இந்திய தேசிய லீக்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

இந்திய தேசிய லீக் (Indian National League), பெரும்பாலும் இசுலாமியர்கள் பங்கு வகிக்கும் இந்திய அரசியல் கட்சியாகும். தமிழ்நாடு, கேரளம் ஆகிய மாநிலங்களில் அதிக முனைப்புடன் செயல்படுகிறது.இந்திய யூனியன் முஸ்லீம் லீக் கட்சியில் இருந்து இப்ராகிம் சுலைமான் சேட் வெளியேற்றப்பட்ட பின் அக்கட்சியில் இருந்து பிரிந்து ஏப்ரல் 23, 1993ல் இக்கட்சி உருவானது.

கேரளத்தில் இடதுசாரி ஜனநாயக முன்னணியுடன் நெருங்கியத் தொடர்புகளை இக்கட்சி கொண்டுள்ளது. தமிழ்நாட்டில், 1996 சட்டமன்றத்தேர்தலில் திமுகவுடன் கூட்டணி அமைத்துப் போட்டியிட்டு நான்கு இடங்களைப் பெற்றது.2001 தமிழ்நாடு சட்டமன்றத்தேர்தலில் அஇஅதிமுக உடன் கூட்டணி அமைத்துப் போட்டியிட்டது. 2004 நாடாளுமன்றத் தேர்தல்களில் புதிய தமிழகம் கட்சித் தலைமையில் அமைந்த மூன்றாவது முன்னணியில் பங்கு கொண்டு போட்டியிட்டது. இதே தேர்தல்களில் மேற்கு வங்காளத்திலும் நான்கு தொகுதிகளில் போட்டியிட்டது.

இக்கட்சியின் இளைஞர் பிரிவு தேசிய இளைஞர் லீக் என்றும் மாணவர் பிரிவு தேசிய மாணவர் லீக் என்றும் அழைக்கப்படுகிறது.!

இக்கட்சியின் தமிழக பிரிவின் முன்னாள் தலைவராக இருந்த தடா.அப்துல் ரஹீம் பின்னாளில் அக் கட்சியில் இருந்து விலகி இந்திய தேசிய லீக் கட்சி என்ற புதிய பெயரில் தனியாக கட்சி தொடங்பினார். அதன் பிறகு தமிழக இஸ்லாமிய கட்சிகளின் பட்டியலில் இந்திய தேசிய லீக் கட்சி என்கிற அந்த கட்சி ஒரு முக்கியமான இடத்தை பிடித்தது. அனைத்து மாவட்டங்களிலும் அக் கட்சிக்கு உருப்பினர்கள் உள்ளனர். கடந்த முறை நடந்த RK.நகர் இடைத் தேர்தலில் அக்கட்சியின் தலைவர் தடா.ரஹிம் முன்னாள் தமிழக முதல்வர் ஜெயலலிதாவை எதிர்த்து போட்டியிட்டு தோழ்வியடைந்தார் என்பதும் குறிப்பிடத் தக்கது.

"https://ta.wikipedia.org/w/index.php?title=இந்திய_தேசிய_லீக்&oldid=2434191" இருந்து மீள்விக்கப்பட்டது