வங்க நாடு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

வங்க நாடு (Vanga Kingdom) பரத கண்டத்தின் கிழக்கில் அமைந்த நாடுகளில் ஒன்றாகும். பண்டைய வங்க நாடு தற்போது அரசியல் காரணங்களால், மேற்கு வங்காளம் மற்றும் வங்காள தேசம் என பிரிந்துள்ளது.

மகாபாரதக் குறிப்புகள்[தொகு]

அருச்சுனன் 12 ஆண்டுகள் தீர்த்த யாத்திரை செல்கையில், பரத வர்சத்திற்கு கிழக்கில் அமைந்த வங்க நாடு, அங்க நாடு, கலிங்க நாடுகள் கங்கை ஆறு, பிரம்மபுத்திரா ஆறு போன்ற புனித ஆறுகளின் நீராலும்; புனித தலங்களாலும் செழிப்புடன் விளங்கியதாக மகாபாரதம், ஆதி பருவம், அத்தியாயம் 217-இல் விளக்கப்பட்டுள்ளது. (மகாபாரதம் 1: 217)

பாரதத்தின் கிழக்கில் அங்கம், வங்க நாடு, கலிங்கம், பௌண்டரம் மற்றும் சுக்மா போன்ற ஐந்து நாடுகளை நிறுவியவர்கள், மகத நாட்டின் கிரிவிரஜா நகரத்தின் கௌதம தீர்க்கதமசின் மகன் பாலியின் தத்துப் பிள்ளைகள் ஆவர்.[1]

இராசசூய வேள்வியில்[தொகு]

தருமராசன் இந்திரப்பிரஸ்தத்தில் நடத்திய இராசசூய வேள்வியில், வங்க நாட்டு மன்னர் கலந்து கொண்டு, தன் நாட்டிலிருந்து கொண்டு வந்த அரிய பொருட்களை தருமருக்கு பரிசாக வழங்கினார். (மகாபாரதம், சபா பருவம், அத்தியாயம் 51 (2: 51).

குருச்சேத்திரப் போர்[தொகு]

குருச்சேத்திரப் போரில் வங்க நாட்டு மன்னர் பகதத்தன் பெரும் யானைப்படைகளுடன் கௌரவர் அணியில் இணைந்து பாண்டவர்களுக்கு எதிராக போரிட்டார் (8: 17 - 22) & (6:93).

வங்க நாட்டு மன்னர்கள்[தொகு]

மகாபாரதத்தில் வங்க நாட்டு மன்னர்களாக சமுத்திரசேனன் மற்றும் சத்திரசேனன் ஆகியவர்களைக் குறிப்பிடுகிறது. (மகாபாரதம் 2:29)

பிற குறிப்புகள்[தொகு]

பாஞ்சால நாட்டு இளவரசி திரௌபதியின் சுயம்வரத்தில், வங்க நாட்டு மன்னர், கலிங்க, பௌண்டர நாட்டு மன்னர்களுடன் கலந்து கொண்டதாக மகாபாரதம் குறிப்பிடப்படுகிறது. (மகாபாரதம் 1: 189) (2: 33)

மத்தியகால வரலாறு[தொகு]

மத்தியகால இந்திய வரலாற்றில் வங்க நாட்டை கௌட பிரதேசம் என அழைத்தனர். கௌட பிரதேசத்தை கௌடர்கள், பாலர்கள், காம்போஜ பாலர்கள், சென்கள் மற்றும் தேவா வம்சத்தினர்[2]ஆண்டனர்.

இதனையும் காண்க[தொகு]

மேற்கோள்கள்[தொகு]

  1. (மகாபாரதம்; ஆதி பருவம்) 1: 104), (2: 21).
  2. Deva Dynasty
"https://ta.wikipedia.org/w/index.php?title=வங்க_நாடு&oldid=2282339" இருந்து மீள்விக்கப்பட்டது