கனகாங்கி

கனகாங்கி கருநாடக இசையின் முதல் மேளகர்த்தா இராகம் ஆகும். அசம்பூர்ண பத்ததியில் முதல் இராகத்திற்கு கனகாம்பரி என்ற பெயர் கொடுக்கப்பட்டுள்ளது.

இலக்கணம்[தொகு]

கனகாங்கி சுரங்கள் C யிலிருந்து தொடக்கம்

ஆரோகணம்:	ஸ ரி₁ க₁ ம₁ ப த₁ நி₁ ஸ்
அவரோகணம்:	ஸ் நி₁ த₁ ப ம₁ க₁ ரி₁ ஸ

72 மேளகர்த்தா திட்டத்தில் முதல் மேளம்.
இது இந்து என்றழைக்கப்படும் முதல் வட்டத்தில் (சக்கரத்தில்) முதல் மேளம்.
இந்த இராகத்தில் ஷட்ஜம், சுத்த ரிஷபம்(ரி₁), சுத்த காந்தாரம்(க₁), சுத்த மத்திமம்(ம₁), பஞ்சமம், சுத்த தைவதம்(த₁), சுத்த நிஷாதம்(நி₁) ஆகிய சுரங்கள் வருகின்றன.

இது ஒரு விவாதி மேளம்.
நீண்ட ஆலாபனைக்கு இடம் கொடாத ராகம்.
இதன் மத்திமத்தை பிரதி மத்திமமாக மாற்றினால் இராகம் சாலகம் (37) ஆகும்.
கிரக பேதத்தின் வழியாக இந்த மேளத்தின் ரிஷப சுரம் முறையே காமவர்த்தனி மேளம் (51) தோற்றுவிக்கிறது (மூர்ச்சனாகாரக மேளம்).
இந்த மேளத்தில் சில ஜன்ய இராகங்கள் உண்டு.

வகை	உருப்படி	இயற்றியவர்	தாளம்
கிருதி	சிறீ கணநாதம்	தியாகராஜ சுவாமிகள்	ஆதி
கிருதி	கனகாங்க கா	கோடீஸ்வர ஐயர்	ஆதி
கிருதி	உள்ளம் உருகி	சுத்தானந்த பாரதியார்	ரூபகம்
கிருதி	தசரத பால	பல்லவி சேஷய்யர்	ஆதி
கிருதி	கனகாங்கி	ஆபிரகாம் பண்டிதர்	ரூபகம்