கரோலின் பெர்ட்டோத்சி

கட்டற்ற கலைக்களஞ்சியமான விக்கிப்பீடியாவில் இருந்து.
கரோலின் பெர்ட்டோத்சி
Carolyn Bertozzi
Carolyn Bertozzi IMG 9384.jpg
2011 இல் கரோலின்
பிறப்புகரோலின் ரூத் பெர்ட்டோத்சி
அக்டோபர் 10, 1966 (1966-10-10) (அகவை 56)
பாஸ்டன், மாசச்சூசெட்ஸ், ஐக்கிய அமெரிக்கா
கல்விஆர்வர்டு பல்கலைக்கழகம் (இளம் அறிவியல்)
கலிபோர்னியா பல்கலைக்கழகம் (பெர்க்லி) (முதுமாணி]], முனைவர்)
அறியப்படுவதுஉயிரிநேர்மறை வேதியியல்
விருதுகள்வேதியியலுக்கான ஏசிஎசு விருது (2001)
லெமெல்சொன்-எம்ஐடி பரிசு(2010)
ஊல்ஃப் பரிசு (2022)
வேதியியலுக்கான நோபல் பரிசு (2022)
கரோலின் பெர்ட்டோத்சி
துறைவேதியியல்
பணியிடங்கள்இசுட்டான்போர்டு பல்கலைக்கழகம்
கலிபோர்னியா பல்கலைக்கழகம் (பெர்க்லி)
லாரன்சு பெர்க்கிலி தேசிய ஆய்வுகூடம்
கலிபோர்னியா பல்கலைக்கழகம், சான் பிரான்சிசுக்கோ
ஆய்வேடுகார்பன்-இணைக்கப்பட்ட கிளைகோசைடுகளின் தொகுப்பும் உயிரியல் செயல்பாடும் (1993)
ஆய்வு நெறியாளர்மார்க் டி. பெர்னார்சுக்கி

கரோலின் ரூத் பெர்ட்டோத்சி (Carolyn Ruth Bertozzi; பிறப்பு: அக்டோபர் 10, 1966) அமெரிக்க வேதியியலாளரும், நோபல் பரிசு பெற்றவரும் ஆவார். இவர் வேதியியல், உயிரியல் இரண்டிலும் பரந்து விரிந்த பணிக்காக அறியப்பட்டவர். வாழ்க்கை அமைப்புகளுடன் இணக்கமான வேதி வினைகளுக்கு "உயிரிநேர்மறை வேதியியல்" (bioorthogonal chemistry)[1] என்ற சொல்லை அவர் உருவாக்கினார். இவரது அண்மைய முயற்சிகளில் கிளைக்கான்கள் எனப்படும் செல் மேற்பரப்பு சர்க்கரைகளை ஆய்வு செய்வதற்கான வேதியியல் கருவிகளின் தொகுப்பு மற்றும் அவை புற்றுநோய், வீக்கம், கோவிட்-19 போன்ற வைரசுத் தொற்றுகள் போன்ற நோய்களை எவ்வாறு பாதிக்கின்றன என்பது பற்றியதாக இருந்தது.[2] இசுட்டான்போர்டு பல்கலைக்கழகத்தில், இவர் மனிதநேயம் மற்றும் அறிவியல் பள்ளியில் பேராசிரியராக உள்ளார்.[3] இவர் அவார்டு இயூசு மருத்துவக் கல்வி நிலையத்தில் ஒரு ஆய்வாளராகவும் உள்ளார்.[4] மேலும் லாரன்ஸ் பெர்க்லி தேசிய ஆய்வகத்தில் உள்ள நானோ அறிவியல் ஆராய்ச்சி மையத்தின் முன்னாள் இயக்குநரும் ஆவார்.[5]

கரோலின் பெர்ட்டோத்சி தனது 33-ஆவது அகவையில் மேக்கார்தர் "மேதை" விருதைப் பெற்றார்.[6] 2010 இல், மதிப்புமிக்க லெமெல்சன்-எம்ஐடி விருதைப் பெற்ற முதல் பெண்மணி ஆனார். இவர் தேசிய அறிவியல் கழகம் (2005), மருத்துவக் கல்விக்கழகம் (2011), கண்டுபிடிப்பாளர்களின் தேசிய கல்விக் கழகம் (2013) ஆகியவற்றில் உறுப்பினராக உள்ளார். ஒரு திறந்த நேர்பாலீர்ப்பு பெண்ணாக, மாணவர்கள் மற்றும் சக ஊழியர்களுக்கு பெர்ட்டோத்சி ஒரு முன்மாதிரியாக இருந்து வருகிறார்.[7][8]

பெர்ட்டோத்சிக்கும் மோர்ட்டன் மெல்டால், காரல் சார்ப்பிலசு ஆகியோருக்கும் 2022 ஆம் ஆண்டுக்கான வேதியியலுக்கான நோபல் பரிசு "கிளிக்கு வேதியியலின் வளர்ச்சிக்காக" வழங்கப்பட்டது.[9]

மேற்கோள்கள்[தொகு]

  1. "Carolyn R. Bertozzi". HHMI.org (ஆங்கிலம்). 2020-02-05 அன்று பார்க்கப்பட்டது.
  2. "Carolyn Bertozzi | Department of Chemistry". chemistry.stanford.edu. 2022-03-16 அன்று பார்க்கப்பட்டது.
  3. Adams, Amy. "Stanford chemist explains excitement of chemistry to students, the public". Stanford News. http://news.stanford.edu/news/2015/june/chemistry-bertozzi-qna-060515.html. பார்த்த நாள்: 19 July 2015. 
  4. "Carolyn Bertozzi honored by GLBT organization". UC Berkeley News. 27 February 2007. http://berkeley.edu/news/berkeleyan/2007/02/21_awards.shtml. பார்த்த நாள்: 8 February 2013. 
  5. "Carolyn Bertozzi". HHMI. 8 February 2013 அன்று பார்க்கப்பட்டது.
  6. "Carolyn Bertozzi, Organic Chemist". MacArthur Foundation. 3 February 2015 அன்று பார்க்கப்பட்டது.
  7. Cassell, Heather (February 22, 2007). "Two Bay Area gay scientists honored". Bay Area Reporter. https://www.ebar.com/story.php?ch=news&sc=&sc2=&id=237708. பார்த்த நாள்: 5 October 2022. 
  8. "NOGLSTP to Honor Bertozzi, Gill, Mauzey, and Bannochie at 2007 Awards Ceremony in February". NOGLSTP. 2019-02-19 அன்று பார்க்கப்பட்டது.
  9. The Nobel Prize(5 October 2022). "Press release: The Nobel Prize in Chemistry 2022". செய்திக் குறிப்பு.

வெளி இணைப்புகள்[தொகு]