கவுண்டமணி
கவுண்டமணி | |
|---|---|
 | |
| பிறப்பு | சுப்ரமணியன் கருப்பையா 25 மே 1939 வல்லகுந்தபுரம், உடுமலைப்பேட்டை, கோயம்புத்தூர் DT (1964) தற்போதைய திருப்பூர் மாவட்டம் |
| தேசியம் | இந்தியர் |
| பணி | நடிகர், நகைச்சுவை நடிகர் |
| செயற்பாட்டுக் காலம் | 1964-2016 |
| பெற்றோர் | தந்தை : கருப்பையா தாயார் : அன்னம்மாள் |
| வாழ்க்கைத் துணை | சாந்தி |
கவுண்டமணி (Goundamani, பிறப்பு: 25 மே 1939) தமிழ்த் திரைப்பட நகைச்சுவை நடிகராவார். பெரும்பாலான திரைப்படங்களில் இவர் நகைச்சுவை நடிகர் செந்திலுடன் இணையாக நடித்திருக்கிறார். இந்த இணை, ஹாலிவுட் நகைச்சுவை இணையான லாரல் மற்றும் ஹார்டியுடன் ஒப்பு நோக்கி பாராட்டப்படுவதுண்டு.[1][2][3]
வாழ்க்கை குறிப்பு
[தொகு]- கவுண்டமணி அவர்கள் இயற்பெயர் சுப்ரமணியன் என்பதே ஆகும்.
- இவர் தற்போது தமிழ்நாட்டில் உள்ள அன்றைய கோயம்புத்தூர் மாவட்டம் பொள்ளாச்சியிலிருந்து திருமூர்த்தி மலைக்குச் செல்லும் வழியில் இருக்கும் வல்லகுண்டாபுரம் கிராமத்தில்[4] 1939 மே 25 அன்று கருப்பையா-அன்னம்மாள் ஆகியோருக்கு மகனாகப் பிறந்தார். தற்போது இந்த ஊர் திருப்பூர் மாவட்டம் உடுமலைப்பேட்டை வட்டத்தில் அமைந்துள்ளது.
- இவரது ஆரம்பகாலத்தில் மேடை நாடகங்களில் சாதாரணமான பாமர தமிழ்ப் பேசி நடித்ததால். திரையுலகில் கால் பதிக்க வழி செய்தது. நாடகங்களில் அல்லது படங்களில் நடிக்கும்போது, யார் என்ன பேசினாலும் அதற்கு எதிராகப் பேசி (Counter) கவனம் ஈர்ப்பது இவரது வழக்கம். அதனால் அவரை கவுண்டர்மணி (Countermani) என சக நடிகர்கள் அழைத்தனர். பின்னர் 16 வயதினிலே படம் நடிக்கும்போது இவருக்கு அந்தப் பெயரையே தலைப்பில் பயன்படுத்த வைத்தவர் இயக்குநர் கே பாக்யராஜ். அத்திரைப்படத்திலிருந்து தான் இவர் கவுண்டமணி என்ற பெயரில் அழைக்கப்பட்டார். 26ஆம் அகவை முதலே திரைப்படங்களில் நடித்து வருகிறார்.
திரை வாழ்க்கை
[தொகு]- இவர் துவக்கக் காலங்களில் தனியாகவே நகைச்சுவை நடிகராக நடித்தவர்.
- அதன் பிறகு நாடக காலத்தில் இருக்கும் போதே 60-70 காலகட்டத்தில் ஒரு சில திரைப்படங்களில் கவுண்டமணி அவர்கள் சிறிய கதாபாத்திரங்களை ஏற்று நடித்தார்.
- அதில் குறிப்பிட தகுந்தவையான செல்வ மகள் (1967), ராமன் எத்தனை ராமனடி (1970), தேனும் பாலும் (1971) ஆகிய திரைப்படங்கள் ஆகும்
- அதன் பிறகு கவுண்டமணி அவர்கள் நாடகங்களில் நடித்து கொண்டே இருக்கும் போது சென்னையில் லெம்ப்ரட்டா ஆட்டோ ஓட்டி கொண்டே சில நடிப்பு வாய்ப்புகள் தேடி கொண்டிருந்த போது தான் 80களில் முன்னணி இயக்குனராக இருந்த பாரதிராஜா மூலம் 16 வயதினிலே படத்தின் மூலம் வில்லன் ரஜினிகாந்த் உடனிருக்கும் கூட்டாளிகளில் ஒருவராக வரும் சிறிய நகைச்சுவை நடிகராக அறிமுகமானார்.
- பின்னர் பாரதிராஜா உடன் பல திரைப்படங்களில் நடித்த போதிலும் 80களின் பிற்பகுதியில் இருந்து செந்திலுடன் இணைந்து பல நகைச்சுவை இரட்டையராக வளம் வந்து பெரும் வெற்றி கண்டனர்.
- அதன் பிறகு 80/90களில் இரண்டு தலைமுறை இரசிகர்களை சிரிக்க வைத்திருக்கிறார். இவரது பேச்சும், உரையாடல்களும் மக்களிடையே வரவேற்பைப் பெற்றன.
- இந்த இணையின் மிகப் புகழ்பெற்ற நகைச்சுவை கரகாட்டக்காரனில் வந்த வாழைப்பழம் வாங்குதல் குறித்ததாகும். சூரியன் திரைப்படத்தில் கவுண்டமணி ஏற்று நடித்த போலி அரசியல்வாதி கதாபாத்திரத்தில் நடித்து அவர் பேசிய வசனமான அரசியலில்ல இதெல்லாம் சகஜமப்பா என்ற சொல்லாடலும் மிகவும் பரவலாக அறியப்பட்டது.
- அதன் பிறகு கவுண்டமணி-செந்தில் நடித்த சின்ன கவுண்டர் படத்தில் சலவை தொழிலாளராக நடித்திருந்தார் அதில் வரும் நகைச்சுவை காட்சி ஒன்றில் கவுண்டமணி இடம் செந்தில் அவர்கள் வடிவேல் அருகில் வைத்து கொண்டு இவரோடு துணியை தான் நான் முதல் முறையாக சலவைக்கு எடுத்து எனது முதல் தொழிலை செய்ய போகிறேன் என்று சொன்னவுடன் உடனே கவுண்டமணி அவர்கள் வடிவேலுவை பார்த்து ஓ இவுரா என்ற ஒற்றை வார்த்தை நகைச்சுவை வசனம் இன்று வரை வடிவேல் திமுக ஆதரவு எடுத்த போது மக்களால் கொண்டாடபடும் மிகவும் பிரபலமான நகைச்சுவை என்றால் யாராலும் மறுக்க முடியாது.
- அதே போல் நகைச்சுவை கதாபாத்திரத்திற்காக கூட மற்ற நடிகர்கள் ஏற்க தயங்கும் வெட்டியான் மற்றும் தலையாரி வேடத்தில் கவுண்டமணி சிறிதும் தயக்கமில்லாமல் நடித்து அசத்தினார்.
- அதில் இயக்குனர் வி. சேகர் இயக்கத்தில் வெளியான ஒண்ணா இருக்க கத்துக்கனும் திரைப்படத்தில் வெட்டியனாக சமூகத்தில் நிலவும் ஏற்ற தாழ்வுகளை வசனமாக பேசியும் அடிமட்ட சமுதாயத்தில் வாழும் வெட்டியானின் அன்றாட வாழ்க்கையில் ஏற்படும் கஷ்டகங்களை வெளிபடுத்தி நடித்ததை போல் அடுத்து வந்த இயக்குனர் ராஜ்கபூர் இயக்கத்தில் வெளியான சின்ன ஜமீன் திரைப்படத்தில் ஊர் தலையாரி கதாபாத்திரத்தை ஏற்று நடித்து கிராமங்களில் நடக்கும் ஜமீன்தார், மிராசுதாரர்களின் வரம்பற்ற அதிகாரம் செய்யும் பண்ணையார்துவ அடிப்படைவாதிகளின் சர்வதிகார போக்கை கடுமையாக எதிர்த்து நகைச்சுவை உணர்வுடன் விமர்சித்து பேசி கவுண்டமணி நடித்து அசத்தியிருப்பது இன்று வரை தமிழ் ரசிகர்களால் கொண்டாடப்படுகிறது.
- அந்த காலகட்டத்தில் சத்யராஜ் உடன் இணைந்து நடித்த அனைத்து திரைப்படங்களும் மிகவும் பொழுதுபோக்கு நகைச்சுவை திரைப்படங்களாக அமைந்தது அதில் குறிப்பிடத்தக்க படமான மாமன் மகள் திரைப்படத்தில் நடிகை மீனா அவர்கள் எங்க அப்பா பேரு "சோமசுந்தரம்" என்றால் "சிவனோட" பேரு என்று சொன்னவுடன் அதற்கு பதிலளித்து கவுண்டமணி அவர்கள் உங்க அப்பா பேரு சோமசுந்தரம் என்றால் "சிவனோட" பேரு என் மாப்பிள்ளை பேரு சண்முகசுந்தரம் என்றால் "சிவாஜி கணேசனோட" பேரு என்று கவுண்டமணி அவர்கள் பேசும் நகைச்சுவை வசனம் இன்று வரை பிரபலமானது.
- அதன் பிறகு கவுண்டமணி மற்றும் செந்தில் நகைச்சுவையில் 90களில் வெளியான வேலுசாமி என்ற படத்தில் கவுண்டமணி அவர்கள் ஒரு முழுநேர அரசியல்வாதியாக நடித்திருந்தார் அதில் அவர் தனிகட்சி துவங்கி தனது ஆதரவாளராக நடித்திருந்த செந்தில் மூலம் நமது கட்சிக்கு ஒரு நாலு பேரை கொண்டு வந்து சேர்த்துவிட்டால் உனக்கு கட்சியில் மேல் பதவி உண்டு என்று சொன்னதை ஏற்று செந்தில் அவர்கள் எதுவும் அறியாமல் சமுதாயத்திற்கு எதிரான செயலில் ஈடுபடும் கொள்ளைகாரன், கொலைகாரன், பாலியல் குற்றம் செய்தவர், சைக்கிள் செயின் சுற்றும் ரௌடி, சாராய வியாபாரி என ஐந்து பேரை கவுண்டமணி கட்சியில் செந்தில் சேர்த்துவிடும் போது அண்ணே இவங்க தான் அண்ணே நமது கட்சியில் சேர வந்திருக்கும் நீங்கள் கேட்ட முக்கியமான நாலு நல்ல தலைவர்கள் என்று கவுண்டமணி இடம் செந்தில் அறிமுகபடுத்தி வைத்த போது அதற்கு கவுண்டமணி அவர்கள் அந்த ஐந்து பேரின் முகத்தை பார்த்தவுடன் அவர்கள் யார் என்பதை நன்றாக அறிந்து கொண்டு ஆமா இவங்க தான் நம்ம கட்சிக்கும் நம்ம நாட்டுக்கும் ரொம்ப ரொம்ப தேவையான தலைவர்கள் என்ற நகைச்சுவை கலந்த நிதர்சனமான வார்த்தைகளை கவுண்டமணி பேசும் போதான மேனரிசம் கலந்த நகைச்சுவை இன்று வரை தமிழக அரசியல் வட்டாரத்திலும் தமிழக மக்களிடையேவும் பெரும் நிகழ்வை ஏற்படுத்தியுள்ளது என்றால் அதை யாராலும் மறுக்க முடியாது.
- அதன் பிறகு வெகுகாலம் கழித்து 2000 நூற்றாண்டு இளைஞர்கள் மற்றும் தனது ரசிகர்களை கவரும் விதமாக கவுண்டமணி அவர்கள் 2015 ஆம் ஆண்டு நகைச்சுவை நடிகராக அல்லாமல் முதன்மை நடிகராக நடித்த 49-ஓ என்ற திரைப்படத்தில் கவுண்டமணி அவர்கள் சௌரி என்ற கிராமவாசி கதாபாத்திரத்தில் ஒரு சிறிய கிராமத்தில் இருந்து கொண்டு நாட்டின் அரசியலையும் அன்றைய தமிழக அரசியலையும் பேசி விமர்சித்து நடித்தது அன்றைய அரசியல் வட்டாரங்களுக்கு இடையே மு. கருணாநிதி, ஜெ. ஜெயலலிதா இன்னும் பல தமிழக முன்னணி அரசியல் தலைவர்கள் இடையே பெரும் எதிர்ப்பையும், வெறுப்பையும், கொந்தளிப்பையும் ஏற்படுத்தினாலும். திரையுலக பார்வையில் கவுண்டமணி அவர்களது நகைச்சுவை நடிப்பை ஏற்று அந்த அரசியல் தலைவர்கள் அதை பொறுத்து கொண்டு அப்படத்தின் மூலம் அரசியல் நிலைபாட்டையும் மக்களிடம் சர்வதிகார போக்கை காட்டும் தவறான நடவடிக்கைகளை அப்படத்தின் மூலம் பெரும் அரசியல் ஆளுமை தலைவர்கள் சிறிய அளவில் மாற்றி கொண்டனர்.
நடித்த திரைப்படங்களில் சில
[தொகு]இவர் ஏறத்தாழ 450 திரைப்படங்களில் நடித்துள்ளார். அதில் 10 திரைப்படங்களில் கதாநாயகனாகவும் நடித்திருப்பது குறிப்பிடத்தக்கது. மேலும் வில்லன், குணசித்திர நகைச்சுவை நடிகராகவும் நடித்துள்ளார். இவருடன் நகைச்சுவை நடிகர் செந்தில் இணைந்து நடித்த நகைச்சுவைக் காட்சிகள் இரசிகர்கள் மனதில் என்றும் நீங்கா இடம்பெற்றுள்ளன. இவர் நடித்திருக்கும் திரைப்படங்களில் சில பின்வருமாறு:
- கரகாட்டக்காரன்
- சின்னக்கவுண்டர்
- உள்ளத்தை அள்ளித் தா
- மேட்டுக்குடி
- நடிகன்
- தங்கம்
- மன்னன்
- இந்தியன்
- நாட்டாமை
- மாமன் மகள்
- உனக்காக எல்லாம் உனக்காக
- முறை மாமன்
- சூரியன்
மேற்கோள்கள்
[தொகு]- ↑ "Birthday special: 12 rare photos of Tamil comedian Goundamani". Indian Express. 26 May 2019. Archived from the original on 9 June 2019.
- ↑ "How Subramani became Goundamani – Birthday special". Dinamalar. 25 May 2019. Archived from the original on 2 June 2019.
- ↑ Kesavan, N. (7 June 2016). "Into the world of Tamil film comedians" இம் மூலத்தில் இருந்து 18 May 2017 அன்று. பரணிடப்பட்டது.. https://web.archive.org/web/20170518094007/http://www.thehindu.com/entertainment/Into-the-world-of-Tamil-film-comedians/article14390069.ece.
- ↑