2014 குளிர்கால ஒலிம்பிக் விளையாட்டுப் போட்டிகள்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
XXII Olympic Winter Games
2014 Winter Olympics logo.svg
குறிக்கோள் "சூடு, குளிர், உங்களது
Hot. Cool. Yours."[1]
(உருசியம்: Жаркие. Зимние. Твои.)
பங்குபெறும் நாடுகள் 88
பங்குபெறும் வீரர்கள் 2,800+
நிகழ்ச்சிகள் 98 - 15 விளையாட்டுகள்
துவக்க நிகழ்வு பெப்ரவரி 7
இறுதி நிகழ்வு பெப்ரவரி 23
திறந்து வைப்பவர் விளாதிமிர் பூட்டின்
வீரர் உறுதிமொழி ருஸ்லான் சாகரொவ்
நடுவர் உறுதிமொழி விச்சிசிலாவ் வெதெனின்
ஒலிம்பிக் தீச்சுடர் விளாதிசுலாவ் திரெத்தியாக்
இரீனா ரொத்னினா
2013 இல் வெளியிடப்பட்ட 100 உருசிய ரூபிள் வங்கித்தாள்

2014 குளிர்கால ஒலிம்பிக் போட்டிகள் (2014 Winter Olympics) அல்லது 22வது குளிர்கால ஒலிம்பிக் விளையாட்டுக்கள் (22nd Winter Olympics) உருசியாவின் சோச்சி நகரில் 2014 பெப்ரவரி 7 முதல் பெப்ரவரி 23 வரை நடைபெற்ற பல்துறை விளையாட்டுப் போட்டிகள் ஆகும். இந்தப் போட்டிகளில் பல்வேறு பனி விளையாட்டுக்கள் இடம்பெற்றன. குளிர்கால ஒலிம்பிக் போட்டிகள் அயன அயல் மண்டல நகரமொன்றில் நடப்பது இதுவே முதல்முறையாகும். சூலை 4, 2007இல் குவாத்தமாலாவின் குவாத்தமாலா நகரத்தில் கூடிய 119வது பன்னாட்டு ஒலிம்பிக் குழு மன்றத்தில் இங்கு நடத்த முடிவெடுக்கப்பட்டது.[2] 1980இல் மாஸ்கோ நகரில் கோடைக்கால ஒலிம்பிக் விளையாட்டுக்களை நடத்தியுள்ள உருசியா குளிர்கால ஒலிம்பிக் போட்டிகளை ஏற்று நடத்துவது இதுவே முதல் முறையாகும்.

பங்கேற்கும் நாடுகள்[தொகு]

வான்கூவரில் நடைபெற்ற கடைசி குளிர்கால ஒலிம்பிக் போட்டிகளில் 82 நாடுகள் பங்கேற்றிருந்தன; இதனை காட்டிலும் கூடுதலாக 88 நாடுகள் இங்கு விளையாடத் தகுதிபெற்று சாதனை படைத்துள்ளன.[3] ஏழு நாடுகள், டொமினிக்கா, மால்ட்டா, பரகுவை, கிழக்குத் திமோர், டோகோ, தொங்கா, மற்றும் சிம்பாப்வே, குளிர்கால ஒலிம்பிக் விளையாட்டுக்களில் முதன்முறையாக விளையாடுகின்றன.[4]

சோச்சியில் 2014 குளிர்கால ஒலிம்பிக் விளையாட்டுப் போட்டிகளில் பங்கேற்கும் நாடுகள்.
பங்கேற்கும் நாடுகள்
2010ல் பங்கேற்று 2014ல் பங்கேற்காத நாடுகள் 2010ல் பங்கேற்காமல் 2014ல் பங்கேற்கும் நாடுகள்
 கொலம்பியா
 எதியோப்பியா
 கானா
 வட கொரியா
 செனிகல்
 தென்னாப்பிரிக்கா
 பிரித்தானிய வெர்ஜின் தீவுகள்
 டொமினிக்கா
 லக்சம்பேர்க்
 மால்ட்டா
 பராகுவே
 பிலிப்பைன்ஸ்
 தாய்லாந்து
 கிழக்குத் திமோர்
 டோகோ
 தொங்கா
 வெனிசுவேலா
 அமெரிக்க கன்னித் தீவுகள்
 சிம்பாப்வே

இந்தியப் பங்கேற்பு[தொகு]

இந்திய ஒலிம்பிக் சங்க தேர்தல் நடைமுறைகள் குறித்த பிணக்கினால் திசம்பர் 2012இல் இந்தியா பன்னாட்டு ஒலிம்பிக் குழுவால் இடைநீக்கம் செய்யப்பட்டது. இந்தக் குளிர்கால ஒலிம்பிக் விளையாட்டுப் போட்டிகள் தொடங்கியபோதும் இத்தேர்தல்கள் நடைபெறாத நிலை இருந்தது. எனவே இந்தியாவின் சார்பாக இப்போட்டிகளில் பங்கேற்கும் மூவர் ஒலிம்பிக் கொடியின் கீழ் பங்கேற்றனர். இவர்களது சாதனைகளும் சுயேச்சை ஒலிம்பிக் பங்கேற்பாளர்கள் என பட்டியலிடப்படும் என்பதாக அறிவிக்கப்பட்டது.[5][6] இந்நிலையில், இந்திய ஒலிம்பிக் சங்கத்தில் பன்னாட்டு ஒலிம்பிக் குழு நடைமுறைப்படி தேர்தல் நடந்தது. எனவே சோச்சியில் கூடிய பன்னாட்டு ஒலிம்பிக் குழு, இந்திய ஒலிம்பிக் சங்கம் மீதான தடையை நீக்கியது. இதனால் இந்திய வீரர்கள் இனி இந்தியக் கொடியை பயன்படுத்துவர். அவர்களது சாதனைகள் இந்தியாவின் கீழ் பட்டியலிடப்படும். [7]

ஒலிம்பிக் நடத்த போட்டியிட்ட நகரங்கள்[தொகு]

2014 ஒலிம்பிக்போட்டியை நடத்த போட்டியிட்ட நகரங்களின் தேர்தல் முடிவுகள்
நகரம் நாடு (தே.ஒ.கு) சுற்று 1 சுற்று 2
சோச்சி  உருசியா 34 51
பியாங்சாங்  தென் கொரியா 36 47
சால்சுபர்க்  ஆஸ்திரியா 25

விளையாட்டுக்கள்[தொகு]

சோச்சி போட்டியின் மூன்று முகடிகளை கொண்டுள்ள உருசிய அஞ்சல் தலை.

  • Luge pictogram.svg லூஜ்
  • Nordic combined pictogram.svg நோர்டிக் கம்பைன்டு
  • Short track speed skating pictogram.svg குறுந் தடகள வேகப் பனிச்சறுக்கல்
  • Skeleton pictogram.svg எலும்புக்கூடு இசுலெட்
  • Speed skating pictogram.svg வேகப் பனிச்சறுக்கல்

தொலைக்காட்சி ஒளிபரப்பு[தொகு]

தெற்காசியாவில் 7 நாடுகளில் நேரடி ஒளிபரப்பினை செய்வதற்குரிய உரிமையினை ஸ்டார் இண்டியா தொலைக்காட்சி நிறுவனம் பெற்றுள்ளது. [8]

  • இந்தியாவில் STAR Sports 2, STAR Sports 4 எனும் தொலைக்காட்சி அலைவரிசைகளில் நேரடி ஒளிபரப்பினை காண இயலும்.

பதக்கப் பட்டியல்[தொகு]

இறுதி பதக்கப் பட்டியல்:[9]

நிலை நாடு தங்கம் வெள்ளி வெண்கலம் மொத்தம்
1  உருசியா* 13 11 9 33
2  நோர்வே 11 5 10 26
3  கனடா 10 10 5 25
4  அமெரிக்கா 9 7 12 28
5  நெதர்லாந்து 8 7 9 24
6  செருமனி 8 6 5 19
7  சுவிட்சர்லாந்து 6 3 2 11
8  பெலருஸ் 5 0 1 6
9  ஆஸ்திரியா 4 8 5 17
10  பிரான்சு 4 4 7 15
11  போலந்து 4 1 1 6
12  சீனா 3 4 2 9
13  தென் கொரியா 3 3 2 8
14  சுவீடன் 2 7 6 15
15  செக் குடியரசு 2 4 2 8
16  சுலோவீனியா 2 2 4 8
17  சப்பான் 1 4 3 8
18  பின்லாந்து 1 3 1 5
19  ஐக்கிய இராச்சியம் 1 1 2 4
20  உக்ரைன் 1 0 1 2
21  சிலவாக்கியா 1 0 0 1
22  இத்தாலி 0 2 6 8
23  லாத்வியா 0 2 2 4
24  ஆத்திரேலியா 0 2 1 3
25  குரோவாசியா 0 1 0 1
26  கசகிசுதான் 0 0 1 1
மொத்தம் 99 97 99 295

மேற்கோள்கள்[தொகு]

  1. "Sochi 2014 Reveals its Slogan". Sochi 2014 Olympic and Paralympic Games Organizing Committee. 25 September 2012. http://www.sochi2014.com/en/media/news/59607/. பார்த்த நாள்: 29 September 2012. 
  2. «Sochi Elected as Host City of XXII Olympic Winter Games». International Olympic Committee, July 4, 2007
  3. "Record 88 nations to participate in Winter Games". Global News. Associated Press (சோச்சி, உருசியா). 2 பெப்ரவரி 2014. http://globalnews.ca/news/1123578/record-88-nations-to-participate-in-winter-games/. பார்த்த நாள்: 2 பெப்ரவரி 2014. 
  4. MacKenzie, Eric (16 சனவரி 2014). "Sochi Spotlight: Zimbabwe's first Winter Olympian". Pique Newsmagazine (Whistler, British Columbia, கனடா). http://www.piquenewsmagazine.com/whistler/sochi-spotlight-zimbabwes-first-winter-olympian/Content?oid=2542948. பார்த்த நாள்: 16 சனவரி 2014. 
  5. "Sochi Games: Four Indian skiers to go as independent athletes". Zee news. 31 திசம்பர் 2013. http://zeenews.india.com/sports/others/sochi-games-four-indian-skiers-to-go-as-independent-athletes_777046.html. பார்த்த நாள்: 31 திசம்பர் 2013. 
  6. "Sochi Olympics starts today sans Tricolour; two babus arrive to mentor three athletes". டிஎன்ஏ இந்தியா (8 பெப்ரவரி 2014). பார்த்த நாள் 8 பெப்ரவரி 2014.
  7. "Olympic ban on India lifted: Official statement of International Olympic Committee". Ndtv. பார்த்த நாள் 11 பெப்ரவரி 2014.
  8. "ioc awards broadcast rights for seven countries in south asia". Olympic.org (31 ஜூலை 2013). பார்த்த நாள் 7 பெப்ரவரி 2014.
  9. http://www.bbc.com/sport/winter-olympics/2014/medals/countries

வெளியிணைப்புகள்[தொகு]