லதாங்கி

லதாங்கி கருநாடக இசையின் 63வது மேளகர்த்தா இராகம். இரவில் பாடுவதற்கு ஏற்றது. அசம்பூர்ண மேளபத்ததியில் இந்த இராகத்திற்கு கீதப்பிரியா என்று பெயர்.

இலக்கணம்[தொகு]

லதாங்கி சுரங்கள் C யிலிருந்து தொடக்கம்

ஆரோகணம்:	ஸ ரி₂ க₃ ம₂ ப த₁ நி₃ ஸ்
அவரோகணம்:	ஸ் நி₃ த₁ ப ம₂ க₃ ரி₂ ஸ

"ருத்ர" என்றழைக்கப் படும் 11வது சக்கரத்தில் 3 வது மேளம்.
இந்த இராகத்தில் ஷட்ஜம், சதுஸ்ருதி ரிஷபம் (ரி₂), அந்தர காந்தாரம் (க₃), பிரதி மத்திமம் (ம₂), பஞ்சமம், சுத்த தைவதம் (த₁), காகலி நிஷாதம் (நி₃) ஆகிய சுரங்கள் வருகின்றன.

சர்வ ஸ்வர கமக வரிக ரக்தி இராகம் ஆகும்.
பிரத்தியாகத கமகம் இந்த இராகத்திற்கு அழகைத் தருகின்றது.
மேசகல்யாணியின் பூர்வாங்கமும், காமவர்த்தனியின் உத்தராங்கமும் சேர்ந்தால் நமக்குக் கிடைப்பது லதாங்கி.
இதன் நேர் சுத்த மத்திம மேளம் 27வது மேளமாகிய சரசாங்கி ஆகும்.
மூர்ச்சனாகாரக மேளம். இதன் பஞ்சம, நிஷாத மூர்ச்சனைகள் முறையே சூர்யகாந்தம் (17), சேனாவதி (7) ஆகிய மேளங்களைத் தோற்றுவிக்கின்றன.

லதாங்கியின் ஜன்ய இராகங்கள் இவை.

லதாங்கி இராகத்தில் அமைந்த திரையிசைப் பாடல்கள்: