மனனம் (இந்து சமயம்)

மனனம் என்பது குருவிடமிருந்து மற்றும் வேத வேதாந்த சாத்திரங்களிலிருந்து கேட்கப்பட்ட இரண்டற்ற பிரம்மத்தைக் குறித்து, வேதாந்தம் ஏற்றுக் கொள்ளும் யுக்திகளின் மூலமாக எப்பொழுதும் பிரம்மத்தைக் குறித்து சிந்திப்பதாகும்.

மனனம் என்பதற்கு சிந்திப்பது, ஆலோசிப்பது என்பது பொருள். ஆனால் இங்கு மனனம் என்னும் சொல்லானது பரிபாஷையாக (மறைமுகமாக உணர்த்தும் சொல்) பயன்படுத்தப்படுகிறது. இதில் மூன்று அம்சங்கள் உள்ளன.

• வேதத்தின் மூலமும், குருவின் மூலமும் உபதேசிக்கப்பட்ட இரண்டற்ற பிரம்மவஸ்துதான் இங்கு மனனத்திற்கு எடுத்துக் கொண்ட பொருளாகும்.

• சிந்திப்பதை எப்பொழுதும் இடைவிடாமல் செய்ய வேண்டும் என்று தட்சஸ்மிருதியானது, ஒரு சந்நியாசியின் அன்றாடச் செயல் என்று விளக்கியுள்ளது.

• மேலும் “உறக்கம் வரும் வரையிலும், மரணம் நெருங்கும் வரையிலும் வேதாந்தச் சிந்தனையில் ஒரு சந்நியாசி காலத்தை கழிக்க வேண்டும் என்று கூறியுள்ளது.

இதனையும் காண்க

• சிரவணம்
• நிதித்யாசனம்