லக்ஷ்மி குமார தாதாச்சாரியார்
லக்ஷ்மி குமார தாத்தாச்சாரியார் | |
|---|---|
 காஞ்சிபுரம் கோவிலில் மனைவி ஸ்ரீ கமலா அம்மங்கருடன்(வலது) லக்ஷ்மி குமார தாத்தாச்சாரியார்(நடுவில்) மற்றும் வேதாந்த தேசிகர் (இடது) | |
| பதவி | கொட்டிகன்னிகாதன திருமலை எதிர் இம்மதி ராயதுர்கம் ஸ்ரீ லக்ஷ்மி குமார தாத தேசிகன் |
| சுய தரவுகள் | |
| பிறப்பு | 3 டிசம்பர்1571 |
| இறப்பு | 3 டிசம்பர்1643 |
| சமயம் | ஹிந்து |
| பெற்றோர்கள் |
|
| Relatives | ஸ்ரீ பஞ்சமத பந்தன தாத்தாச்சாரியார்(paternal uncle) அனந்தலக்ஷ்மி (மகள்) |
| பதவிகள் | |
| Literary works | ஸ்ரீ ஹனுமத் விம்சதி, நிகம பரிமளம், ஸ்ரீ தேசிக பிரபந்த ஈடு, ஸ்ரீ பாண்டுரங்க மகாத்மியம் |
லக்ஷ்மி குமார தாத்தாச்சாரியார் [1][2][3][4] (1571-1643) [5] இந்து மதத்தின் ஸ்ரீ வைஷ்ணவ பாரம்பரியத்தின் ஒரு முக்கிய துறவி மற்றும் குரு ஆவார். அவர் விஜயநகரப் பேரரசின் ஆட்சியாளரான வெங்கடபதி ராயருக்கு ராஜகுருவாக இருந்தவர்.[6] அவர் ஸ்ரீரங்கம், காஞ்சிபுரம்,[7] திருமலை, மேல்கோட்டை, மற்றும் ஸ்ரீவில்லிபுத்தூர் உட்பட திவ்ய தேசங்கள் என்று அழைக்கப்படும் பல புனிதமான கோவில்களின் மேற்பார்வையாளராக இருந்தார்.
சுயசரிதை[தொகு]
ஸ்ரீ வைஷ்ணவ ஸம்ப்ரதாயத்தின்படி, லக்ஷ்மி குமார தாத்தாச்சாரியார் நாதமுனி,[5] ராமானுஜர் மற்றும் திருமலை நம்பி போன்ற ஸ்ரீ வைஷ்ணவ ஆச்சார்யர்களின் வம்சாவளியை சேர்ந்தவராக கருதப்படுகிறார். அவரது தந்தை சுந்தர தேசிகர், மற்றும் தந்தைவழி உறவினர் பஞ்சமத பந்தனம் தாத்தாச்சாரியார் ஆகியோர் பேரரசரின் ராஜகுருவாக இருந்தவர்கள்.
ராஜகுருவாக இருந்த காலத்தில், விஜயநகரத்திலிருந்து ஒரு பெரிய படையை வரவழைத்து ஸ்ரீரங்கம், காஞ்சிபுரம், திருவில்லிபுத்தூர் , கும்பகோணம் மற்றும் பல இடங்களில் உள்ள திவ்ய தேசங்களிலிருந்து அநீதி இழைத்தவர்களை விரட்டி ராமானுஜரின் மரபுகளை மீட்டெடுத்தது, அத்துடன் இந்த தலங்களுக்கு மேற்பார்வையாளர்களை நியமித்து மானியம் வழங்கினார். அவர் திருப்பதி, காஞ்சிபுரம் கோவில்களின் கோவில் விமானங்களை புதுப்பித்தார். மேலும் ஸ்ரீரங்கம் கோயிலின் பல பகுதிகளை புதுப்பித்துள்ளார். அவர் வரதராஜப் பெருமாள் கோவிலில் நூறு தூண்கள் கொண்ட மண்டபத்தை நிர்மாணித்து, அந்தக் கோயிலின் சன்னதிகளைப் புதுப்பித்துள்ளார். அவரது இந்த பணி அந்த கோவிலின் கல்வெட்டுகளில் செய்யப்பட்டுள்ளது.
லக்ஷ்மி குமார தாத்தாச்சாரியார், விஜயநகரப் பேரரசின் [8] ஆட்சியாளர்களுக்கு நீதி விஷயங்களில் தனது வழிகாட்டுதலை வழங்கினார். ராஜகுரு மற்றும் முதல்வர் ஆகிய இரட்டைப் பதவிகளை வகித்த ஒரே நபர் இவர்தான். சமுதாயத்தின் பல்வேறு பிரிவுகளைச் சேர்ந்த மக்களை நன்னெறியின் வழியைப் பின்பற்றக் கற்பிப்பதற்காக அவர் நாடு முழுவதும் பயணம் செய்தார்.
தாதாசமுத்திரம்[தொகு]
லக்ஷ்மிகுமார தாத்தாச்சாரியார் காஞ்சிபுரத்திற்கு அருகிலுள்ள அய்யங்கார் குளம் என்ற சிறிய கிராமத்தில் அனுமனுக்காக ஸ்ரீ சஞ்சீவிராய கோவிலைக் கட்டினார். மேலும் 150 ஏக்கருக்கும் அதிகமான பரப்பளவைக் கொண்ட கோயில் குளம் [9] ஒன்றை வெட்டினார். இந்த கோவில் பொதுவாக தாதாசமுத்திரம் என்று அழைக்கப்படுகிறது. கோயில் ஊர்வலத்தின் ஒரு பகுதியாக, வரதராஜப் பெருமாள் கோயிலின் உற்சவர் வருடத்திற்கு ஒரு முறை "நடவாவி உற்சவம்" திருவிழாவின் போது இந்த கோயிலுக்கு எழுந்தருளுவார்.[10]
பிராந்திய புராணத்தின் படி, லக்ஷ்மிகுமார தாத்தாச்சாரியார் ராமரின் மீது பக்தி கொண்டவர். தனது செல்வம் அனைத்தையும் வரதராஜப் பெருமாளுக்குக் காணிக்கையாகக் கொடுக்க காஞ்சிபுரம் நோக்கிப் பயணம் செய்தார். ஊரின் எல்லையை அடைந்ததும் நள்ளிரவாகி விட்டதால் சூரிய உதயத்திற்குப் பிறகு தனது பயணத்தைத் தொடர எண்ணி, தனது சீடர்களுடன் தங்க முடிவு செய்தார். அவரும் அவருடைய சீடர்களும் தூங்கிக் கொண்டிருந்தபோது, அவருடைய செல்வத்தைத் திருடுவதற்காக ஒரு கொள்ளையர் கூட்டம் வந்தது. அப்பொழுது திடீரென்று ஒரு குரங்குப் படை அதன் தலைமை குரங்குடன், திருடர்களைத் தாக்கி துரத்திவிட்டு செல்வங்களைக் காக்கத் தொடங்கினர். ஒரு தெய்வீக கனவில், லக்ஷ்மி குமார தாத்தாச்சாரியார்க்கு அந்த சம்பவத்தின் தரிசனம் வழங்கப்பட்டது மற்றும் ஹனுமானிடமிருந்து தரிசனம் (தெய்வீக பார்வை) கிடைத்தது. திருட்டைத் தடுத்தது தெய்வம்தான் என்பதை உணர்ந்த அவர், தனது செல்வத்தில் ஒரு பகுதியை ராமர், சீதை, லட்சுமணன் ஆகியோருடன் அனுமனுக்கு [11] கோயில் கட்ட முடிவு செய்தார். அந்த கோயிலுக்கு அருகில் ஒரு பெரிய ஏரியைக் கட்டினார், மேலும் லட்சுமி தேவியின் நினைவாக அதற்கு ஸ்ரீ லக்ஷ்மி சரஸ் என்று பெயரிட்டார்.
லக்ஷ்மி குமார தாதாச்சாரியார், அனுமனைப் புகழ்ந்து ஸ்ரீமத் ஹனுமத் விம்சதி என்ற புகழ்பெற்ற இலக்கியப் படைப்பையும் இயற்றினார், அவை கல் பலகைகளில் பொறிக்கப்பட்டு, விஜயநகரப் பேரரசின் அப்போதைய ஆட்சியாளரால் பிரகாரங்களில் (பிரதான கோயிலைச் சுற்றியுள்ள வட்ட வளாகத்தில்) வைக்கப்பட்டுள்ளன.
இலக்கிய பணிகள்[தொகு]
லக்ஷ்மி குமார தாத்தாச்சாரியார் ஸ்ரீ வைஷ்ணவத்தின் பல்வேறு தத்துவ நிலைகளை நிரூபிக்க பல்வேறு இலக்கியப் படைப்புகளையும் இயற்றியுள்ளார். ஸ்ரீமத் ஹனுமத் விம்ஷதி, நிகாம பரிமளம், ஸ்ரீ பாண்டுரங்க மஹாத்ம்யம், ஸ்ரீ தேசிக பிரபந்த ஈடு ஆகியவை முக்கியமான இலக்கிய படைப்புகள். தமிழ், சமஸ்கிருதம், மற்றும் பிராகிருத மொழிகளில் பல இலக்கியப் படைப்புகளை இயற்றியுள்ளார். இந்த படைப்புகள் திருமலை திருப்பதி தேவஸ்தான நூலகங்களில் பாதுகாக்கப்படுகின்றன. லக்ஷ்மி குமார தாதாச்சார்யாரின் மகத்துவத்தைப் பற்றி இயற்றப்பட்ட ஸ்ரீ தாதா விம்சதி என்ற படைப்பு அவரது பல்வேறு செயல்களையும் பதிவு செய்கிறது.
ராமானுஜர் மற்றும் வேதாந்த தேசிகர் மீது அவருக்கு இருந்த பக்தியை அவரது படைப்புகளில் இருந்து அறியலாம். ஸ்ரீ தேசிக பிரபந்த ஈடு[5] வேதாந்த தேசிகரின் தமிழ் படைப்புகளுக்கு வழிகாட்டியாக செயல்படுகிறது.
தத்துவம்[தொகு]
லக்ஷ்மி குமார தாத்தாச்சாரியார் ஸ்ரீ வைஷ்ணவத்தின் வடகலைப் பிரிவைப் பின்பற்றினார் மற்றும் அவரது சிந்தனைகள் அவரது படைப்புகளில் ஆழமாக வேரூன்றியுள்ளன. இவர் வேதாந்த தேசிகரை பின்பற்றியவர்.[12] அவர் ஒரு ஆச்சார்யா மகானுபாவா,[13] என்றே மதிக்கப்பட்டார்.
ராமானுஜரின் விசிஷ்டாத்வைதத்தின் முக்கிய கருத்துக்களான: தத்துவம், ஹிதா மற்றும் புருஷார்த்தம்; உபய மற்றும் உபேய; சித், அச்சித், ஈஸ்வர; கார்ய மற்றும் காரண ஆகியவை நிகம பரிமளம், லக்ஷ்மி நியுதம், பஞ்சக்ரந்தி நிபாஹாரம், சப்தகிரந்தி நிபாஹாரம், மற்றும் சாத்விக பிராமண வித்யா விலாசம் போன்ற லக்ஷ்மி குமார தாத்தாச்சாரியாரின் பெரும்பாலான படைப்புகளில் ஆராயப்படுகின்றன.
மரபு[தொகு]
லக்ஷ்மிகுமார தாத்தாச்சாரியார் பல்வேறு இந்து மரபுகளின் தத்துவவாதிகள் மற்றும் துறவிகளை பாதித்துள்ளார். சிறந்த சமகால எழுத்தாளரும், தத்துவஞானியுமான அடையாபாலத்தைச் சேர்ந்த அப்பய தீட்சிதர், லக்ஷ்மிகுமார தாத்தாச்சாரியாரை அவரது பல படைப்புகளில் பாராட்டியுள்ளார். அப்பய தீட்சிதர் தாத்தாச்சாரியாரை தெய்வீகப் பிறவியாகக் கருதினார்.[14]
லக்ஷ்மிகுமார தாத்தாச்சாரியார் பின்வரும் ஸ்லோகத்தில் போற்றப்படுகிறார்:
தஸ்மை தர்ம ஸ்வரூபாய, நிர்மலோதர கீர்த்தயே
ஸ்ரீ லக்ஷ்மி குமார தாதாசார்ய தேசிகாய நமோன் நமঃ
நீதி தர்மம் மற்றும் எண்ணிலடங்கா வீரத்தின் திரு வுருவமான ஸ்ரீ தாதா தேசிகனை நாம் வணங்குகிறோம்
காஞ்சிபுரம் நகரத்தில், வரதராஜப் பெருமாள் கோயிலின் ஸ்ரீ வேதாந்த தேசிகன் சந்நிதியில் லட்சுமி குமார தாதாச்சார்யாரின் ஆறு அடி சிலை மற்றும் அவரது துணைவியார் கமலா அம்மங்கர், வேதாந்த தேசிகருக்கு மரியாதை செலுத்துவது போல் சித்தரிக்கப்பட்டுள்ளது. வரதராஜப் பெருமாளின் உற்சவர் கோயில் ஊர்வலத்திற்காக எடுத்துச் செல்லப்படும் போதெல்லாம்,[15] லக்ஷ்மி குமார தாத்தாச்சாரியார் மற்றும் வேதாந்த தேசிகரின் ஸன்னதிகளில் சடாரி மரியாதை வழங்கப்படுகிறது.
ஆதாரங்கள்[தொகு]
- ஸ்ரீ வேங்கட வரத கவியின் "ஸ்ரீ தாதா விம்சதி" - TTD நூலகம்
- "குரு பரம்பரை பிரபாவம் 6000 படி – பாகம் 2 ஆச்சார்யர்கள் வைபவம்" ஸ்ரீ பரகால மடம்
- "ஸ்ரீ லக்ஷ்மி குமாரோதயம்" பதினைந்தாம் நூற்றாண்டு விஜயநகர இராச்சியத்தின் படைப்பு
- சேவா ஸ்ரீநிவாச ராகவனின் "சதாமர்ஷண கோத்ர பிரபவம்"
- தமிழ்நாடு மற்றும் ஆந்திரப் பிரதேசத்தின் பல்வேறு கோயில்களில் காணப்படும் கல்வெட்டுகள்
வெளி இணைப்புகள்[தொகு]
- ↑ History of Sri Vaishnavism in the Tamil Country: Post-Ramanuja.
- ↑ The History and Chronology of Gunpowder and Gunpowder Weapons (c.1000 to 1850).
- ↑ Journal of the Institute of Asian Studies.
- ↑ The Nayaks of Tanjore.
- ↑ 5.0 5.1 5.2 "The Hindu : A luminary remembered". Archived from the original on 11 July 2011. பார்க்கப்பட்ட நாள் 15 February 2011.
- ↑ Harmony of Religions: Vedānta Siddhānta Samarasam of Tāyumānavar.
- ↑ "Archived copy". Archived from the original on 24 November 2010. பார்க்கப்பட்ட நாள் 15 February 2011.
{{cite web}}: CS1 maint: archived copy as title (link) - ↑ "The Hindu : Arts / Magazine : Rhythms of time". தி இந்து. Archived from the original on 7 February 2011. பார்க்கப்பட்ட நாள் 15 February 2011.
- ↑ "சஞ்சீவிராயர் ஆஞ்சநேயர் திருக்கோயில்,ஐயங்கார்குளம் - Ayyangarkulam". wikimapia.org.
- ↑ "Sri Sanjeevi Rayar Temple – Ayyangar Kulam, Kanchipuram | Where Was It Shot". Archived from the original on 2011-02-13. பார்க்கப்பட்ட நாள் 2011-02-15.
- ↑ "Sanjeevirayar Swamy Temple". djibnet.
- ↑ "Fw: [RamanujaMission] Fw: Brahmotsavam of Navalpakkam Temple & Desika Stothram MP3 CD". IndiaDivine.org. 26 April 2004.
- ↑ "Re: Kura-narayanar (Ramanuja.org/Bhakti List Archives)". ramanuja.org.
- ↑ "Archived copy". Archived from the original on 2011-07-11. பார்க்கப்பட்ட நாள் 2011-02-15.
{{cite web}}: CS1 maint: archived copy as title (link) - ↑ [1][தொடர்பிழந்த இணைப்பு]