சிவனேசத்துரை சந்திரகாந்தன்

கட்டற்ற கலைக்களஞ்சியமான விக்கிப்பீடியாவில் இருந்து.
(பிள்ளையான் இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
சிவனேசத்துரை சந்திரகாந்தன்
கிழக்கு மாகாணத்தின் முதலாவது முதலமைச்சர்
பதவியில்
மே 16, 2008 – சூன் 27, 2012
முன்னவர் எவருமில்லை
பின்வந்தவர் நஜீப் அப்துல் மஜீத்
தொகுதி மட்டக்களப்பு மாவட்டம்
தனிநபர் தகவல்
பிறப்பு ஆகத்து 18, 1975 (1975-08-18) (அகவை 41)
பேத்தாழை, வாழைச்சேனை
தேசியம் இலங்கைத் தமிழர்
அரசியல் கட்சி தமிழ் மக்கள் விடுதலைப் புலிகள்
சமயம் இந்து
இணையம் www.cmsep.lk

பிள்ளையான் என அறியப்படும் சிவனேசத்துரை சந்திரகாந்தன் (பிறப்பு: ஓகஸ்ட் 18, 1975) இலங்கையின் முன்னாள் கிழக்கு மாகாண முதலமைச்சரும்[1] தமிழ் மக்கள் விடுதலைப் புலிகள் (தமவிபு) கட்சியின் தலைவருமாவார். விடுதலைப் புலிகளின் முன்னாள் போராளியான இவர் கருணா என அறியப்பட்ட விநாயகமூர்த்தி முரளிதரனுடன் தமிழீழ விடுதலைப் புலிகள் அமைப்பிலிருந்து 2004 ஆம் ஆண்டு ஏப்ரல் மாதம் பிரிந்துச் சென்று கருணா குழுவில் முக்கிய தலைவராக செயற்பட்டார்.

2007 ஏப்ரலில் தமவிபு கட்சியில் இடம்பெற்ற உள்ளக மோதலை அடுத்து, கருணா கட்சியில் இருந்து வெளியேறியதை அடுத்து, பிள்ளையான் கட்சித் தலைவரானார். 2008 கிழக்கு மாகாணசபைத் தேர்தலில் போட்டியிட்டு வெற்றி பெற்று மாகாணசபை முதலமைச்சரானார்.[2]

வாழ்க்கைச் சுருக்கம்[தொகு]

மட்டக்களப்பு மாவட்டம், வாழைச்சேனை, பேத்தாழையைப் பிறப்பிடமாகக் கொண்ட பிள்ளையான் பேத்தாழை விபுலானந்தா வித்தியாலயத்திலும் பின்னர் வாழைச்சேனை இந்துக்கல்லூரியில் க.பொ.த. (சாதாரண தர) வகுப்பு (தரம் 11) வரை கல்வி பயின்றவர்.

1990 ஏப்ரல் 4 இல் தமிழீழ விடுதலைப் புலிகள் இயக்கத்தில் தனது 15வது வயதில் "பிள்ளையான்" என்ற இயக்கப் பெயரில் போராளியாக இணைந்தார். 1997 இல் முல்லைத்தீவு இராணுவமுகாம் தாக்குதல், 2001 இல் ஆனையிறவு முகாம் தாக்குதல் ஆகியவற்றில் பங்கு பற்றினார்.

2004 இல் விடுதலைப் புலிகள் அமைப்பில் இருந்து கருணா அணியுடன் சேர்ந்து விலகி அவ்வமைப்பில் பதில் தலைவரானார். கருணாவின் சகோதரர் ரெஜி கொல்லப்பட்டதைத் தொடர்ந்து அவ்வமைப்பின் இராணுவப் பிரிவின் தலைவரானார். 2007 இல் கருணா அணியில் இடம்பெற்ற உள்ளக மோதல்களைத் தொடர்ந்து கருணா இலண்டனுக்குத் தப்பி ஓடியதை அடுத்து அவ்வமைப்பின் தலைவரானார்.

மக்கள் பணி[தொகு]

முப்பது வருட கால யுத்தத்தினால் பாதிக்கப்பட்ட கிழக்குத்தமிழர்களின் வாழ்க்கைத்தரத்தை உயர்நிலைக்கு கொண்டு செல்ல மிகவும் அளப்பரிய சேவைகள் ஆற்றியுள்ளார்.

கல்வித்தரத்தை முன்னேற்ற பாடசாலைகளுக்கு தேவையான அனைத்து வசதிகளையும் ஏற்படுத்திக்கொடுத்தார்

அத்தோடு இரண்டு புதிய கல்வி வலயங்களை உருவாக்கினார்.

போக்குவரத்தை இலகு படுத்த பல வீதிகளை புனரமைத்துக் கொடுத்துள்ளார்

முப்பது வருட காலமாக அகதிகளாய் இருந்த தென்னைமரவாடி என அழைக்கப்படும் கிராம மக்களை மீளக்குடியமர்த்தினார்.

அத்தோடு சம்பூர் கட்டைப்பறிச்சான் மக்களையும் மீளக்குடியேற்றினார்.

வாழைச்சேனையில் சந்திரகாந்தன் வித்தியாலயத்தை உருவாக்கினார்.

பேத்தாழையில் நூலகம் ஒன்றை அமைத்துக் கொடுத்துள்ளார்.

மட்டக்களப்பு பஸ்திப்பு நிலையத்தை புதிதாக அமைத்துக்கொடுத்தார்

ஆசியாவிலே பெரிய நூலகமொன்றை உருவாக்க மட்டக்களப்பிலே அடித்தளமிட்டு இன்று குறையோடு கைவிடப்பட்டு உள்ளது.

கைது[தொகு]

  • மகிந்த அரசாங்கத்திற்கு ஆதரவு வழங்கியதற்காக அரசியல் பழிவாங்கலுக்கு உட்பட்ட சந்திரகாந்தன் தமிழ்த் தேசியக் கூட்டமைப்பு நாடாளுமன்ற உறுப்பினர் யோசப் பரராஜசிங்கம், படுகொலைகள் தொடர்பாக விசாரணைக்காக 2015 அக்டோபர் 14 அன்று குற்றத்தடுப்புப் புலனாய்வுத்துறையால் கைது செய்யப்பட்டு தடுப்புக் காவலில் வைக்கப்பட்டார்.[3][4]பின்னர் மட்டக்களப்பு சிறைச்சாலைக்கு மாற்றப்பட்டு மட்டக்களப்பு நீதிமன்றத்தில் வழக்குத் தொடரப்பட்டு விசாரணைக்குட்படுத்தப்பட்டுள்ளார்.

மேற்கோள்கள்[தொகு]

  1. "CM appointment illegal - Hisbullah". BBC News. 16 May, 2008. http://www.bbc.co.uk/sinhala/news/story/2008/05/080516_pillayan_cm.shtml. 
  2. Pillayan sworn in Chief Minister தி இந்து - May 17, 2008
  3. டி. பி. எஸ். ஜெயராஜ் (16 அக்டோபர் 2015). "TMVP Leader “Pillaiyaan” Implicated in Assassinations of TNA Parliamentarians Pararajasingham and Raviraj". பார்த்த நாள் 17 அக்டோபர் 2015.
  4. "Chief Magistrate Pilapitiya orders Pilaiyan to be detained in CID custody till Nov. 04". தி ஐலண்டு (15 அக்டோபர் 2015). பார்த்த நாள் 17 அக்டோபர் 2015.