சேலம் மாவட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சேலம் மாவட்ட வரைபடம்

சேலம் மாவட்டம் இந்திய மாநிலமான தமிழ்நாட்டின் மாவட்டங்களில் ஒன்று. இம்மாவட்டத்தின் தலைநகரம் சேலம் ஆகும்.

இம்மாவட்டத்தில் இருந்து பிரிந்ததே நாமக்கல், தர்மபுரி, கிருஷ்ணகிரி மாவட்டங்கள் ஆகும். இவை பிரிப்பதற்கு முன் சேலம் மாவட்டமே தமிழ்நாட்டின் பெரிய மாவட்டமாக இருந்தது.

வரலாறு[தொகு]

சேலம் மாவட்டம் கொங்குநாட்டின் ஒரு பகுதியாக பண்டைய நாட்களில் இருந்து வந்துள்ளது. சோழ மன்னர்களின் காலத்தில் இது ராசாச்சரிய சதுர்வேதி மங்கலம் என அழைக்கப்பட்டது. பதின்மூன்றாம் நூற்றாண்டளவில் இப்பகுதி தனியொரு ஆட்சிப்பரப்பாகி சேலம் நாடு எனப்புகழ் பெற்றது.[1] அதற்கு முன்னர் அதியமான் ஆட்சிப் பகுதியில் இருந்து வந்துள்ளது. சேலம் மாவட்டத்தின் வரலாறு பழமையானது. இங்கு புதிய கற்கால மனிதன் பயன்படுத்திய கோடரிகள், சுத்திகள், பானைகள், தேய்ப்புக் கற்கள், வளையல்கள் போன்றவை சேர்வராயன், கல்ராயன், வத்தலமலை, மேலகிரி, குட்டிராயன் மலை முதலிய பகுதியில் கிடைத்திருக்கிறது. எண்ணற்ற நடுகற்கள் கிடைத்திருக்கின்றது. இம்மாவட்டம் தகடூர் (தர்மபுரி) அதியமான்கள், சோழர்கள், கன்னடர்கள், நாயக்கர்கள், திப்புசுல்தான், ஆங்கிலேயர்கள் ஆட்சிக்கு உட்பட்டிருந்தது.

நிர்வாகம்[தொகு]

மாவட்ட ஆட்சியரகம்

இம்மாவட்டத்தில் உள்ள வட்டங்கள்(தாலுகா) விவரம் பின்வருமாறு:

மலைகள்:

சேலம் மாவட்ட மண் வகைகள்

சேலம் மாவட்டம் பொதுவாக மலைகள் சூழ்ந்த மாவட்டம் ஆகும். இங்கு உள்ள மலைகள் விவரம் வருமாறு

ஆறுகள்:

  • காவிரி
  • திருமணிமுத்தாறு
  • வஷிஷ்டநதி

மக்கள் வகைப்பாடு[தொகு]

2011 ஆம் ஆண்டு மக்கட்தொகை கணக்கெடுப்பின் படி சேலம் மாவட்டத்தின் மொத்த மக்கட்தொகை 3,480,008.[2] இது தோராயமாக பனாமா நாட்டின் மக்கட்தொகைக்கு சமமானதாகும்.[3] இதன் மூலம் இம்மாவட்டம் இந்தியாவில் உள்ள 640 மாவட்டங்களில் 89வது இடத்தில் உள்ளது.[2] இந்த மாவட்டத்தின் மக்கட்தொகை அடர்த்தி 663 inhabitants per square kilometre (1,720 /sq mi).[2] மேலும் சேலம் மாவட்டத்தின் மக்கட்தொகை வளர்ச்சி விகிதம் 2001-2011 காலகட்டத்தில் 15.37%.[2]சேலம் மாவட்டத்தின் பாலின விகிதப்படி 1000 ஆண்களுக்கு 954 பெண்கள் உள்ளனர்.[2] மேலும் சேலம் மாவட்ட மக்களின் கல்வியறிவு விகிதம் 73.23%.[2]

சமயம்[தொகு]

சமயவாரியாக மக்கள் தொகை [4]
சமயம் பின்பற்றுவோர் விழுக்காடு
மொத்தம் 3,016,346 100%
இந்துகள் 2,883,909 95.60%
இசுலாமியர் 77,648 2.57%
கிறித்தவர் 50,450 1.67%
சீக்கியர் 535 0.017%
பௌத்தர் 208 0.006%
சமணர் 1,043 0.034%
ஏனைய 248 0.008%
குறிப்பிடாதோர் 1,248 0.041%

சட்டமன்றத் தொகுதிகள்[தொகு]

வார்ப்புரு:தமிழ்நாடு சட்டமன்றம்/15/சேலம்

மேற்கோள்கள்[தொகு]

  1. தமிழ்நாடன், சேலம் திருமணி முத்தாறு, லவ் ஓ ஏ. கே. நாகராஜன் அறக்கட்டளை, சேலம் வெளியீடு 2004
  2. 2.0 2.1 2.2 2.3 2.4 2.5 "District Census 2011". Census2011.co.in (2011). பார்த்த நாள் 2011-09-30.
  3. US Directorate of Intelligence. "Country Comparison:Population". பார்த்த நாள் 2011-10-01.
  4. Census of india , 2001

வெளி இணைப்புகள்[தொகு]



"http://ta.wikipedia.org/w/index.php?title=சேலம்_மாவட்டம்&oldid=1712926" இருந்து மீள்விக்கப்பட்டது