ஜங்காரத்வனி

ஜங்காரத்வனி கருநாடக இசையின் 19வது மேளகர்த்தா இராகம் ஆகும். அசம்பூர்ண பத்ததியில் 19வது இராகத்திற்கு ஜங்காரபிரமரி என்ற பெயர் கொடுக்கப்பட்டுள்ளது.

இலக்கணம்

ஜங்காரத்வனி சுரங்கள் C யிலிருந்து தொடக்கம்

ஆரோகணம்:	ஸ ரி2 க2 ம1 ப த1 நி1 ஸ்
அவரோகணம்:	ஸ் நி1 த1 ப ம1 க2 ரி2 ஸ

• இது வேத என்றழைக்கப்படும் 4வது வட்டத்தில் (சக்கரத்தில்) முதல் மேளம்.
• இந்த இராகத்தில் ஷட்ஜம், சதுஸ்ருதி ரிஷபம் (ரி₂), சாதாரண காந்தாரம்(க₂), சுத்த மத்திமம்(ம₁), பஞ்சமம், சுத்த தைவதம்(த₁), சுத்த நிஷாதம் (நி₁) ஆகிய சுரங்கள் வருகின்றன.

சிறப்பு அம்சங்கள்

• நீண்ட ஆலாபனைக்கு இடம் கொடாத ராகம்.
• இது ஒரு விவாதி மேளம்.
• இதன் மத்திமத்தை பிரதி மத்திமமாக மாற்றினால் இராகம் சியாமளாங்கி (55) ஆகும்.
• கிரக பேதத்தின் வழியாக இந்த மேளத்தின் பஞ்சம, தைவத சுரம் முறையே ரத்னாங்கி (02), கமனச்ரம (53) மேளங்கள் தோற்றுவிக்கிறது (மூர்ச்சனாகாரக மேளம்).

உருப்படிகள்

வகை	உருப்படி	இயற்றியவர்	தாளம்
கிருதி	பணிபதிசாயீ மாம்பாது	தியாகராஜ சுவாமிகள்	ஆதி