இரண்டாம் இரமேசசின் மகன்களின் கல்லறை
| கேவி5 | |
|---|---|
 இரண்டாம் இரமேசசின் மகன்களின் கல்லறையின் வரைபடம் | |
| அமைவிடம் | மன்னர்களின் சமவெளி |
| ஆள்கூற்றுகள் | 25°44′26.2″N 32°36′07.1″E / 25.740611°N 32.601972°E |
| உரிமையாளர் | இரண்டாம் இரமேசசின் மகன்களின் கல்லறை |
இரண்டாம் இரமேசசின் மகன்களின் கல்லறை அல்லது என்பது கேவி5 மன்னர்களின் சமவெளியில் நிலத்தடியில் அமைந்துள்ள கல் சவப்பெட்டியாகும். இது இரண்டாம் ராமேசசின் மகன்களுக்கு சொந்தமானது. 1825 ஆம் ஆண்டிலேயே கல்லறையில் பகுதியளவு அகழ்வாராய்ச்சி செய்யப்பட்டாலும், அதன் உண்மையான அளவு 1995 இல் கென்ட் ஆர். வீக்ஸ் மற்றும் அவரது ஆய்வுக் குழுவினரால் முழுமையாகக் கண்டுபிடிக்கப்பட்டது. இந்த கல்லறை இப்போது மன்னர்கள் சம்வெளியில் கண்டுபிடிக்கப்பட்ட கல்லறைகளில் மிகப்பெரியதாக அறியப்படுகிறது. 1922 இல் துட்டன்காமனின் கல்லறை கண்டுபிடிக்கப்பட்டதிலிருந்து கென்ட் ஆர். வீக்ஸின் கண்டுபிடிப்பு பள்ளத்தாக்கில் மிகவும் வியத்தக ஒன்றாகக் கருதப்படுகிறது.
வரலாறு[தொகு]
சமவெளியில் நுழையும் போதே இக் கல்லறை கண்டுபிடிக்கப்பட்டது. [1] கூடுதலாக, பல நூற்றாண்டுகளாக, இது மற்ற கல்லறைகளைப் போலவே சமவெளியில் ஏற்பட்ட திடீர் வெள்ளத்தில் உருவான இடிபாடுகளால் மூடப்பட்டிருந்தது.
ஒப்பீட்டளவில் நவீன காலங்களில் பள்ளத்தாக்கின் ஆய்வு தொடங்கப்பட்டவுடன் கல்லறை பல முறை ஆய்வு செய்யப்பட்டது. முதலில் 1825 இல் ( ஜேம்ஸ் பர்ட்டன் ), பின்னர் 1902 இல் ( ஹோவர்ட் கார்ட்டர், துட்டன்காமுனின் கல்லறையைக் கண்டுபிடித்தவர். இவர் கேவி5 ஐ குப்பை கொட்டும் இடமாக மட்டுமே பயன்படுத்தினார். ) இருப்பினும், அவர்களால் முதல் சில அறைகளுக்குள் ஊடுருவ முடியவில்லை. இதனால் அப்போது கல்லறையில் அசாதாரணமான எதையும் காணவில்லை.
கென்ட் ஆர். வீக்ஸின் கீழ், நடைபெற்ற ஆராய்ச்சிப் பணிகளில் அதன் உண்மையான அளவு மற்றும் தன்மை கண்டறியப் பட்டது. 1987 இல் பணிகள் தொடங்கப்பட்டாலும், கல்லறையின் வெளிப்புற அறைகளில் விரிவான சுத்தம் செய்யப்பட்ட பிறகே, 1995 இல் முதல் கணிசமான கண்டுபிடிப்பு வெளிவந்தது: தோராயமாக 70 அறைகள், நீண்ட தாழ்வாரங்களில் வரிசையாக சென்று, மீண்டும் மலைப்பாதை வழியே செல்கின்றன. அறைகளின் எண்ணிக்கை தோராயமாக பாரோவின் மகன்களின் எண்ணிக்கையுடன் ஒத்துள்ளது. இந்த கண்டுபிடிப்பு உலகளாவிய பரபரப்பை ஏற்படுத்தியது. மேலும், எகிப்தியவியலில் மக்கள் ஆர்வத்தை மீண்டும் தூண்டியது. இதுவரை கிடைத்த கண்டுபிடிப்புகளில் ஆயிரக்கணக்கான பாட்ஷார்ட்கள், உஷாப்தி, தகரம் படிந்த மட்பாண்டங்கள், மணிகள், ஓஸ்ட்ராகா, கண்ணாடி குப்பிகள், உள்வைப்புகள் மற்றும் மரணத்திற்குப் பிந்தைய வாழ்க்கையின் கடவுளான ஒசைரிஸின் பெரிய சிலை ஆகியவை அடங்கும்.
மேலும் அகழ்வாராய்ச்சியில் கல்லறை முதலில் நினைத்ததை விட பெரியதாக இருந்தது. ஏனெனில் இது கல்லறையின் முன்னர் கண்டுபிடிக்கப்பட்ட பகுதிகளிலிருந்து பிரிந்து, அதிக அறைகளுடன், அதிக தாழ்வாரங்களைக் கொண்டுள்ளது. 2006 ஆம் ஆண்டு வரை குறைந்தது 130 அறைகள் கண்டுபிடிக்கப்பட்டுள்ளன (அவற்றில் 7% மட்டுமே அழிந்த நிலையில் காணப்பட்டது). மேலும் கல்லறையின் எஞ்சிய பகுதிகளை அகற்றும் பணி இன்றும் தொடர்கிறது. [2] [3]
இரண்டாம் ராமேசசின் கல்லறைக்கு அருகில் அமைந்துள்ள கேவி7, அவரது பெரும்பாலான குழந்தைகளின் கல்லறைகளைக் கொண்டிருந்தது. ஆண் மற்றும் பெண் இருபாலரும், குறிப்பாக அவரது வாழ்நாளில் இறந்தவர்கள். அமுன்-ஹெர்-கெபெஷெப்பின் மண்டை ஓடு துண்டுகள், மற்றவற்றுடன், உள்ளே கண்டுபிடிக்கப்பட்டு புனரமைக்கப்பட்டது.
மேற்கோள்கள்[தொகு]
- ↑ Weeks, Kent R. (1998). The Lost Tomb. New York: William Morrow. பன்னாட்டுத் தரப்புத்தக எண்:0-688-17224-5. https://archive.org/details/losttomb0000week.
- ↑ "Audio - Atlas of the Valley of the Kings - Theban Mapping Project". பார்க்கப்பட்ட நாள் 2011-10-25.
- ↑ "Valley of the Kings - KV5". பார்க்கப்பட்ட நாள் 2007-04-08.
மேலும் படிக்க[தொகு]
- Kent R. Weeks, KV 5: A Preliminary Report on the Excavation of the Tomb of the Sons of Ramesses II in the Valley of the Kings. Cairo: American University Press, 2000 பன்னாட்டுத் தரப்புத்தக எண் 977-424-574-1
- Reeves, N & Wilkinson, R.H. The Complete Valley of the Kings, London: Thames and Hudson, 1996.
- Siliotti, A. Guide to the Valley of the Kings and to the Theban Necropolises and Temples, Cairo: A.A. Gaddis, 1996.
வெளி இணைப்புகள்[தொகு]
- Theban Mapping Project – Plan of the tomb and other details.
- KV5 Progress Reports – Considerable detail of the work performed each year
