குறிஞ்சிப்பாடி

குறிஞ்சிப்பாடி
குறிஞ்சிப்பாடி இருப்பிடம்: குறிஞ்சிப்பாடி , தமிழ்நாடு , இந்தியா
அமைவிடம்	11°34′N 79°36′E
நாடு	இந்தியா
பகுதி	சோழ நாடு
மாநிலம்	தமிழ்நாடு
மாவட்டம்	கடலூர்
வட்டம்	குறிஞ்சிப்பாடி
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	அ. அருண் தம்புராஜ், இ. ஆ. ப
சட்டமன்றத் தொகுதி	குறிஞ்சிப்பாடி
சட்டமன்ற உறுப்பினர்	எம். ஆர். கே. பன்னீர்செல்வம் (திமுக)
மக்கள் தொகை • அடர்த்தி	27,471 (2011) • 1,969/km2 (5,100/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	13.95 சதுர கிலோமீட்டர்கள் (5.39 sq mi)
குறியீடுகள் • அஞ்சல் குறியீட்டு எண் • 607 302 • தொலைபேசி • ++91
இணையதளம்	www.townpanchayat.in/kurinjipadi

குறிஞ்சிப்பாடி (ஆங்கிலம்:Kurinjipadi), இந்தியாவின் தமிழ்நாடு மாநிலத்தில் அமைந்துள்ள கடலூர் மாவட்டத்தில் உள்ள குறிஞ்சிப்பாடி வட்டத்தில் இருக்கும் ஒரு பேரூராட்சி மற்றும் பட்டணம் ஆகும்.

இது கடலூர் - சேலம் செல்லும் தேசிய நெடுஞ்சாலை சாலையில் பசுமை நிறைந்த வயல்கள் சுழ்ந்த இடத்தில் அமைந்துள்ளது. இதன் அருகில் சிதம்பரம், கடலூர் மற்றும் பாண்டிச்சேரி நகரங்கள் உள்ளன. குறிஞ்சிப்பாடியின் முக்கியத் தொழிலாக கைத்தறி லுங்கிகள் தயாரிக்கப்படுகின்றன.

அமைவிடம்

குறிஞ்சிபாடி பேரூராட்சிக்கு கிழக்கில் கடலூர் 32 கிமீ; மேற்கில் வடலூர் 7 கிமீ; வடக்கில் பண்ருட்டி 32 கிமீ; தெற்கில் சேத்தியாத்தோப்பு 19 கிமீ தொலைவில் உள்ளது.

பேரூராட்சியின் அமைப்பு

13.95 சகிமீ பரப்பும் , 18 பேரூராட்சி மன்ற உறுப்பினர்களையும், 156 தெருக்களையும் கொண்ட இப்பேரூராட்சி குறிஞ்சிப்பாடி (சட்டமன்றத் தொகுதி)க்கும், கடலூர் மக்களவைத் தொகுதிக்கும் உட்பட்டது.

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 6,757 வீடுகளும், 27,471 மக்கள்தொகையும் கொண்டது. மேலும் இப்பேரூராட்சியின் எழுத்தறிவு 79.2% மற்றும் பாலின விகிதம் 1,000 ஆண்களுக்கு, 995 பெண்கள் வீதம் உள்ளனர். பட்டியல் சாதியினரும் பட்டியல் பழங்குடியினரும் முறையே 4,206 மற்றும் 183 ஆகவுள்ளனர்.