தமிழ்நாட்டுப் பொருளாதாரம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
தமிழ்நாட்டுப் பொருளாதாரம்
தரவரிசை 2
நாணயம் இந்திய ரூபாய்
புள்ளி விவரம்
மொ.உ.உ 72,311 கோடி ரூபாய் (2013)
வெளிக்கூறுகள்
பொது நிதிக்கூறுகள்
வருவாய் 46518.77 கோடி
செலவினங்கள் 45601.12 கோடி

'

தமிழ்நாடு மொத்த உள்நாட்டு உற்பத்தியின் அடிப்படையில் (2011–12) இந்தியாவின் மாநிலங்களில் இரண்டாவது பெரிய பொருளாதாரத்தைக் கொண்டுள்ளது. தமிழ்நாட்டுப் பொருளாதாரத்தில் சேவைத் துறை 45%, தொழில் துறை 34%, விவசாயம் 21% பங்களிக்கின்றன. கோயம்புத்தூர் நெசவாலைகளுக்கும், ஈரோடு மஞ்சள் சாகுபடி மற்றும் ஆடை ஏற்றுமதிக்கும், திருப்பூர் ஆயத்த ஆடை ஏற்றுமதிக்கும், சேலம் இரும்பு உருக்கு ஆலைகளுக்காகவும், நாமக்கல் கோழிப் பண்ணைகள், குழாய்க் கிணறு அமைக்கும் தொழில், பண்டங்களை போக்குவரவு செய்யும் கனரக வாகனங்களை இயக்கும் தொழிலுக்காகவும், சிவகாசி அச்சுத் தொழில், பட்டாசு உற்பத்திக்கும், காவிரி பாசன பகுதியில் அமைந்துள்ள திருச்சி, வேலூர் தோல் தொழிலுக்கும், தஞ்சை போன்ற பகுதிகள் விவசாயத்திற்கும், சென்னை வாகன உற்பத்தி, தகவல் தொழில் நுட்பம் சார்ந்த தொழில்களுக்கும் பெயர் பெற்றுள்ளன.

தென்தமிழகத்தில் உள்ள தூத்துக்குடியில் தமிழகத்தின் இரண்டாவது பெரிய துறைமுகம் உள்ளது. தூத்துக்குடியில் மின்னுற்பத்தி நிலையங்களும், உர, உலோகத் தொழிற்சாலைகளும் உள்ளன. கரூரில் நெசவுத்தொழிலும், பேருந்து, சரக்குந்துகளுக்கு கூடு கட்டும் தொழிலும் நன்கு வளர்ந்துள்ளன. பெங்களூருக்கு அருகில் உள்ள ஓசூரில் தானுந்துத் தொழிற்சாலைகள் (அசோக் லேலண்டு, டிவிஎஸ்), மற்ற இயந்திரத் தொழிற்சாலைகளும் (டைட்டன்) உள்ளன.

பாலிவுட் என அழைக்கப்படும் மும்பை திரைப்படத் துறைக்கு அடுத்ததாக, தமிழகத் திரைப்படத்துறை இந்தியாவின் இரண்டாவது பெரிய திரைப்படத் தொழில் மையமாகவும் திகழ்கிறது. ஒவ்வொரு ஆண்டும், பெருமளவில் தமிழ் மற்றும் தென்னிந்திய மொழிகளில் சினிமாப் படங்கள் தமிழ் நாட்டில் தயாரிக்கப்படுகின்றன.

பொருளாதார வளர்ச்சி[தொகு]

2011-2012ஆம் ஆண்டில் தமிழ் நாட்டின் வளர்ச்சி விகிதம் 9.39 விழுக்காடு. தமிழ் நாட்டின் வளர்ச்சி விகிதம் மற்ற தென் மாநிலங்களை விட அதிகமாக உள்ளது. தமிழ்நாடு மொத்த உள்நாட்டு உற்பத்தியில் இந்தியாவில் இரண்டாவது பெரிய மாநிலமாக உள்ளது[1].தமிழ்நாட்டின் தனி நபர் வருமானம் (2011–12) ரூபாய் 72993/$1,622. தமிழ்நாடு அரசு மாநில வரி வருமானத்தில், இந்தியாவில் நான்காவது இடத்தில் உள்ளது.

வருடம் மொத்த உள்நாட்டு உற்பத்தி மில்லியன் ரூபாய்
1980 80,810
1985 156,481
1990 313,390
1995 782,050
2000 1,411,000
2005 1,945,280[2]
2009 4,020,820 [3]
2010 4,640,090 [4]

ரகுராம் ராஜன் அறிக்கை[தொகு]

இந்தியாவின் முன்னேறிய மற்றும் பின்தங்கிய மாநிலங்களை கண்டறிவதற்காக ரகுராம் ராஜன் தலைமையில் ஒரு குழுவை மத்திய அரசு அமைத்தது. இந்தக் குழு ஒரு குறியீட்டை உருவாக்கியது. குறியீட்டு அளவு 0 முதல் 1 வரை, இதில் 0 என்பது முன்னேறிய மாநிலம், 1 என்பது மிகவும் பின்தங்கிய மாநிலம் ஆகும். ரகுராம் ராஜன் அறிக்கையின் படி தமிழ்நாடு மூன்றாவது முன்னேறிய மாநிலம்[5]. ரகுராம் ராஜன் அறிக்கையின் படி[2013ஆம் ஆண்டு], தமிழ்நாட்டின் ஏழ்மைக் கோட்டுக்கு கீழே வாழும் மக்களின் விகிதம் 11.28 விழுக்காடு. இது மற்ற இந்திய மாநிலங்களை ஒப்பிடுகையில், தமிழ்நாட்டின் ஏழ்மை விகிதம் குறைவு [6].

  • குறியீடு 0.4க்கு கீழ் - முன்னேறிய மாநிலம்.
  • குறியீடு 0.4க்கு மேல், 0.6க்கு கீழ் - பின்தங்கிய மாநிலம்.
  • குறியீடு 0.6 , 0.6க்கு மேல் - மிகவும் பின்தங்கிய மாநிலம்.

குறியீட்டுக்கான அடிப்படை அளவுருகள்: வருவாய், கல்வி, சுகாதாரம், வீட்டு வசதிகள், வறுமை, பெண் கல்வியறிவு, தாழ்த்தப்பட்டோர் மற்றும் பழங்குடியினர், நகரமயமாக்கல் விகிதம், நிதி சேர்ப்பதற்கான வழிகள், இணைப்பு.

ரகுராம் ராஜன் அறிக்கையின் படி, கீழே இந்தியாவின், மிக முன்னேரிய மாநிலங்கள், மேல் இருந்து கீழ்:

மாநிலம் குறியீடு
கோவா 0
கேரளா 0.095
தமிழ்நாடு 0.341
பஞ்சாப் 0.345
மகாராஸ்திரா 0.352
உத்ராகண்ட் 0.383
ஹரியானா 0.395

ஏற்றுமதி[தொகு]

கீழே 2007-2008ம் ஆண்டு கணக்கேடுப்பின் படி, இந்தியாவின் ஏற்றுமதியில் தமிழ்நாட்டின் பங்கு[7].

துறை பங்கு
மின்னணு வன்பொருள், தகவல் தொழில்நுட்பம் 10.64%
பொறியியல் பொருட்கள் 11.05 %
ஜவுளி 18.03 %
தோல் பொருட்கள் 33 %

தொழிற்துறை வாரியாக[தொகு]

இன்றும் மரபுசார் வேளாண்மை, தமிழ்நாட்டுப் பொருளாதாரத்தில் முக்கிய பங்கு வகிக்கிறது.
மீன்பிடிப்பு

வேளாண்மை[தொகு]

தமிழ்நாட்டுப் பொருளாதாரத்தில் வேளாண்மை துறையின் பங்கு 21%. வேளாண்மை துறை என்பது விவசாயம், சுரங்கம், வனவியல், மேய்ச்சல், குவாரி முதலிய துறைகளை உள்ளடக்கியது.

விவசாயம்[தொகு]

முதன்மைக் கட்டுரை: தமிழ்நாட்டில் வேளாண்மை

தமிழ்நாட்டு பொருளாதாரத்தின் மிக முக்கியமான துறையாக விவசாயம் உள்ளது. மாநில மக்கள் தொகையில் 70%, விவசாயம் மற்றும் அதைச் சார்ந்த நடவடிக்கைகளில், தங்கள் வாழ்வாதாரத்திற்காக ஈடுபட்டுள்ளனர்[8]

தஞ்சை, திரூவாரூர், நாகை உள்ளிட்ட மாவட்டங்களில் 8 லட்சம் ஏக்கரில் நெல் சாகுபடி செய்யப்படுகிறது.

தமிழ்நாட்டில் விளையும் முக்கிய பழங்கள்:: வாழை மற்றும் மாம்பழம். தமிழ்நாட்டில் விளையும் முக்கிய காய்கறிகள்:: மரவள்ளிக்கிழங்கு, தக்காளி, வெங்காயம், கத்தரிக்காய் மற்றும் முருங்கை. தமிழ்நாட்டில் விளையும் முக்கிய மசாலா::கருவேப்பிள்ளை, மஞ்சள், கொத்துமல்லி, மிளகாய், புளி. தமிழ்நாட்டில் விளையும் முக்கிய பூக்கள்:: மல்லிகை, முல்லை, சாமந்தி, ரோஜா, செவ்வந்தி. ஓசூர் நகரில் இருந்து ரோஜா ஐரோப்பா, தென்கிழக்கு ஆசியா நாடுகளுக்கு ஏற்றுமதி செய்யப்படுகிறது[9].

மரவள்ளிக்கிழங்கு உற்பத்தியில் இந்தியாவில் தமிழ்நாடு இரண்டாவது இடத்தில் உள்ளது.[10]. கரும்பு சாகுபடியில் இந்தியாவில், தமிழ்நாடு இரண்டாவது இடத்தில் உள்ளது[11]. சப்போட்டா உற்பத்தியில் இந்தியாவில், தமிழ்நாடு மூன்றவது இடத்தில் உள்ளது[12]. அரிசி உற்பத்தியில் இந்தியாவில் தமிழ்நாடு ஆறாவது இடத்தில் உள்ளது.

கீழே தமிழ்நாட்டில், பழங்கள் விளையும் முக்கிய இடங்கள் கொடுக்கப்பட்டுள்ளன

பழம் இடம்
வாழை திருச்சி, தூத்துக்குடி, திருநெல்வெலி, கன்னியாகுமரி [13]
மாம்பழம் கிருஷ்ணகிரி, வேலூர், திண்டுக்கல் [14]
சப்போட்டா திருநெல்வெலி, ஈரோடு, கரூர்
திராட்சை தேனி, கோவை
கொய்யா மதுரை, திண்டுக்கல், வேலூர்

கீழே தமிழ்நாட்டில், காய்கறி விளையும் முக்கிய இடங்கள் கொடுக்கப்பட்டுள்ளன

காய்கறி இடம்
மரவள்ளிக்கிழங்கு நாமக்கல் , சேலம், தருமபுரி [15]
தக்காளி கோவை, தருமபுரி, சேலம், கிருஷ்ணகிரி [16]
வெங்காயம் பெரம்பலூர், திருச்சி, நாமக்கல், திண்டுக்கல்
கத்தரிக்காய் வேலூர், தேனி, கோவை
முருங்கை தூத்துக்குடி, திண்டுக்கல், கரூர்
உருளை நீலகிரி, திண்டுக்கல்

கோழிப்பண்ணை[தொகு]

நாமக்கல் மாவட்டத்தில் 1500க்கும் மேற்பட்ட கோழிப்பண்ணைகள் உள்ளன. இவற்றின் மூலம் தினமும் 3 1/2 கோடி முட்டைகள் கிடைக்கின்றன. மொத்த உற்பத்தியில் 40 விழுக்காடு கேரளாவுக்கு ஏற்றுமதி செய்யப்படுகிறது. இவற்றில் தினமும் 25,00,000 முட்டைகள் லய்பிரியா, பகுரைன், ஆப்கானித்தான், ஓமான் ஆகிய நாடுகளுக்கு ஏற்றுமதி செய்யப்படுகிறது.

மீன்பிடிப்பு[தொகு]

மீன் பிடிப்பு, வளர்ப்பு அத்தொழிலுடன் நேரடி தொடர்புடைய பிற செயற்பாடுளும் தமிழ்நாடு மீன்பிடித் தொழிற்துறை எனலாம். இது தமிழ்நாட்டின் முக்கிய தொழிற்துறைகளில் ஒன்று. கடலும், கடல்சார் வாழ்வும் தமிழ் மீனவர்களின் ஒரு நெடுங்கால வாழ்வு முறையும் தொழிலும் அகும்.

தமிழ்நாடு, 1076 கிலோ மீட்டர் நீள கடல்கரையை கொண்டுள்ளது. மீன் பிடி தொழிலில், இந்தியாவில் தமிழ்நாடு ஐந்தாவது இடத்தில் உள்ளது. 2007-2008, கணக்கெடுப்பின் படி, மீன் பிடி 559,360 மெட்ரிக் டண்கள்.

உற்பத்தி[தொகு]

தமிழ்நாட்டுப் பொருளாதாரத்தில் உற்பத்தி துறையின் பங்கு 34%.உற்பத்தி துறை என்பது மின்னணுவியல், தானுந்து, நெசவு முதலிய துறைகளை உள்ளடக்கியது.

மின்னணுவியல்[தொகு]

தமிழ்நாடு மின்னணுவியல் தயாரிப்பு துறையில் வளர்ந்து வரும் மாநிலம். சென்னையில் நோக்கியா, மோட்டோரோலா, சோனி-எரிக்சன், சாம்சங், சிஸ்கொ, டெல் ஆகிய தயாரிப்பு நிறுவனங்கள் உள்ளன. டெல், வருடத்தில் தொராயமாக 4,00,000 மடிக்கணினி,மேசைத்தள கணினியை சென்னையை அடுத்த திருப்பெரும்புதூரில் இருந்து தயாரிக்கிறது.[17][18]. சாம்சங் சென்னையில் 2007ஆம் ஆண்டில் இருந்து தொலைக்காட்சி பெட்டிகளை தயாரிக்கிறது. சாம்சங் சென்னையை அடுத்த திருப்பெரும்புதூரில் இருந்து வருடத்தில் தொராயமாக 10,20,000 குளிர்சாதன பெட்டிகளை 2010ஆம் ஆண்டில் இருந்து தயாரிக்கிறது[19]. நோக்கியா வருடத்தில் தொராயமாக 25,00,000 கைப்பேசிகளை சென்னையில் இருந்து தயாரிக்கிறது.

வீடியொக்கான் நிறுவனம் மானாமதுரையில் குளிர்சாதன பெட்டி மற்றும் தொலைக்காட்சி பெட்டிகளை தயாரிக்க விருக்கிறது[20].

வாகன உற்பத்தி[தொகு]

ஹுன்டாய் தொழிற்சாலை திருப்பெரும்புதூர், இந்தியா.

தமிழக அரசின் தொழில் கொள்கை, அதிக வாகன உதிரிபாகங்கள் தயாரிப்பு, சென்னையின் துறைமுக வசதி ஆகிய காரணங்களுக்காக சென்னையில் அதிக அளவில் வாகண உற்பத்தி தொழில்சாலைகள் உள்ளன. சென்னையில் பெருவாரியான வாகன உற்பத்தி நிறுவனங்கள் உள்ளதால் சென்னை 'ஆசியாவின் டெட்ராய்ட்' என்று அழைக்கபடுகிறது. ஹுன்டாய் (கொரிய நிறுவனம்) வருடத்தில் 3,30,000 கார்களை(தானுந்து) சென்னையில் உள்ள தொழில்சாலையில் இருந்து தயாரிக்கிறது. ஹுன்டாய் மார்ச் 2012 வரை, 1.5 மில்லியன் கார்களை சென்னையில் உள்ள தொழில்சாலையில் இருந்து 120 நாடுகளுக்கு ஏற்றுமதி செய்துள்ளது.[21]. போர்ட் (அமெரிக்க நிறுவனம்) தொழில்சாலை, ரூபாய் 1700 கோடி முதலீட்டில், சென்னையை அடுத்த மறைமலை நகரில் அமைந்துள்ளது. போர்ட் தொழில்சாலை வருடத்தில் 100,000 கார்கள் வரை தயாரிக்கும் திறன் பெற்றுள்ளது[22]. ரெனால்ட்-நிச்சான் [பிரான்சு-ஜப்பான் கூட்டு தயாரிப்பு] ஓரகடம் சென்னையில் தொழில்சாலை ரூபாய் 4,500 கோடி முதலீட்டில் அமைந்துள்ளது.

நிறுவனம் இடம் நிறுவப்பட்ட ஆண்டு தானுர்ந்தி ரகம்
போர்ட் மறைமலை நகர், காஞ்சிபுரம் 1995 ஐகான், பியஸ்டா, பிகொ
ஹுன்டாய் திருபெரும்புதூர், காஞ்சிபுரம் 1996 சன்ட்ரொ, ஐ10, ஐ20, வெர்ணா, அக்சென்ட்
நிசான் ஒரகடம், காஞ்சிபுரம் 2005 டியனா
பியம்டபில்யு சிங்கப்பெருமாள்கோவில், சென்னை 2007 பியம்டபில்யு 3 வரிசை, பியம்டபில்யு 5 வரிசை, மினி கன்ட்ரிமன்[23]
ரெனால்ட் ஒரகடம், காஞ்சிபுரம் 2007 லொகன், டஸ்டர், பல்ஸ்

டி.வி.ஸ் இரு சக்கர வாகன தொழில்சாலை, ஓசூரில் 174 ஏக்கர் பரப்பரவில் தொழிற்சாலை அமைந்துள்ளது[24]. ராயல் என்பில்டு, யமகா தொழில்சாலைகள் சென்னையில் அமைந்துள்ளன.

நெசவு[தொகு]

பருத்தி, பட்டு போன்றவற்றில் இருந்து நூலெடுத்து, துணியாக்கி, உடைகளை ஆக்கும் தொழிற்துறை நெசவுத்துறை ஆகும். தமிழ்நாட்டில் இருக்கும் கைத்தறியையும் பிற நெசவுத் தொழில்நுட்பங்களையும், தொழில் நிறுவனங்களையும், அரசு நெசவுத்துறை அலகுகளையும் தமிழ்நாட்டு நெசவுத்துறை எனலாம்[25].

  • திருப்பூர் - [26]
  • கரூர்

சேவை துறை[தொகு]

சேவை துறை என்பது தொட்டுணர முடியாத பொருள்களை உருவாக்கும் துறையாகும்.சேவை துறையின் என்பது போக்குவரத்து, சுகாதாரம், மென்பொருள், பொழுதுபோக்கு முதலிய துறைகளை உள்ளடக்கியது.தமிழ்நாட்டுப் பொருளாதாரத்தில் சேவை துறையின் பங்கு 45%.

மென்பொருள்[தொகு]

தமிழ்நாட்டில் 934 பொறியியல் கல்லூரிகள் உள்ளன.தமிழ்நாட்டில் 110 தொழில் பூங்காக்கள் உள்ளன. மென்பொருள் அதிக அளவில் ஏற்றுமதி செய்யும் மாநிலங்களில், தமிழ்நாடும் ஒன்று. 2011-2012 ஆம் ஆண்டு, மென்பொருள் ஏற்றுமதி $8.5 பில்லியன் என்ற அளவில் இருந்தது. தமிழ்நாட்டில் மென்பொருள் மற்றும் மென்பொருள் சார்ந்த துரைகளில் 3.75 லட்சம் பேர் நேரடியாவும், 7.50 லட்சம் பேர் மறைமுகமாகவும் வேலைவாய்ப்பு பெற்றுள்ளனர்[27]. இந்தியாவில் மென்பொருள் ஏற்றுமதி செய்யும் நகரங்களில், சென்னை இரண்டாவது இடத்தில் உள்ளது.மென்பொருள் ஏற்றுமதி தமிழ்நாட்டில் 2008–09 ஆண்டு 29 விழுக்காடு உயர்ந்து, 280,000 மக்கள் வேலைவாய்ப்பு பெற்று, ரூபாய் 366.80 பில்லியன் என்று இருந்தது[28]. இந்தியாவின் மிகப் பெரிய மென்பொருள் பூங்கா, சிருசேரி சென்னையில் உள்ளது. எச்.சி.எல், விப்ரோ, டி.சி.எஸ், இன்ஃபோசிஸ், வேரைசன், சி.டி.எஸ், ஜன்சா, கோவன்சிஸ், சத்யம், பாலி டெக்னொலஜிஸ் ஆகிய மென்பொருள் நிறுவனங்கள் சென்னை நகரில் உள்ளன. ராபட் பொச், சி.டி.எஸ் ஆகிய மென்பொருள் நிறுவனங்கள் கோவை நகரில் உள்ளன. ஹனிவெல் டெக்னொலஜிஸ் மென்பொருள் நிறுவனம் மதுரை நகரில் உள்ளது.

வணிக செயல்முறை (பிபிஓ) நிறுவனங்கள் ஆகிய சிடெல் இந்தியா, எச்.சி.எல் பிஸ்னஸ் சர்விசஸ், அல்டெக் ஸ்டார், சுதெர்லான்ட் கிலொபல் சர்விசஸ், விப்ரோ முதலியவை சென்னையில் உள்ளன.

பொதுத் துறை நிறுவனங்கள்[தொகு]

பாரத மிகு மின் நிறுவனம், திருமயம்

தமிழ்நாட்டில் உள்ள இந்திய அரசின் பொது துறை நிறுவனங்கள்.

தமிழ்நாடு மாநில அரசின் பொது துறை நிறுவனங்கள்

  • தமிழ்நாடு செய்தித்தாள் மற்றும் ஆவணங்கள் நிறுவனம்[டி.யன்.பி.எல்] - 1979
  • தமிழ்நாடு சிமெண்ட் நிறுவனம் [டாண்சாம்] - 1976

சுற்றுலா துறை[தொகு]

நீலகிரி மலை ரயில்

தமிழக சுற்றுலா துறை தமிழக இந்தியாவின் இரண்டாவது பெரிய சுற்றுலா துறை ஆகும்.

2012 ஆண்டின் உள்நாட்டு சுற்றுலா துறையினர் எண்ணிக்கை அடிப்படையில் இந்தியாவின் முதல் மூன்று மாநிலங்கள் [29] கீழே வரிசை படுத்தபட்டுள்ளன.

வரிசை மாநிலம் எண்ணிக்கை விழுக்காடு
1 ஆந்திர பிரதேசம் 206817895 20.0
2 தமிழ்நாடு 184136840 17.8
3 உத்தர பிரதேசம் 168381276 16.2

2012 ஆண்டின் வெளிநாட்டு சுற்றுலா துறையினர் எண்ணிக்கை அடிப்படையில் இந்தியாவின் முதல் மூன்று மாநிலங்கள் [30] கீழே வரிசை படுத்தபட்டுள்ளன.

வரிசை மாநிலம் எண்ணிக்கை விழுக்காடு
1 மஹாராஸ்திரா 5120287 24.7
2 தமிழ்நாடு 3561240 17.2
3 தில்லி 2345980 11.3

தமிழ்நாடு மலை வாஸ்தலங்கள்: நீலகிரி, கொடைக்கானல், ஏற்காடு, குற்றாலம், டாப்ஸ்லிப், வால்பாறை.

தமிழ்நாட்டில் 5 தேசிய வனவிலங்கு சரணாலயங்கள் உள்ளன.

  1. இந்திரா காந்தி வனவிலங்கு உய்வகம் மற்றும் தேசியப்பூங்கா டாப்ஸ்லிப்,பொள்ளாச்சி
  2. முதுமலை தேசியப் பூங்கா ,நீலகிரி
  3. முக்குருத்தி வனவிலங்கு சரணாலயம்,நீலகிரி
  4. மன்னார் வளைகுடா தேசிய கடல்சார் உயிரியல் பூங்கா,மன்னார் வளைகுடா
  5. கிண்டி தேசிய பூங்கா

தமிழ்நாட்டில் உள்ள உலக பாரம்பரியச் சின்னங்கள்.

தமிழ் கடவுள் முருகனின் அறுபடை வீடுகள்: திருப்பரங்குன்றம், திருச்செந்தூர், பழனி, சுவாமிமலை, திருத்தனி, பழமுதிர்சோலை. வருமானம் அடிப்படையில், பழனி கோவில் இந்தியாவில், மூன்றாவது பெரியதாகும்.

ஆற்றல்[தொகு]

கல்பாக்கம் அணு உலை, எண்ணூர் அனல்மின் நிலையம், நெய்வேலி பழுப்பு நிலக்கரி நிறுவனம், கூடங்குளம் அணுமின் நிலையம் ஆகியவையின் மூலம் மின் உற்பத்தி செய்யப்படுகிறது. மின் ஆற்றல் திறன் அடிப்படையில், இந்தியாவின் மூன்றாவது மிகப் பெரிய மாநிலம்.

  • ஆற்றல் திறன்(மொத்தம்) - 18,382.13 (மேகாவாட்)
  • அனல் மின் நிலையம் ஆற்றல் திறன் - 18,382.13 (மேகாவாட்)
  • அணு மின் நிலையம் - 524.00
  • நீர் மின் நிலையம் - 2,137.20
  • புதுப்பிக்கத்தக்க ஆற்றல் - 7,503.60

வெளிநாட்டு முதலீடு[தொகு]

தமிழ்நாடு அதிக அளவில் வெளிநாட்டு முதலீடுகளை ஈர்த்து வருகிறது. கீழே ஆண்டு வாரியாக தமிழ்நாட்டில்(புதுச்சேரி உட்பட) வெளிநாட்டு முதலீடு[31].

ஆண்டு முதலீடு $ மில்லியன்
2008-2009 1,724
2009-2010 774
2010-2011 1,352
2011-2012 1,422

தமிழக நிதித் தணிக்கை[தொகு]

பொது கணக்குத் தணிக்கைத் துறையின் அறிவுரைப்படி, 1992ஆம் ஆண்டு தமிழக நிதித் தணிக்கை இரண்டாகப் பிரிக்கப்பட்டது. மாநகராட்சி, நகராட்சி, பேரூராட்சி, ஒன்றியம், பல்கலைக்கழகங்கள், ஒழுங்குமுறை விற்பனைக் கூடங்கள் உள்ளிட்டவற்றை தணிக்கை செய்ய உள்ளாட்சி நிதித் தணிக்கைத் துறையும், தமிழ்நாடு வீட்டுவசதி வாரியம், குடிசை மாற்று வாரியம், பாடநூல் நிறுவனம், சத்துணவுத் திட்டம் உள்ளிட்டவற்றை தணிக்கை செய்ய அரசுத்துறை நிறுவன தணிக்கைத் துறையும் உருவாக்கப்பட்டன.[32]

இவற்றையும் பார்க்கவும்[தொகு]

தமிழ்நாடு
தமிழ்நாட்டுக் காலநிலை
தமிழ்நாட்டின் பெருநிறுவனங்கள்
தமிழ்நாட்டு ஓவியக் கலை
தமிழ்நாட்டு ஊர்களும் உணவுகளும்
தமிழ்நாட்டு தொழிற்துறைகள்
தமிழ்நாட்டு வேதிப்பொருள் தொழிற்துறை
தமிழ்நாட்டு அறிவொளி இயக்கம்
தமிழ்நாட்டு சீர்திருத்தங்கள்
தமிழக வரலாறு
தமிழக ஏரிகள்
தமிழ்நாடு துடுப்பாட்ட அணி

மேற்கோள்கள்[தொகு]