பவப்பிரியா
பவப்பிரியா கருநாடக இசையின் 44 வது மேளகர்த்தா இராகமாகும். இந்த மேளத்தின் ஜன்யமான பவானி என்ற இராகம், அசம்பூர்ண மேள பத்ததியில் 44 வது மேளமாகக் கையாளப்படுகிறது.
இலக்கணம்
[தொகு]
| ஆரோகணம்: | ஸ ரி1 க2 ம2 ப த1 நி2 ஸ் |
| அவரோகணம்: | ஸ் நி2 த1 ப ம2 க2 ரி1 ஸ |
- வசு எனப்படும் 8வது சக்கரத்தில் 2வது மேளம்.
- இந்த இராகத்தில் ஷட்ஜம், சுத்த ரிஷபம்(ரி1), சாதாரண காந்தாரம்(க2), பிரதி மத்திமம்(ம2), பஞ்சமம், சுத்த தைவதம்(த1), கைசிகி நிஷாதம்(நி2) ஆகிய சுரங்கள் வருகின்றன.
இதர அம்சங்கள்
[தொகு]- திரிஸ்தாயி இராகம். கருணை சுவையை வெளிப்படுத்தும் இராகம்.
- விவாதி மேளம் (பகை ஸ்வரங்களைக் கொண்ட மேளம்).
- இது தோடி (ஹனுமத்தோடி) இராகத்தின் நேர் பிரதி மத்திம இராகம் ஆகும்.
- இந்த இராகத்தின் காந்தாரமும், தைவதமும் கிரகபேதத்தின் வழியாக வாகதீச்வரி (34) மேளத்தையும், நாகாநந்தினி (30) மேளத்தையும் தோற்றுவிக்கின்றன.
உருப்படிகள்
[தொகு]- கிருதி : பூலோக கயிலாச : மிஸ்ரஜம்பை : முத்துத் தாண்டவர்.
- கிருதி : செந்திருவேலன் : ஆதி : கோடீஸ்வர ஐயர்.
- கிருதி : முக்குணமாயை : ஆதி : சுத்தானந்த பாரதியார்.
- கிருதி : சிறீகாந்தநி : ஆதி : தியாகராஜர்.
- கிருதி : வெண்னை திருடி : திரிபுடை : பெரியசாமி தூரன்.
ஜன்ய இராகங்கள்
[தொகு]பவப்பிரியாவின் ஜன்ய இராகங்கள் இவை.