நவம்பர் 2008

<<	நவம்பர் 2008					>>
ஞா	தி	செ	பு	வி	வெ	ச
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

MMVIII

நவம்பர் 2008, 2008 ஆம் ஆண்டின் பதினோராம் மாதமாகும். இம்மாதம் ஒரு சனிக்கிழமை ஆரம்பித்து 30 நாட்களின் பின்னர் ஒரு ஞாயிற்றுக்கிழமை முடிவடையும். தமிழ் நாட்காட்டியின் படி கார்த்திகை மாதம் நவம்பர் 16 ஞாயிற்றுக்கிழமை தொடங்கி நவம்பர் 15 திங்கட்கிழமையில் முடிவடைகிறது.

சிறப்பு நாட்கள்[தொகு]

நிகழ்வுகள்[தொகு]

செய்திகள்

நவம்பர் 30:
- மும்பாய் தாக்குதல்களுக்கு தார்மீகப் பொறுப்பை ஏற்று இந்தியாவின் உட்துறை அமைச்சர் சிவ்ராஜ் பாட்டீல் தனது பதவி விலகல் கடிதத்தை சமர்ப்பித்தார். (பிபிசி)
- பாங்கொக் நகரில் அரச எதிர்ப்பு ஆர்ப்பாட்டக்காரர்கள் மீது கிரனேட் வீசப்பட்டதில் 46 பேர் காயமடைந்தனர். (ஏபி)
நவம்பர் 29:
- நைஜீரியாவில் கிறிஸ்தவர்களுக்கும் முஸ்லிம்களுக்கும் இடையில் ஏற்பட்ட கலவரங்களில் குறைந்தது 380 பேர் கொல்லப்பட்டனர். (பிபிசி)
- பிரேசிலில் பெரும் வெள்ளம் காரணமாக 105 பேர் கொல்லப்பட்டனர். (ஜி1)
- மும்பாய் தாக்குதல்கள்:
  - தாக்குதல்களில் இறந்தோர் எண்ணிக்கை 160 ஆக உயர்ந்தது. (தி ஏஜ்)
  - ஆயுததாரிகளுக்கெதிரான தாக்குதல்கள் முடிவடைந்து விட்டதாகவும் அனைத்து தீவிரவாதிகளும் கொல்லப்பட்டுவிட்டதாகவும் அறிவிக்கப்பட்டுள்ளது. (பிபிசி)
நவம்பர் 28: தாய்லாந்தில் இடம்பெறும் அரச எதிப்பு ஆர்ப்பாட்டங்களை அடுத்து அங்கு அவசர நிலமை பிறப்பிக்கப்பட்டது. (ஆஸ்திரேலிய வானொலி)
நவம்பர் 27: ஏழு பேருடன் சென்ற நியூசிலாந்து விமானம் ஒன்று கடலில் வீழ்ந்து மூழ்கியது. (சீஎனென்)
நவம்பர் 26:
- 26 நவம்பர் 2008 மும்பாய் தாக்குதல்கள்: இந்தியாவின் மும்பாய் நகரில் பல இடங்களில் இடம்பெற்ற தொடர் குண்டு வெடிப்புகளில் குறைந்தது 80 பேர் கொல்லப்பட்டனர். (டைம்ஸ் ஆப் இந்தியா))
- டென்மார்க்கிடமிருந்து அதிக சுயாட்சி பெறுவதற்காக நடத்தப்பட்ட வாக்கெடுப்பில் கிரீன்லாந்து மக்கள் 75 விழுக்காட்டினர் ஆதரவாக வாக்களித்தனர்.
நவம்பர் 25: ரஷ்யாவின் சென் பீட்டர்ஸ்பேர்க் நகரில் தொடருந்து நிலையமொன்றில் இடம்பெற்ற குண்டுத் தாக்குதலில் மூன்று பேர் கொல்லப்பட்டனர். (ஏஎஃப்பி)
நவம்பர் 24:
- தாய்லாந்தில் மக்களாட்சிக்கு ஆதரவான போராட்டக்காரர்கள் நாட்டின் தேசிய அரசுப் பேரவையைச் சூழ்ந்து கொண்டனர். (ஏஎஃப்பி)
- பிரேசிலின் தெற்குப் பகுதியில் இடம்பெற்ற வெள்ளம் காரணமாக குறைந்தது 45 பேர் கொல்லப்பட்டு 20,000 பேர் இடம்பெயர்ந்தனர். (பிபிசி)
நவம்பர் 23:
- கினி-பிசாவு நாட்டில் நாடாளுமன்றத் தேர்தல் முடிவுகள் வெளிவந்ததை அடுத்து அங்கு இடம்பெற்ற ஆட்சிக் கவிழ்ப்பு முயற்சி தோல்வியில் முடிந்தது. ஒருவர் கொல்லப்பட்டு பலர் காயமடைந்தனர். (பிபிசி)
- பாலஸ்தீன அரசின் தலைவராக மகமுது அப்பாஸ் தேர்ந்தெடுக்கப்பட்டார். (பிபிசி)
நவம்பர் 22:
- கொலம்பியாவில் நெவாடோ டெல் ஹுயிலா எரிமலை வெடித்ததில் 10 பேர் கொல்லப்ப்பட்டனர். 12,000 பேர் இடம்பெயர்ந்தனர். (பிபிசி)
- மலேசியாவில் முஸ்லிம்கள் யோகக் கலையில் ஈடுபடுவது தடை செய்யப்பட்டது. (பிபிசி)
நவம்பர் 18: தமிழ்நாடு, கிருஷ்ணகிரி மாவட்டம், தேன்கனிக்கோட்டை வனப்பகுதியில் 20 சமீ உயரமான ஓர் அரிய வகை சருகு மான் கண்டுபிடிக்கப்பட்டது. (தினத்தந்தி)
நவம்பர் 17: சோமாலியாவில் சவுதி அரேபிய எண்ணெய்க் கப்பல் ஒன்று சோமாலிக் கடல் கொள்ளைக்காரர்களினால் கடத்தப்பட்டது. (பிபிசி)
நவம்பர் 16:
- இந்தோனேசியா கரைக்கப்பால் 7.5 அளவு நிலநடுக்கம் பதிவாகியது. (சிஎனென்)
- ஐக்கிய அமெரிக்காவின் அதிபராகத் தேர்ந்தெடுக்கப்பட்டிருக்கும் பராக் ஒபாமா தனது மேலவை உறுப்பினர் பதவியை துறந்தார். (வாஷிங்டன் போஸ்ட்)
நவம்பர் 15:
- தற்போதைய நிதி நெருக்கடி தொடர்பாக ஜி20 நாட்டுத் தலைவர்கள் வாஷிங்டன், டிசியில் சந்தித்தனர். (பிபிசி)
- எண்டெவர் விண்ணோடம் எஸ்டிஎஸ்-126 விண்கலத்தைத் தாங்கி பன்னாட்டு விண்வெளி நிலையத்தை நோக்கிச் சென்றது. (நாசா)
- புர்கினா பாசோவில் பேருந்து ஒன்றும் சுமையுந்து ஒன்றும் மோதியதில் குறைந்தது 60 பேர் கொல்லப்பட்டனர். (சிஎனென்)
நவம்பர் 14: இந்தியாவின் சந்திரயான்-1 விண்கலத்தில் அனுப்பப்பட்ட ஆய்வுக்கலம் இந்திய தேசியக் கொடியுடன் சந்திரனில் வெற்றிகரமாகத் தரையிறங்கியது. (டைம்ஸ் ஆஃப் இந்தியா)
நவம்பர் 13: எச்ஆர் 8799 விண்மீனைச் சுற்றிவரும் மூன்று கோள்களையும், பொமல்ஹோட் என்ற விண்மீனைச் சுற்றிவரும் ஒரு கோளையும் தொலைக்காட்டிகளினூடாக பார்க்கக்கூடியதாக இருப்பதாக அறிவிக்கப்பட்டுள்ளது. (சிஎனென்)
நவம்பர் 11:
- எகிப்தின் அரசி செசெஷெட்டுக்குச் சொந்தமான 4,300 ஆண்டுகள் பழமையான பிரமிட் ஒன்றைத் தான் கண்டுபிடித்திருப்பதாக எகிப்தின் வரலாற்றாய்வாளர் சாகி ஹவாஸ் அறிவித்தார். (சிஎனென்)
- மாலைதீவுகளின் புதிய குடியரசுத் தலைவராக முகமது நசீட் பதவியேற்றார். (சிஎனென்)
நவம்பர் 9:
- 2002 பாலி குண்டுவெடிப்புகளுக்குக் காரணமான மூன்று தீவிரவாதிகள் பாலியில் சுட்டுக் கொல்லப்பட்டு மரண தண்டனை நிறைவேற்றப்பட்டது. (பிபிசி)
- பசிபிக் பெருங்கடல் பகுதியில் சோதனை நடவடிக்கைகளில் ஈடுபட்டிருந்த ரஷ்யாவின் அணு ஆயுதங்களுக்கான நீர்மூழ்கிக் கப்பலில் ஏற்பட்ட தீ விபத்தினால் 20 பேர் கொல்லப்பட்டதுடன், 21 பேர் படுகாயமடைந்தனர். (அல்ஜசீரா)
நவம்பர் 8: நியூசிலாந்து 2008 தேர்தலில் ஜோன் கீ தலைமையிலான எதிர்க்கட்சி கூட்டணி வெற்றி பெற்றது. (நியூசிலாந்து ஹெரால்ட்)
நவம்பர் 7: எயிட்டியில் பாடசாலை ஒன்றின் இரண்டு மாடிக் கட்டிடம் இடிந்து வீழ்ந்ததில் குறைந்தது 75 பேர் கொல்லப்பட்டனர். (பிபிசி)
நவம்பர் 6: ஜிக்மே கேசர் நாம்கியல் வாங்சுக் பூட்டானின் 5வது மன்னராக முடிசூடினார். இவரே உலகின் வயதில் குறைந்த அரசுத்தலைவர் ஆவார். (பிபிசி)
நவம்பர் 4:
- ஐக்கிய அமெரிக்கா குடியரசுத் தலைவர் தேர்தல், 2008: மக்காளாட்சிக் கட்சி வேட்பாளர் பராக் ஒபாமா ஐக்கிய அமெரிக்காவின் முதலாவது ஆபிரிக்க அமெரிக்கக் குடியரசுத் தலைவராக தேர்தெடுக்கப்பட்டார். (சிஎன்என்)
- சீனாவும் தாய்வானும் இரு நாடுகளுக்குமிடையிலான நேரடி வர்த்தகம் மற்றும் போக்குவரத்து தொடர்புகளை அபிவிருத்தி செய்யும் பில்லியன் கணக்கான டாலர்கள் பெறுமதியான உடன்படிக்கையொன்றில் கையெழுத்திட்டுள்ளன. (தினக்குரல்)
- மெக்சிக்கோ நகரில் விமானம் ஒன்று தரையில் வீழ்ந்ததில் நாட்டின் உள்ளூராட்சி அமைச்சர் உட்பட ஒன்பது பேர் கொல்லப்பட்டனர். (பிபிசி)
நவம்பர் 1:
- இந்தியாவின் சந்திரயான்-1 விண்கலம் சந்திரனுக்குச் செல்லும் வழியில் பூமியின் இரு படங்களை எடுத்து அனுப்பியது. (த ஹிண்டு)
- முன்னர் தாம் நடத்திய தீவிரவாத தாக்குதல்களுக்கு நட்ட ஈடாக லிபியா $1.5 பில்லியன்களை ஐக்கிய அமெரிக்காவுக்குக் வழங்கியது. (ஏஎஃப்பி)

ஈழப்போர்

பழைய ஈழச் செய்திகளின் தொகுப்பு

மேலதிக ஈழபோர்ச் செய்திகளை

நவம்பர் 29:
- கிளிநொச்சி மாவட்டம் தருமபுரத்தில் உள்ள இடம்பெயர்ந்தோர் தங்கியிருந்த முகாம் மீது இலங்கை வான்படை நடத்திய குண்டுத்தாக்குதலில் ஐந்து வயது சிறுவன் உட்பட மூவர் கொல்லப்பட்டுள்ளதுடன் 18 பேர் படுகாயமடைந்துள்ளனர். (புதினம்)
- மட்டக்களப்பு மாவட்டத்தில் ஊரடங்குச் சட்டம் பிறப்பிக்கப்பட்டு தேடுதல் நடவடிக்கை மேற்கொள்ளப்பட்டதில் 50 தமிழ் இளைஞர்கள் கைது செய்யப்பட்டனர். (புதினம்)
நவம்பர் 28:
- மட்டக்களப்பின் பல்வேறு பகுதிகளிலும் கடந்த மூன்று இரவுகளில் சுமார் 25 பேர் படுகொலை செய்யப்பட்டனர். (புதினம்)
- அம்பாறை மாவட்டம் பொத்துவிலில் சிறப்பு அதிரடிப்படையினர் மீது விடுதலைப் புலிகள் நடத்திய தாக்குதலில் நால்வர் கொல்லப்பட்டனர். (புதினம்)
நவம்பர் 27:
- "நாம் எந்த நாட்டிற்கும் எதிரானவர்கள் அல்ல; உலக நாடுகள் எம்மீதான தடையை நீக்க வேண்டும்; நாம் இந்தியாவின் நண்பர்கள்" என புலிகளின் தலைவர் வே. பிரபாகரன் தனது மாவீரர் நாள் உரையில் தெரிவித்தார். (புதினம்)
- புலிகளின் குரல் வானொலி நிலையம் மீது வான்படை குண்டுத்தாக்குதல் நடத்தியது. (புதினம்)
நவம்பர் 26: வன்னியில் தொடர் மழை மற்றும் கடும் காற்றினால் பெரும் அழிவுகளும் பாதிப்புக்களும் ஏற்பட்டுள்ளன. இதில் இருவர் உயிரிழந்தனர். (புதினம்)
நவம்பர் 24: அம்பாறை, கஞ்சிக்குடிச்சசாறு காட்டுப்பகுதியில் அதிரடிப்படையினர் மீது விடுதலைப் புலிகள் தாக்குதல் நடத்தியதில் இருவர் கொல்லப்பட்டு நால்வர் படுகாயமடைந்தனர். (புதினம்)
நவம்பர் 23: குஞ்சுப்பரந்தன் நோக்கிய இலங்கைப் படையினரின் மும்முனை முன்நகர்வுகள் முறியடிக்கப்பட்டதாகவும், படையினர் 40 பேர் கொல்லப்பட்டுள்ளதுடன் 80-க்கும் அதிகமானோர் படுகாயமடைந்ததாகவும் விடுதலைப் புலிகள் தெரிவித்தனர். (புதினம்)
நவம்பர் 21: வன்னியில் இருந்து சென்ற நோயாளர் காவு வாகனங்கள் வவுனியாவுக்குள் செல்ல சிறிலங்கா படையினர் அனுமதியளிக்க மறுத்ததனால் இரண்டு நாள் பச்சிளம் குழந்தை உட்பட இரண்டு குழந்தைகள் உயிரிழந்தன. (புதினம்)
நவம்பர் 16: முகமாலை இலங்கைப் படையினர் மேற்கொண்ட முன்நகர்வுகள் முறியடிக்கப்பட்டதாகவும் 25 படையினர் கொல்லப்பட்டு 105 படையினர் படுகாயமடைந்ததாகவும் தமிழீழ விடுதலைப் புலிகள் தெரிவித்தனர். (புதினம்)
நவம்பர் 15: பிரபல தமிழ் அறிவிப்பாளரும் வெற்றி எஃப்.எம். வானொலியின் தமிழ் நிகழ்ச்சி பணிப்பாளருமான ரகுபதி பாலசிறீதரன் வாமலோசன் (லோஷன்) இலங்கை பயங்கரவாத தடுப்பு காவல்துறையினரால் கைது செய்யப்பட்டார். இவர் நவம்பர் 22 இல் விடுவிக்கப்பட்டார்.(புதினம்),(புதினம்)
நவம்பர் 14: விடுதலைப் புலிகளின் கட்டுப்பாட்டிலிருந்த பூநகரியைத் தாம் கைப்பற்றியுள்ளதாக இலங்கை அரசு அறிவித்தது. (பிபிசி)
நவம்பர் 14: கொழும்பின் புறநகர்ப் பகுதியில் பிள்ளையான் குழுவின் பிரத்தியேக செயலாளர் ரகு என்ற குமாரசுவாமி நந்தகோபன், மற்றும் அவரது சாரதி ஆகியோர் அடையாளம் தெரியாதோரால் சுட்டுக்கொல்லப்பட்டனர். (புதினம்), (டெய்லிமிரர்)
நவம்பர் 13:
- மட்டக்களப்பு மாவட்டம், கரடியனாறு பன்குடாவெளிப் பகுதியில் துணை இராணுவக் குழுவின் முகாம் மீது நடத்தப்பட்ட தாக்குதலில் இருவர் கொல்லப்பட்டனர். ஏழு பேர் காணாமல் போயினர். (புதினம்)
- பூநகரி நோக்கி முன்னேறி வரும் படையினர் பேய்முனை மற்றும் வலைப்பாடு பகுதிகளை கைப்பற்றியதாக இலங்கை இராணுவம் தெரிவித்தது. (புதினம்)
நவம்பர் 12:
- போர் நிறுத்த அறிவிப்பை இலங்கை அரசு வெளியிட்டு உடனடியாக படைகளைப் பழைய நிலைக்கு விலக்கிக்கொள்ள வேண்டும் என்று தமிழக சட்டசபையில் தீர்மானம் நிறைவேற்றப்பட்டது. (புதினம்)
- கிளிநொச்சி மாவட்டம், அக்கராயனில் உள்ள முட்கொம்பன் மற்றும் கோணாவில் பகுதிகளில் இடம்பெற்ற மோதல்களில் 32 படையினர் கொல்லப்பட்டு 45 பேர் காயமடைந்ததாக தமிழீழ விடுதலைப் புலிகள் அறிவித்தனர். (புதினம்)
நவம்பர் 11: அம்பாறை உகந்தை காட்டுப் பகுதியில் ஊடுருவிய இலங்கை சிறப்பு அதிரடிப்படையினரின் அணி ஒன்றை விடுதலைப் புலிகள் வழிமறித்து தாக்கியதில் அதிரடிப்படை உயர்திகாரி ஒருவர் உட்பட இரண்டு படையினர் கொல்லப்பட்டனர். ஒருவர் படுகாயம் அடைந்தார். (புதினம்)
நவம்பர் 10:
- மட்டக்களப்பு மாவட்டம், வவுணதீவு பிரதேசத்தில் துணை இராணுவக் குழு முகாம் மீது விடுதலைப் புலிகள் நடத்திய தாக்குதலில் இருவர் கொல்லப்பட்டனர். (புதினம்)
- கிளிநொச்சிக்கு மேற்கே முன்நகர்வு முயற்சியில் ஈடுபடும் படையினர் பாலாவி பகுதியையும், பேய்முனைப் பகுதியில் கிராஞ்சிப் பிரதேசத்தையும் கைப்பற்றியதாக இலங்கை இராணுவம் தெரிவித்தது. (புதினம்), (புதினம்)
நவம்பர் 7:
- கிளிநொச்சி மாவட்டம், பணிக்கன்குளம், கிழவன்குளம், பழைய முறிகண்டி பகுதிகளில் படையினர் மேற்கொண்ட முன்நகர்வு மீது விடுதலைப் புலிகள் நடத்திய தாக்கிதலில் 45 படையினர் கொல்லப்பட்டு 100-க்கும் அதிகமானோர் காயமடைந்ததாக விடுதலைப் புலிகள் தெரிவித்தனர். (புதினம்)
- மட்டக்களப்பு மாவட்டத்தின் மகா ஒயா பிரதேசத்தில் அதிரடிப்படையினர் மீது விடுதலைப் புலிகள் நடத்திய தாக்குதலில் அதிரடிப்படையைச் சேர்ந்த மூவர் கொல்லப்பட்டனர். (புதினம்)
நவம்பர் 6:
- பிரிவினைவாதத்தை தூண்டியதாக கைது செய்யப்பட்டு சிறையில் அடைக்கப்பட்டிருந்த மதிமுக பொதுச் செயலாளர் வைகோ, அக்கட்சியின் அவைத்தலைவர் மு.கண்ணப்பன் ஆகியோர் விடுதலை செய்யப்பட்டனர். (புதினம்)
- கிளிநொச்சிக்கு தென்மேற்காக ஒன்பது கிமீ தூரத்தில் உள்ள அக்கராயன்குளம் பகுதியை இராணுவம் கைப்பற்றியுள்ளதாக இலங்கைப் படையினர் தெரிவித்தனர். (புதினம்)
நவம்பர் 5: மட்டக்களப்பு மாவட்டத்தில் சித்தாண்டி பகுதியில் கருணா குழு மீது விடுதலைப் புலிகள் நடத்திய தாக்குதலில் இருவர் கொல்லப்பட்டனர். (புதினம்)
நவம்பர் 4: மட்டக்களப்பு மாவட்டத்தில் கோப்பாவெளி பகுதியில் விடுதலைப் புலிகள் நடத்திய தாக்குதலில் இலங்கை சிறப்பு அதிரடிப்படையைச் சேர்ந்த 10 பேர் கொல்லப்பட்டு இருவர் காயமடைந்தனர். (புதினம்)
நவம்பர் 1: யாழ். நாகர்கோயில் கடற்பரப்பில் இலங்கை கடற்படையினரின் டோறா பீரங்கிப் படகும் ஹோவர்கிராப்ட் எனும் மிதக்கும் கனரக கடற்கலமும் கடற்புலிகளின் அதிரடித் தாக்குதலில் மூழ்கடிக்கப்பட்டது. (புதினம்)

இறப்புகள்[தொகு]

செய்திகள் காப்பகம்