மோரிகோன்

மோரிகோன்
நகரம்
மோரிகோன் கல்லூரி
மோரிகோன் அசாம் மாநிலத்தில் மோரிகோன் நகரத்தின் அமைவிடம் மோரிகோன் மோரிகோன் (இந்தியா)
ஆள்கூறுகள்: 26.253317°N 92.342405°E / 26.253317; 92.342405
நாடு	India
மாநிலம்	அசாம்
கோட்டம்	நடு அசாம் கோட்டம்
மாவட்டம்	மரிகாவன் மாவட்டம்
அரசு
• வகை	நகராட்சி
• நிர்வாகம்	மோரிகோன் நகராட்சி
மக்கள்தொகை  (2011)
• மொத்தம்	29,164
மொழிகள்
• அலுவல் மொழி	அசாமிய மொழி
நேர வலயம்	ஒசநே+5:30 (இந்திய சீர் நேரம்)
அஞ்சல் சுட்டு எண்	782105
ஐஎசுஓ 3166 குறியீடு	IN-AS
வாகனப் பதிவு	AS
இணையதளம்	morigaon.nic.in

மோரிகோன் (Morigaon), வடகிழக்கு இந்தியாவின் அசாம் மாநிலத்தில் நடு அசாம் கோட்டத்தில் அமைந்த மரிகாவன் மாவட்டத்தின் நிர்வாகத் தலைமையிட நகரம் மற்றும் நகராட்சி ஆகும்.மோரிகோன் நகரம் மாநிலத் தலைநகரான குவாகாத்திக்கு கிழக்கே 77 கிலோ மீட்டர் தொலைவில் உள்ளது. தேசிய நெடுஞ்சாலை எண் 27 மோரிகானை குவாகாத்தி நகரத்தை இணைக்கிறது.

மக்கள் தொகை பரம்பல்

2011 இந்திய மக்கள் தொகை கணக்கெடுப்பு படி 8 வார்டுகளும், 6,627 வீடுகளும் கொண்ட மோரிகோன் நகரத்தின் மக்கள் தொகை 29,164 ஆகும். அதில் ஆண்கள் 14,793 மற்றும் பெண்கள் 14,371 ஆக உள்ளனர். பாலின விகிதம் 1000 ஆண்களுக்கு 971 பெண்கள் வீதம் உள்ளனர். இதன் மக்கள் தொகையில் 6 வயதிற்குட்பட்ட குழந்தைகள் 11% ஆகவுள்ளனர். இதன் சராசரி எழுத்தறிவு 89.4% ஆகவுள்ளது. இதன் மக்கள் தொகையில் பட்டியல் சமூகத்தினரும், பட்டியல் பழங்குடியினரும் முறையே 4,414 மற்றும் 3,305 ஆகவுள்ளனர்.

இதன் மக்கள் தொகையில் இந்துக்கள் 77.84%, இசுலாமியர் 21.77% மற்றும் பிறர் 0.29% ஆகவுள்ளனர்.

போக்குவரத்து

வடகிழக்கு எல்லைப்புறத் தொடருந்து மண்டலத்தின் இருப்புப் பாதைகள் குவாகாத்தி-லாம்டிங் நகரங்களை இணைக்கும் தொடருந்துகள், மோரிகோன் நகரத்திற்கு 19 கிலோ மீட்டர் தொலைவில் உள்ள சபர்முக் சந்திப்பு தொடருந்து நிலையம் வழியாகச் செல்கிறது.

இதனையும் காண்க

• அசாம் மாநிலத்தின் கோட்டங்கள்