கங்கை அமரன்

கங்கை அமரன்
இயற்பெயர்	கங்காதரன்
பிறப்பு	8 திசம்பர் 1947 (1947-12-08) பண்ணைப்புரம், தேனி, தமிழ்நாடு
தொழில்(கள்)	நடிகர், இயக்குநர், தயாரிப்பாளர், திரைக்கதை ஆசிரியர், பின்னணி இசை, பாடலாசிரியர், இசையமைப்பாளர், பாடகர்,
இசைக்கருவி(கள்)	பின்னணிப் பாடகர், கிட்டார்
இசைத்துறையில்	1976–நடப்பு
இணைந்த செயற்பாடுகள்	இளையராஜா, கார்த்திக் ராஜா, யுவன் ஷங்கர் ராஜா, வெங்கட் பிரபு, பிரேம்ஜி அமரன்

கங்கை அமரன் (Gangai Amaran) தமிழ்த் திரைப்படங்களில் ஓர் இசையமைப்பாளராகவும், பாடலாசிரியராகவும், திரைக்கதை ஆசிரியராகவும், நடிகராகவும், திரைப்பட இயக்குநராகவும் பன்முகத் திறமை காட்டியவர். பல தொலைக்காட்சி இசைத் தொடர்களிலும் புகழ்பெற்றவர். புகழ்பெற்ற இசையமைப்பாளர் இளையராஜாவின் தம்பியும், நடிகர்கள் வெங்கட் பிரபு, பிரேம்ஜி அமரன் ஆகியோரின் தந்தையும் ஆவார். கங்கை அமரன் தணிக்கைக் குழு உறுப்பினராகவும், பா.ஜ.க. கட்சியின் ஆதரவாளராகவும் இருந்தார். 2017 ஏப்ரலில் ஆர்.கே.நகர் தொகுதி இடைத்தேர்தலில் பா.ஜ.க. சார்பில் வேட்பாளராக அறிவிக்கப்பட்டார். ஆனால் அந்த இடைத்தேர்தல் இரத்து செய்யப்பட்டது.

இளவயது

கங்கை அமரன், இளையராஜா, "பாவலர்" வரதராஜன் ஆகியோர் இந்திய பொதுவுடைமைக் கட்சியின் மேடைகளில், கட்சியின் கொள்கை விளக்கப் பாடல்களையும், அன்றைய காங்கிரஸ் கட்சியின் ஆட்சி முறைகளை, பாடல்கள் மூலம் விமர்சித்தும், கலைநிகழ்ச்சிகள் நடத்தியும் வந்தனர்.

தனிப்பட்ட வாழ்க்கை

கங்கை அமரன் தமிழ்நாடு, தேனி, பண்ணைப்புரத்தில், 1947 திசம்பர் 8 அன்று பிறந்தார். இவர் டேனியல் இராமசாமி, சின்னத்தாயி ஆகியோரின் இளைய மகனாவார். இவர் பிரபல இசையமைப்பாளர் இளையராஜாவின் தம்பி. வெங்கட் பிரபு, பிரேம்ஜி அமரன் ஆகியோரின் தந்தை ஆவார். கங்கை அமரனுக்கு இரண்டு மூத்த சகோதரர்களான ஆர். டி. பாஸ்கர், பாவலர் வரதராஜன் ஆகிய இருவரும் நீண்ட காலத்திற்கு முன்பே இறந்தனர். இசையமைப்பாளர்கள் கார்த்திக் ராஜா, யுவன் சங்கர் ராஜா, பாடகி பவதாரிணி, ஆடை வடிவமைப்பாளர் வாசுகி பாஸ்கர் ஆகியோர் இவரது உறவினர்களாவர்.

இவரது பெயரைப் பொறுத்தவரை, கங்கை அமரன் என்ற பெயர் குழந்தைப்பருவத்தில் படித்த அதே பெயர் ஒரு பத்திரிகையிலிருந்து எடுக்கப்பட்டது. அதே நேரத்தில் அமரன் அமர் சிங் என்ற புனைப்பெயரிலும் அறியப்பட்டார். இவர் ஒரு பாடலாசிரியராக இருக்க வேண்டும் என்று விரும்பினார். டூரிங் டாக்கீஸ் யூடியூப் சேனலில் சித்ரா இலட்சுமணனுடனான இவரது அண்மைய நேர்காணல், இவர் தனது வாழ்க்கை அனுபவங்களையும், இவரது தொழில் போராட்டத்தையும், தனது அண்ணன் இளையராஜாவுடனான தனிப்பட்ட வேறுபாடுகள் குறித்தும் பகிர்ந்து கொண்டார். அங்கு இவர் தனது வாழ்க்கையில் பல சர்ச்சைக்குரிய விடயங்களைப் பற்றி குறிப்பிட்டுள்ளார்.

தொழில்

இவரது சகோதரர் இளையராஜாவோடு இணைந்து பங்காற்றினார். பின்னாளில் கங்கை அமரன் ஓர் இசையமைப்பாளராக தனது வாழ்க்கையைத் துவங்கினார். பாரதிராஜா, இளையராஜா கூட்டணியில் அமைந்த பதினாறு வயதினிலே திரைப்படத்தில் செந்தூரப் பூவே பாடலை இயற்றினார். அதைத் தொடர்ந்து தன்னுடைய அண்ணன் இளையராஜா இசையமைத்த பல திரைப்படங்களுக்கு பாடலாசிரியராகப் பணிபுரிந்துள்ளார். மேலும் எம். எஸ். விஸ்வநாதன், சங்கர் கணேஷ், எஸ். பி. பாலசுப்பிரமணியம், யுவன் சங்கர் ராஜா ஆகியோரின் இசையில் பாடல்களை இயற்றியுள்ளார். மௌன கீதங்கள், வாழ்வே மாயம் (1983) போன்ற பல சிறந்த திரைப்படங்களுக்கு இசையமைத்தார். இசையமைப்பதைத் தவிர, கோழி கூவுது (1982) திரைப்படத்தில் அமரன் இயக்குநராக அறிமுகமானார். மிகவும் வெற்றிகரமான கரகாட்டக்காரன் (1989) உட்பட பல திரைப்படங்களை இயக்கியுள்ளார். தெம்மாங்கு பாட்டுக்காரன் இவர் இயக்கிய கடைசி திரைப்படமாகும். அதே நேரத்தில் இவரது மகன் வெங்கட் பிரபு நடிகராக அறிமுகமாகவிருந்த பூஞ்சோலை திரைப்படம் வெளியிடப்படவில்லை. இப்போது இவர் கிளஸ்டர்ஸ் மீடியா கல்லூரியில் பணிபுரிகிறார்.

திரைக்கதை ஆசிரியர்/இயக்குநர்

ஆண்டு	திரைப்படம்	இசையமைப்பாளர்	குறிப்பு
1982	கோழி கூவுது	இளையராஜா	இயக்குநராக அரங்கேற்றம்
1983	கொக்கரக்கோ	இளையராஜா
1984	பொழுது விடிஞ்சாச்சு	இளையராஜா
	தேவி ஸ்ரீதேவி	இளையராஜா
	வெள்ளை புறா ஒன்று	இளையராஜா
1987	எங்க ஊரு பாட்டுக்காரன்	இளையராஜா
1988	சர்க்கரை பந்தல்	இளையராஜா
	செண்பகமே செண்பகமே	இளையராஜா
	கோயில் மணியோசை	கங்கை அமரன்
1989	கரகாட்டக்காரன்	இளையராஜா
	அண்ணனுக்கு ஜே	இளையராஜா
1990	ஊரு விட்டு ஊரு வந்து	இளையராஜா
1991	கும்பக்கரை தங்கய்யா	இளையராஜா
1992	வில்லுப்பாட்டுக்காரன்	இளையராஜா
	சின்னவர்	இளையராஜா
	பொண்ணுக்கேத்த புருஷன்	இளையராஜா
1993	கோயில் காளை	இளையராஜா
1994	அத்த மக ரத்தினமே	கங்கை அமரன்
1997	தெம்மாங்கு பாட்டுக்காரன்	இளையராஜா

இசையமைத்த திரைப்படங்கள்

வரிசை எண்	ஆண்டு	திரைப்படம்	இயக்குநர்	குறிப்பு
1	1979	ஒரு விடுகதை ஒரு தொடர்கதை	எம். ஏ. கஜா	முதல் படம்
	1979	சுவர் இல்லாத சித்திரங்கள்	கே. பாக்யராஜ்
2	1980	மலர்களே மலருங்கள்
	1980	ராமாயி வயசுக்கு வந்துட்டா
	1980	தரையில் பூத்த மலர்
3	1981	மௌன கீதங்கள்
	1981	சங்கர்லால்		தன் அண்ணன் இளையராஜாவோடு இணைந்து இசையமைத்தது
4	1982	வாழ்வே மாயம்
	1982	கனவுகள் கற்பனைகள்
5	1983	என் பிரியமே
	1983	இமைகள்
	1983	நாளெல்லாம் பௌர்ணமி
	1983	நீதிபதி
	1983	சட்டம்
6	1984	இரும்பு கைகள்
	1984	குடும்பம்
	1984	நிச்சயம்
	1984	ஊமை ஜனங்கள்
	1984	வம்ச விளக்கு
	1984	நியாயம் கேட்கிறேன்
7	1985	புதிய சகாப்தம்
	1985	ஆகாயத்தாமரை
	1985	இளங்கன்று
	1985	ஹலோ யார் பேசறது		இளையராஜாவோடு இணைந்து
	1985	மண்ணுக்கேத்த பொண்ணு
	1985	நாம் இருவர்
	1985	சாவி
8	1986	கண்ணத் தொறக்கணும் சாமி		தன் அண்ணன் இளையராஜாவோடு இணைந்து இசையமைத்தது
	1986	மறக்க மாட்டேன்
	1986	தலையாட்டி பொம்மைகள்
9	1987	செல்லக்குட்டி
	1987	ஏட்டிக்கி போட்டி
	1987	ஊர்க்குருவி
	1987	ஒன்று ௭ங்கள் ஜாதியே
	1987	இது ஒரு தொடர்கதை
10	1988	என் தங்கச்சி படிச்சவ
	1988	இரத்ததானம்
	1988	தப்பு கணக்கு
	1988	தம்பி தங்கக் கம்பி
	1988	ஜீவா
11	1989	மூடு மந்திரம்
	1989	முந்தானை சபதம்
	1989	பிள்ளைக்காக
	1989	புது மாப்பிள்ளை
12	1990	பச்சைக்கொடி
13	1991	அதிகாரி
	1991	அண்ணன் காட்டிய வழி
	1991	என் பொட்டுக்கு சொந்தக்காரன்
	1991	நான் வளர்த்த பூவே
	1991	ருத்ரா
	1991	பொண்டாட்டி பொண்டாட்டிதான்
14	1993	அகத்தியன்
15	1994	அத்த மக ரத்தினமே
16	2009	ராகவன்
17	2010	புகைப்படம்
18	1982	பண்ணைப்புரத்துப் பாண்டவர்கள்

இவரது பாடலாசிரியர் பணி

1970களில்

• 1977 – 16 வயதினிலே (முதல் திரைப்படம்)
• 1978 – அவள் அப்படித்தான்
• 1978 – முள்ளும் மலரும்
• 1979– ரோசாப்பூ ரவிக்கைக்காரி
• 1979– மணிப்பூர் மாமியார்

1980களில்

• 1980– நிழல்கள்
• 1980 – ஜானி
• 1980 – மூடுபனி
• 1980– குரு
• 1980– நெஞ்சத்தை கிள்ளாதே
• 1981– கடல் மீன்கள்
• 1981– சங்கர்லால்
• 1981– அலைகள் ஓய்வதில்லை
• 1982 – பயணங்கள் முடிவதில்லை
• 1982– கோபுரங்கள் சாய்வதில்லை
• 1982– மெட்டி
• 1982– ஈரவிழிக் காவியங்கள்
• 1983– சட்டம்
• 1983– மண்வாசனை
• 1983 – இன்று போய் நாளை வா
• 1983– அந்த சில நாட்கள்
• 1983 – பகவதிபுரம் ரயில்வே கேட்
• 1983 – துடிக்கும் கரங்கள்
• 1983– ஆனந்த கும்மி
• 1983 – முந்தானை முடிச்சு
• 1983– இன்று நீ நாளை நான்
• 1983– சரணாலயம்
• 1984 – வைதேகி காத்திருந்தாள்
• 1984– நல்லவனுக்கு நல்லவன்
• 1984– அம்பிகை நேரில் வந்தாள்
• 1984– குழந்தை யேசு
• 1985– அந்த ஒரு நிமிடம்
• 1985– இளங்கன்று
• 1985– பகல் நிலவு
• 1985– மண்ணுக்கேத்த பொண்ணு
• 1985– வேஷம்
• 1986– நீதானா அந்தக்குயில்
• 1986 – மெல்ல திறந்தது கதவு
• 1986– விக்ரம்
• 1986– கடலோரக் கவிதைகள்
• 1986– மிஸ்டர் பாரத்
• 1986– கண்மணியே பேசு
• 1986- அம்மன் கோவில் கிழக்காலே
• 1987– காதல் பரிசு
• 1987– இல்லம்
• 1987– ஜல்லிக்கட்டு
• 1987 – தீர்த்தக் கரையினிலே
• 1987– ஊர்க்குருவி
• 1988– செண்பகமே செண்பகமே
• 1988– சூரசம்ஹாரம்
• 1988– என் பொம்முக்குட்டி அம்மாவுக்கு
• 1988– தர்மத்தின் தலைவன்
• 1988- தம்பி தங்கக் கம்பி
• 1988– எங்க ஊரு காவல்காரன்
• 1989– கரகாட்டக்காரன்
• 1989– சோலை குயில்
• 1989– வெற்றி விழா
• 1989– பிள்ளைக்காக
• 1989– பாண்டி நாட்டுத் தங்கம்
• – லட்சுமி

1990களில்

• 1990 – அதிசய பிறவி
• 1990 – மௌனம் சம்மதம்
• 1990 – ஊரு விட்டு ஊரு வந்து
• 1990 – தாலாட்டு பாடவா
• 1990 – புதுப்பாட்டு
• 1990 – கவிதை பாடும் அலைகள்
• 1991 – தம்பிக்கு ஒரு பாட்டு
• 1991 - ஈரமான ரோஜாவே
• 1991 – சின்னத் தம்பி
• 1991 – தர்மதுரை
• 1992 – தெய்வ வாக்கு
• 1992 – சின்னவர்
• 1992 – உன்னை வாழ்த்திப் பாடுகிறேன்
• 1992 – வில்லுப்பாட்டுக்காரன்
• 1992 – வண்ண வண்ண பூக்கள்
• 1992 – ஆவாரம்பூ

2000த்தில்

• 2003– உன்னைச் சரணடைந்தேன்
• 2008 – சரோஜா

2010த்திற்கு பிறகு

• 2010– கோவா
• 2011– மங்காத்தா
• 2015– மாசு

பின்னணிக்குரல்

• 1979- புதிய வார்ப்புகள் - கே. பாக்யராஜ்

இவர் நடித்த திரைப்படங்கள்

• இதயம் (1991)
• உன்னிடத்தில் என்னை கொடுத்தேன் (1998)
• ஜோடி (1999)
• உள்ளம் கொள்ளை போகுதே (2001)
• ஆரியா சூரியா (2013)

இவர் பாடிய பாடல்கள்

ஆண்டு	திரைப்படம்	பாடல்	உடன் பாடியவர்கள்	இசையமைப்பாளர்	வரிகள்	குறிப்புகள்
2016	திருநாள்	அன்பால் அமைந்த உலகம்		ஸ்ரீ
2013	பரதேசி	Senneer Thaana		ஜி. வி. பிரகாஷ்குமார்
2006	திமிரு	கொப்புரானே கொப்புரானே		யுவன் சங்கர் ராஜா
1986	விக்ரம்	ஏஞ்ஜோடி மஞ்சக்குருவி	எஸ். பி. பாலசுப்பிரமணியம், எஸ். பி. சைலஜா	இளையராஜா
1984	நீதானா அந்த குயில்	பூஜைக்கேத்த பூவிது	கே. எஸ். சித்ரா	இளையராஜா
1984	இங்கேயும் ஒரு கங்கை	தெக்குத்தெரு மச்சானே பக்கம்வர	பி. சுசீலா	இளையராஜா

வெளி இணைப்புகள்

கங்கை அமரன் ஐ.எம்.டி.பி இணையத்தளத்தில்