கரகரப்பிரியா

கரகரப்பிரியா (கரஹரப்பிரியா) கருநாடக இசையின் 22 வது மேளகர்த்தா இராகம். அசம்பூர்ண மேள பத்ததியில் சிறீராகம் 22 வது இராகமாகக் கொள்ளப்படுகிறது. இந்துஸ்தானி இசையில் இதற்கு "காபிதாட்" என்பது பெயர்.^[1]^[2]^[3]

இலக்கணம்

ஆரோகணம்:	ஸ ரி₂ க₂ ம₁ ப த₂ நி₂ ஸ்
அவரோகணம்:	ஸ் நி₂ த₂ ப ம₁ க₂ ரி₂ ஸ

வேத என்றழைக்கப்படும் 4 வது சக்கரத்தில் 4 வது மேளம்.
இந்த இராகத்தில் ஷட்ஜம், சதுஸ்ருதி ரிஷபம்(ரி₂), சாதாரண காந்தாரம்(க₂), சுத்த மத்திமம்(ம₁), பஞ்சமம், சதுஸ்ருதி தைவதம்(த₂), கைசிகி நிஷாதம் (நி₂) ஆகிய சுரங்கள் வருகின்றன.

பிரத்தியாகத கமகம் இவ்விராகத்திற்கு அழகைக் கொடுக்கும்.
கருணைச் சுவையைக் கொண்டது. விரிவான ஆலாபனைக்கு இடம் கொடுக்கும் இராகம். எப்போதும் பாடலாம்.
இவ்விராகமே பழமையான சாமகானத்தை ஒத்து இருப்பதாக கூறப்படுகிறது.
இதற்கு நேர் பிரதி மத்திம இராகம் ஹேமவதி (58).
இது ஒரு மூர்ச்சனாகாரக மேளம். இதன் ரி, க, ம, ப, நி முறையே கிரக பேதத்தின் வழியாக ஹனுமத்தோடி, மேசகல்யாணி, ஹரிகாம்போஜி, நடபைரவி, தீரசங்கராபரணம் ஆகிய மேளங்களைக் கொடுக்கும்.
தியாகராஜர் இந்த இராகத்தில் பல கிருதிகளை இயற்றியுள்ளார்.

கரகரப்பிரியாவின் ஜன்ய இராகங்கள் இவை.

கரகரப்பிரியா இராகத்தில் அமைந்த சில திரையிசைப் பாடல்கள்:

↑ Ragas in Carnatic music by Dr. S. Bhagyalekshmy, Pub. 1990, CBH Publications
↑ Raganidhi by P. Subba Rao, Pub. 1964, The Music Academy of Madras
↑ "Valmiki Ramayana – Aranya Kanda : Contents".