நறவம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
நறவம்
உயிரியல் வகைப்பாடு
திணை: தாவரம்
பிரிவு: கலன்றாவரம்
வகுப்பு: Magnoliopsida
வரிசை: Sapindales
குடும்பம்: Rutaceae
பேரினம்: Luvunga
இனம்: Luvunga scandens
இருசொற் பெயரீடு
Luvunga scandens
(Roxb.) Buch.-Ham. ex Wight & Arn.
வேறு பெயர்கள்

Limonia scandens Roxb.

நறவம் என்பது ஒரு மலர்.[1]

  • நறவம்பூ கொத்துக்கொத்தாகப் பூக்கும்.[2]
  • சங்ககால மகளிர் குவித்து விளையாடிய மலர்களில் ஒன்று நறவ-மலர்.[3]
தேன்
  • நறவம் என்னும் சொல் மலரிலுள்ள தேனை உணர்த்துகிறது.[4]
கள்
  • நறவு, நறாஅ, நறா என்னும் சொற்கள் ஒருவகைக் கள்ளை உணர்த்துவன.
  • போர்க்களம் செல்லும் படைவீரர்களுக்கு ‘தீந்தண் நறவம்’ கொடுத்தனர் [5] என்னும்போது ‘நறவம்’ என்னும் சொல்லும் கள்ளை உணர்த்துகிறது.
  • அற்ப வாழ்க்கையை விரும்புபவர்கள் நறவம் ஊற்றிக் குடிப்பர்.[6]

நறை[தொகு]

நறவம் மலரை நறை எனவும் வழங்கிவந்தனர்.

  • நறை என்றாலே மணம் என்று பொருள்.[7]
  • மலைக்குறவர் மக்கள் நறைக்கொடியை அறுத்தெறிவர்.[8]
  • நறைக்காயை உருட்டி வேலன் குறி சொல்லுவான்.[9]
  • புனத்தில் எரியும்போது மணக்கும்.[10]
  • மணம் கமழும் கொடி.[11]
  • கோலால் தட்டியும் நறைக்கொடியில் மணம் பெறுவர்.[12]
  • தொழுவத்தைச் சுற்றிலும் நறைக்கொடி படர்ந்திருக்கும்.[13]
  • ஏறு தழுவலின்போது காளைகளுக்கு நறைக்கொடி சுற்றிப் பாய விடுவர்.[14]
  • மேகம் போல நறைக்கொடி பொங்கிப் படர்ந்திருக்கும்.[15]
  • நறவம் பூ குளுமையானது.[16]
  • கோடையில் நறைக்கொடி வாடிக் கிடக்கும்.[17]
  • சந்தன மரத்தில் நறைக்கொடி படர்வது உண்டு.[18]
  • நறை நாரில் பூத் தொடுப்பர்.[19]
  • மாளிகைகளில் நறைக்கொடியைப் புகைத்து மணம் பரப்புவர்.[20]
  • நீராடிய பின்னர் நறையைப் புகைத்துக் கூந்தலை உலர்த்துவர்.[21][22][23]
  • விழாக்காலத்தில் இதன் மணத்தைப் பரப்புவர்.[24][25]

நறா[தொகு]

நறா என்பது பூவை விளையவைத்த ஒருவகைக் கள். நறாக் கள் அதில் இடும் பூமொட்டுகளுக்கு ஏற்பச் சிறப்பு எய்தும். [26]

இவற்றையும் காண்க[தொகு]

சங்ககால மலர்கள்

வெளியிணைப்புகள்[தொகு]

அடிக்குறிப்பு[தொகு]

  1. நல்லிணர் நாகம், நறவம், சுரபுன்னை - பரிபாடல் 12-80
  2. ஊழ் இணர் நறவம் - பரிபாடல் 19-78
  3. குறிஞ்சிப்பாட்டு 91.
  4. மணிவண்டு காலைக் களிநறவம் தாது ஊத – சிலப்பதிகாரம் – 6 வெண்பா
  5. புறநானூறு - 292
  6. பூரிய மாக்கள் உண்பது மண்டி நார் அரி நறவம் உகுப்ப - பரிபாடல் 6-49
  7. பனி துறை பகன்றை நறை கொள் மா மலர் - புறம் 235/18 நறு விரை துறந்த நறை வெண் கூந்தல் - புறம் 276/1
  8. குறவர் கொன்ற குறை கொடி நறை பவர் - நற்றிணை 5/3
  9. பைம் கொடி நறை காய் இடை இடுபு வேலன் - திருமுஊருகாற்றுப்படை 190
  10. நறை அகில் வயங்கிய நளி புன நறும் புகை - குறுந்தொகை 339/1
  11. தண் கமழ் நறை கொடி கொண்டு வியல் அறை - ஐங்குறுநூறு 276/2
  12. கோல் எரி கொளை நறை புகை கொடி ஒருங்கு எழ - பரிபாடல் 17/6
  13. கொடி நறை சூழ்ந்த தொழூஉ - கலித்தொகை 103/21
  14. நறை வலம் செய விடா இறுத்தன ஏறு - கலித்தொகை 104/31
  15. ஊர்பு எழு கிளர்பு உளர் புயல் மங்குலின் நறை பொங்க - கலித்தொகை 105/25
  16. நறை கால்யாத்த நளிர் முகை சிலம்பில் - அகம் 242/18
  17. நறை வாய் வாடல் நாறும் நாள் சுரம் - அகம் 257/2
  18. சாந்தம் பொறை_மரம் ஆக நறை நார் - அகம் 282/9
  19. நறை நார் தொடுத்த வேங்கை அம் கண்ணி - புறம் 168/15
  20. நெடு நகர் வரைப்பின் கடி நறை புகைஇ - புறம் 281/6
  21. நன் நீராட்டி நெய் நறை கொளீஇய - புறம் 329/3
  22. நறையின் நறும் புகை நனி அமர்ந்தோயே - பரிபாடல் 14/20
  23. நறையும் நரந்தமும் அகிலும் ஆரமும் - பொருநராற்றுப்படை 238
  24. நறையும் விரையும் ஓச்சியும் அலவு_உற்று - குறிஞ்சிப்பாட்டு 7
  25. நறையொடு துகள் எழ நல்லவர் அணி நிற்ப - கலித்தொகை 101/12
  26. தம்தம் நனையினான் நந்தும், நறா. (நான்மணிக்கடிகை 47)
"https://ta.wikipedia.org/w/index.php?title=நறவம்&oldid=2480858" இருந்து மீள்விக்கப்பட்டது