நேபாள அரசு

நேபாள அரசு

नेपाल सरकार
துறை மேலோட்டம்
ஆட்சி எல்லை	நேபாள ஜனநாயக கூட்டாட்சிக் குடியரசு
தலைமையகம்	சிங்க தர்பார், காட்மாண்டு
அமைச்சர்	கட்க பிரசாத் சர்மா ஒளி, பிரதம அமைச்சர்
அமைப்பு தலைமை	இராஜேந்திர கிசோர் சத்திரி, தலைமைச் செயலாளர்
வலைத்தளம்	www.nepal.gov.np/NationalPortal/EN

நேபாள அரசு (Government of Nepal) (நேபாளி: नेपाल सरकार), நேபாளத்தின் உயர் நிர்வாக அமைப்பும், மைய அரசாகும்.

நேபாள இராச்சியத்தில் மன்னராட்சி முறை ஒழிக்கப்படுவதற்கு முன்னர் நேபாள அரசை மன்னரின் மாட்சிமை வாய்ந்த அரசு என அழைக்கப்பட்டது.(நேபாளி: श्री ५ को सरकार).

நேபாள நாட்டின் அதிபராக குடியரசுத் தலைவரும், நேபாள அரசின் நிர்வாகத் தலைவராக பிரதம அமைச்சரும் செயல்படுகின்றனர்.

நேபாள நாடாளுமன்றத்தால் தேர்ந்தெடுக்கப்பட்ட பிரதம அமைச்சரின் தலைமையிலான அமைச்சரவையின் பரிந்துரைகளின் படி, குடியரசுத் தலைவர் செயலாற்றுகிறார்.

குடியரசுத் தலைவரின் அதிகாரங்கள் சடங்கு பூர்வமானதே.

நேபாளத்தின் அரசியலமைப்புக்குட்பட்ட அமைப்புகளின் தலைவர்களை, அமைச்சரவையின் பரிந்துரைகளின் படியே, குடியரசுத் தலைவர் நியமிக்கிறார். விதிவிலக்காக, நேபாள அரசின் தலைமை வழக்கறிஞரை மட்டும் பிரதம அமைச்சரே நியமிப்பார்.

வரலாறு

முதன்மைக் கட்டுரை: நேபாள இராச்சியம்

முதன்மைக் கட்டுரை: நேபாள மன்னர்கள்

முதன்மைக் கட்டுரை: நேபாள பிரதம அமைச்சர்கள்

1768ல் ஷா வம்ச மன்னர் பிரிதிவி நாராயணன் ஷா, ஒன்றுபட்ட நேபாள இராச்சியத்தை நிறுவினார்.

பின்னர் மன்னர் கீர்வான் யுத்த விக்ரம் ஷா ஆட்சிக் காலத்தில் மன்னருக்கு ஆலோசனை வழங்க மூல்-கஜி எனும் பதவிப் பெயரில் பிரதம அமைச்சர் பதவி உருவாக்கப்பட்டது.

நேபாள மன்னர் ராணா பகதூர் ஷா 1806ல் முக்தியார் எனும் பிரதம அமைச்சர் பதவியை உருவாக்கினார். நாட்டின் அன்றாட நிர்வாகத்தின் தலைமை அலுவலராக முக்தியார் செயல்பட்டார்.

15 செப்டம்பர் 1846 முதல் ராணா வம்சத்தின் ஜங் பகதூர் ராணா, நேபாள மன்னர்களை கைப்பாவை பொம்மை அரசர்களாகக் கொண்டு, அவரது வழித்தோன்றல்கள், நேபாள பிரதம அமைச்சர்களாக 1951 முடிய பதவி வகித்தனர்.

ராணா வம்ச பரம்பரை பிரதம அமைச்சர்களுக்குப் பின்

• 1951 முதல் 1960 வரை நேபாள முடியாட்சிக்குட்பட்ட பிரதம அமைச்சர்கள் நாட்டின் நிர்வாகத்தை மேற்கொண்டனர்.
• 1960 முதல் 1990 முடிய நேபாள தேசியப் பஞ்சாயத்து ஆட்சி முறையில் பிரதம அமைச்சர்கள் செயல்பட்டனர்.
• 1990 முதல் 2008 முடிய முடியாட்சிக்கு உட்பட்ட அரசியல் அமைப்புச் சட்டத்தின் கீழ் பிரதம அமைச்சர்கள் செயல்பட்டனர்.
• 2008 முதல் நேபாளத்தில் மன்னராட்சி முறை நீக்கப்பட்டு, நேபாள ஜனநாயக கூட்டாட்சிக் குடியரசு நிறுவப்பட்டது. நேபாளத்தின் முதல் குடியரசுத் தலைவராக ராம் பரன் யாதவ் மற்றும் முதல் பிரதம அமைச்சராக கிரிஜா பிரசாத் கொய்ராலாவும் நாடாளுமன்றத்தால் தேர்ந்தெடுக்கப்பட்டனர்.

நேபாள அரசின் தலைவர்கள்

• குடியரசுத் தலைவர்: வித்யா தேவி பண்டாரி
• துணை குடியரசுத் தலைவர்: நந்த கிசோர் பூன்

நிர்வாகத் தலைவர்கள்

• பிரதம அமைச்சர் : கட்க பிரசாத் சர்மா ஒளி
• தலைமை அரசுச் செயலாளர் : லோக் தர்சன் ரெக்மி
• துறைகளின் அரசுச் செயலாளர்கள்

நாடாளுமன்ற அவைத் தலைவர்கள்

• பிரதிநிதிகள் சபையின் சபாநாயகர்: கிருஷ்ண பகதூர் மகாரா
• நேபாள தேசிய சபையின் தலைவர்

நீதித் துறை

• நேபாள உச்ச நீதிமன்றத்தின் தலைமை நீதியரசர்: தீபக் ராஜ் ஜோஷி (தற்காலிகம்)

நேபாள அமைச்சரவை

அமைச்சகம்	அமைச்சர்	பதவியேற்ற நாள்
பிரதம அமைச்சர்	கட்க பிரசாத் சர்மா ஒளி	15 பிப்ரவரி 2018
உள்துறை	ராம் பகதூர் தாபா	26 பிப்ரவரி 2018
நிதித்துறை	யுவ ராஜ் கட்டிவாடா	26 பிப்ரவரி 2018
வெளியுறவுத் துறை	பிரதீப் குமார் குவாலி	16 மார்ச் 2018
பாதுகாப்புத் துறை	ஈஸ்வர் பொக்ரேல்	26 பிப்ரவரி 2018
கூட்டாட்சி விவகாரம் மற்றும் பொது நிர்வாகத் துறை	லால் பாபு பண்டிட்	16 மார்ச் 2018
கல்வித் துறை	கிரிராஜ் மணி பொக்ரேல்	16 மார்ச் 2018
உட்கட்டமைப்பு மற்றும் போக்குவரத்துத் துறை	ரகுவீர மகாசேத்	16 மார்ச் 2018
காடுகள் மற்றும் சூற்றுச்சூழல் துறை	சக்தி பசனேத்	16 மார்ச் 2018
தொழில், வணிகம் மற்றும் விநியோகத் துறை	மாத்திரிக பிரசாத் யாதவ்	26 பிப்ரவரி 2018
பண்பாடு, சுற்றுலா மற்றும் உள்நாட்டு விமான போக்குவரத்துத் துறை	ரவீந்திர பிரசாத் அதிகாரி	16 மார்ச் 2018
தகவல் மற்றும் செய்தித் தொடர்புத் துறை
வேளாண்மை, நிலநிர்வாகம் மற்றும் கூட்டுறவு அமைச்சகம்	சக்கரபாணி கனால்	16 March 2018
தொழிலாளர் நலன் மற்றும் வேலைவாய்ப்பு அமைச்சகம்	கோகர்ண பிஸ்தா	16 மார்ச் 2018
நகர வளர்ச்சி அமைச்சகம்
சட்டம், நீதி, நாடாளுமன்ற விவகார அமைச்சகம்	செர் பகதூர் தமாங்	16 மார்ச் 2018
நீர் ஆதாரங்கள் மற்றும் ஆற்றல் திறன் அமைச்சகம்	பர்சமன் பூன்	16 மார்ச் 2018
மகளிர் மற்றும் குழந்தைகள் நலம் மற்றும் சமூக பாதுகாப்பு அமைச்சகம்	தம் மாயா தாபா	15 பிப்ரவரி 2018
சுகாதாரம் மற்றும் மக்கள்தொகை அமைச்சகம்
நீர் விநியோக அமைச்சகம்	வீணா மகர்	16 மார்ச் 2018
இளைஞர் மற்றும் விளையாட்டு அமைச்சகம்	ஜெகத் பகதூர் விஸ்வகர்மா	16 மார்ச் 2018

அரசியலமைப்புச் சட்டத்தின் அமைப்புகள்

அரசியலமைப்பு நிறுவனங்கள்	தலைவர்
	பதவிப் பெயர்	தற்போதைய தலைவர்
அதிகார துஷ்பிரயோக விசாரணை ஆணையம்	தலைமை ஆணையாளர்	நவீன் குமார் கிமிரே
அரசு தலைமை வழக்கறிஞர்	அட்டர்னி ஜெனரல்	அக்னி கரோல்
அரசு தலைமை தணிக்கையாளர்	ஆடிட்டர் ஜெனரல்	தங்க மணி சர்மா
தேர்தல் ஆனையம்	தலைமை தேர்தல் ஆணையாளர்	அயோத்தி பிரசாத் யாதவ்
பணியாளர் தேர்வு ஆணையம்	தலைவர்	உமேஷ் மைனாலி
தேசிய மனித உரிமை ஆணையம்	தலைவர்	அனுப் ராஜ் சர்மா

நேபாள பாதுகாப்புத் துறைகள்

பாதுகாப்புத் துறைகள்	தலைமை முகமை
	பதவிப் பெயர்	தற்போதைய நபர்
இராணுவம்	தலைமைப் படைத் தலைவர்	ஜெனரல். இராஜேந்திர சேத்திரி
காவல் துறை	இன்ஸ்பெக்டர் ஜெனரல்	பிரகாஷ ஆர்யால்
காவல்துறை ஆயுதப்படை	இன்ஸ்பெக்டர் ஜெனரல்	சிங்க பகதூர் சிரேஸ்தா
தேசிய புலனாய்வுத் துறை	இன்ஸ்பெக்டர் ஜெனரல்	திலீப் ராஜ் ரெக்மி

இதனையும் காண்க

• நேபாள ஜனநாயக கூட்டாட்சிக் குடியரசு
• நேபாள குடியரசுத் தலைவர்
• நேபாள பிரதம அமைச்சர்கள்
• நேபாள மன்னர்கள்
• நேபாள இராச்சியம்

வெளி இணைப்புகள்

• நேபாள அரசின் இணையத்தளம் பரணிடப்பட்டது 2018-08-31 at the வந்தவழி இயந்திரம்