பார்வதி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
பார்வதி
WLA lacma Hindu Goddess Parvati Orissa.jpg
உமையவள்
சிவசக்தி அதிபதி
தேவநாகரி पार्वती
சமசுகிருதம் Pārvatī
வகை முத்தேவியர், ஆதி பராசக்தி, தேவி
இடம் கயிலை மலை
மந்திரம் ஓம் சக்தி பராசக்தி
ஆயுதம் சூலம், பாசாங்குசம்,
துணை சிவன்
குழந்தைகள் பிள்ளையார், முருகன்

பார்வதி அன்பு, தாய்மை, பெருவலிமை[1] [2][3] முதலியவற்றுக்காகப் போற்றப்படும் பெருந்தெய்வம் ஆவாள். சக்தியின் பொதுவான வடிவமாக பார்வதியைக் கொள்வதே மரபு. இந்தியத் தொன்மங்களில் ஆயிரத்துக்கும் மேலான வடிவங்களும், அம்சங்களும் பெயர்களும் புராணக்கதைகளும் பார்வதிக்குண்டு.[4] திருமகள், கலைமகள் ஆகியோருடன் முத்தேவியரில் ஒருத்தியாகப் பார்வதியைக் கொள்வது வழக்கம்.[5]


பார்வதி சிவபெருமானின் தேவி.[6] மலையரசனான இமவான் மேனை ஆகியோரின் மகள்.[7] கங்கைக்கு இளையவளாக அவதரித்தவள்.[8] முருகன், பிள்ளையார் ஆகியோரின் தாயும் அவளே. திருமாலின் தங்கையாக அவளைக் கொள்வதும் உண்டு.[9]

ஈசனுடன் இந்து சமயத்தின் கிளைநெறிகளில் ஒன்றான சைவநெறியின் மையத்தெய்வமாக பார்வதி விளங்குகிறாள். உயிர்களின் சிவகதிக்கு உதவுகின்ற சுத்தமாயையும், ஈசனின் திருவருட்சக்தியும்[10] அவளே என்பது சைவர்தம் நம்பிக்கை. பாரதத்தில் மாத்திரமன்றி, தெற்காசியா, தென்கிழக்காசியா முதலான பல இடங்களிலும் உமையவளின் சிற்பங்களும், நம்பிக்கைக்களும்,நிறையவே கிடைக்கின்றன.[11][12]


வேர்ப்பெயரியல்[தொகு]

பிரித்தானிய அருங்காட்சியகத்திலுள்ள 11ஆம் நூற்றாண்டு ஒடிசாச் சிற்பம், இடப்புறம் ஈசன் துணையாக இருகைகளுடன், வலப்புறம் பிள்ளையார், முருகனுடன் லலிதையாக நாற்கரங்களுடன்1872,0701.54 .


மலையரசன் மகளென்பதால், மலையைக் குறிக்கும் "பர்வதம்" எனும் வடமொழிச் சொல்லிலிருந்து "பார்வதி" எனும் பெயர் வந்தது.[6][7] இதேபொருள்தரும் "கிரிஜை", "சைலஜை", "மலைமகள்" முதலான பல பெயர்கள் அவளுக்குண்டு.[13] லலிதையின் பேராயிரம் வடமொழிநூல், அவளது ஆயிரம் திருநாமங்களைச் சொல்கின்றது.[4] "உமையவள்" என்பது பார்வதிக்குச் சமனாக, பரவலாகப் பயன்படுத்தப்படுகின்றது.[14] "அம்பிகை"(அன்னைத்தெய்வம்), சக்தி (பேராற்றல்), அம்மன், மகேசுவரி (பேரிறைவி), கொற்றவை (பேரரசி), துர்க்கை (வெல்லொணாதவள்) என்று அவளது பெயர்களின் பட்டியல் நீள்கின்றது. அன்னபூரணி, காமாட்சி, அன்னபூரணி ஆகிய பார்வதியின் இருவடிவங்களும் புகழ்பெற்றவை.[15]

வெண்மை அல்லது மஞ்சள்நிறத்தில்[16] "கௌரி"[17] என்றும், கருநிறத்தில் "காளி" என்றும் போற்றப்படும் உமையின் இருவடிவங்கள் கூட பரவலாகப் போற்றப்படுகின்றன,


வரலாறு[தொகு]

கேன உபநிடதத்தில் (3.12) "உமா ஹைமவதி" எனும் பெயர் காணப்படும் போதும்,, பார்வதி, வேதகாலத்துக்குப் பிந்திய தெய்வம் என சில ஆய்வாளர்கள்[18] கூறுகின்றனர். எனினும் சாயனரின் அனுவாக உரை, தளவாகார உபநிடதத்திலுள்ள "உமா" எனும் பெயரையும் குறிப்பிடுவதால், "உமா", "அம்பிகா" என்றெல்லாம் சொல்லும் வேதத் தெய்வம் பார்வதியே என்பதில் சந்தேகமில்லை.[19]

இராமாயணம், [[மகாபாரதம்] முதலானவற்றிலிருந்து, இதிகாச காலத்தில் (கி.மு 400 இலிருந்து கி.பி 400) பார்வதி இன்றைய சிவசக்தியாக இனங்காணப்படுகிறாள். எனினும் காளிதாசன் (ஐந்தாம் ஆறாம் நூற்றாண்டு) மற்றும் புராணங்கள் (4 முதல் 13ஆம் நூற்றாண்டுகள்) இன்றைய பார்வதியை முழுமைபெறச் செய்யும் வரலாறுகளைக் கூறுகின்றனர். ஆரியர் அல்லாத மலைக்குடிகளின் தொல்தெய்வமே பார்வதி என்பது பொதுவான கருத்தாக இருக்கின்றது.[13]

உருத்திரன், அக்னி தேவன், இயமன் முதலான வேதகாலத் தெய்வங்களின கலவையாக, சிவன் பெருவளர்ச்சி கண்டதுபோல், உமா, ஹைமவதி, அம்பிகை, காளி, கௌரி, ராத்திரி, அதிதி முதலான பழந்தெய்வங்கள் பற்றிய நம்பிக்கைகளே "பார்வதி" எனும் பெரும் தெய்வத்தைப் படைத்தன..[19][20][21]

எல்லோரா குகைச்சிற்பம் - தேவர் புடைசூழ சிவன் - பார்வதி திருமணம்.

தக்கனின் மகளும், ஈசனின் முதல் மனைவியுமான தாட்சாயிணியே மீண்டும், பார்வதியாக அவதரித்ததாக, புராணங்கள் சொல்கின்றன.[22] தாட்சாயணியை இழந்து, உலகியலிலிருந்து விலகியிருந்த ஈசனை மணக்க சிறுமியான பார்வதி முயல, அவளின் பெற்றோர் அதை மறுத்தனர். பின் அவளது உறுதியைக் கண்டு திகைத்து, அவளின் தவத்துக்கு உதவ, சூரபதுமனின் துயரம் தாங்காமல் தேவர்கள் காமனை அனுப்பி ஈசனும் பார்வதி்யும் திருமணம் செய்யத் தூண்டுகின்றனர். ஈசன் நுதல்விழி பட்டு, காமன் எரிந்து சாம்பலானான். பின்பு ஈசனே மாறுவேடத்தில வந்து, உமையவளின் மனதைக் கலைக்க முயன்றும் அவள் கலங்கவில்லை. இறுதியில் அவள் பக்திக்கிரங்கி, சிவன் - பார்வதி திருமணம் நிகழ்கின்றது.[23]


பிள்ளையார், முருகனுடன் சிவ - சக்தியர் குடும்பம்

திருமணத்தின் பின் ஈசனுடன் பார்வதியும் கயிலை செல்ல, அங்கு அவர்களுக்கு பிள்ளையார், முருகன் ஆகியோர் அவதரிக்கின்றனர்.[6][24]

மாற்றுக் கதைகள்[தொகு]

ஹரிவம்சத்தின்படி, ஏகபர்ணை, ஏகபாதலை ஆகியோரின் மூத்த சகோதரியே பார்வதி. தேவி பாகவத புராணம், சிவ மகா புராணம் கந்த புராணம் என்பவற்றின் படி, ஆதிசக்தியை, மலையரசனும் மேனையும் வேண்டித் தவமிருந்ததாலேயே அவள் அவர்களுக்கு மகளாகப் பிறக்கிறாள். பார்வதிக்கு "அசோக சுந்தரி" எனும் மகளொருத்தி உண்டு எனம் நம்பிக்கைகளும் உண்டு.[25]

சிற்பவியலும் குறியீட்டியலும்[தொகு]

பொதுவாக பேரழகியாக சித்தரிக்கப்படும் பார்வதி,[26][27] செந்துகில் உடுத்து, இருகரத்தினளாகக் காட்சி தருவாள். சங்கு, சக்கரம், பாசம், அங்குசம், கண்ணாடி, மணி, கலப்பை, கரும்புவில், மலர்ப்பாணம்[3] முதலீயவற்றை ஏந்தி, நான்கு அல்லது எட்டுக் கரங்களுடனும் அவள் சித்தரிக்கப்படுவதுண்டு.

இருகரத்தினளாக உள்ளபோது, ஒரு கரத்தை கத்யவலம்பித (கடக) முத்திரையலும், மற்றையதை அஞ்சேல் அல்லது மலரேந்திய முத்திரையிலும் அமைப்பதுண்டு. விளைந்த வயல்களைக் குறிக்கும் மஞ்சள் அல்லது பொன்னிறத்தில் அமைந்த "கௌரி"யின் வடிவத்திலும பார்வதி போற்றப்பட்டுகிறாள்.[28] காளி, துர்க்கை முதலான பயங்கரமான உருவங்களும், tமீனாட்சி, காமாட்சி போன்ற அழகொழுகும் வடிவங்களும் அவளுக்குரியவை. காமனை நினைவுகூரும் கிளி அவளது கரங்களில் காணப்படுவதும் உண்டு.[29]

சிவ சக்தியரை முறையே சிவலிங்கம் - யோனியாகக் குறிப்பது பொதுவழக்கம். இக்குறியீடு, "தோற்றம், மூலம்" என்பவற்றைக் குறிப்பிடுகின்றன[30] ஆண்மை - பெண்மை இணையும் போது தோன்றும் மீளுருவாக்கம், இனப்பெருக்கம், வளமை முதலானவற்றை இலிங்கமும் யோனியும் குறிப்பிடுக்கின்றன.[31]

மாதொருபாகன் - இலட்சியத் தம்பதிகளைக் காட்டும் இந்து எண்ணக்கரு.

பார்வதியின் பல வடிவங்கள்[தொகு]

உசாவியவை[தொகு]

  1. H.V. Dehejia, Parvati: Goddess of Love, Mapin, ISBN 978-8185822594
  2. James Hendershot, Penance, Trafford, ISBN 978-1490716749, pp 78
  3. 3.0 3.1 Suresh Chandra (1998), Encyclopaedia of Hindu Gods and Goddesses, ISBN 978-8176250399, pp 245-246
  4. 4.0 4.1 Keller and Ruether (2006), Encyclopedia of Women and Religion in North America, Indiana University Press, ISBN 978-0253346858, pp 663
  5. Frithjof Schuon (2003), Roots of the Human Condition, ISBN 978-0941532372, pp 32
  6. 6.0 6.1 6.2 Edward Balfour, Parvati at கூகுள் புத்தகங்கள், The Encyclopaedia of India and of Eastern and Southern Asia, pp 153
  7. 7.0 7.1 H.V. Dehejia, Parvati: Goddess of Love, Mapin, ISBN 978-8185822594, pp 11
  8. William J. Wilkins, Uma - Parvati, Hindu Mythology - Vedic and Puranic, Thacker Spink London, pp 295
  9. Edward Washburn Hopkins, Epic Mythology at கூகுள் புத்தகங்கள், pp. 224-226
  10. ஆறுமுகநாவலர், "சைவவினாவிடை"
  11. Ananda Coomaraswamy, Saiva Sculptures, Museum of Fine Arts Bulletin, Vol. 20, No. 118 (Apr., 1922), pp 15-24
  12. Hariani Santiko, The Goddess Durgā in the East-Javanese Period, Asian Folklore Studies, Vol. 56, No. 2 (1997), pp. 209-226
  13. 13.0 13.1 Kinsley p.41
  14. Gopal, Madan (1990). K.S. Gautam. ed. India through the ages. Publication Division, Ministry of Information and Broadcasting, Government of India. p. 68. 
  15. Kinsley pp. 142-143
  16. Ernest Payne (1997), The Saktas: An Introductory and Comparative Study, Dover, ISBN 978-0486298665, pp 7-8, 13-14
  17. Edward Balfour, Parvati at கூகுள் புத்தகங்கள்
  18. Kinsley p.36
  19. 19.0 19.1 John Muir, Original Sanskrit Texts on the Origin and History of the People of India at கூகுள் புத்தகங்கள், pp 422-436
  20. Weber in Hindu Mythology, Vedic and Purbnic By William J. Wilkins p.239
  21. Tate p.176
  22. William J. Wilkins, Uma - Parvati, Hindu Mythology - Vedic and Puranic, Thacker Spink London, pp 300-301
  23. Kinsley p.43
  24. Ganesa: Unravelling an Enigma By Yuvraj Krishan p.6
  25. James W. Haag et al (2013), The Routledge Companion to Religion and Science, Routledge, ISBN 978-0415742207, pp 491-496
  26. Wilkins pp.247
  27. Harry Judge (1993), Devi, Oxford Illustrated Encyclopedia, Oxford University Press, pp 10
  28. The Shaktas: an introductory comparative study Payne A.E. 1933 pp. 7, 83
  29. Devdutt Pattanaik (2014), Pashu: Animal Tales from Hindu Mythology, Penguin, ISBN 978-0143332473, pp 40-42
  30. James Lochtefeld (2005), "Yoni" in The Illustrated Encyclopedia of Hinduism, Vol. 2: N–Z, pp. 784, Rosen Publishing, ISBN 0-8239-2287-1
  31. James Lochtefeld (2005), "Yoni" in The Illustrated Encyclopedia of Hinduism, Vol. 2: N–Z, pp. 784, Rosen Publishing, ISBN 0-8239-2287-1
  32. Kinsley p.96


"https://ta.wikipedia.org/w/index.php?title=பார்வதி&oldid=1903406" இருந்து மீள்விக்கப்பட்டது