நாமக்கல் மாவட்டம்

நாமக்கல் மாவட்டம்
நாமக்கல் மாவட்டம்:அமைந்த இடம்
தலைநகரம்	நாமக்கல்
மிகப்பெரிய நகரம்	திருச்செங்கோடு
ஆட்சியர்	ஜகன்நாதன் இஆப
காவல்துறைக் கண்காணிப்பாளர்	பி. கண்ணம்மாள்
பரப்பளவு	Sq. Km.
மக்கள் தொகை
வட்டங்கள்	4
ஊராட்சி ஒன்றியங்கள்	15
நகராட்சிகள்	5
பேரூராட்சிகள்	19
ஊராட்சிகள்	322
வருவாய் கோட்டங்கள்	2
வருவாய் கிராமங்கள்	391
இணையதளம்	http://namakkal.nic.in/ http://tnmaps.tn.nic.in/default.php

நாமக்கல் மாவட்டம் இந்திய மாநிலமான தமிழ்நாட்டின் முப்பதொன்று மாவட்டங்களில் ஒன்று. இதன் தலைநகரம் நாமக்கல் ஆகும். 1997 ம் ஆண்டு (1-1-1997) சேலம் மாவட்டத்தில் இருந்து பிரிக்கப்பட்டு நாமக்கல் மாவட்டம் தோன்றியது.

எல்லைகள்

இதன் மேற்கில் ஈரோடு மாவட்டமும் தெற்கில் கரூர் மாவட்டமும் கிழக்கில் திருச்சிராப்பள்ளி மாவட்டமும் வடக்கில் சேலம் மாவட்டமும் உள்ளன. காவிரி ஆறானது ஈரோடு மற்றும் கரூர் மாவட்டங்களை நாமக்கல் மாவட்டத்திலிருந்து பிரிக்கும் எல்லையாக உள்ளது.

வரலாறு

கொங்கு நாட்டின் பகுதியாக வரலாறு முழுவதும் இருந்துள்ளது. தகடூர் அதியமான்களின் ஆட்சிப் பகுதியிலும் பின்னர் கொங்கு சோழர், கங்கர், நாயக்கர், திப்புசுல்தான் முதலியோரின் ஆளுகையின் கீழ் இருந்தது. பாளையங்களாக இருந்த போது சேந்தமங்கலத்தை தலைமையிடமாக கொண்டு ஆட்சி செய்த ராமச்சந்திர நாயக்கர் ஆட்சி செய்து வந்துள்ளார் .இவர் கட்டிய தற்போது உள்ள நாமக்கல் கோட்டை யை கட்டியவர் என கருதப்படுகிறது. தூசூர் நாடு, வாழவந்தி நாடு, இராசிபுர நாடு, கீழ் பூந்துறை நாடு , ஏலூர் நாடு, பருத்திப்பள்ளி நாடு, கீழ்க்கரை அரைய நாடு, விமலை நாடு ஆகிய கொங்கு நாட்டின் பகுதிகள் உள்ளது நாமக்கல் மாவட்டம்.

நிர்வாகம்

வட்டம்

நாமக்கல் மாவட்டத்தில் நாமக்கல், திருச்செங்கோடு, இராசிபுரம், பரமத்தி ஆகிய 4 வட்டங்கள் உள்ளன. நாமக்கல், திருச்செங்கோடு ஆகிய 2 வருவாய் கோட்டங்கள் உள்ளன. புதிதாக கொல்லிமலை வட்டம் தொடங்கப்போவதாக தமிழக அரசு அறிவித்துள்ளது.

நகராட்சி

5 நகராட்சிகள் உள்ளன.

1. நாமக்கல்
2. திருச்செங்கோடு
3. இராசிபுரம்
4. பள்ளிபாளையம்
5. குமாரபாளையம்

பள்ளிபாளையம் & குமாரபாளையம் இரண்டும் திருச்செங்கோடு வட்டத்துக்குள் வருகின்றன.

ஊராட்சி ஒன்றியம்

15 ஊராட்சி ஒன்றியங்கள் உள்ளன.

1. எலச்சிப்பாளையம்
2. கபிலர்மலை
3. மல்ல சமுத்திரம்
4. நாமகிரிப்பேட்டை
5. பள்ளிபாளையம்
6. புது சத்திரம்
7. சேந்தமங்கலம்
8. வெண்ணந்தூர்
9. எருமைப்பட்டி
10. கொல்லி மலை
11. மோகனூர்
12. நாமக்கல்
13. பரமத்தி-வேலூர்
14. இராசிபுரம்
15. திருச்செங்கோடு

தொகுதிகள்

நாமக்கல் மாவட்டத்திலுள்ள வட்டங்களும் அதில் செல்லும் முதன்மை சாலைகளும்.

தொகுதி மறுசீரமைப்பு

தொகுதி மறுசீரமைப்பு நடவடிக்கையால் கபிலர்மலை சட்டமன்ற தொகுதி நீக்கப்பட்டுள்ளது, அது போலவே திருச்செங்கோடு, இராசிபுரம் (தனி) ஆகிய பாராளுமன்ற தொகுதிகளும் நீக்கப்பட்டுள்ளன. 15 வது (2009 மே) மக்களவையிலிருந்து இதன் படியே தேர்தல் நடைபெறும்.

சட்டமன்ற தொகுதி - நாமக்கல், திருச்செங்கோடு, இராசிபுரம் (தனி), சேந்தமங்கலம் (தனி), பரமத்தி-வேலூர், குமாரபாளையம். சேந்தமங்கலம் மலைவாழ் பழங்குடி மக்களுக்காக ஒதுக்கப்பட்ட தனி தொகுதியாகும்.

மக்களவை தொகுதி - நாமக்கல்.

நாமக்கல், திருச்செங்கோடு, இராசிபுரம் (தனி), சேந்தமங்கலம் (தனி), சங்ககிரி, பரமத்தி-வேலூர் ஆகிய சட்டமன்ற தொகுதிகள் நாமக்கல் மக்களவை தொகுதியில் அடங்குகின்றன. சங்ககிரி சட்டமன்ற தொகுதி சேலம் மாவட்டத்தை சேர்ந்த தொகுதியாகும், குமாரபாளையம் சட்டமன்ற தொகுதி ஈரோடு மக்களவை தொகுதியுடன் இணைக்கப்பட்டுள்ளது.

பொருளாதாரம்

நாமக்கல் மாவட்டம் சரக்கு போக்குவரத்து துறையிலும் கோழி வளர்ப்பிலும் முதன்மையான இடத்தை பிடித்துள்ளது.

• நாமக்கல் சுமையுந்து வண்டிகளின் உடலக அமைப்பைக் கட்டுவதில் இந்தியா முழுவதிலும் புகழ் பெற்றது. சுமையுந்து தொடர்பான பட்டறை என்னும் தொழில் கூடங்கள் ஏராளமாக உள்ளன. தமிழ்நாடு லாரி உரிமையாளர்கள் சங்கம் இங்கு உள்ளது.

• திருச்செங்கோடு ஆழ்துளைக் கிணறு (BoreWell) தோண்டும் வண்டிகளுக்கு பெயர் பெற்றது.
• , குமாரபாளையம் & திருச்செங்கோடு விசைத்தறி & கைத்தறி தொழிலுக்கு பெயர் பெற்றது.
• பள்ளிபாளையத்தில் சேஷாயி காகித ஆலை உள்ளது.
• மோகனூரில் கூட்டுறவு சர்க்கரை ஆலை உள்ளது.
• இராசிபுரம் பகுதி சவ்வரிசி ஆலைகளுக்கு பெயர் பெற்றது.
• பேளுக்குறிச்சி சந்தையானது கொல்லி மலையிலிருந்து வரும் மிளகு, மல்லி, சீரகம் போன்ற மளிகைப்பொருட்களுக்கு பெயர் பெற்றது. தமிழகம் முழுவதும் இருந்து வணிகர்கள் இங்கு வருவார்கள்.
• பள்ளிபாளையம் தமிழ்நாட்டின் முக்கிய தொழிற்சாலை மய்யங்களுள் ஒன்று.

ஆன்மீக தலங்கள்

• நாமக்கல் ஆஞ்சநேயர் கோயில்
• நாமக்கல் அருள்மிகு நரசிம்மசாமி திருக்கோயில்
• திருச்செங்கோடு அர்த்தநாரீசுவரர் கோயில்.
• நைனாமலை வரதராஜப் பெருமாள் கோயில்
• கபிலர்மலை முருகன் கோவில்
• அக்னி மாரியம்மன் கோவில் பள்ளிப்பாளையம்
• கண்ணனூர் மாரியம்மன் கோவில்
• சக்தி நாகதேவதை நாக மாரியம்மன் கோவில்
• புது மாரியம்மன் கோவில்
• திண்டல் முருகன் கோவில்

சுற்றுலா

• கொல்லி மலை
• திருச்செங்கோடு காந்தி ஆசிரமம்
• திருச்செங்கோடு அர்த்தனாரி ஈசுவரர் கோயில்.
• நாமக்கல் ஆஞ்சநேயர் கோயில்
• நாமக்கல் கோட்டை
• நாமக்கல் நரசிம்மர் - நாமகிரி தாயார் கோயில்
• நாமக்கல் அரங்கநாத பெருமாள் கோயில்

போக்குவரத்து

தேசிய நெடுஞ்சாலைகள்

கன்னியாகுமரியை வாரணாசியுடன் இணைக்கும் தேசிய நெடுஞ்சாலை 7 நாமக்கல் மாவட்டத்தின் வழியாக செல்கிறது. இது புதுசத்திரம்,வேலூர், பரமத்தி, நாமக்கல், இராசிபுரம் ஆகிய நகரங்களை இணைக்கிறது. தேசிய நெடுஞ்சாலை 47 குமாரபாளையம் நகரின் ஊடாக செல்கிறது. சேலத்தை ஈரோட்டுடன் இணைக்கும் இரும்புப்பாதை நாமக்கல் மாவட்டத்தின் வழியாக சென்றாலும்

இரும்புப்பாதை திட்டம்

இம்மாவட்டத்தில் தொடர் வண்டி நிலையம் எதுவும் இல்லை. நாமக்கல் வழியாக சேலத்தில் இருந்து கரூருக்கு அகலப் பாதை அமைக்கும் திட்டம் 1996-97 ல் ஒப்புதல் பெற்று, பணி மெதுவாக நடந்து வருகிறது. மல்லூர், இராசிபுரம், புதுசத்திரம், நாமக்கல், லத்துவாடி, மோகனூர், வாங்கல் வழியாக புதிய சேலம் - கரூர் இரும்புப்பாதை திட்டம் செல்கிறது.

மாநில நெடுஞ்சாலைகள்

1. மாநில நெடுஞ்சாலை 94 - நாமக்கல்லையும் திருச்செங்கோட்டையும் இணைக்கிறது.
2. மாநில நெடுஞ்சாலை 95 - மோகனூரை நாமக்கல் சேந்தமங்கலம் வழியாக இராசிபுரத்துடன் இணைக்கிறது.
3. மாநில நெடுஞ்சாலை 25 - நாமக்கல்லையும் திருச்சிராப்பள்ளியையும் இணைக்கிறது
4. மாநில நெடுஞ்சாலை 79 - ஈரோட்டையும் ஆத்தூரையும் திருச்செங்கோடு இராசிபுரம் நாமகிரிபேட்டை வழியாக இணைக்கிறது.

சமயம்

சமயவாரியாக மக்கள் தொகை

சமயம்	பின்பற்றுவோர்	விழுக்காடு
மொத்தம்	1,493,462	100%
இந்துகள்	1,451,966	97.22%
இசுலாமியர்	26907	1.80%
கிறித்தவர்	13137	0.87%
சீக்கியர்	117	0.007%
பௌத்தர்	40	0.002%
சமணர்	80	0.005%
ஏனைய	124	0.008%
குறிப்பிடாதோர்	1061	0.073%

வெளி இணைப்புகள்

• நாமக்கல் மாவட்ட அதிகார பூர்வ வலைத்தளம்
• தமிழ்மொழி தமிழ் களஞ்சியம்
• http://www.hindu.com/2006/12/27/stories/2006122711920400.htm

14வது சட்டமன்ற உறுப்பினர்கள்

தொகுதி	வேட்பாளர்	கட்சி
இராசிபுரம்	பா. தனபால்	அதிமுக
சேந்தமங்கலம்	சாந்தி ராஜமாணிக்கம்	தேமுதிக
நாமக்கல்	கே. பி. பி பாஸ்கர்	அதிமுக
பரமத்தி-வேலூர்	தனியரசு	அதிமுக
திருச்செங்கோடு	சம்பத் குமார்	தேமுதிக
குமாரபாளையம்	பி. தங்கமணி	அதிமுக