தேரி அணை
| தேரி அணை | |
|---|---|
 டெஃறி அணை, 2008இல் | |
  Location of தேரி அணை in உத்தராகண்டம் | |
| நாடு | இந்தியா |
| அமைவிடம் | உத்தராகண்டம் |
| நிலை | செயல்பாட்டில் உள்ளது |
| கட்டத் தொடங்கியது | 1978 |
| திறந்தது | 2006 |
| கட்ட ஆன செலவு | US$1 billion |
| உரிமையாளர்(கள்) | THDC INDIA LIMITED |
| அணையும் வழிகாலும் | |
| வகை | Embankment, earth and rock-fill |
| தடுக்கப்படும் ஆறு | பாகீரதி ஆறு |
| உயரம் | 260.5 m (855 அடி) |
| நீளம் | 575 m (1,886 அடி) |
| அகலம் (உச்சி) | 20 m (66 அடி) |
| அகலம் (அடித்தளம்) | 1,128 m (3,701 அடி) |
| வழிகால் வகை | மதகு உடையது |
| வழிகால் அளவு | 15,540 m3/s (549,000 cu ft/s) |
| நீர்த்தேக்கம் | |
| மொத்தம் கொள் அளவு | 4.0 km3 (3,200,000 acre⋅ft) |
| மேற்பரப்பு பகுதி | 52 km2 (20 sq mi) |
| மின் நிலையம் | |
| பணியமர்த்தம் | 2006 |
| சுழலிகள் | Vertical Francis turbines |
| நிறுவப்பட்ட திறன் | 1,000 MW (1,300,000 hp) Max. planned: 2,400 MW |
தேரி அணை ( Tehri Dam) என்பது டெஃறி ஐதரோ டெவலப்மென்ட் கார்பரேசன் லிமிடட்டின் முக்கியமான அணையாகும். இது இந்தியாவில் உள்ள உத்தராகண்டம் மாநிலத்தின் டெஃறி நகரத்திற்கு அருகில் அமைந்துள்ளது. புனித கங்கை நதியின் துணை ஆறான பாகிரதி ஆற்றின் குறுக்கே அமைந்துள்ளது. இந்த டெஃறி அணை 855 அடி (261 மீ) உயரத்தைக் கொண்டிருப்பதால் உலகின் 10ஆவது உயரமான அணையாகப் பெயர் பெற்றுள்ளது.[1]
வரலாறு
[தொகு]டெஹ்ரி அணைத் திட்டத்தினைத் தொடங்குவதற்கான ஒரு பூர்வாங்க ஆய்வு 1961இல் முடிக்கப்பட்டது. இந்த வடிவமைப்பில் 600 மெகாவாட் உற்பத்தித் திறன் கொண்ட மின்நிலையமும் உண்டு. கட்டுமானப் பணிகள் 1978 இல் தொடங்கியது. ஆனால் நிதி, சுற்றுச்சூழல் மற்றும் சமூக தாக்கங்கள் காரணமாக பணிகள் தாமதமானது. சோவியத் ஒன்றியம் 1986 இல் வழங்கிய, தொழில்நுட்ப மற்றும் நிதி உதவி மூலம் மீண்டும் துவங்கிய பணிகள் அரசியல் உறுதியற்ற தன்மை காரணமாக பல குறுக்கீடுகளைச் சந்தித்தது. டெஹ்ரி அணையின் கட்டுமானம் 2006இல் நிறைவு பெற்றது. திட்டத்தின் இரண்டாவது பகுதியாக,97 மீட்டர் உயரம் கொண்ட கோட்டேஷ்வர் அணை 2012இல் முடிக்கப்பட்டது.[2]
திறன்
[தொகு]2400 MW அளவு மின் ஆற்றல் உற்பத்தித் திறனையும், 270,000 எக்டர்கள் பரப்பளவு பகுதிக்கு நீர்ப்பாசன வசதியையும், 600,000 எக்டர்கள் பகுதிக்கு நீர்ப்பாசன உறுதிப்படுத்தலையும், டெல்லி, உத்திரப்பிரதேசம் மற்றும் உத்தராகண்டம் போன்ற தொழில்சார்ந்த பகுதிகளுக்கு ஒவ்வொரு நாளும் 270 மில்லியன் கேலன்கள் குடிநீரையும் வழங்கும் திறனையும் இந்த அணை கொண்டுள்ளது. கோட்டேழ்சுவரில் நீரோட்ட திசையில் 14 கிலோமீட்டரில் மற்றொரு சிறிய அணை உள்ளது. அங்கு 400 MW மின்சாரம் உருவாக்கப்படுகின்றது. மேலும் அது TDP நீர்மின் திட்டத்தின் பகுதியாகவே கருதப்படுகிறது.[3]
சுற்றுச்சூழல் அமைப்புகள் மூலமாக எழுப்பப்பட்ட பிரச்சினைகள்
[தொகு]
சுற்றுச்சூழல் அமைப்புகள் மற்றும் அப்பகுதி மக்கள் மூலமாக இந்த டெஃறி அணை இயங்குவதற்கு எதிர்ப்புகள் இருந்து வருகின்றன. மனித உரிமைகள் பிரச்சினைகளுக்குக் கூடுதலாக இமயமலை அடிவாரங்களில் அழியத்தக்க சூழ்நிலைத்தொகுப்புடன் மிகப்பெரிய அணையாக இருப்பது சுற்றுச்சூழலுக்கு பின்விளைவுகளை ஏற்படுத்தும் என்று இத்திட்டப்பணி கருதப்படுகிறது. அணையின் புவிச்சரிதவியலுக்குரிய நிலைப்பாடும் மற்றொரு பிரச்சினையாக உள்ளது. ஒரு முக்கிய நில அமைப்பியன் தவறுடைய பகுதியான மத்திய இமயமலை நிலநடுக்கப் பகுதியில் இந்த டெஃறி அணை அமைந்துள்ளது. 1991 ஆம் ஆண்டு அக்டோபர் மாதத்தில் இப்பிரதேசத்தில் 6.8 பரும அளவு நிலநடுக்கம் ஏற்பட்டது. இதன் நிலநடுக்கமுனையானது அணை அமைந்துள்ள இடத்தில் இருந்து 500 கிமீ தொலைவில் ஏற்பட்டது. இந்த அணை 7.2 பரும அளவு நிலநடுக்கத்தை தாங்கும் வலிமையுடன் கட்டப்பட்டுள்ளது என அணையின் ஆதரவாளர்கள் தெரிவிக்கின்றனர். ஆனால் இந்தப் பகுதியில் ரிக்டர் 8.5 பரும அளவில் நிலநடுக்கங்கள் வர வாய்ப்புள்ளதாக சில நிலநடுக்க ஆய்வு வல்லுனர்கள் தெரிவிக்கின்றனர். அதைப் போன்ற பெருந்தீநேர்வு நிகழ்ந்து அணை உடைந்தால் நீரோட்டப் பாதையில் வசிக்கும் அரை மில்லியனுக்கும் அதிகமான பேர் உள்ள பல கிராமங்கள் அழிய நேரிடும். [4]
இப்பகுதியில் உள்ள 100,000 க்கும் அதிகமான மக்கள் வேறு இடங்களுக்கு குடியேற வேண்டுமென்பதால் மறு குடியேற்ற உரிமைகளின் மேல் நீண்ட சட்டச் சிக்கல்களுக்கு வழிவகுத்தது. அதன் விளைவாக இத்திட்டப்பணி முடிவுறாமல் காலத்தாழ்வு அடைந்தது.
2005 ஆம் ஆண்டில் இருந்து நீர்த்தேக்கத்தில் நீர் தேக்கப்பட்டதால் பாகிரதி நீரின் போக்கு அளவு வழக்கமான 1000 ft³/s இல் இருந்து 2 ft³/s வரை குறைந்தது. இந்த நீர்க்குறைபாடு இப்பிரதேசத்தில் அணைக்கு எதிராக கண்டனங்களுக்கு மையமாக அமைந்தன. புனித கங்கையின் பகுதியாக இந்த பாகிரதி கருதப்படுவதில் இருந்து இந்து தொன்மவியலுக்கு நெருக்கடியாக இந்த நீர் நிலைகள் அமைந்தன. ஆண்டில் சிலசமயங்களில் பாகிரதியின் நீர் தடுத்து நிறுத்தப்படுவதால் இதன் துணை ஆறுகளில் நீர் போக்கு நின்று விடுகிறது. அங்கு மின்சாரம் விளைவிப்பதால் கங்கையின் புனிதத்தன்மைக்கு மிகப்பெரிய ஊறு விளைவிக்கிறது எனும் சமயம் சார்ந்த எதிர்ப்புகள் இருந்தன. எனினும் டெஃறி அணையின் செயல்பாடுகள் தொடர்ந்து நடந்தது. 2006 ஆம் ஆண்டின் ஜூன் மாதத்தில் மின்சார உற்பத்தியில் முதல் அலகு உற்பத்தி செய்யப்பட்டது. [5]
குறிப்புதவிகள்
[தொகு]- ↑ https://en.wikipedia.org/wiki/List_of_tallest_dams_in_the_world
- ↑ http://www.internationalrivers.org/files/attached-files/tehri_dam_fact_sheet.pdf
- ↑ Official website பரணிடப்பட்டது 2013-06-02 at the வந்தவழி இயந்திரம் of the Tehri Hydro Development Corporation Limited, the organization in charge of the dam's construction
- ↑ Tehri: The Sinking Town a traveller's account of Tehri dam.
- ↑ Gaur, Vinod K. and Valdiya, K. S. (1993) Earthquake Hazard and Large Dams in the Himalaya Indian National Trust for Art and Cultural Heritage, New Delhi, பன்னாட்டுத் தரப்புத்தக எண் 81-900281-4-X பிழையான ISBN
புற இணைப்புகள்
[தொகு]
பொதுவகத்தில் தேரி அணை தொடர்பாக ஊடகக் கோப்புகள் உள்ளன.
- Books
- Hydrology and Water Resources of India - 8.5.3 Tehri Dam Project p. 376-381
- Tehri Hydro Power Complex on the Bhagirathi River in India பரணிடப்பட்டது 2011-07-14 at the வந்தவழி இயந்திரம் Journal Power Technology and Engineering (formerly Hydrotechnical Construction), Springer, New York ISSN 1570-145X (Print) 1570-1468 (Online) Vol. 34, No. 8-9 / Aug, 2000 DOI 10.1023/A:1004187208788, pp 479–484, November 02, 2004
- News articles
- India goes ahead with Tehri dam (8 December 2001)
- Indian court clears dam project (2 September 2003)
- A Dam Shame, article from Grist Magazine (8 June 2004)
- India tunnel collapse toll rises (4 August 2004)
- Tehri: The ‘Dam’ned barrier (12 November 2005)
- Tehri hydroelectric plant begins operations (30 July 2006)
- 2,400 MW Tehri project to bridge north India power gap பரணிடப்பட்டது 2008-05-19 at the வந்தவழி இயந்திரம் (31 July 2006)
- Tehri Project at Last; Tehri: An environmental hazard? பரணிடப்பட்டது 2009-09-17 at the வந்தவழி இயந்திரம் 16 ஆகஸ்ட் 2006
- Russia's Power Machines launches first unit of India power plant (8 September 2006)
- Photographs
- 4 5
- Tehri dam pics June 7 பரணிடப்பட்டது 2011-07-08 at the வந்தவழி இயந்திரம்