அபு மலை
| அற்புதா மலை Arbuda Mountains | |
|---|---|
 ஆராவல்லி மலைத்தொடரின் மிக உயர்ந்த இடமான குரு ஷிஹார் என்ற இடத்தில் இருந்து அபு மலைப்பகுதியின் தோற்றம். | |
| உயர்ந்த இடம் | |
| உச்சி | குரு சிகரம், ராஜஸ்தான் |
| உயரம் | 1,722 m (5,650 அடி) |
| ஆள்கூறு | 24°39′55″N 72°46′55″E / 24.66528°N 72.78194°E |
| பரிமாணங்கள் | |
| நீளம் | 30 km (19 mi) |
| புவியியல் | |
  அற்புதா மலை Arbuda Mountains The general location of the Arbuda Mountains. | |
| நாடு | இந்தியா |
| நிலவியல் | |
| பாறையின் வயது | Precambrian |
அபு மலை (Mount Abu) என்பது இந்தியாவின் மேற்கில் ராஜஸ்தான் மாநிலத்திலுள்ள ஆரவல்லி மலைத் தொடரில் உள்ள உயரமான சிகரமாகும். இது சிரோஹி மாவட்டத்தில் அமைந்துள்ளது. மவுண்ட் அபு பலன்பூருக்கு (குஜராத்) 58 கிமீ உயரத்தில் அமைந்துள்ளது. இந்த மலை 22 கிமீ நீளமும் 9 கிமீ அகலமும் கொண்ட தனிச்சிறப்புமிக்க பீடபூமியை உருவாக்குகிறது. இம்மலையில் உள்ள மிக உயர்ந்த சிகரம், குரு ஷிங்கார் ஆகும், இது கடல் மட்டத்திலிருந்து 1722 மீட்டர் உயரத்தில் அமைந்துள்ளது. இதன் உயரமே ஆறுகளுக்கும், ஏரிகளுக்கும் நீர் வீழ்ச்சிகளுக்கும் பசுமைமாறாக் காடுகளுக்கும் மூலமாக அமைந்துள்ளதால், இது பாலைவனச்சோலை என அழைக்கப்படுகிறது. மவுண்ட் அபுவின் பழைய பெயர் "அற்புதாஞ்சல் " ஆகும்
தொன்மம்[தொகு]
புராணங்களில், இப்பகுதி அற்புதாரன்யா ("அர்புவின் காடு") என்று அழைக்கப்பட்டது, 'அபு' என்பது இந்தப் பழைய பெயரின் திரிபாகும். வசிஷ்ட முனிவர் விஷ்வமித்ர முனிவருடனான கருத்து வேறூபாட்டுக்குப் பின்னர் மவுண்ட் அபுவின் தெற்கு முனைக்குப் பிரிந்து வந்துவிட்டதாக நம்பப்படுகிறது, எனினும் இதற்கு பெரிய ஆதாரங்கள் ஏதும் இல்லை.
அற்புதா மலை (Arbuda Mountains) என்ற பெயரில் மகாபாரத காவியத்தில் விவரிக்கப்பட்ட மலைத்தொடர். இந்த அபு மலைப்பகுதியே என அடையாளம் காணப்பட்டுள்ளது. அர்சுனன் தன்னுடைய 12 ஆண்டுகால வனவாசத்தின்போது இங்கு வந்ததாக குறிக்கப்பட்டுள்ளது.
காலநிலை[தொகு]
| தட்பவெப்ப நிலைத் தகவல், Mount Abu | |||||||||||||
|---|---|---|---|---|---|---|---|---|---|---|---|---|---|
| மாதம் | சன | பிப் | மார் | ஏப் | மே | சூன் | சூலை | ஆக | செப் | அக் | நவ | திச | ஆண்டு |
| உயர் சராசரி °C (°F) | 19.3 (66.7) |
21.0 (69.8) |
25.3 (77.5) |
29.4 (84.9) |
31.5 (88.7) |
29.1 (84.4) |
24.5 (76.1) |
22.7 (72.9) |
24.5 (76.1) |
26.7 (80.1) |
23.8 (74.8) |
20.9 (69.6) |
24.89 (76.81) |
| தாழ் சராசரி °C (°F) | 8.0 (46.4) |
10.0 (50) |
14.5 (58.1) |
18.7 (65.7) |
21.0 (69.8) |
19.8 (67.6) |
18.7 (65.7) |
17.8 (64) |
17.6 (63.7) |
16.2 (61.2) |
12.1 (53.8) |
9.0 (48.2) |
15.28 (59.51) |
| பொழிவு mm (inches) | 5.3 (0.209) |
4.4 (0.173) |
6.5 (0.256) |
2.6 (0.102) |
16.4 (0.646) |
101.6 (4) |
573.2 (22.567) |
600.3 (23.634) |
214.2 (8.433) |
19.4 (0.764) |
7.9 (0.311) |
2.4 (0.094) |
1,554.2 (61.189) |
| ஆதாரம்: IMD | |||||||||||||
சுற்றிப்பார்க்க வேண்டிய இடங்கள்[தொகு]
மவுண்ட் அபு நகர் ராஜஸ்தானில் உள்ள ஒரே ஒரு மலை வாழிடமாகும், இது 1220 மீட்டர் உயரத்தில் அமைந்துள்ளது. ராஜஸ்தான் மற்றும் அருகிலுள்ள குஜராத் ஆகிய இடங்களின் வெப்பத்திற்கு மிகுந்த ஆறுதலாகப் பல நூற்றாண்டுகளாக இருந்துவருகிறது. மவுண்ட் அபு வனவிலங்குகள் காப்பகம் 1960 இல் நிறுவப்பட்டது, மேலும் இது மலையின் 290 ச.கிமீ பரப்பிற்குப் பரந்து அமைந்துள்ளது.
மவுண்ட் அபுவில் எண்ணற்ற ஜைன மதக் கோவில்கள் அமைந்துள்ளன. டில்வாரா கோவில்கள் என்பது பல கோவில்களின் தொகுப்பாகும், இது வெள்ளைப் பளிங்குக்கல்லால் கட்டப்பட்டது, பொ.ஊ. 11 மற்றும் 13 ஆம் நூற்றாண்டுக்கு இடைப்பட்ட காலத்தில் இது கட்டப்பட்டுள்ளது. இக்கோவில்களில் விமல் வாசஹி கோவில் மிகப் பழமையானதாகும், அது பொ.ஊ. 1031 இல் விமல் ஷா என்பவரால் கட்டப்பட்டது, மேலும் அது முதல் ஜைன தீர்த்தரங்கருக்கு அர்ப்பணிக்கப்பட்டது. லுன் வாசஹி கோவில் பொ.ஊ. 1231 இல் வஸ்துப்பால் மற்றும் தேஜ்பால் சகோதரர்களால் கட்டப்பட்டது, அவர்கள் போர்வல் ஜைன சமூகத்தைச் சேர்ந்தவர்களாவர். அவர்கள் குஜராத்தை ஆண்ட மன்னரான ராஜா வீர் டவாலின் மந்திரிகளாக இருந்தவர்களாவர்.
அதனருகிலுள்ள அச்சல்கார் கோட்டை, 14 ஆம் நூற்றாண்டில் மேவாரின் ரானா கும்பாவால் கட்டப்பட்டது. இதில் அச்சலேஸ்வர் மஹாதேவ் கோவில் (1412), கண்டிநாத் கோவில் (1513) போன்ற பல அழகிய ஜைனக் கோவில்கள் உள்ளன.
நாக்கி ஏரியும் மவுண்ட் அபுவில் காணவேண்டிய மற்றொரு முக்கிய அழகான இடமாகும். இந்த ஏரியின் அருகில் மலையில் ஒரு தேரைப் பாறை அமைந்துள்ளது. ரகுநாத் கோவில் மற்றும் மஹாராஜ ஜெய்ப்பூர் அரண்மனை ஆகியவையும் மலையில் இந்த நாக்கி ஏரியின் அருகிலேயே அமைந்துள்ளது.
உறுதியான பாறையில் கட்டப்பட்டதான ஆதார் தேவி கோவில், ஸ்ரீ ரகுநாத்ஜி கோவில், குரு ஷிங்கார் சிகரத்தில் கட்டப்பட்டுள்ள தத்தாத்ரேயருக்கான ஒரு மடமும் கோவிலும் உள்ளிட்ட பல இந்துக் கோவில்களும் இந்த மலையில் உள்ளன. பிரம்ம குமாரி எனும் பெண்கள் துறவி சங்கத்தின் தலைமையகமும் இங்கு உள்ளது, மேலும் அதன் மற்றொரு அமைப்பின் உலக ஆன்மீகப் பல்கலைக்கழகமும் இங்கு அமைந்துள்ளது. மவுண்ட் அபுவின் உச்சியில் கடவுள் விஷ்ணுவின் பாதத் தடம் இருப்பதாகவும் ஒரு நம்பிக்கை உள்ளது. மவுண்ட் அபுவின் வெளியே அருகாமையில் உள்ள ஜாகத் என்னுமிடத்தில் உள்ள பாறைப் பிளவுகளில் துர்கை கோவில், அம்பிகா மாதா கோவில் ஆகியவையும் அமைந்துள்ளன.
போக்குவரத்து[தொகு]
அருகாமையிலுள்ள இரயில் நிலையம் அபு ரோட் என்ற நிலையமாகும், இது தாழ்நிலத்தில் மவுண்ட் அபு டவுனின் தென்கிழக்கில் 27 கிமீ தொலைவில் உள்ளது. இந்த இரயில் நிலையம் இந்திய ரயில்வேயின் டெல்லி, பலன்பூர் மற்றும் அஹமதாபாத் ஆகியவற்றுக்கிடையேயான பிரதான இரயில் பாதையில் அமைந்துள்ளது.
மக்கள்தொகை விளக்கம்[தொகு]
2001 இந்திய மக்கள் தொகைக் கணக்கெடுப்பின்படி,[1] மவுண்ட் அபுவில் மக்கள் தொகை 22,045 என இருந்தது. இவ்விடத்தின் மக்கள்தொகையில் ஆண்கள் 58% மற்றும் பெண்கள் 42% என உள்ளனர். மவுண்ட் அபுவில் கல்வி கற்றவர்கள் சதவீதம் 67%, என தேசிய சராசரியான 59.5% என்ற சதவீதத்தை விட அதிகமாக உள்ளது: ஆண்களின் கல்வி கற்றோர் சதவீதம் 77%, மற்றும் பெண்களுக்கு 55% ஆகும். மவுண்ட் அபுவின் மக்கள்தொகையில் 14% பேர் 6 வயதிற்குட்பட்டவர்களாவர்.
குறிப்புகள்[தொகு]
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. பார்க்கப்பட்ட நாள் 2008-11-01.
புற இணைப்புகள்[தொகு]
- Shri Achaleshwar Mahadev Mandir பரணிடப்பட்டது 2017-09-02 at the வந்தவழி இயந்திரம்
- Mount Abu Coordinates
- Mount Abu Population
- Abu Winter Festival
- Mount Abu Virtual Tour 360 பரணிடப்பட்டது 2013-03-25 at the வந்தவழி இயந்திரம்
- Mount Abu Panorama
"Abu". கோலியரின் புதுக் கலைக்களஞ்சியம். (1921).
