சுருதி

சுருதி (சமற்கிருதம்: श्रुति) எனப்படுவது சுவரத்தைத் தொடங்குவதற்கு அடிப்படையான ஒலியமைப்பு ஆகும். இது கேள்வி என்றும் சொல்லப்படும். நாதத்திலிருந்து சுருதி உற்பத்தியாகின்றது.

முக்கியத்துவம்

நாம் பாடுவதற்கு மத்யஸ்தாயி ஸட்ஜத்தையே ஆதாரமாகக் கொள்வதனால் அதனையே சுருதி என்கிறோம். சுருதி சுத்தமாக இசைக்கப்படும் சங்கீதம் தான் கேட்பதற்கு இனிமையாக இருக்கும். சுருதி சங்கீதத்திற்கு மிகப் பிரதானமாக இருப்பதனால் சுருதியைத் தாய் என்றும் லயத்தைத் தந்தை என்றும் சொல்வர்.

வகைகள்

சுருதி இரு வகைப்படும். அவையாவன:

1. பஞ்சம சுருதி - இது மத்யஸ்தாயி ஷட்ஜத்தை ஆதாரமாகக் கொண்டு பாடுவது;
2. மத்திம சுருதி - இது மத்யஸ்தாயி மத்திமத்தை ஆதாரமாகக் கொண்டு பாடுவது.

சாதாரணமாகப் பாட்டுகள் எல்லாம் பஞ்சம சுருதியிலேயே பாடப்படுகிறது. நிஷாதாந்திய, தைவதாந்திய, பஞ்சமாந்திய இராகங்களில் அமைந்த பாடல்களும் தாரஸ்தாயி ஷட்ஜத்திற்குட்பட்ட சிறுவர் பாடல்களும் மத்திம சுருதியில் பாடப்படுகின்றன. நாம் சாதாரணமாகச் சுருதி சேர்க்கும் பொழுது சா-பா-சா-பா என்ற முறையில் சேர்க்கிறோம்.

சுருதிக்குப் பயன்படும் கருவிகள்

சுருதிக்குப் பயன்படும் கருவிகளுள் தலைசிறந்தது தம்பூரா ஆகும். இன்று இலத்திரனியல் சுருதிப்பெட்டியும் அரங்கிசையில் இடம்பெற ஆரம்பித்துள்ளது.

சுருதி மற்றும் அதன் அதிர்வெண்கள் (இந்துஸ்தான் இசையில் கூறியவாறு)

சுருதி பெயர்	ஸ்வரம்	விகிதாச்சாரம்	சுருதி அதிர்வெண்
க்ஷோபீனி	ஷட்ஜா	1	466.1638
திவ்ற	கோமல் ரிஷப்	256/243	491.1026
கும்தாவதி		16/15	497.2414
மண்ட		10/9	517.9598
சந்தோவதி	ஷுத்த ரிஷப்	9/8	524.4343
தயாவந்தி	கோமல் கந்தர்	32/27	552.4904
ரஞ்சனி		6/5	559.3966
ரக்திகா		5/4	582.7048
ருத்ரி	ஷுத்த கந்தர்	81/64	589.9886
குரோதி	ஷுத்த மத்யம்	4/3	621.5517
வஜ்ரிக		27/20	629.3211
பிரசரிணி	திவ்ற மத்யம்	45/32	655.5428
ப்ரிதி		729/512	663.7371
மர்ஜானி	பஞ்சம்	3/2	699.2457
க்ஷிதி	கோமல் தைவத்	128/81	736.6539
ரக்த		8/5	745.8621
சண்டிபிணி		5/3	776.9397
அளபினி	ஷுத்த தைவத்	27/16	786.6514
மட்னி	கோமல் நிஷாத்	16/9	828.7356
ரோகினி		9/5	839.0948
ரம்யா		15/8	874.0571
உக்ர	ஷுத்த நிஷாத்	243/128	884.9828
க்ஷோபீனி	ஷட்ஜா	2	932.3276