தமிழக ராஜீவ் காங்கிரசு

தமிழக ராஜீவ் காங்கிரசு (Tamizhaga Rajiv Congress, தமிழக ராஜீவ் காங்கிரஸ்)

• 1998-2001 காலகட்டத்தில் தமிழ்நாட்டில் செயல்பட்ட ஒரு அரசியல் கட்சியாகும். இக்கட்சி வாழப்பாடி ராமமூர்த்தியால் தொடங்கப்பட்டது. ராமமூர்த்தி நெடுங்காலமாக இந்திய தேசிய காங்கிரசின் முன்னணி மாநிலத் தலைவர்களுள் ஒருவராக இருந்து வந்தார். 1996 ஆம் ஆண்டு நடந்த நாடாளுமன்ற/சட்டமன்ற தேர்தலில் அதிமுக–காங்கிரஸ் கூட்டணியை எதிர்த்து காங்கிரசிலிருந்து விலகி திவாரி காங்கிரசில் இணைந்தார்.
• பின்னர் 1998 நாடாளுமன்ற தேர்தலில் திவாரி காங்கிரஸ் முடக்கம் செய்யப்பட்டதால். அதிலிருந்து விலகினார்.
• பின்பு 1998 நாடாளுமன்றத் தேர்தலில் “தமிழக ராஜீவ் காங்கிரஸ்” என்ற பெயரில் தனிக்கட்சி தொடங்கினார். இத்தேர்தலில் அதிமுக-பாஜக-மதிமுக-பாமக கூட்டணியில் இணைந்து இக்கட்சி போட்டியிட்டது. சேலம் மக்களவைத் தொகுதியில் ராமமூர்த்தி வெற்றி பெற்றார்.
• பின்பு மத்தியில் வாஜ்பாய் ஆட்சிக்கு அளித்து வந்த ஆதரவை ஜெயலலிதா விலக்கி கொண்டதால்.
• 1999 நாடாளுமன்ற தேர்தலில் திமுக-பாஜக-மதிமுக-பாமக கூட்டணியின் அங்கமாக மீண்டும் இக்கட்சி போட்டியிட்டது. ஆனால் வெற்றி பெற இயலவில்லை.
• 2001 தமிழக சட்டமன்ற தேர்தலில் திமுக கூட்டணியில் ஏற்பட்ட தொகுதி உடன்பாடு பிரச்சனையால் தனித்துப் போட்டியிட்ட இக்கட்சி எந்த தொகுதியிலும் வெற்றி பெற இயலவில்லை.
• இதனால் 2001 ஆம் ஆண்டு வாழப்பாடி ராமமூர்த்தி கட்சியைக் கலைத்து விட்டு தன் ஆதரவாளர்களுடன் தனது தாய் கட்சியான காங்கிரஸ் கட்சியில் மீண்டும் இணைந்து விட்டார்.