ஜலோர் மாவட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search



ஜலோர் மாவட்டம் (Jalore District) இந்தியாவின் இராஜஸ்தான் மாநிலத்தின் தென்மேற்கில் உள்ளது. இம்மாவட்ட நிர்வாகத் தலைமையிட நகரம் ஜலோர் ஆகும். இம்மாவட்டம் 10,640 சதுர கிலோ மீட்டர் பரப்பளவு கொண்டது. இம்மாவட்டத்தின் மக்கள்தொகை 1,828,730 ஆகும்.

மாவட்ட எல்லைகள்[தொகு]

ஜலோர் மாவட்டத்தின் வடமேற்கில் பார்மேர் மாவட்டம், வடகிழக்கில் பாலி மாவட்டம், தென்கிழக்கில் சிரோஹி மாவட்டம், தென்மேற்கில் குஜராத் மாநிலத்தின் பனஸ்கந்தா மாவட்டம் எல்லையாகக் கொண்டது.

புவியியல்[தொகு]

இம்மாவட்டத்தில் பாயும் முக்கிய ஆறான லூனி ஆற்றில் மழைக்காலங்களில் மட்டும் நீர் பாயும்.

மாவட்ட நிர்வாகம்[தொகு]

ஜலோர் மாவட்டத்தை, வருவாய் நிர்வாக வசதிக்காக ஒன்பது வருவாய் வட்டங்களாகப் பிரித்துள்ளனர். அவைகள்; அகோர், ஜலோர், பின்மால், ரனிவாரா, சயாலா, பகோடா, ஜஸ்வந்த்புரா, சிதால்வானா மற்றும் சஞ்சோர் ஆகும்.[1]

மேலும் ஊரக வளர்ச்சிக்காக, இம்மாவட்டம் ஏழு ஊராட்சி ஒன்றியங்களைக் கொண்டது.

இம்மாவட்டத்தின் 264 கிராம ஊராட்சிகளில் 1111 கிராமங்களும், 767 வருவாய் கிராமங்களும் உள்ளது. இம்மாவட்டத்தில் ஜலோர், பின்மால் மற்றும் சஞ்சோர் என மூன்று நகராட்சிகள் கொண்டது.

பொருளாதாரம்[தொகு]

கால்நடைகளை மேய்ப்பவர்

ஜலோர் மாவட்டத்தின் முக்கியப் பொருளாதரம் வேளாண்மை மற்றும் கால்நடைகளைப் பராமரித்தலே ஆகும். இம்மாவட்டத்தின் நிலத்தடி சுரங்கங்களில் ஜிப்சம், சுண்ணாம்ப்புக்கல், பளிங்குக் கல் கனிசமாகக் கிடைக்கிறது.

போக்குவரத்து[தொகு]

பதிந்தா - கண்ட்லா துறைமுகத்தை இணைக்கும் தேசிய நெடுஞ்சாலை எண் 15, ஜலோர் மாவட்டம் வழியாகச் செல்கிறது.

இரண்டு நடைமேடைகள் கொண்ட ஜலோர் தொடருந்து நிலையம்[2], அகமதாபாத், பெங்களூர், பிகானேர், ஜோத்பூர், காந்திதாம் மற்றும் பார்மர் நகரங்களுடன் இணைக்கிறது.

மக்கள்தொகையியல்[தொகு]

10,640 சதுர கிலோ மீட்டர் பரப்பளவு கொண்ட ஜலோர் மாவட்டத்தின் 2011-ஆம் ஆண்டின் மக்கள்தொகை கணக்கெப்பின் படி, மொத்த மக்கள்தொகை 1,828,730 ஆகும். அதில் ஆண்கள் 936,634 ஆகவும்; பெண்கள் 892,096ஆகவும் உள்ளனர். பாலின விகிதம் ஆயிரம் ஆண்களுக்கு, 952 பெண்கள் வீதம் உள்ளனர். பத்தாண்டுகளில் மக்கள்தொகை வளர்ச்சி விகிதம் ( 2001 - 2011) 26.21% ஆக உயர்ந்துள்ளது. மக்கள்தொகை அடர்த்தி ஒரு சதுர கிலோ மீட்டர் பரப்பில் 172 நபர்கள் வீதம் வாழ்கின்றனர். சராசரி எழுத்தறிவு 54.86% ஆகவுள்ளது. ஆறு வயதிற்குட்பட்ட குழைந்தைகள் 316,455 ஆகவுள்ளனர்.

ஜலோர் மாவட்ட மக்கள்தொகையில் இந்துக்கள் 17,32,852 (94.76%);; இசுலாமியர்கள் 78,990 (4.32 %) ஆகவும் உள்ளனர். பிற சமயத்தவர்கள் 0.92% ஆகவுள்ளனர்.[3]

தட்பவெப்பம்[தொகு]

ஜலோர் மாவட்டத்தின், கோடைக்கால அதிகபட்ச வெப்பம் 50 பாகை செல்சியமும்; குளிர்கால குறைந்தபட்ச வெப்பம் 4 பாகை செல்சியசாகவும் உள்ளது. ஆண்டு சராசரி மழைப்பொழிவு 412மிமீ ஆகும்.

மேற்கோள்கள்[தொகு]

வெளி இணைப்புகள்[தொகு]

ஆள்கூறுகள்: 25°21′00″N 72°37′12″E / 25.35000°N 72.62000°E / 25.35000; 72.62000

"https://ta.wikipedia.org/w/index.php?title=ஜலோர்_மாவட்டம்&oldid=2606503" இருந்து மீள்விக்கப்பட்டது