சின்னத் தம்பி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சின்னத் தம்பி
இயக்குனர் பி. வாசு
நடிப்பு பிரபு
குஷ்பூ
மனோரமா
கவுண்டமணி
ராதா ரவி
இசையமைப்பு இளையராஜா
கால நீளம் 2.5 மணி நேரம்
நாடு இந்தியாவின் கொடி இந்தியா
மொழி தமிழ்

சின்ன தம்பி 1992 ஆம் ஆண்டு பி. வாசு இயக்கத்தில் தமிழில் வெளியான திரைப்படம். இதில் பிரபு, குஷ்பூ, கவுண்டமணி நடித்திருந்தனர்.

கதைச்சுருக்கம்[தொகு]

நந்தினி என்ற பெண் ஒரு பணக்கார குடும்பத்தில் பிறந்தார். அவரது மூன்று சகோதரர்கள் பெண் குழந்தை பிறந்ததால் அதைப் போற்றும் வகையில் ஊரில் ஒரு விருந்து நிகழ்ச்சி ஏற்பாடு செய்கிறார்கள். இறந்துவிட்ட உள்ளூர் பாடகர் ஒருவரின் இளம் மகன் சின்னத் தம்பி அந்த நிகழ்விற்குப் பாட்டு பாட அழைக்கப்படுகிறார். அவர் ''தூளியிலே ஆட வந்த'' என்ற பாடலைப் பாடுகிறார்.

மூன்று சகோதரர்கள் தங்கள் பெற்றோரை இறந்தபின் நந்தினியை தங்கள் சொந்த மகள் போல வளர்த்தனர். நந்தினி குடும்பத்திற்கு மிகவும் மகிழ்ச்சியைக் கொடுப்பார் என்று சோதிடர் கணித்துள்ளார், ஆனால் அவரது திருமணம் அவரது விருப்பத்தின் படியே நடக்கும் என்றும் அது அவருடைய சகோதரர்களின் தேர்வாக இருக்காது என்றும் கூறுகிறார். இது சகோதரர்களை கோபப்படுத்துகிறது. இது நடப்பதை தடுக்க, அவள் வீட்டின் எல்லைகளுக்குள்ளேயே வளர்க்கப்படுகிறாள்.அவள் வீட்டிலேயே கல்வி கற்கிறாள், அவள் வெளியே போகும்போது, எல்லோரும் நந்தினியைப் பார்க்கவோ பேசவோ கூடாது. அவ்வாறு நடந்தால் பிறகு மோசமான விளைவுகளைச் சந்திக்க நேரிடும்.

சின்னத தம்பி ஒரு பொன்னான இதயத்தோடு ஒரு அப்பாவியாகவும் ஏழையாகவும் வளர்கிறார். நந்தினி பருவமடைந்தாள். அந்த நிகழ்வுக்கும் பாட சின்னத்தம்பி அழைக்கப்பட்டார். அப்போது ''அரைத்த சந்தனம்'' என்ற பாடலைப் பாடுகிறார். நந்தினியின் ஊழியர்கள் மற்றும் அவளது மெய்க்காப்பாளர்கள் ஆகியோருக்காக சில ஆண்கள் இருந்தனர் . .அவர் தனது விதவையான தாய் மனோரமாவால் வளர்க்கப்படுகிறார். அவர் பள்ளிக்கூடம் செல்லாதவர், தன் வாழ்க்கையைப் பாடுவதற்கும், பொழுதுபோக்கு செய்வதற்கும் செலவிடுகிறார்.

ஒரு நாள் சின்னத்தம்பி நந்தினியின் மெய்க்காப்பாளர்களோடு சண்டையிட்டு அவர்களைத் தோற்கடித்தார். நந்தினியின் மெய்க்காப்பாளராக இருப்பதற்கு சின்னே தம்பியே சரியாவன் என்று நினைத்த நந்தினியின் அண்ணன் அவனுக்கு வேலை கொடுத்தார. நந்தினி சுதந்திரம் இல்லாத தனிமையில் வாழ்கிறார். அவள் வெளியில் சுற்றிப்பார்க்க நினைக்கிறார், அதனால் அவர் தன் அண்ணன்களுக்குத் தெரியாமல் ஊரைச் சுற்றிப்பார்க்க சின்னத்தம்பியுடன் செல்கிறார். அப்போது போவோமா ஊர்கோலம் என்ற பாடல் பாடப்படுகிறது.

ஒரு நாள், நந்தினியைப் பார்த்த ஒரு தொழிற்சாலை தொழிலாளி தண்டிக்கப்படுகிறார். இதனால்ச அவமானமடைந்கோத அந்தத தொழிலாளி அந்ரத சகோதரர்களின் சொந்தமான புதிய தொழிற்சாலையின் திறப்பு விழாவில் நந்தினை கொல்ல திட்டமிட்டுள்ளார். சின்னத் தம்பி அந்த சதித்திட்டத்தைக் அறிகிறார், இதனால் அவர் ஓடிவந்து நந்தினி உயிரைக் காப்பாற்றினார். ஆனால் அவர் நந்தினியைத் தொட்டு தூக்கியதால் அவளுடைய சகோதரர்கள் கோபமடைகிறார்கள். பிறகு சின்னத்தம்பியின் பேச்சைக் கேட்காமல் அவனை அடித்தனர். நந்தினி அவர்களைத் தடுத்து நிறுத்தியதால் அவன் பேச ஒரு வாய்ப்பை கிடைக்கிறது.அப்போது சின்னத்தம்பி நடந்த உண்மைகளைச் சொல்கிறார். பிறகு சின்னத தம்பி தனது வேலையை விட்டு விலகினார். அன்று இரவு நந்தினி சின்னத தம்பிக்கு சந்திப்பதற்கும், மன்னிப்புக் கேட்கவும், அவரை வேலைக்கு வரும்படி அழைக்கவும் செல்கிறாள். சின்னத் ​​தம்பி அவளது சகோதரர்களின் வன்முறை இயல்புடன் இருக்க விரும்பவில்லை என மறுக்கிறார். இதில் இருந்து தப்பிக்க தனக்கு தாலி கட்டுமாறு நந்தினி கூறுகிறார். அப்பாவியான சின்னத்தம்பியும் தாலி கட்டிவிட்டார். ஆனால் அவர் தான் நந்தினியைத் திருமணம் செய்து கொண்டோம் என்பதை உணர்ந்து கொள்ளவில்லை.

சின்னத தம்பி மீண்டும் வேலைக்கு வருகிறார், நந்தினியின் உயிரைக் காப்பாற்றியதற்காக சகோதரர்கள் சின்னத்தம்பிக்கு விருந்து அளித்தனர். நந்தினி தன் தாலியை அனைவரிடமும் இருந்து மறைத்து வந்தார். நந்தினி திருமணத்திற்காக அவள் சகோதரர்கள் மாப்பிள்ளை பார்க்கத் தொடங்கி விட்டனர். சுமங்கலி பூஜை அன்று அனைத்துப் பெண்கள் முன்பும் சின்னத்தம்பியிடம் நமக்கு நடந்தது திருமணம் என்று புரியவைக்க முயல்கிறார். இதைக் கண்ட அவளது அண்ணிக்கள் அதிர்ச்சி அடைந்தனர். பிறகு நந்தினியின் அண்ணன்கள் அவளுக்கு மாப்பிள்ளை பார்த்துவிட்டதாகவும் அவரைப் பற்றி சின்னத்தம்பியைப் பாடுமாறும் கூறினர். அப்போது அவர் குயிலைப் புடிச்சு என்ற பாடலைப் பாடினார். இதனால் உணர்ச்சிவசப்பட்ட நந்தினி சின்னத்தம்பியைக் கட்டிப்பிடித்தார். பிறகு நடந்த உண்மைகளை அண்ணன்கள் அறிந்தனர். பிறகு நந்தினியின் மூத்த அண்ணன் சின்னத்தம்பியை அவளுக்கு ஊரறிய திருமணம் செய்து வைப்பதாக பொய் கூறுகிறார். இதனால் நந்தினி மகிழ்கிறாள். பிறகு அவள் சகோதரர்களோ வேறு திட்டம் போட்டனர். சின்னத்தம்பியைக் கொன்றுவிட்டால் அவன் கட்டிய தாலி தானாக இறங்கிவிடும் என்று நினைக்கின்றனர்.

நந்தினியின் சகோதரர்களை நினைத்து பயந்த சின்னத்தம்பியின் தாய் அவனை மறைவாக இருக்குமாறு கூறுகிறார். பிறகு அந்த சகோதரர்கள் வந்து சின்னத்தம்பியின் தாயிடம் அவன் எங்கே இருக்கிறான் என்று கேட்டனர். ஆனால் அவர் எனக்குத் தெரியாது என்று கூறிவிட்டார். இதனால் அவர்கள் சின்னத்தம்பியின் தாயை சித்திரவதை செய்கின்றனர். நந்தினி தன் சகோதரர்கள் தன்னை ஏமாற்றிவிட்டதை அறிந்தவுடன் கோபப்படுகிறார். தன் அறையில் இருந்த பொருட்களை உடைக்கிறார். சின்னத்தம்பி அவன் தாயை அவமானப்படுத்திய அந்த சகோதரர்களை அடித்து உதைத்தார். பிறகு அவனும் அவன் அம்மாவும் ஊரைவிட்டுச் செல்ல முடிவெடுத்தனர். இதை அறிந்த நந்தினி ''நீ எங்கே'' என்ற பாடலைப் பாடி முடித்தபிறகு மயங்கி விழுகிறார். இதனால் நந்தினியின் சகோதரர்கள் ஓடிச் சென்று சின்னத்தம்பி தாயின் காலில் விழுந்து மன்னிப்பு கேட்டனர். பிறகு சின்னத்தம்பி ''தூளியிலே ஆடவந்த'' என்ற பாடலைப் பாடுகிறார். இதனால் நந்தினி உயிர்பெறுகிறாள். பிறகு இருவரும் இணைந்தனர்.

நடிகர்கள்[தொகு]

தயாரிப்பு[தொகு]

இயக்குநர் பி. வாசுவின் மகனான நடிகர் சக்தி முதன்முறையாக இப்படத்தில் சிறு வயது பிரபுவாக நடித்திருந்தார்.[1] இப்படம் பி. வாசு, நடிகர் பிரபு இருவரும் என் தங்கச்சி படிச்சவ (1988), மற்றும் பிள்ளைக்காக (1989) படங்களைத் தொடர்ந்து மூன்றாவது முறையாக இணைந்த திரைப்படமாகும்.[2]

பாடல்கள்[தொகு]

இளையராஜா இசையமைத்த இப்படத்தின் பாடல்கள் இத்திரைப்படத்தில் 35 நிமிடங்கள் இடம் பெற்றன. அனைத்துப் பாடல்களும் சிறப்பான வரவேற்பு பெற்ற பாடல்களாகும்.[3][4]

எண் பாடல் பாடகர்(கள்) பாடலாசிரியர் நீளம்
1 "தூளியிலே ஆட வந்த 1" சித்ரா வாலி 2:40
2 "தூளியிலே ஆட வந்த 2" மனோ வாலி 4:38
3 "போவோமா ஊர்கோலம்" சுவர்ணலதா, எஸ். பி. பாலசுப்பிரமணியம் கங்கை அமரன் 4:44
4 "அட உச்சந்தல" மனோ வாலி 4:58
5 "குயிலப் புடிச்சி" எஸ். பி. பாலசுப்பிரமணியம் வாலி 4:46
6 "அரைச்ச சந்தனம்" எஸ். பி. பாலசுப்பிரமணியம் கங்கை அமரன் 4:52
7 "நீ எங்கே என் அன்பே" சுவர்ணலதா கங்கை அமரன் 5:04
8 "தூளியிலே ஆட வந்த 3" மனோ வாலி 1.52

பெற்ற விருதுகள்[தொகு]

விருதுகள் வகை பரிந்துரை முடிவு சான்று
சினிமா எக்ஸ்பிரஸ் விருதுகள் சிறந்த திரைப்படம் கே. பாலு வெற்றி [5]
சிறந்த தமிழ் இயக்குநர் பி. வாசு
சிறந்த நடிகை குஷ்பூ
சிறந்த நகைச்சுவை நடிகர் - தமிழ் கவுண்டமணி
சிறந்த பின்னணிப் பாடகர் - தமிழ் மனோ
சிறந்த பின்னணிப் பாடகி - தமிழ் சுவர்ணலதா
சிறந்த ஒளிப்பதிவாளர் டி. கே. எஸ். பாபு
பிலிம்பேர் விருதுகள் சிறந்த தமிழ் திரைப்படம் கே. பாலு [6]
தமிழக அரசு விருதுகள் சிறந்த திரைப்படம் (முதல் பரிசு) கே. பாலு [7][8][9]
சிறந்த இயக்குநர் பி. வாசு
சிறந்த நடிகர் பிரபு
சிறந்த நடிகை குஷ்பூ
சிறந்த பின்னணிப் பாடகர் மனோ
சிறந்த பின்னணிப் பாடகி சுவர்ணலதா
சிறந்த ஒளிப்பதிவாளர் டி.கே. எஸ். பாபு

மறுஆக்கங்கள்[தொகு]

தமிழில் மாபெரும் வெற்றி பெற்ற இத்திரைப்படம் இதர இந்திய மொழிகளில் மறுஆக்கம் செய்யப்பட்டது.

ஆண்டு திரைப்படம் மொழி நடிகர்கள் இயக்குநர்
1991 ராமாச்சாரி கன்னடம் வி. ரவிச்சந்திரன், மாலாஸ்ரீ டி. ராஜேந்திர பாபு
1992 சந்தி தெலுங்கு வெங்கடேஷ், மீனா, நாசர் ரவி ராஜா பினிசெட்டி
1993 ஆனாரி இந்தி வெங்கடேஷ், கரீஷ்மா கபூர், சுரேஷ் ஓபராய் முரளி மோகன் ராவ்

மேற்கோள்கள்[தொகு]

  1. http://www.behindwoods.com/tamil-movie-news/july-06-01/03-07-06-p-vasu.html
  2. https://groups.google.com/forum/#!searchin/soc.culture.malaysia/wanted$20gangai$20amaren/soc.culture.malaysia/wChllR1Tv-g/tMZ-sqNhV_8J
  3. "Raaja's 35-minute track record". Times of India (10 September 2012). பார்த்த நாள் 01 திசம்பர் 2014.
  4. http://www.thehindu.com/todays-paper/tp-features/tp-metroplus/the-maestros-magic-continues/article3856269.ece
  5. "Chinna Thambhi Bags Cinema Express Award". The Indian Express (1992-02-25). பார்த்த நாள் 2013-10-04.
  6. Tamil Film History and Its Achievements, p 13
  7. "My first break - Swarnalatha". The Hindu (Chennai, India). 2009-05-08. http://www.hindu.com/cp/2009/05/08/stories/2009050850351600.htm. 
  8. http://web.archive.org/web/20091021121856/http://geocities.com/bbreviews/month/cthambi.html
  9. Anandan, ‘Film News’ (2004). Sadhanaigal Padaitha Thamizh Thiraipada Varalaru (Tamil Film History and Its Achievements). Sivagami Publications. பக். 738. 


"https://ta.wikipedia.org/w/index.php?title=சின்னத்_தம்பி&oldid=2265250" இருந்து மீள்விக்கப்பட்டது