கல்லீரல் அழற்சி

கட்டற்ற கலைக்களஞ்சியமான விக்கிப்பீடியாவில் இருந்து.
கல்லீரல் அழற்சி
Classification and external resources
Alcoholic hepatitis evident by fatty change, cell necrosis, Mallory bodies
ஐ.சி.டி.-10 K75.9
ஐ.சி.டி.-9 573.3
DiseasesDB 20061
MeSH D006505

கல்லீரல் அழற்சி (Hepatitis) (பன்மை hepatitides ) என்பது மனித உடலில் உள்ள கல்லீரலானது அழற்சி அல்லது வீக்கம் கொள்வதாகும், அந்த நிலைமையில் அந்த உறுப்பின் திசுக்கள் சார்ந்த உயிரணுக்கள் வீக்கத்துடன் காணப்படுவதே அதன் அறிகுறியாகும். இந்த பெயரானது பண்டைய கிரேக்க மொழி சொல்லான ஹெபர் (ἧπαρ) என்பதிலிருந்து வந்ததாகும், இதன் மூலச்சொல் ஹெபட் -(ἡπατ-) ஆகும், அதாவது கல்லீரல் என்ற பொருள் தருகிறது, மற்றும் பின் ஒட்டுச்சொல்லான -இடிஸ் (-itis) என்பது "அழற்சி அல்லது வீக்கம்" என்ற பொருள் கொண்டதாகும், இச்சொல் இவை இரண்டும் கலந்ததாகும் (c. 1727)[1]. இந்த நிலைமையானது தனது வரம்பிற்குள்ளேயே அடங்கலாம், மேலும் தன்னாலேயே குணமாகலாம், அல்லது மேலும் மோசமடைந்து கல்லீரலில் வடு ஏற்படலாம். ஆறு மாதங்களுக்கும் குறைவாக கல்லீரல் அழற்சி இருந்தால், அந்நிலைமை கடுமையான(acute) பாதிப்பை குறிக்கும் ஆனால் அதற்கு மேலும் நீடித்தால் அப்போது அது கடுமையாக நீடிக்கும் நீண்டகால(chronic) வகையை சாரும். உலகளவில் உடல் நலத்தை மிகையாக பாதிக்கும் இவ்விதமான கல்லீரல் சேதாரத்திற்கு ஒரு வகையான கல்லீரல் அழற்சி தீநுண்மங்கள் அல்லது நச்சுயிரிகளே காரணமாகும். மேலும் நச்சுப்பொருட்களாலும் கல்லீரல் அழற்சி ஏற்படலாம் (குறிப்பாக சாராயம்), இதர பாதிப்புகள் தன்னுடல் தாங்குதிறன் செயல்முறைகளால் ஏற்படலாம். நோய்க்குறித் தோன்றாதவாறு அது ஒரு மனிதனை உள்ளுக்குள்ளேயே பாதிக்கலாம். நச்சுப்பொருட்களின் நீக்கம், இரத்தத்தின் பொதிவை ஒழுங்காக வைத்தல், மற்றும் உடலில் ஜீரணசக்த்தியை பேணும் பித்தநீர் உற்பத்தி போன்றவை பாதிப்புக்கு உள்ளாகும் பொழுது வெளிப்படையாக ஒரு நோயாளி உடல் நிலை சரியில்லாமலும் நோய்க்குறி புண்களுடனும் காணப்படுகிறான்.

காரணங்கள்[தொகு]

கடுமையானவை[தொகு]

  • நச்சுயிரியால் ஏற்படும் கல்லீரல் அழற்சிகள் (Viral கல்லீரல் அழற்சி): ஏ முதல் ஈ வரையிலான பாகுபாடு கொண்ட கல்லீரல் அழற்சி வகைகள் (95% விழுக்காட்டிற்கும் மேலான நச்சுயிரிகளின் காரணமாக ஏற்படுவது), சிற்றக்கி (Herpes simplex), சைட்டோமேகல்லோ வைரஸ் (Cytomegalovirus), எப்ஸ்டீன்-பார் வைரஸ் (Epstein-Barr), மஞ்சள் காய்ச்சல் நச்சுயிரி (yellow fever virus), அடெனோ நச்சுயிரிகள் (adenoviruses) போன்றவை.
  • நச்சுயிரிகள் அல்லாத அழற்சி: டோக்சோபிளாசுமா (toxoplasma), லேப்டோச்பிரா (Leptospira), க்யூ காய்ச்சல் (Q fever),[2] மலை காய்ச்சல் (rocky mountain spotted fever)[3] போன்றவை.
  • மது அல்லது சாராயம்
  • நச்சுப்பொருட்கள் (Toxin): காளானில் ஏற்படும் நச்சுக் காளான், காபன் டெட்ரா குளோரைடு (carbon tetrachloride), பெருங்காயத்தில் (asafoetida) ஏற்படும் நச்சுக் காளான்.
  • மருந்துகள்: உடல் வெப்பநிலையைக் குறைக்கும் மருந்து (paracetamol), அமோக்சிசிசில்லின் (amoxycillin), க்ஷய ரோகத்திற்கு எதிரான மருந்துகள் , மிநோசைக்ளின் (minocycline) மற்றும் இன்னும் பல (கீழே கொடுத்துள்ள நீண்ட பட்டியலை பாருங்கள்).
  • குருதியோட்டக்குறை கொண்ட கல்லீரல் அழற்சி (சுற்றோட்ட பற்றாக்குறை)
  • கருத்தரிப்பு
  • தன்னுடல் தாங்கு திறன் நிலவரங்கள், எ.கா., மண்டலியச் செங்கரடு (ம.செ.க) (SLE)
  • வளர்சிதை நோய்கள், எ.கா., வில்சன் நோய் (Wilson's disease)

நீடித்த கடுமையானவை[தொகு]

  • நச்சுயிரி கல்லீரல் அழற்சி: நச்சுயிரி கல்லீரல் அழற்சி B கல்லீரல் வீக்கம் D யுடன் கூடிய அல்லது இல்லாத, கல்லீரல் அழற்சி C (கல்லீரல் வீக்கம் A அல்லது கல்லீரல் வீக்கம் E காரணமாக நீடித்த கடினமான கல்லீரல் அழற்சி வருவதில்லை)
  • தன்னுடல் தாங்கு திறன்: தன்னுடல் தாங்கு திறன் கல்லீரல் அழற்சி
  • மது அல்லது சாராயம்
  • மருந்துகள் : மெதையில்டோபா (methyldopa), நைற்றோபுராண்டோயின் (nitrofurantoin), இசொனியாசிட் (isoniazid), கேடோகொனசொல் (ketoconazole)
  • மது சாராத : ச்டேடோ கல்லீரல் அழற்சி
  • மரபுசார்ந்த : வில்சன்ஸ் நோய் (Wilson's disease), அல்பா 1-அன்டிட்ரிப்சின் குறைவு
  • முதன்மை பித்த கரணைநோய் மற்றும் முதன்மை விழி வெண்படல பித்த குழாய் அழற்சி போன்றவை சில நேரங்களில் நீண்ட கடுமையான கல்லீரல் அழற்சி[4] போல் காணப்படும்.

அறிகுறிகள்[தொகு]

கடுமையான வகை[தொகு]

மருத்துவரீதியாக, கல்லீரல் அழற்சியானது சிகிச்சை தேவைப்படாத மிதமான அறிகுறிகளில் இருந்து திடீர் கடுந்தாக்கத்துடன் கூடிய கல்லீரல் சிதைவு வரை வேறுபடுகிறது, சில நேரங்களில் கல்லீரல் உறுப்பு மாற்றம் செய்வதற்கான கட்டாயம் கூட ஏற்படலாம்.

கடுமையான நச்சுயிரி கல்லீரல் அழற்சி பொதுவாக குறைந்த வயதினர்களிடையே அறிகுறிகளில்லாமல் காணப்படும். அறிகுறிகளுடன் கூடிய தனி நபர்களிடம் நோய் நீங்கி நலம் பெறுவதற்கான காலம் 7 முதல் 10 நாட்கள் வரை இருக்கலாம் மேலும் இந்த பாதிப்பு மொத்தமாக இரண்டு முதல் ஆறு வாரங்கள் வரை நீடிக்கலாம்.[4]

தொடக்க அறிகுறிகள் குறிப்பிடாத பொதுவான ஒரு வகை காய்ச்சல் போலுள்ள அறிகுறிகள் ஆகும், இதை பொதுவாக அனைத்து நச்சுயிரி வீக்கங்களிலும் காணலாம் மேலும் அத்துடன் உடல்சோர்வு, தசை மற்றும் மூட்டு வலி, காய்ச்சல், குமட்டுதல் அல்லது வாந்தி எடுத்தல், வயிற்றுப்போக்கு, மற்றும் தலைவலி போன்றவையும் காணப்படலாம். எந்த வகையான கடுமையான கல்லீரல் அழற்சியானாலும், மேலும் தெளிவான அடையாளங்களானவை: அளவிடற்கரிய பசியின்மை, புகைபிடிப்போர்களுக்கிடையே புகைபிடிப்பதில் ஒரு வெறுப்பு, கருமையான சிறுநீர், கண்கள் மற்றும் சருமம் மஞ்சள்நிறமடைதல் (அதாவது, மஞ்சள் காமாலை) மற்றும் வயிற்று வலி போன்றவை அடங்கும். உடல் கூறுகள் சார்ந்த மாறுபாடுகள் பொதுவாக மிகவும் குறைவாக இருக்கும், அவற்றில் மஞ்சள் காமாலை (33%) மற்றும் ஈரல் பெருக்கம் (10%) போன்றவை அடங்கும். சில நேரங்களில் வடிநீர்க்கோள நோய்() (5%) அல்லது மண்ணீரல் பிதுக்கம் (5%) ஆகியவை இருக்கலாம்.[5]

நீடித்த கடுமையான வகை[தொகு]

நோயாளிகளில் பெரும்பான்மையானவர்கள் அறிகுறிகள் இல்லாமலோ அல்லது குறைந்த அறிகுறிகளுடனோ காணப்படுவர், இரத்த பரிசோதனைகள் மட்டுமே இந்நோயை தெளிவாக புலப்படுத்தும் ஒரே வழியாகும். எந்த அளவிற்கு கல்லீரல் சேதமடைந்துள்ளது என்பதைப் பொறுத்து அல்லது நோயின் காரணிகளைப் பொறுத்து அறிகுறிகள் இருக்கும். கடுமையான கல்லீரல் அழற்சிக்குண்டான அறிகுறிகள் மீண்டும் தங்களுக்கு வந்துள்ளதாக பலர் அனுபவப்பட்டுள்ளனர். மஞ்சள் காமாலை என்பது தாமதமாக வந்துள்ள ஒரு அறிகுறியாகும் மேலும் அது மிகவும் அதிகமாக கல்லீரல் சேதமுற்றிருப்பதை குறிக்கும்.. இதர அறிகுறிகளில் வயிறு எப்போதும் உப்பிக் காணப்படுவது, அகத்தே கல்லீரல் அல்லது மண்ணீரல் வீக்கம் காரணமாக வீங்கி இருப்பது, குறைந்த அளவிலான காய்ச்சல் மற்றும் திரவங்களை தங்கவைத்தல் (மகோதரம்) போன்றவை அடங்கும். கல்லீரல் மிகையாக சேதமடைவது மற்றும் வடுவேற்படுவது (அதாவது, கல்லீரலில் இழைநார் வளர்ச்சி) காரணமாக எடை குறைதல், எளிதாக காயமடைதல் மற்றும் இரத்தக் கசிவு ஏற்படுதல் போன்றவை அடங்கும். முகப்பரு, அளவுகடந்த மாத விலக்கு, நுரையீரல் வடு, கேடயச்சுரப்பி மற்றும் சிறுநீரகங்களின் அழற்சி அல்லது வீக்கம் போன்றவை தன்னுடல் தாங்கு திறன் கல்லீரல் அழற்சி கொண்ட பெண்களுக்கிடையே காணப்படும்.[6]

மருத்துவ சோதனைகளின் போது நோய் பொதுவாக கல்லீரலில் இழைநார் வளர்ச்சி அல்லது நோய் முதலியல் சம்பந்தப்பட்டதாக இருப்பதைக் காணலாம்.

வகைகள்[தொகு]

நச்சுயிரி[தொகு]

கடுமையான கல்லீரல் அழற்சி பெரும்பாலாக நச்சுயிரி வீக்கங்களினால் வருகிறது:

  • கல்லீரல் அழற்சி A
  • கல்லீரல் அழற்சி பி
  • கல்லீரல் அழற்சி சி
  • கல்லீரல் அழற்சி D
  • கல்லீரல் அழற்சி E
  • கல்லீரல் அழற்சி F நச்சுயிரி (இருப்பது தெரிய வராதது)
  • கல்லீரல் அழற்சி G, அல்லது GBV-C
  • கல்லீரல் அழற்சிக்கு காரணமான நச்சுயிரிகளுடன் கூடுதலாக (தயவு செய்து கல்லீரல் அழற்சி நச்சுயிரிகள் ஒன்றோடு என்று தொடர்புடையது கிடையாது என்பதை புரிந்துகொள்ளவும்), இதர நச்சுயிரிகளும் கல்லீரல் அழற்சிக்கு காரணமாக இருக்கலாம், அவற்றில் சைட்டோமேகல்லோ வைரஸ், எப்ஸ்டீன்-பார் வைரஸ், மஞ்சள் காய்ச்சல், போன்றவை அடங்கும்.

நோய்க்கு காரணமாகும் இதர நச்சுயிரிகள்[தொகு]

கல்லீரல் அழற்சிக்கு காரணமாகும் இதர நச்சுயிரி பாதிப்புகள் (கல்லீரல் அழற்சி அல்லது வீக்கம்):

  • கூவைக்கட்டு நச்சுயிரி
  • உருபெல்லா என்ற ஜெர்மானிய மணல்வாரி நச்சுயிரி
  • சைட்டோமேகல்லோ நச்சுயிரி
  • எப்ஸ்டீன்-பார் நச்சுயிரி
  • இதர அக்கி சார்ந்த நச்சுயிரிகள்

மது சார்ந்த கல்லீரல் அழற்சி[தொகு]

எத்தனால், பொதுவாக மதுபானத்தில் கலந்திருப்பது, கல்லீரல் அழற்சி பாதிப்பிற்கான ஒரு கணிசமான காரணியாகும். வழக்கமாக மதுபானம் சார்ந்த கல்லீரல் அழற்சி அதிகமாக மது அருந்தும் பழக்கத்தால் வருகிறது. குடிப்பது சார்ந்த கல்லீரல் அழற்சி பொதுவாக பல்வேறுபட்ட சிறப்பு குழுக்கள் கொண்ட அறிகுறிகள் உடையது ஆகும், அவற்றில் உடல் நலமில்லாதது போல் தோன்றுவது, கல்லீரல் வீக்கத்துடன் இருப்பது, வயிற்றில் நீர்த்தேக்கம் ஏற்படுவது, மகோதரம், மற்றும் கல்லீரல் இரத்த பரிசோதனைகளில் அடக்கமான உயர்வு. குடிப்பழக்கம் சார்ந்த கல்லீரல் அழற்சி மேலோட்டமாக கல்லீரல் சோதனைகளில் உயர்வடைதல் மட்டும் கொண்ட வகையில் இருந்து மிகக்கடுமையான கல்லீரல் அழற்சி அல்லது வீக்கம் ஏற்பட்டு மஞ்சள் காமாலையாக மாறும்வரை மாறுபடும் நிலைமைகளில் தோன்றி உடலை பாதிக்கிறது. இதில் இரத்தம் உறைவதற்கான காலம் நீண்டதாக இருப்பதும் ஒரு அறிகுறியாகும், மேலும் இது கல்லீரல் சேதமடைவதிலும் முடிவுறலாம். மோசமாக பாதிப்படைந்தவர்களிடம் உணர்வு குறைதல் (மந்தமான சுய நினைவு) அல்லது உயர்ந்து காணப்படும் பைலிரூபின் அளவுகள் அவற்றுடன் மிகையாக நீண்ட இரத்தம் உறைவதற்கான காலம் ஆகிய பண்புகள் நோய் இருப்பதை எடுத்துக் காட்டுகிறது; இவ்விரண்டு வகைகளிலும் பாதிக்கப் பெற்றவர்களின் இறப்பு விகிதமானது நோய் தொடங்கிய நாளில் இருந்து 30 நாட்களில் 50% ஆக உயருவது கவலை தருவதாகும்.

மது சார்ந்த கல்லீரல் அழற்சியானது நீண்ட நாட்களாக சாராயம் அருந்தும் பழக்கத்தால் ஏற்படும் நோயான கல்லீரல் இழைநார் வளர்ச்சி யில் இருந்து வேறுபட்டதாகும். மது சார்ந்த கல்லீரல் அழற்சி நீண்ட கடுமையான மது சார்ந்த கல்லீரல் நோயாளிகள் மற்றும் மது சார்ந்த கல்லீரல் இழைநார் வளர்ச்சி நோயாளிகள் ஆகியோருக்கும் ஏற்படலாம். மது சார்ந்த கல்லீரல் அழற்சி நோயானது நேராக கல்லீரல் இழைநார் வளர்ச்சி நோய்க்கு வழிவகுக்காது, ஆனால் கல்லீரல் இழைநார் வளர்ச்சி பொதுவாக நீண்ட நாட்களாக குடிப்பழக்கம் கொண்டவர்களிடம் காணப்படுகிறது. குடிப்பழக்கம் மிகுதியாக உடைய நோயாளிகளுக்கு மற்றவர்களை விட அதிகமாக கல்லீரல் அழற்சி C பாதிப்புகள் இருக்கிறது.[சான்று தேவை] கல்லீரல் அழற்சி C மற்றும் குடிப்பழக்கம் இரண்டும் சேர்ந்தால் அது கல்லீரல் இழைநார் வளர்ச்சியை துரிதப்படுத்துகிறது.

மருந்துகளால் தூண்டப்படுதல்[தொகு]

பல வகையான மருந்துகள் கூட கல்லீரல் அழற்சிக்கு காரணிகளாக இருக்கலாம்:[7]

  • அகோமேலடைன் (Agomelatine) (ஏக்கப்பகை)
  • அல்லோபுரிநோல் (Allopurinol)
  • அமிற்றிப்ட்டிளின் (Amitriptyline) (ஏக்கப்பகை)
  • அமயொடரோன் (Amiodarone) (இலயப்பிழையெதிர்ப்பி)
  • அட்மொசேதீன (Atomoxetine) [8]
  • ஆசாதிப்ரின் (Azathioprine)[9]
  • ஹலோதேன் (Halothane) (ஒரு குறிப்பிட்ட வகையான மயக்க மருந்து வளி)
  • ஆர்மோன் கலந்த கருத்தடை சாதனங்கள்
  • இபுப்ரோபின் மற்றும் இந்தோமேதசின் போன்ற (NSAID மருந்துகள்)
  • இசொனியாஜித் (Isoniazid) (INH), ரிபாம்பிசின் (rifampicin), மற்றும் பிரஜினமைது (pyrazinamide) (காச நோய் - குறிப்பிட்ட நோய்க்கிருமி கட்டுப்படுத்திகள்)
  • கேடோகோனசால் (Ketoconazole) (காளான் நீக்கிகள்)
  • லோரடடைன் (Loratadine) (இரத்தமின்தடை)
  • மேதொற்றேசேடே (Methotrexate) (நோய் எதிர்ப்புத்திறன் ஒடுக்கம்)
  • மேத்ய்ல்டோப (Methyldopa) (பரழுத்தந்தணிப்பி)
  • மிநோச்ய்ச்ளின் (Minocycline) (டேற்றசைக்லின் நோய்க்கிருமி கட்டுப்படுத்தி)
  • Nifedipine (பரழுத்தந்தணிப்பி)
  • நிற்றோபுரண்டோயின் (Nitrofurantoin) (நோய்க்கிருமி கட்டுப்படுத்தி)
  • பரசெடமோல் (அசெடமிநோபன் அமெரிக்காவில்) மிகையாக உண்டால் கல்லீரல் அழற்சி உண்டாகலாம். கல்லீரல் சேதமடைவதை சரியான நேரத்தில் அசெட்டிழ்சய்ச்டீன் (acetylcysteine) கொடுத்து தடுக்கலாம்.
  • பன்ய்டின் (Phenytoin) மற்றும் வல்ப்ரொஇக் அசிட் (valproic acid) (முயலகனடக்கி)
  • ட்றோக்ளிடசானே (Troglitazone) (நீரிழிவடக்கி, 2000 ஆண்டில் கல்லீரல் அழற்சி காரணம் இது திரும்பிப்பெறப் பெற்றது)
  • ஜிடோவுடினே (Zidovudine) (அண்டிறேட்றோவிறல் (antiretroviral) அதாவது, HIVக்கு எதிராக)
  • சில மூலிகைகள் மற்றும் ஊட்ட அளவு கொழுப்பு அளிக்கும் மாற்று மூலப்பொருட்கள்[10]

தொடர்ச்சியாக மருந்துகளை அருந்தும் நோயாளிகளில், மருந்துகளின் எதிர்விளைவுகளால் ஏற்படும் கல்லீரல் அழற்சி மிகவும் வேறுபட்டதாகும், அது மருந்தின் தன்மை மற்றும் நோயாளியின் அந்த மருந்தை எதிர்க்கும் தன்மையை அடிப்படையாக கொண்டது. எடுத்துக்காட்டாக, ஹலோதேன் கல்லீரல் அழற்சி INH- என்கிற தூண்டுதல் விளைவாக ஏற்படும் கல்லீரல் அழற்சி, மிதமானதில் இருந்து உயிரை பறிக்கும் தன்மை வரை மாறுபடலாம். ஆர்மோன் கலந்த கருத்தடை சாதனங்கள் கல்லீரல் அமைப்பில் பல மாற்றங்களை செய்யவல்லது. அமயொடரோன் (Amiodarone) கல்லீரல் அழற்சி சிகிச்சைக்கு உட்பட்டதல்ல, ஏன் என்றால் அதன் பாதிவாழ்க்கை (60 நாட்கள் வரையிலானது) நீண்டதாக இருக்கிறது, அதனால் இந்த மருந்தின் வெளிப்பாட்டை தகுந்த முறையில் நோய் தடுப்பிற்காக பயன்படுத்த சரியான வழிமுறைகளில்லை. ஸ்டேடின் போன்றவைகள் கல்லீரல் செயல்பாட்டு உயர்வதற்கு காரணமாகின்றன மேலும் இரத்த பரிசோதனைகள் பொதுவாக அடிப்படையான கல்லீரல் அழற்சி பற்றிய அறிகுறிகளை வெளிப்படுத்துவதில்லை. கடைசியாக, மனித குலத்தின் வேறுபாடுகளால், எந்த ஒரு மருந்தும் கல்லீரல் அழற்சி ஏற்பட காரணமாகலாம்.

இதர நச்சுப்பொருள்கள்[தொகு]

கல்லீரல் அழற்சிக்கு காரணமான இதர நச்சுப்பொருள்கள்:

  • அமடோக்சின்-கலந்துள்ள காளான் வகைகள், டெத் காப் (அமானிட பல்லோயட்ஸ்,) அழிக்கும் தேவதை அமானிட அக்ரிய்ட,) மற்றும் சில வகையான கலேறின போன்றவை அடங்கும். ஒரு சிறு அளவு காளான் கூட மனிதனை கொன்று விடும் (10 மில்லிகிராம் அல்லது அதற்கும் குறைவாக α-அமநிடின்).
  • வெள்ளை பொசுபரசு, தொழில் துறை நச்சுப்பொருள் மற்றும் போர்களில் எதிரிகளை தாக்க பயன்படும் இரசாயனம்.
  • கார்பன் டெட்ராகுளோரைடு ("டெட்ரா", ஒரு உலர் சலவைமுறை முகவர்), குளோரோஃபார்ம், மற்றும் ட்ரை குளோரோ எதிலின், அனைத்தும் குளோரினேட்டட் ஹைட்ரோகார்பன்கள் வகையை சார்ந்தவை, ச்டீடோ கல்லீரல் அழற்சிக்கு காரணியாகும் (கல்லீரல் அழற்சி கொழுப்பு கல்லீரலுடன்) கூடியது).
  • சிலின்ட்ரோச்பெர்மோப்சின், ஒரு வகையான நச்சுப்பொருள் சைனோபாக்டீரியம் சிலிண்ட்ரோஸ்பெர்மொப்சிஸ் ரெசிபுரொஸ்கி மற்றும் இதர சைனோபாக்டீரியா நுண்ணுயிரிகள் கொண்டவை ஆகும்.

உடல் இயக்க சீர்குலைவு[தொகு]

சில உடல் இயக்க சீர்குலைவுகளால் வெவ்வேறு வகைகளான கல்லீரல் அழற்சிகள் ஏற்படுகின்றன. ஹிமோகுரோமடைசிஸ் (Hemochromatosis) எனப்படுவது (இரும்பு சத்து கூடுவதால் ஏற்படுவது) மற்றும் வில்சன்ஸ் டிசீஸ் ஆகியவற்றால் (தாமிரம் மிகையாக இருப்பதாலும்) கல்லீரல் அழற்சி அல்லது வீக்கம் மற்றும் நசிவு ஏற்படும் வாய்ப்புள்ளது.

மது-சார்பற்ற ச்டீடோகல்லீரல் அழற்சி (NASH) என்பது உடல் இயக்க சீர்குலைவு காரணமாக ஏற்படுவதாகும்.

தடைசெய்யும் வகை[தொகு]

"தடைசெய்யும் மஞ்சள் காமாலை" என்ற சொல் பித்த நாளங்கள் அடைபடுவதால் ஏற்படும் (பித்தநீர் அல்லது புற்று நோய்க்கு காரணமான வெளிப்புற தடைகள்) மஞ்சள் காமாலையை குறிக்கிறது. இது நீண்ட நாட்களுக்கு தொடர்ந்தால், அதனால் கல்லீரல் திசுக்களில் அழிவு மற்றும் அழற்சி அல்லது வீக்கம் ஏற்படும்.

தன்னுடல் தாங்கு திறன்[தொகு]

கடுமையான கல்லீரல் வீக்கம் காரணமாக, மனிதகுல குருதி வெள்ளணு எதிர்ச்செனியால் பாதிப்புக்குள்ளான கல்லீரல் உயிரணுக்களுடன் முரணாக கலந்து விட்டால், உடலில் தற்காப்பு திறன் குறை ஏற்பட்டு தன்னுடல் தாங்கு திறன் குறைப்பாட்டால் கல்லீரல் அழற்சி மேலும் பாதிப்புக்குள்ளாகும்.

அல்பா 1-அன்டிட்ரிப்சின் குறைவு[தொகு]

கடுமையான அல்பா 1-அன்டிட்ரிப்சின் குறைவு (A1AD) நிகழ்வுகளில், ஒன்று சேர்ந்து அகச்சோற்றுவலையில் குவிந்த புரதம் காரணமாக கல்லீரல் உயிரணு சேதம் மற்றும் வீக்கம் ஏற்படுகிறது.

மது-சார்பற்ற கொழுப்புள்ள கல்லீரல் நோய்[தொகு]

மது-சார்பற்ற கொழுப்புள்ள கல்லீரல் நோய் (NAFLD) என்பது குடிப்பழக்கம் இல்லாத மக்களிடையே கொழுப்புடன் கூடிய கல்லீரல் நிகழ்வாகும். இது பொதுவாக உடல் பருமனை சார்ந்தாகும் (உடல் பருமனாக இருக்கும் அனைத்து மக்களில் 80% மக்கள் கொழுப்புடன் கூடிய கல்லீரல் கொண்டவர்களாக இருக்கிறார்கள்.). இது பெண்களில் மிகவும் பரவலாக இருக்கிறது. கடுமையான கொழுப்பு சத்து கல்லீரலில் தேக்கம் அடைவதால், அதனால் கல்லீரல் வீக்கம் அடைந்து விடும், இந்த நிலைமை மது சார்பற்ற ச்டீடோகல்லீரல் அழற்சி (NASH) என அறியப்படுகிறது, இந்த கல்லீரலை உடல் திசு ஆய்வு செய்து பார்த்தால் அது மது சார்ந்த கல்லீரல் அழற்சி போல் தோற்றமளிக்கிறது. (கொழுப்பு சத்தின் திவலைகள் மற்றும் வீக்கம் அடைந்த உயிரணுக்கள் காணப்படுகின்றன, ஆனால் பொதுவாக அவற்றில் மல்லாரி உறுப்புகள் இருப்பதில்லை)

மருத்துவ வரலாறு, உடல் பரிசோதனை, இரத்த பரிசோதனைகள், கதிரியற் பரிசோதனை இயல்நிலை வரைவு செய்தல் மற்றும் சில நேரங்களில் கல்லீரல் திசு ஆய்வு போன்ற பரிசோதனைகள் வழியாக நோய் அறுதி செய்யலாம். கல்லீரலில் கொழுப்பு சத்து மிகுந்து இருப்பதை அடையாளம் காட்டும் முதல் மதிப்பாய்வு இயல்நிலை வரைவு கொண்ட நோய் நிலைக்குறைப்பு ஆகும், அவற்றில் செவியுணரா ஒலி, வரியோட்டவழிக்கணித்த குறுக்குவெட்டு வரைவி (CT), அல்லது காந்தப்பரிவு (MRI) போன்றவை அடங்கும். இருந்தாலும், இயல்நிலை வரைவு உடனுக்குடன் கல்லீரல் அழற்சி அல்லது வீக்கத்தை அடையாளம் காட்ட இயலாது. அதன் காரணவசால், வறட்சி தோல் நோய் மற்றும் NASH நோயை திரித்தறிய கல்லீரல் திசு ஆய்வு தேவைப்படுகிறது. மேலும் நோயாளி குடிப்பழக்கம் கொண்டவனாக இருந்தால், NASH மற்றும் மது சார்ந்த கல்லீரல் அழற்சியை கண்டறிவதும் கடினமாகும். இது போன்ற சில நிகழ்வுகளில் குடியை தவிர்த்து விலக்கி வைத்தபின்னால் மீண்டும் இரத்த பரிசோதனைகள் செய்து மற்றும் மீண்டும் ஒரு முறை கல்லீரல் திசு ஆய்வு மேற்கொள்ளவேண்டும்.

இப்போதெல்லாம் NASH என்பது ஒரு மிகவும் முக்கியமான காரணியாக கல்லீரல் நோய்களுக்கு காணப்படுகிறது, கல்லீரல் அழற்சி C யின் தாக்கலுக்கு அடுத்த படியாக இதனால் பாதிக்கப்பட்டோரின் எண்ணிக்கையின் அடிப்படையில் மற்றும் கல்லீரலில் இழைநார் வளர்ச்சி பாதிப்பு அடைந்தவர்களின் எண்ணிக்கையில் இருந்து இதனை தெரிந்து கொள்ளலாம்.[சான்று தேவை]

குருதியோட்டக்குறை கல்லீரல் அழற்சி[தொகு]

குருதியோட்டக்குறை கல்லீரல் அழற்சி என்பது கல்லீரல் கலன்களுக்கு குறைவாக குருதியோட்டம் ஏற்படுவது காரணம் விளைவதாகும். பொதுவாக இது இரத்த அழுத்தம் குறைவாக இருந்தாலும், (அல்லது அதிற்சி) அடைந்தாலும் ஏற்படக்கூடியது, அதனால் அதன் பெயரான "அதற்சி கல்லீரல்". குருதியோட்டக்குறை கல்லீரல் அழற்சியால் பாதிப்புற்ற நோயாளிகள் வழக்கமாக மிகவும் நோயுற்று இருப்பார்கள், ஏன் என்றால் அடிப்படையாக அவர்கள் அதிற்சி அடைந்ததால். இரத்த நாளங்கள் வழியாக கல்லீரலுக்கு பிராணவாயுவை வழங்குவதில் ஏற்படும் உடல் பிரச்சினைகளால் (எடுத்துக் காட்டாக இரத்த உறைவு, அல்லது வழக்கமாக கல்லீரல் கலன்களுக்கு இரத்தம் வழங்கும் ஈரல் தமனியில் இரத்தம் உறைந்து போவது) குருதியோட்டக்குறை கல்லீரல் அழற்சி ஏற்படுவது அரியதாகும். குருதியோட்டக்குறை கல்லீரல் அழற்சி பாதிப்புடன் கூடிய ஒரு நோயாளியின் இரத்த பரிசோதனையில் மிகையான அளவில் ட்ரான்சமிநேஸ் (transaminase) நொதிகள் (ஏஎஸ்டி மற்றும் ஏஎல்டி வகையை சார்ந்தவை) காணப்படும், அதன் அளவு 1000 U/L க்கும் மிகையாக இருக்கலாம். வழக்கமாக இது போன்று உயர்ந்த அளவில் இரத்த பரிசோதனைகளின் போது காணப்படுவது நிலையற்ற தன்மை கொண்டதாகும் (7 முதல் 10 நாட்களுக்கு அது நீடிக்கலாம்). குருதியோட்டக்குறை கல்லீரல் அழற்சியால் கல்லீரலின் செயல்பாடு பாதிக்கப்படுவது மிகவும் அரியதாகும்.

இதையும் பாருங்கள்.[தொகு]

  • உலக கல்லீரல் அழற்சி நாள்
  • ஹெபடோசெல்லுலர் கார்சினோமா (புற்றுநோய்)

குறிப்புகள்[தொகு]

  1. [3] ^ ஆன்லைன் புது சொல்லாக்கம் அகராதி
  2. படம் 7.12 (கடினமான உறுப்புரிச்செல்கள் சேதங்களுக்கு சில காரணங்கள்),Parveen, M.D. Kumar (Editor), Michael, M.d. Clark (Editor) (2005). Clinical Medicine: with STUDENT CONSULT Access. Philadelphia, PA: W.B. Saunders Company. பன்னாட்டுத் தரப்புத்தக எண்:0-7020-2763-4. 
  3. ஸ்காட்ட் மோசேஸ், எம் டி, அக்யுட் ஹெபாடிடிஸ் காசஸ், Family practice notebook.com பரணிடப்பட்டது 2007-06-07 at the வந்தவழி இயந்திரம்
  4. 4.0 4.1 வி.ஜி. பெயின் மற்றும் எம். ம, அக்யுட் வைரல் ஹெபாடிடிஸ், அத்தியாயம் 14, பிரஸ்ட் ப்ரின்சிபில் ஓப் காஸ்ட்ரோஎன்டேரோலோஜி (அன் ஆன்லைன் டெக்ஸ்ட் புக்)(ஒரு இணைப்பில் கிடைக்கும் பாடப்புத்தகம்) பரணிடப்பட்டது 2009-10-28 at the வந்தவழி இயந்திரம்
  5. Ryder S, Beckingham I (2001). "ABC of diseases of liver, pancreas, and biliary system: Acute hepatitis". BMJ 322 (7279): 151–153. doi:10.1136/bmj.322.7279.151. பப்மெட்:11159575. 
  6. Chronic hepatitis at Merck Manual of Diagnosis and Therapy Home Edition
  7. "Hepatitis as a result of chemicals and drugs". HealthAtoZ. Archived from the original on 2006-06-23. பார்க்கப்பட்ட நாள் 2006-07-01.
  8. Lim JR, Faught PR, Chalasani NP, Molleston JP (2006). "Severe liver injury after initiating therapy with atomoxetine in two children". J. Pediatr. 148 (6): 831–4. doi:10.1016/j.jpeds.2006.01.035. பப்மெட்:16769398. https://archive.org/details/sim_journal-of-pediatrics_2006-06_148_6/page/831. 
  9. Bastida G, Nos P, Aguas M, Beltrán B, Rubín A, Dasí F, Ponce J (2005). "Incidence, risk factors and clinical course of thiopurine-induced liver injury in patients with inflammatory bowel disease". Aliment Pharmacol Ther 22 (9): 775–82. doi:10.1111/j.1365-2036.2005.02636.x. பப்மெட்:16225485. 
  10. Nadir A, Reddy D, Van Thiel DH (2000). "Cascara sagrada-induced intrahepatic cholestasis causing portal hypertension: case report and review of herbal hepatotoxicity". Am. J. Gastroenterol. 95 (12): 3634–7. doi:10.1111/j.1572-0241.2000.03386.x. பப்மெட்:11151906. https://archive.org/details/sim_american-journal-of-gastroenterology_2000-12_95_12/page/3634. 

வெளி இணைப்புகள்[தொகு]

"https://ta.wikipedia.org/w/index.php?title=கல்லீரல்_அழற்சி&oldid=3640980" இலிருந்து மீள்விக்கப்பட்டது