உமையாள்புரம்

உமையாள்புரம்
—  கிராமம்  —
உமையாள்புரம் அமைவிடம்: உமையாள்புரம், தமிழ்நாடு , இந்தியா
ஆள்கூறு	10°57′12″N 79°16′42″E
நாடு	இந்தியா
மாநிலம்	தமிழ்நாடு
மாவட்டம்	தஞ்சாவூர்
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	பி. பிரியங்கா, இ. ஆ. ப
மக்கள் தொகை	4,697 (2011)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	• 39 மீட்டர்கள் (128 அடி)
குறியீடுகள் • அஞ்சல் குறியீட்டு எண் • 614203 • தொலைபேசி • +04374

உமையாள்புரம் (Umayalpuram or Umaiyalpuram) என்பது இந்தியா, தமிழ் நாடு, தஞ்சாவூர் மாவட்டம் பாபநாசம் வட்டத்தில் உள்ள 120 வருவாய் கிராமங்களில் ஒன்றாகும்.

அமைவிடம்

கும்பகோணத்திலிருந்து திருவையாறு செல்லும் வழியில் கும்பகோணத்திலிருந்து 12 கிலோமீட்டர் தூரத்தில் இந்த ஊர் அமைந்துள்ளது. மாவட்டத் தலைநகர் தஞ்சாவூரிலிருந்து வடக்கே 23 கிலோமீட்டர் தொலைவில் உள்ளது. கிழக்கே கும்பகோணம், வலங்கைமான் வட்டங்களும், தெற்கே அம்மாப்பேட்டை வட்டமும், மேற்கே திருமானூர் வட்டமும், வடக்கே அரியலூர் வட்டமும் எல்லைகளாக அமைந்துள்ளன.

தஞ்சாவூர், நாஞ்சிக்கோட்டை, திருவாரூர், இலால்குடி என்பன அண்மையிலுள்ள நகரங்களாகும்.

பாபநாசம், சுந்தரப்பெருமாள் கோவில் ஆகிய தொடர்வண்டி நிலையங்கள் அண்மையிலுள்ளன. ஆயினும் விரைவு வண்டிகளில் செல்வோர் தஞ்சாவூர் நிலையத்தில் இறங்கிச் செல்ல வேண்டும்.

நிருவாக தகவல்

நாடு: இந்தியா
மாநிலம்: தமிழ் நாடு
மாவட்டம்: தஞ்சாவூர்
வட்டம்: பாபநாசம்
பஞ்சாயத்து: உமையாள்புரம் II
மக்கள் தொகை: 2011 ஆம் ஆண்டு கணக்கெடுப்பின்படி இந்த ஊரில் 1117 குடும்பங்களைச் சேர்ந்த 4697 நபர்கள் (2383 ஆண்கள், 2314 பெண்கள்)
அஞ்சலகம்: உமையாள்புரம் (அஞ்சல் பட்டுவாடா உள்ள கிளை அலுவலகம்)
அஞ்சல் குறியீடு: 614203
தொலைபேசி குறியீடு: 04374

ஊர் சிறப்புகள்

கோவில்கள்

500-1000 வருடங்களுக்கு பழமை வாய்ந்த குங்குமசுந்தரி அம்மன் உடனுறை காசி விசுவநாதர் ஆலயம்

முருகப் பெருமானிடம் உபதேசம் பெறுவதற்காக சுவாமிமலைக்கு புறப்பட்ட ஈசன், தன்னுடன் வந்த உமையவளை, 'நீ இங்கேயே நிரந்தரமாக இரு!' என்று அமர வைத்து விட்டுச் சென்ற இடம்தான் உமையாள்புரம் என்கின்றன புராணங்கள்.. . .

அண்மையிலுள்ள தலங்கள்

உமையாள்புரத்திற்கு அண்மையில் முருகனின் அறுபடை வீடுகளில் ஒன்றான சுவாமிமலை, நவக்கிரக தலங்கள், தாராசுரத்தில் திராவிட கட்டிட கலைச் சிறப்பை எடுத்துக்காட்டும் ஐராவத சிவன் கோவில், கங்கைகொண்ட சோழீஸ்வரர் கோயில், பெருவுடையார் கோயில் ஆகியவை உள்ளன.

பிரபல நபர்கள்

• உமையாள்புரம் கே. சிவராமன் - மிருதங்க வாத்திய கலைஞர்
• உமையாள்புரம் சுவாமிநாத ஐயர் - கருநாடக இசைக் கலைஞர்
• இயக்குநர் ஷங்கர் - திரைப்படம் இயக்குநர்
• உமையாள்புரம் கிருஷ்ண பாகவதர் (சற்குரு தியாகராஜரின் சீடர். உமையாள்புரம் சுவாமிநாத ஐயர் இவரின் சீடர்)
• உமையாள்புரம் சுந்தர பாகவதர்
• உமையாள்புரம் சுந்தரம் ஐயர்
• உமையாள்புரம் விசுவ ஐயர் - கடம் கலைஞர்
• உமையாள்புரம் கோதண்டராம ஐயர் மிருதங்க வாத்திய கலைஞர்
• உமையாள்புரம் மாலி - மிருதங்க வாத்திய கலைஞர்