இல. கணேசன்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
இல. கணேசன்
17வது மணிப்பூர் ஆளுநர்
பதவியில் உள்ளார்
பதவியேற்பு
27 ஆகத்து 2021[1]
முதலமைச்சர் ந. பீரேன் சிங்
முன்னவர் கங்கா பிரசாத் (கூடுதல் பொறுப்பு)
நாடாளுமன்ற மாநிலங்களவை உறுப்பினர்
பதவியில்
6 அக்டோபர் 2016 – 2 ஏப்ரல் 2018
முன்னவர் நஜ்மா ஹெப்துல்லா
பின்வந்தவர் கைலாஷ் சோனி
தனிநபர் தகவல்
பிறப்பு பெப்ரவரி 16, 1945 (1945-02-16) (அகவை 76)
தஞ்சாவூர்
தேசியம் இந்தியன்
அரசியல் கட்சி பாரதிய ஜனதா கட்சி
பணி நாடாளுமன்ற மாநிலங்களவை உறுப்பினர்

இல. கணேசன் (iLa. Ganeshan, பிறப்பு: 16 பிப்ரவரி 1945) ஓர் இந்திய அரசியல்வாதியும், மணிப்பூர் மாநிலத்தின் தற்போதைய ஆளுநரும் ஆவார். [2][3] இந்தியாவின் தஞ்சாவூரைச் சேர்ந்தவர். பாரதிய ஜனதா கட்சியின் தமிழ்நாட்டின் மூத்த அரசியல்வாதியும் மற்றும் கட்சியின் தேசியக் குழுவின் முன்னாள் உறுப்பினரும் ஆவார்.[4] பாரதிய ஜனதா கட்சியின் தமிழ்நாடு மாநில செயலராக நியமிக்கப்படுவதற்கு முன்பு ராஷ்டிரிய சுயம்சேவக் சங்கத்தின் பிரச்சாரகராக இருந்தவர்.[5] பின் கட்சியின் தேசிய செயலராகவும், கட்சியின் தேசிய துணைத்தலைவராகவும் பணியாற்றியவர்.[6] பின்னர் கட்சியின் தமிழ்நாடு மாநில தலைவராக தேர்ந்தெடுக்கப்பட்டார்.

தொடக்க கால வாழ்க்கை[தொகு]

1945 ஆம் ஆண்டு பிப்ரவரி மாதம் 16 ஆம் நாள் இலக்குமிராகவன் - அலமேலு தம்பதியின் மகனாகப் பிறந்தார். சிறுவயதில் தந்தையை இழந்ததால் அண்ணன் அரவணைப்பில் வளர்ந்தார். ஆர்எஸ்எஸ் அமைப்பில் ஈடுபாடு கொண்டு திருமணம் செய்யாமலும் தனது வேலையை விட்டுவிட்டும் முழுநேரச் செயல்பாட்டாளராகப் பொதுவாழ்விற்கு வந்தார்.[7] இவர் தெலுங்கு பிராமண வகுப்பை சேர்த்தவர்.[8][9]

அரசியல் வாழ்க்கை[தொகு]

இவர் பாஜகவின் செயற்குழு உறுப்பினர்களுள் ஒருவர். 1991 இல் பாஜகவின் மாநில அமைப்புச் செயலாளரானார். 2009 மக்களவைத் தேர்தலிலும், 2014 மக்களவைத் தேர்தலிலும் தென் சென்னை தொகுதியில் பாஜக வேட்பாளராகப் போட்டியிட்டுத் தோல்வியடைந்தார். பின்னர் மத்தியப் பிரதேசத்திலிருந்து மாநிலங்களவை உறுப்பினராகத் தேர்வு செய்யப்பட்டு, 6 அக்டோபர் 2016 அன்று பதவி ஏற்றுக் கொண்டார்.[10]

ஆகஸ்டு 22, 2021 அன்று இந்திய குடியரசுத் தலைவர் திரு. ராம் நாத் கோவிந்த் அவர்களால் 17வது மணிப்பூர் மாநில ஆளுநராக நியமிக்கப்பட்டார்.

மேற்கோள்கள்[தொகு]

  1. La. Ganesan sworn in as Governor of Manipur
  2. மணிப்பூர் ஆளுநராகும் இல.கணேசன்
  3. "மணிப்பூர் மாநில ஆளுநராக இல.கணேசன் நியமனம்". புதிய தலைமுறை (ஆகத்து 22, 2021)
  4. "BJP-DMDK alliance possible: L Ganesan". The Economic Times. July 9, 2013. http://articles.economictimes.indiatimes.com/2013-07-09/news/40469452_1_dmdk-ram-sethu-lok-sabha. பார்த்த நாள்: 9 January 2014. 
  5. "Munde lobbies for Mahajan’s post, but RSS has other plans". The Indian Express. May 13, 2006. http://www.indianexpress.com/news/munde-lobbies-for-mahajan-s-post-but-rss-has-other-plans/4328/. பார்த்த நாள்: 9 January 2014. 
  6. "By elevating Ganesan, BJP hopes to strengthen State unit". The Indian Express. Feb 1, 2006. http://www.thehindu.com/todays-paper/tp-national/tp-tamilnadu/by-elevating-ganesan-bjp-hopes-to-strengthen-state-unit/article3172447.ece. பார்த்த நாள்: 9 January 2014. 
  7. "தலைவர் 11 தகவல்கள்: இல.கணேசன்". தி தமிழ் இந்து. https://tamil.thehindu.com/opinion/columns/article25199707.ece. பார்த்த நாள்: 29 May 2019. 
  8. கவர்னராகிறார் இல.கணேசன்; முழு வாழ்க்கை வரலாறு. தினமலர். 22 ஆகத்து 2021. https://m.dinamalar.com/detail.php?id=2828409. 
  9. ந.இறைவன், தொகுப்பாசிரியர் (ஏப்ரல் 2014). பிஜேபி கூட்டணி என்ற பெயரில் தெலுங்கர்கள் அமைத்த தெலுங்கர் மறுமலர்ச்சிக் கூட்டணி வரலாறு காணாத கண்ணாமூச்சி ஆட்டங்கள். அச்சமில்லை இதழ். பக். 4. "இல. கணேசன்-தெலுங்கு பிராமணர்" 
  10. மாநிலங்களவை உறுப்பினராக பதவியேற்றார் இல. கணேசன்
"https://ta.wikipedia.org/w/index.php?title=இல._கணேசன்&oldid=3274603" இருந்து மீள்விக்கப்பட்டது