மேற்கு கரை பிரிவு

சபா மாநிலத்தில் மேற்கு கரை பிரிவு அமைவிடம்

மேற்கு கரை பிரிவு (மலாய் மொழி: Bahagian Pantai Barat; ஆங்கிலம்: West Coast Division) என்பது மலேசியா, சபா மாநிலத்தில் ஒரு நிர்வாகப் பிரிவாகும். ஆங்கிலத்தில் டிவிசன் (Division) என்று அழைக்கிறார்கள்.

கிழக்கு மலேசியாவில் உள்ள சபா; சரவாக் மாநிலங்களில் பிரிவு என்பது ஒரு நிர்வாகப் பிரிவாகும். அந்த இரு மாநிலங்களிலும் ஒவ்வொரு பிரிவும் சிற்சில மாவட்டங்களாக (Daerah) பிரிக்கப்பட்டு நிர்வகிக்கப் படுகிறது.

சபா மாநிலத்தின் வடமேற்கு பகுதியில் 7,588 சதுர கி.மீ. பரப்பளவு கொண்டது. மாநில நிலப்பரப்பில் 10.3%; மாநிலத்தின் மொத்த மக்கள் தொகையில் ஏறக்குறைய 30% கொண்டுள்ளது. மேற்கு கரை பிரிவு 1,440 கி.மீ. நீளமான கடற்கரையைக் கொண்டது.

அமைவிடம்

பஜாவ் (Bajau), பிசாயா (Bisaya), புருணை மலாய்க்காரர்கள் (Bruneian Malay), டூசுன் (Dusun), இல்லானுன் (Illanun), கடசான் (Kadazan) மற்றும் கெடாயன் (Kedayan) பூர்வீகப் பழங்குடி மக்களுடன் கணிசமான எண்ணிக்கையிலான சீனர்களையும் உள்ளடக்கியது.

கோத்தா கினபாலு துறைமுகம் மாநிலத்தின் தலைநகரமாகவும் விளங்குகிறது. சபா மாநிலத்தின் நீர்ப் போக்குவரத்திற்கான நுழைவாயிலாகவும் செயல்படுகிறது. இந்தத் துறைமுகம் ஆண்டுக்கு 4,031,000 டன் சரக்குகளைக் கையாளுகிறது. அத்துடன் கோத்தா கினபாலு பன்னாட்டு வானூர்தி நிலையம், மாநிலத்தின் முக்கிய வான்வழி நுழைவாயிலாகவும் செயல்படுகிறது.

மாவட்டங்கள்

மேற்குக் கடற்கரைப் பிரிவு பின்வரும் நிர்வாக மாவட்டங்களாகப் பிரிக்கப்பட்டு உள்ளது:

• கோத்தா பெலுட் மாவட்டம் (1,386 கி.மீ.²) கோத்தா பெலுட்
• கோத்தா கினபாலு மாவட்டம் (350 கி.மீ.²) கோத்தா கினபாலு
• பாப்பார் மாவட்டம் (1,234 கி.மீ.²) பாப்பார்
• பெனாம்பாங் மாவட்டம் (466 கி.மீ.²) பெனாம்பாங்
• புத்தாத்தான் மாவட்டம் (29,7 கி.மீ.²) புத்தாத்தான்
• ரானாவ் மாவட்டம் (2,978 கி.மீ.²) ரானாவ்
• துவாரான் மாவட்டம் (1,165 கி.மீ.²) துவாரான்

இவற்றையும் பார்க்க

• மலேசியாவின் மாநிலப் பிரிவுகள்

நூல்கள்

• Tregonning, K. G. (1965). A History Of Modern Sabah (North Borneo 1881–1963). University of Malaya Press.

• State of Sabah: Administrative Divisions Ordinance – Sabah Cap. 167 (PDF) of 1 November 1954; last amended on 16 September 1963, as amended in August 2010;