மார்ச்சு 1

மார்ச்சு 1 (March 1) கிரிகோரியன் ஆண்டின் 60 ஆம் நாளாகும். நெட்டாண்டுகளில் 61 ஆம் நாள். ஆண்டு முடிவிற்கு மேலும் 305 நாட்கள் உள்ளன.

நிகழ்வுகள்

• 1562 - பிரான்சில் ஆயிரத்துக்கும் மேற்பட்ட புரட்டஸ்தாந்தர்கள் கத்தோலிக்கர்களால் கொல்லப்பட்டதில் பிரான்சில் மதப் போர் ஆரம்பமானது.
• 1565 - ரியோ டி ஜனெய்ரோ நகரம் அமைக்கப்பட்டது.
• 1700 - சுவீடன் தனது புதிய நாட்காட்டியை அறிமுகப்படுத்தியது.
• 1811 - எகிப்திய மன்னன் முகமது அலி கடைசி மாம்லுக் அரச வம்சத்தவரைக் கொன்றான்.
• 1815 - இத்தாலியின் தீவான எல்பா தீவில் நாடு கடத்தப்பட்ட நிலையில் வாழ்ந்த நெப்போலியன் பொனபார்ட் பிரான்ஸ் திரும்பினான்.
• 1873 - முதலாவது பாவனைக்குகந்த முதலாவது தட்டச்சுப் பொறியை ஈ. ரெமிங்டன் சகோதரர்கள் நியூ யோர்க்கில் தயாரித்தனர்.
• 1896 - ஹென்றி பெக்கெரல் கதிரியக்கத்தைக் கண்டுபிடித்தார்.
• 1899 - இலங்கையில் குற்றவியல் தண்டனைச் சட்டவிதித் தொகுப்பு (The Ceylon Penal Code) நடைமுறைக்கு வந்தது.
• 1901 - இலங்கையில் நான்காவது மக்கள் தொகைக் கணக்கெடுப்பு இடம்பெற்றது. மொத்த தொகையான 3,565,954 இல் யாழ்ப்பாணத்தில் 33,879 பேர் பதிவாயினர்.
• 1912 - முதன் முதலில் பறக்கும் விமானம் ஒன்றிலிருந்து ஆல்பேர்ட் பெரி என்பவர் பாரசூட்டில் இருந்து குதித்தார்.
• 1936 - ஹூவர் அணைக்கட்டு கட்டிமுடிக்கப்பட்டது.
• 1941 - இரண்டாம் உலகப் போர்: பல்கேரியா அச்சு நாடுகள் அணியில் இணைந்தது.
• 1943 - இரண்டாம் உலகப் போர்: பிஸ்மார்க் கடல் போர் ஆரம்பமானது.
• 1949 - டச்சுக்களிடம் இருந்து யாக்யகர்த்தாவை இந்தோனீசியா கைப்பற்றியது.
• 1953 - ஜோசப் ஸ்டாலினுக்கு மாரடைப்பு ஏற்பட்டது. நான்கு நாட்களின் பின்னர் அவர் இறந்தார்.
• 1954 - ஐக்கிய அமெரிக்க காங்கிரஸ் மாளிகை மீது புவேர்ட்டோ ரிக்கோ தேசியவாதிகள் நடத்திய தாக்குதலில் ஐந்து காங்கிரஸ் உறுப்பினர்கள் காயமடைந்தனர்.
• 1966 - சோவியத்தின் வெனேரா 3 விண்கலம் வீனஸ் கோளில் மோதியது. வேறொரு கோளில் இறங்கிய முதலாவது விண்கலம் இதுவாகும்.
• 1973 - சூடானில் சவுதி அரேபியாவின் தூதரகத்தை கறுப்பு செப்டம்பர் இயக்கத்தினர் தாக்கி மூன்று வெளிநாட்டு தூதுவர்களைப் பணயக்கைதிகளாக்கினர்.
• 1975 - ஆஸ்திரேலியாவில் வர்ணத் தொலைக்காட்சி சேவை ஆரம்பிக்கப்பட்டது.
• 1977 - சார்லி சப்ளினின் உடல் சுவிட்சர்லாந்தில் அவரது கல்லறையில் இருந்து திருடப்பட்டது.
• 1980 - சனி கோளின் ஜானுஸ் என்ற சந்திரன் இருப்பதை வோயேஜர் 1 விண்கலம் உறுதி செய்தது.
• 1981 - ஐரியக் குடியரசு இராணுவ உறுப்பினர் பொபி சான்ட்ஸ் வட அயர்லாந்து சிறையில் சாகும்வரை உண்ணாநிலைப் போராட்டத்தை ஆரம்பித்தார்.
• 1992 - பொசுனியா எர்செகோவினா யூகொஸ்லாவியாவிடம் இருந்து விடுதலையை அறிவித்தது.
• 2002 - ஸ்பெயினில் யூரோ நாணயம் அறிமுகப்படுத்தப்பட்டது.
• 2006 - ஆங்கில விக்கிப்பீடியாவில் கட்டுரைகளின் எண்ணிக்கை ஒரு மில்லியனை எட்டியது.

பிறப்புகள்

• 1647 – ஜான் டி பிரிட்டோ, போர்த்துக்கீச மதப்போதகர் (இ. 1693)
• 1810 – பிரடெரிக் சொப்பின், போலந்து இசையமைப்பாளர் (இ. 1849)
• 1870 – யூகி மைக்கேல் அந்தொனியாடி, கிரேக்க-பிரான்சிய வானியலாளர் (இ. 1944)
• 1904 – ஆ. நா. சிவராமன், தமிழகப் பத்திரிகையாளர், இந்திய விடுதலைப் போராட்ட வீரர் (இ. 2001)
• 1910 – எம். கே. தியாகராஜ பாகவதர் தமிழ்த் திரைப்பட நடிகர், பாடகர் (இ. 1959)
• 1917 – கே. பி. சிவானந்தம், வீணை வாத்திய கலைஞர் (இ. 2003)
• 1920 – சைமன் பிமேந்தா, இந்தியக் கத்தோலிக்க திருச்சபை கர்தினால் (இ. 2013)
• 1921 – விவியன் நமசிவாயம், இலங்கை வானொலி ஒலிபரப்பாளர் (இ. 1998)
• 1922 – இட்சாக் ரபீன், இசுரேலின் 5வது பிரதமர், அமைதிக்கான நோபல் பரிசு பெற்றவர் (இ. 1995)
• 1935 – மேஜர் சுந்தரராஜன், தமிழக திரைப்பட, மேடை நடிகர் (இ. 2003),
• 1944 – புத்ததேவ் பட்டாசார்யா, மேற்கு வங்கத்தின் 7வது முதலமைச்சர்
• 1953 – மு. க. ஸ்டாலின், தமிழக அரசியல்வாதி, தி.மு.க. செயல் தலைவர்
• 1954 – ரான் ஹவர்டு, அமெரிக்க நடிகர், இயக்குநர்
• 1978 – ஜென்சென் அக்லஸ், அமெரிக்க நடிகர்
• 1980 – சாகித் அஃபிரிடி, பாக்கித்தான் துடுப்பாளர்

இறப்புகள்

• 492 – மூன்றாம் ஃபெலிக்ஸ் (திருத்தந்தை)
• 1940 – அ. தா. பன்னீர்செல்வம், சென்னை மாநில சட்டமன்ற உறுப்பினர், அமைச்சர் (பி. 1888)
• 1943 – அலெக்சாண்டர் எர்சின், சுவிட்சர்லாந்து-பிரான்சிய மருத்துவர் (பி. 1863)
• 1992 – கே. பி. ஜானகி அம்மாள், இந்திய விடுதலைப் போராட்ட செயற்பாட்டளர், மேடை நாடகக் கலைஞர் (பி. 1917)
• 2001 – ஆ. நா. சிவராமன், தமிழகப் பத்திரிகையாளர், இந்திய விடுதலைப் போராட்ட வீரர் (பி. 1904)
• 2003 – மேஜர் சுந்தரராஜன், தமிழக திரைப்பட, மேடை நடிகர் (பி. 1935)
• 2014 – பங்காரு லட்சுமண், இந்திய அரசியல்வாதி (பி. 1939)
• 2015 – யோசுவா ஃபிஷ்மன், யூத அமெரிக்க சமூகவியலாளர், மொழியியலாளர் (பி. 1926)

சிறப்பு நாள்

• விடுதலை நாள் (பொசுனியா எர்செகோவினா, 1992)

வெளி இணைப்புக்கள்

• பிபிசி: இந்த நாளில்
• நியூ யோர்க் டைம்ஸ் இந்த நாளில்
• கனடா இந்த நாளில்

---