் நாகரிகமாக வாழ்வதையும் , மன்னர் ஆட்சி முறை நடைமுறையில் இருந்ததையும் பார்த்த அவர்கள் மேலும் பார்த்த அதியசயமே இந்திர விழா ஆகும் . அது தமிழ் மூவேந்தர்களால் பல நூற்றாண்டுகளாக கொண்டாடப்படுவதை பார்த்த பிறகுதான், இந்திரன் தமிழர்களால் பல நூற்றாண்டுகளா கொண்டாடப்படுவது தெரியவருகிறது , சில வருடங்களுக்கு பிறகு கங்கை சமவெளிக்கு திரும்பிச்சென்றனர். அதற்கு பிறகே இந்திரன் ஆரியர்களின் கடவுள் இல்லை என்று புரிந்து கொண்டு முடிவு செய்த அவர்கள் தனது இலக்கியங்களில் (கி.மு 6 ஆம் நூற்றாண்டு தொடங்கி இந்திரனை இழிவாக பேச தொடங்கியுள்ளனர். கி.மு 11ஆம் நூற்றாண்டடுக்கு பிறகு கூறப்பட்ட ரிக் வேதத்தில் இந்திரனை உயர்வாக பேசிய ஆரியர்கள் (கி.மு 6 ஆம் நூற்றாண்டுக்கு பிறகு எழுதப்பட்ட வால்மீகி ராமாயணம், பிறகு கூறப்பட்ட மகாபாரதம் மற்றும் புராணங்களிலும் இழிவாக பேசியுள்ளனர். இது ஆச்சரியப்படுவதற்கு இல்லை. காரணம் இந்திரன் தமிழர்களின் கடவுள் என்று புரிந்து கொண்டதால்தான் ஆரியர்களால் சில வருடத்திற்க்குள் (30-40) வருடத்திற்க்குள் இந்திரனை அந்நிய நாட்டு இறைவன் என முடிவு செய்ய முடிந்தது.

இலங்கை நூலான மகாவம்சத்தின்படி இலங்கையை அடைந்த முதல் ஆரியன் விஜயன் என்பவன் . இவன் பாண்டியனின் மகளை திருமணம் செய்து கொண்டவன். இவன் இலங்கையை கி.மு 543 ல் அடைந்ததாக மகாவம்சம் கூறுகிறது. இதனால் ஆரியர்கள் கி.மு 6 ஆம் நூற்றாண்டுக்கு முன்பே தமிழகத்தில் நுழைந்துவிட்டனர் என்பது இவ்விடத்திலும் உறுதியாகிறது. (அதாவது கி.மு 7 ஆம் நூற்றாண்டு - மத்தியப்பகுதி ஆகும்). ஆம் தமிழ் மூவேந்தர்களால் வெகு விமரிசையாக பல நூற்றாண்டுகளாக கொண்டாடப்பட்ட இந்திர விழா கி.மு 3 ஆம் நூற்றாண்டுக்கு (சிலப்பதிகார காலம்) பிறகு அதன் வலிமையை இழந்தது. ஆக இந்திரன் தமிழனே என உறுதிப்படுத்தப்படுகிறது. தமிழர்களின் அனைத்து விழாக்களும் பல நூற்றாண்டுகளாக கொண்டாடப்படுகிறது. உதாரணமாக தமிழர் விழாவான பொங்கல் விழா ,முருகனின் காவடி ஆட்டம் 2000 வருடத்திற்க்கு முன்பிருந்தே கொண்டாடப்படுவது ஆகும். ஆனால் ஆரியர்கள் தமிழகத்தில் நுழைந்த காலம் கி.மு 7 ஆம் நூற்றாண்டு - மத்தியப்பகுதி ஆகும். அப்படியென்றால் இதற்கு பிறகுதான் இந்திரன் தமிழகத்தில் அறிமுகப்படுத்தப்பட்டார் என்று கொள்ளும்பொழுது வெறும் 450 வருடம் மட்டுமே கொண்டாடப்பட்டு தமிழ் மூவேந்தர்களால் கைவிடப்பட்டாரா ?!. என்ற கேள்வி எழும்புகிறது. மேலும் இதனை . ஏற்றுக்கொள்ளும்பொழுது தமிழ் மொழியும் , தமிழர் பண்பாடும், ஏன் தமிழ்சசங்க காலத்தை பற்றியும் கூட மிகப்பெரிய குழப்பத்தை ஏற்படுத்தும் என்பதே உண்மை. ஆக இந்திரன் என்பவன் தமிழர்களின் முன்னோனே என உறுதியாகிறது.

இவற்றை பார்க்கவும்[தொகு]

ஆதாரம்[தொகு]

  1. http://www.tamilபற்றி)0/l4120son.jsp?subid=1736
  2. http://www.tamilvu.org/courses/degree/p104/p1041/html/p1041333.htm இந்திர விழா
  3. சின்னமனூர் செப்பேடுகள்
  4. ஐங்குறுநூறு 62
  5. . (மணிமேகலை. 1: 65-72.)
"https://ta.wikipedia.org/w/index.php?title=இந்திரன்_(இந்து_சமயம்)&oldid=2392193" இருந்து மீள்விக்கப்பட்டது