லதாங்கி

லதாங்கி கருநாடக இசையின் 63வது மேளகர்த்தா இராகம். இரவில் பாடுவதற்கு ஏற்றது. அசம்பூர்ண மேளபத்ததியில் இந்த இராகத்திற்கு கீதப்பிரியா என்று பெயர்.

இலக்கணம்

லதாங்கி சுரங்கள் C யிலிருந்து தொடக்கம்

ஆரோகணம்:	ஸ ரி2 க3 ம2 ப த1 நி3 ஸ்
அவரோகணம்:	ஸ் நி3 த1 ப ம2 க3 ரி2 ஸ

• "ருத்ர" என்றழைக்கப் படும் 11வது சக்கரத்தில் 3 வது மேளம்.
• இந்த இராகத்தில் ஷட்ஜம், சதுஸ்ருதி ரிஷபம் (ரி₂), அந்தர காந்தாரம் (க₃), பிரதி மத்திமம் (ம₂), பஞ்சமம், சுத்த தைவதம் (த₁), காகலி நிஷாதம் (நி₃) ஆகிய சுரங்கள் வருகின்றன.

சிறப்பு அம்சங்கள்

• சர்வ ஸ்வர கமக வரிக ரக்தி இராகம் ஆகும்.
• பிரத்தியாகத கமகம் இந்த இராகத்திற்கு அழகைத் தருகின்றது.
• மேசகல்யாணியின் பூர்வாங்கமும், காமவர்த்தனியின் உத்தராங்கமும் சேர்ந்தால் நமக்குக் கிடைப்பது லதாங்கி.
• இதன் நேர் சுத்த மத்திம மேளம் 27வது மேளமாகிய சரசாங்கி ஆகும்.
• மூர்ச்சனாகாரக மேளம். இதன் பஞ்சம, நிஷாத மூர்ச்சனைகள் முறையே சூர்யகாந்தம் (17), சேனாவதி (7) ஆகிய மேளங்களைத் தோற்றுவிக்கின்றன.

உருப்படிகள்

• கிருதி : தினமே சுதினமு - மிஸ்ரசாபு - தியாகராஜர்.
• கிருதி : மரிறே - கண்ட சாபு - பட்டணம் சுப்பிரமணிய அய்யர்.
• கிருதி : தெரிசித்தளவில் - மிஸ்ர ஜம்பை - முத்துத் தாண்டவர்.
• கிருதி : கைகூட வேணுமே - மிஸ்ர ஜம்பை - கோடீஸ்வர ஐயர்.
• கிருதி : பிறவா வரம் - ஆதி - பாபநாசம் சிவன்.

ஜன்ய இராகங்கள்

லதாங்கியின் ஜன்ய இராகங்கள் இவை.

• தீரசாவேரி
• நவரத்னபுஷணி
• கோத்ராரி
• ரவிஸ்வரூபிணி
• ரத்னகாந்தி
• பிருந்தாவனகன்னட
• ரமணி
• லலிதாங்கி இராகம்
• தாத்திரி
• ரணில்ஸ்வரூபி

லதாங்கி இராகத்தில் அமைந்த திரையிசைப் பாடல்கள்

லதாங்கி இராகத்தில் அமைந்த திரையிசைப் பாடல்கள்:

• தோகை இளமயில்
• பாடிப் பறந்த கிளி :- கிழக்கு வாசல்