கட்க பிரசாத் சர்மா ஒளி

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
கட்க பிரசாத் சர்மா ஒளி
खड्ग प्रसाद ओली
கட்க பிரசாத் சர்மா ஒளி
38ஆவது நேபாள பிரதம அமைச்சர்கள்
பதவியில்
15 பிப்ரவரி 2018 – 13 சூலை 2021
குடியரசுத் தலைவர் வித்யா தேவி பண்டாரி
முன்னவர் செர் பகதூர் தேவ்பா
பின்வந்தவர் செர் பகதூர் தேவ்பா
பதவியில்
12 அக்டோபர் 2015 – 4 ஆகத்து 2016
குடியரசுத் தலைவர் வித்யா தேவி பண்டாரி
முன்னவர் சுசில் கொய்ராலா
பின்வந்தவர் பிரசந்தா
தலைவர் நேபாள கம்யுனிஸ்ட் கட்சி (மார்க்சிஸ்ட்-லெனினிஸ்ட் ஒன்றியம்)
பதவியில் உள்ளார்
பதவியேற்பு
சூலை 2014
முன்னவர் சாலா நாத் கனால்
நேபாள வெளியுறவுத்துறை அமைச்சர்
பதவியில்
2006–2007
நேபாள உள்துறை அமைச்சர்
பதவியில்
1994–1995
தனிநபர் தகவல்
பிறப்பு 22 பெப்ரவரி 1952 (1952-02-22) (அகவை 70)
தேஹ்ரதும், நேபாளம்
அரசியல் கட்சி நேபாள கம்யுனிஸ்ட் கட்சி (மார்க்சிஸ்ட்-லெனினிஸ்ட் ஒன்றியம்)
வாழ்க்கை துணைவர்(கள்) ராதிகா சக்கியா
இணையம் Official website

கட்க பிரசாத் சர்மா ஒளி அல்லது கே. பி. சர்மா ஒளி (ஆங்கில மொழி: Khadga Prasad Sharma Oli or K. P. Sharma Oli) (நேபாளி: खड्ग प्रसाद शर्मा ओली; பிறப்பு: 22 பிப்ரவரி 1952), நேபாளத்தின் 38வது பிரதம அமைச்சராக 11 அக்டோபர் 2015 முதல் 3 ஆகஸ்டு 2016 முடிய இருந்தவர்.[1] நேபாள மார்க்சிஸ்ட்-லெனினிஸ்ட் கட்சியின் தலைவரான கட்க பிரசாத் ஒளி, 2015 நேபாள அரசியலமைப்பு சட்டத்தின் படி தேர்ந்தெடுக்கப்பட்ட இரண்டாவது பிரதம அமைச்சர் ஆவார். இவர் இரண்டாம் முறையாக 15 பிப்ரவரி 2018 முதல் 17 சூலை 2021 முடிய பிரதமர் அமைச்சர் பதவியில் இருந்தார். ஆளும் நேபாள பொதுவுடமைக் கட்சியில் பிளவு ஏற்பட்டதால் நாடாளுமன்றத்தில் இவர் பெரும்பான்மையை இழந்தார். மேலும் நேபாள உச்ச நீதிமன்றத்தின் அரசியல் சாசன அமர்வின் தீர்ப்புப் படி, இவர் 13 சூலை 2021 அன்று பதவி துறந்தார்.[2][3]

இவர் நேபாள பிரதமராக முதல் முறையாக 11 அக்டோபர் 2015 முதல் 3 ஆகஸ்டு 2016 முடியவும், இரண்டாம் முறையாக 15 பிபரவரி 2018 முதல் 13 மே 2021 முடியவும், மூன்றாம் முறையாக 15 பிப்ரவரி 2018 முதல் 13 மே 2021 வரையும் பதவியின் இருந்தார். [4][5][6][7][8][9]

வாழ்க்கை[தொகு]

மோகன் பிரசாத் ஒளி - மதுமாயா இணையருக்கு 22 பிப்ரவரி 1952ல், கிழக்கு நேபாளத்தின் நேபாள மாநில எண் 3ல் உள்ள தேஹ்ரதுமில் பிறந்தவர்.[10][11][12] துவக்கக் கல்வியை தேஹ்ரதுமிலும், மேனிலை பள்ளிக் கல்வியை ஜாபாவிலும் பயின்றார்.[13]

இளங்கலை முதலாண்டு தேர்வு முடித்தவுடன் சிறைக்கு சென்று திரும்பிய சர்மா ஒளிக்கு, ராதிகா சாக்கியா எனும் பொதுவுடமை சிந்தனை கொண்டவருடன் திருமணம் செய்து கொண்டார்.[14]

அரசியல் வாழ்க்கை[தொகு]

மார்க்சிஸ்ட் கிளர்ச்சிகள் 1966 - 1991[தொகு]

1960ன் துவக்கத்தில் அரசியல் கட்சிகள் அற்ற பஞ்சாயத்து முறையில் அரசு அமைப்புகள் இயங்கிக் கொண்டிருந்த காலத்தில், கே. பி. சர்மா ஒளி, 1970ல் நேபாள பொதுவுடமைக் கட்சியில் இணைந்தார். சர்மா ஒளி 1973 முதல் 1987 முடிய தொடர்ந்து 14 ஆண்டுகள் சிறையில் அடைக்கப்பட்டார். சிறையிலிருந்து வெளியே வந்த கே. பி. ஒளி, நேபாள பொதுவுடமைக் கட்சி (ஐக்கிய மார்க்சிஸ்ட்-லெனினிஸ்ட்) கட்சியின் மத்தியக் குழு உறுப்பினாகவும், லும்பினி மண்டல பொறுப்பாளராகவும் 1990 முடிய பணியாற்றியனார்.

பல கட்சி ஜனநாயக அரசியல் 1991 - தற்போது வரை[தொகு]

1990 மக்கள் புரட்சி காரணமாக, நேபாளத்தில் முழுமையான முடியாட்சி முறை ஒழிக்கப்பட்டு, அரசியலமைப்பிற்குட்பட்ட முடியாட்சி முறைக்கு வித்திட்டது. மேலும் அரசியல் கட்சிகள் அற்ற நேபாள தேசியப் பஞ்சாயத்து ஆட்சி முறை ஒழிக்கப்பட்டது.[15] 1922ல் நேபாள பொதுவுடமை (ஐக்கிய மார்க்சிஸ்ட்-லெனினிஸ்ட்) கட்சியின் வெளியுறக் குழுவின் தலைவராக இருந்த கே. பி. சர்மா ஒளி, நேபாள ஜனநாயக இளைஞர் கூட்டமைப்பை நிறுவினார்.

1991ல் நாடாளுமன்றத்திற்கு, ஜாப்பா மாவட்டத் தொகுதி எண் 6லிருந்து கெ. பி. சர்மா ஒளி தேர்ந்தெடுக்கப்பட்டார். 1994 - 1995ல் நேபாள அரசின் உள்துறை அமைச்சராக பதவி வகித்தார். இரண்டாம் முறையாக 1999ல் ஜாப்பா மாவட்டத் தொகுதி எண் 2லிருந்து மீண்டும் நாடாளுமன்றத்திற்குத் தேர்ந்தெடுக்கப்பட்டார்.

2006ல் நேபாள இடைக்கால அரசில், கே. பி. சர்மா ஒளி, நேபாள துணை பிரதம அமைச்சராக நியமிக்கப்பட்டார்.[16][17] கே. பி. சர்மா ஒளி, ஏப்ரல் 2006 2007 முடிய வெளியுறவுத் துறை அமைச்சராக நியமிக்கப்பட்டார்.

2013ல் முதல் அரசியலமைப்பு நிர்ணய மன்றத் தேர்தலில் ஜாப்பா தொகுதி எண் 7லிருந்து தேர்ந்தெடுக்கப்பட்டார்.

பின்னர் 4 பிப்ரவரி 2014ல் நடைபெற்ற இரண்டாவது அரசியலமைப்பு நிர்ணய மன்றத் தேர்தலிலும் வெற்றி பெற்ற கே. பி. சர்மா ஒளி, நேபாள பொதுவுடமை (மார்க்சிஸ்ட்-லெனினிஸ்ட்) கட்சியின் நாடாளுமன்றக் கட்சித் தலைவராக தேர்ந்தெடுக்கப்பட்டார்.[18] சூலை, 2014ல் கே. பி. சர்மா ஒளி, நேபாள பொதுவுடமை (மார்க்சிஸ்ட்-லெனினிஸ்ட்) கட்சியின் தலைவராக தேர்ந்தெடுக்கப்பட்டார்.[19][20]

12 அக்டோபர் 2015ல் கே. பி. சர்மா ஒளி, நேபாள கம்யுனிஸ்ட் கட்சி (மாவோயிஸ்ட்) ஆதரவுடன், நேபாள பிரதம அமைச்சராக தேந்தெடுக்கப்பட்டார்.[21]

13 சூலை 2016ல் மாவோயிஸ்ட் கட்சி சர்மா ஒளி அரசுக்கான ஆதரவை விலக்கவே, 24 சூலை 2016ல் கே. பி. சர்மா ஒளி பிரதமர் பதவியிலிருந்து விலகினார்.

2017 நேபாள நாடாளுமன்றத் தேர்தலில் கே. பி. சர்மா ஒளி தலைமையிலான இடதுசாரி கூட்டணி பெரும்பான்மையான தொகுதிகளைக் கைப்பற்றியது.

2020-இல்நேபாள பிரதிநிதிகள் சபையை சர்மா தன்னிச்சையாக கலைத்தார்.[22] இதற்கு குடியரசுத் தலைவரும் ஒப்புதல் கொடுத்தார். ஆனால் சபை கலைப்பு வழக்கில், நேபாள உச்ச நீதிமன்றம், சர்மாவிற்கு சபையை கலைக்கும் அதிகாரம் இல்லை என 23 பிப்ரவரி 2021 அன்று தீர்ப்பு வழங்கியது. [23].8 மார்ச் 2021 அன்று மீண்டும் பிரதிநிதிகள் சபையை கூட்ட வேண்டும் என்றும் தீர்ப்பு வழங்கியது.[24]இதனால் கலைக்கப்பட்ட பிரதிநிதிகள் சபை மீண்டும் உயிர் பெற்றது. எனவே சர்மா பிரதிநிதிகள் சபையில் நம்பிக்கை வாக்கெடுப்பு நடத்த வேண்டியதாயிற்று.

10 மே 2021 அன்று நேபாள பிரதிநிதிகள் சபையில் நடைபெற்ற நம்பிக்கை வாக்கெடுப்பில், கட்க பிரசாத் சர்மா ஒளிக்கு ஆதரவாக 93 பிரதிநிதிகளும், எதிராக 124 பிரதிநிதிகளும் வாக்களித்தனர். எனவே நேபாள பிரதிநிதிகள் சபை உறுப்பினர்களின் பெரும்பான்மையினர் நம்பிக்கை இழந்த சர்மா ஒளி பிரதமர் பதவிலியிலிருந்து விலகினார்.[25][26] பின்னர் குடியரசுத் தலைவர் அனுமதியின் பேரில் இவர் தற்காலிக பிரதம அமைச்சராக பதவியேற்றார். நேபாள உச்ச நீதிமன்றத்தின் தீர்ப்புப்படி இவர் 17 சூலை 2021 அன்று பதவியை துறந்தார்.[27]இவருக்குப் பதிலாக செர் பகதூர் தேவ்பா 18 சூலை 2021 அன்று பிரதமராக பதவியேற்றார்.

இதனையும் காண்க[தொகு]

மேற்கோள்கள்[தொகு]

  1. "Oli I elected 38th Prime Minister of Nepal (Update)". The Kathmandu Post. 11 October 2015 அன்று பார்க்கப்பட்டது.
  2. Court orders President to appoint Congress leader Deuba prime minister by 18 July 2021
  3. நேபாளத்தின் புதிய பிரதமராக ஷெர் பகதூர் தேவ்பா நியமனம் -உச்ச நீதிமன்றம் உத்தரவு
  4. "Oli elected 38th Prime Minister of Nepal (Update)". The Kathmandu Post. 11 October 2015 அன்று பார்க்கப்பட்டது.
  5. "Oli appointed as 41st PM of Nepal". My Republica Online. 15 February 2018 அன்று பார்க்கப்பட்டது.
  6. "KP Sharma Oli appointed Nepal's new prime minister". www.aljazeera.com. 15 February 2018 அன்று பார்க்கப்பட்டது.
  7. "Oli as 41st PM of Nepal – Bolchha Nepal". Bolchha Nepal. 15 February 2018. https://www.bolchhanepal.com/oli-41st-pm-nepal/. 
  8. "Nepal Prime Minister Oli loses vote of confidence in Parliament". kathmandupost.com (in English). 2021-05-12 அன்று பார்க்கப்பட்டது.CS1 maint: unrecognized language (link)
  9. "Nepal SC orders to appoint Sher Bahadur Deuba as PM within next 28 hours". Hindustan Times (in ஆங்கிலம்). 2021-07-12. 2021-07-12 அன்று பார்க்கப்பட்டது.
  10. "Read a brief biography on newly elected PM KP Sharma Oli". The Kathmandu Post. Kantipur Publications. 8 December 2017 அன்று பார்க்கப்பட்டது.
  11. "The Original Maoist". Nepali Times. http://www.nepalitimes.com/blogs/thebrief/2015/10/11/the-original-maoist/. 
  12. "KP Sharma Oli-why Nepal's new PM isn't the right man for the job". catchnews.com. http://www.catchnews.com/international-news/kp-sharma-oli-why-nepal-s-new-pm-isn-t-the-right-man-for-the-job-1444823268.html. 
  13. Sharma Manohar, "Oli ko Jeevani (Life of Oli)", Jana Astha National Weekly, 12th January 2004. Page 12
  14. "Jeevan saathi with Mr & Mrs. K.P. Oli". YouTube. Himalaya TV. 8 December 2017 அன்று பார்க்கப்பட்டது.
  15. "HIMAL SOUTHASIAN | March - April 2006". 2006-05-07 அன்று மூலம் பரணிடப்பட்டது. 2017-12-20 அன்று பார்க்கப்பட்டது. Cite uses deprecated parameter |dead-url= (உதவி); Invalid |dead-url=dead (உதவி)
  16. "Nepal calls ceasefire with rebels". பிபிசி. 3 May 2006. http://news.bbc.co.uk/2/hi/south_asia/4969422.stm. பார்த்த நாள்: 15 July 2012. 
  17. Moriarty, James. "Seven Cabinet Members Formed". Wikileaks. US Embassy, Kathmandu. 21 September 2015 அன்று பார்க்கப்பட்டது.
  18. "Oli elected as UML PP leader". eKantipur. 4 February 2014. Archived from the original on 4 பிப்ரவரி 2014. https://archive.is/20140204150108/http://www.ekantipur.com/2014/02/04/top-story/oli-elected-as-uml-pp-leader/384914.html. பார்த்த நாள்: 4 February 2014. 
  19. "The Himalayan Times: Oli elected UML chairman mixed results in other posts – Detail News: Nepal News Portal". The Himalayan Times. 15 July 2014. Archived from the original on 17 ஜூலை 2014. https://web.archive.org/web/20140717234905/http://www.thehimalayantimes.com/fullNews.php?headline=KP+Oli+elected+as+CPN-UML+chairman&NewsID=421225. பார்த்த நாள்: 15 July 2014. 
  20. "Nepal congratulates Oli for election victory". Myrepublica.com. 15 July 2014. Archived from the original on 18 ஜூலை 2014. https://web.archive.org/web/20140718231441/http://www.myrepublica.com/portal/index.php?action=news_details&news_id=79047. பார்த்த நாள்: 15 July 2014. 
  21. "Nepal's new premier names protest group leaders as deputies" பரணிடப்பட்டது 2016-03-05 at the வந்தவழி இயந்திரம், Associated Press, 12 October 2015.
  22. Nepal in turmoil: On dissolution of Parliament by K.P. Sharma Oli
  23. Nepal Supreme Court overturns Prime Minister KP Sharma Oli’s decision to dissolve House
  24. "Nepal Supreme Court quashes PM's House dissolution order; Parliament reinstated". OnlineKhabar English News (in ஆங்கிலம்). 2021-02-23 அன்று பார்க்கப்பட்டது.
  25. Nepal Prime Minister Oli loses vote of confidence in House of Representatives
  26. Nepal Prime Minister KP Sharma Oli Loses Trust Vote In Parliament
  27. நேபாளத்தின் புதிய பிரதமராக ஷெர் பகதூர் தேவ்பா நியமனம் -உச்ச நீதிமன்றம் உத்தரவு

வெளி இணைப்புகள்[தொகு]