பிரித்தானிய வடக்கு போர்னியோ

பிரித்தானிய வடக்கு போர்னியோ British North Borneo
1877–1942 1945–1946
கொடி சின்னம்
நாட்டுப்பண்: God Save the Queen
1903-இல் வடக்கு போர்னியோ வரைப்படம்
நிலை	ஐக்கிய இராச்சியம்
தலைநகரம்	கூடாட் (1881–1884); சண்டக்கான் (1884–1945); செசல்டன் (1946)
பேசப்படும் மொழிகள்	ஆங்கிலம், கடசான், டூசுன் மொழி, பஜாவு, மூருட், மலாய், சீனம்
அரசாங்கம்	ஒப்பாவண நிறுவனம்
ஆளுநர்
• 1881–1887	வில்லியம் திரேச்சர் (முதல்)
• 1937–1946	ராபர்ட் இசுமித் (கடைசி)
வரலாற்று சகாப்தம்	புதிய பேரரசுவாதம்
• வடக்கு போர்னியோ தற்காலிக அமைப்பு	26 ஆகத்து 1881
• அரசு சாசனம்	1 நவம்பர் 1881
• பிரித்தானிய வடக்கு போர்னியோ நிறுவனம்	மே 1882
• பாதுகாவலர்	12 மே 1888
• சப்பானியர் ஆட்சி	2 சனவரி 1942
• போர்னியோ விடுதலை (1945)	10 சூன் 1945
• பிரித்தானிய முடியாட்சியுடன் இணைப்பு	15 சூலை 1946
நாணயம்	வடக்கு போர்னியோ டாலர்
முந்தையது பின்னையது புரூணை சூலு சுல்தானகம் புலுங்கான் சுல்தானகம் பிரித்தானிய லபுவான் முடியாட்சி பிரித்தானிய போர்னியோவில் சப்பானிய ஆக்கிரமிப்பு போர்னியோவில் பிரித்தானிய இராணுவ நிருவாகம் பிரித்தானிய வடக்கு போர்னியோ முடியாட்சி
தற்போதைய பகுதிகள்	மலேசியா

பிரித்தானிய வடக்கு போர்னியோ அல்லது வடக்கு போர்னியோ (North Borneo அல்லது British North Borneo) என்பது போர்னியோ தீவின் வடக்குப் பகுதியில் இருந்த ஒரு பிரித்தானிய பாதுகாப்பு நிலப்பகுதி ஆகும். தற்போது சபா என்று அழைக்கப்படுகிறது.

1877 - 1878-ஆம் ஆண்டுகளில் கசுடாவ் ஓவர்பெக் (Gustav Overbeck) எனும் ஒரு செர்மன் தொழிலதிபருக்கு புரூணை சுல்தானும்; சுலு சுல்தானும், ஒரு சலுகையின் அடிப்படையில் இணைந்து வழங்கிய ஒரு நிலப்பகுதியே வடக்கு போர்னியோ நிலப்பகுதி ஆகும்.

வரலாறு

1876-ஆம் ஆண்டில், அமெரிக்க வணிகர் ஜோசப் வில்லியம் டோரே (Joseph William Torrey) என்பவரிடம் இருந்து போர்னியோவின் மேற்கு கடற்கரையில் ஒரு சிறிய நிலத்தை கசுடாவ் ஓவர்பெக் வாங்கினார்.

1879-ஆம் ஆண்டில், கசுடாவ் ஓவர்பெக், அந்த நிலத்தின் அனைத்து உரிமைகளையும் ஆல்பிரட் டெண்ட் (Alfred Dent) என்பவருக்கு மாற்றிக் கொடுத்தார். 1881-ஆம் ஆண்டில், அந்த நிலத்தை நிர்வகிக்க, வடக்கு போர்னியோ தற்காலிக சங்கம் (North Borneo Provisional Association Ltd) எனும் ஒரு நிறுவனம் அமைக்கப்பட்டது.

வடக்கு போர்னியோ தற்காலிக சங்கம்

அதே ஆண்டு அந்த நிலத்திற்கு பிரித்தானிய அரசாங்கத்தின் அங்கீகாரம் வழங்கப்பட்டது.

1882-ஆம் ஆண்டு, வடக்கு போர்னியோ தற்காலிக சங்கம் என்பது வடக்கு போர்னியோ சார்ட்டர்ட் நிறுவனம் (North Borneo Chartered Company) என்று பெயர் மாற்றம் செய்யப்பட்டது. அந்த நிறுவனம்தான் பிரித்தானிய வடக்கு போர்னியோ நிறுவனம் ஆகும்.

பிரித்தானிய வடக்கு போர்னியோ நிறுவனத்திற்கு பிரித்தானிய அரச அங்கீகாரம் வழங்கப்பட்டது; அருகாமையில் பிலிப்பீன்சு நாட்டில் இருந்த இசுபானியர்களையும்; இந்தோனேசியாவில் இருந்த டச்சு அதிகாரிகளையும் கவலையடையச் செய்தது.

மாட்ரிட் ஒப்பந்தம்

இதன் விளைவாக, இசுபானியர்கள் வடக்கு போர்னியோவில் தங்கள் உரிமையையும் கேட்கத் தொடங்கினார்கள். 1885-ஆம் ஆண்டில் ’மாட்ரிட் புரோட்டோகால்’ (Madrid Protocol) எனப்படும் ஓர் ஒப்பந்தம் கையெழுத்தானது.

அந்த வகையில் பிலிப்பைன்ஸ் தீவுக்கூட்டத்தில் இசுபானியர்களின் செல்வாக்கு அங்கீகரிப்பட்டது. அந்தச் செல்வாக்கு வடக்கு போர்னியோவிற்கு அப்பால் மட்டுமே இருக்க வேண்டும் என்றும் உறுதி செய்யப்பட்டது.

மற்ற ஐரோப்பிய அரசுகளிடம் இருந்து மேலும் உரிமை கோரல்களைத் தவிர்ப்பதற்காக, 1888-இல் பிரித்தானியப் பாதுகாப்புப் பகுதியாக வடக்கு போர்னியோ மாற்றம் செய்யப்பட்டது.

வெளி இணைப்புகள்

• பொதுவகத்தில் பிரித்தானிய வடக்கு போர்னியோ தொடர்பாக ஊடகக் கோப்புகள் உள்ளன.
• North Borneo Historical Society – More information on heritage of North Borneo