உள்ளடக்கத்துக்குச் செல்

துவாரான்

ஆள்கூறுகள்: 5°15′36″N 116°59′07″E / 5.26000°N 116.98528°E / 5.26000; 116.98528
கட்டற்ற கலைக்களஞ்சியமான விக்கிப்பீடியாவில் இருந்து.
துவாரான் நகரம்
Tuaran Town
சபா
Tuaran town centre
துவாரான் நகர மையம்
துவாரான் மாவட்டம்
துவாரான் மாவட்டம்
துவாரான் is located in மலேசியா
துவாரான்
      துவாரான் நகரம்
ஆள்கூறுகள்: 5°15′36″N 116°59′07″E / 5.26000°N 116.98528°E / 5.26000; 116.98528
நாடு மலேசியா
மாநிலம் சபா
பிரிவுமேற்கு கரை
மாவட்டம்துவாரான்
நகரம்துவாரான்
மக்கள்தொகை
 (2019)
 • மொத்தம்1,28,200
நேர வலயம்மலேசிய நேரம்
அருகாமை இடங்கள்தம்பருளி, தெங்கிலான், தொபக்கோன்

துவாரான் (மலாய்: Pekan Tuaran; ஆங்கிலம்: Tuaran Town; சீனம்: 斗亚兰 மலேசியா, சபா மாநிலம், மேற்கு கரை பிரிவு, துவாரான் மாவட்டத்தின் தலைநகரம் ஆகும்.

துவாரான் நகரம், அதன் 9-அடுக்கு சீன புத்த ஆலயத்திற்கு (9-storey Chinese Pagoda) பிரபலமானது. இந்தப் புத்த ஆலயம், துவாரான் நகரத்தின் அடையாளமாகவும் திகழ்கிறது.[1]

சபா மாநிலத்தின் தலைநகரமான கோத்தா கினபாலுவில் இருந்து 34 கி.மீ. தொலைவிலும்; மலேசியாவின் தலைநகரான கோலாலம்பூரில் இருந்து 1649 கி.மீ. தொலைவிலும் உள்ளது.[2]

பொது[தொகு]

இந்த நகரம் மற்றும் சபாவின் வடக்குப் பகுதியில் உள்ள கூடாட், கோத்தா மருடு, கோத்தா பெலுட் மற்றும் தெங்கிலான் நகரங்களுக்குச் செல்பவர்களுக்கும்; கோத்தா கினபாலு மாநகருக்குச் செல்பவர்களுக்கும் மிகவும் பிரபலமான சுற்றுலாப் பயணிகள் நிறுத்துமிடமாகத் திகழ்கிறது.[3]

துவாரான் நகரம் வறுத்த 'துவாரான் இழை உணவுக்கு' (Tuaran Noodles) நன்கு அறியப்பட்டது. சபா மக்கள் உட்பட பார்வையாளர்கள் பலர் இந்த உணவை ருசிப்பதற்காக இங்கு வருவது வழக்கம். துவாரான் மக்கள் தொகையில் டூசுன் இனத்தவர், லொத்துட் இனத்தவர் (Lotud Ethnic) மற்றும் பஜாவு இனத்தவர் பெரும்பான்மையினராக உள்ளனர்.

கோத்தா கினபாலு நகரம் துவாரனுக்கு தெற்கே 34 கி.மீ. தொலைவில் அமைந்து உள்ளதால், துவாரன் நகரமும் பெரும் விரிவாக்கத்தைக் கண்டு வருகிறது.

வரலாறு[தொகு]

துவாரான் என்ற பெயரின் தோற்றம் ஓரளவுக்கு இன்னும் அறியப் படாமல் உள்ளது. இருப்பினும் பிரித்தானியர்களின் வருகைக்கு முன்பே இருந்து துவாரான் நகரில் ஒரு குடியேற்றம் இருந்துள்ளது. 1800-ஆம் ஆண்டுகளில் இசுடாம்போர்டு இராஃபிள்சு துவாரான் எனும் பெயரைப் பயன்படுத்தி உள்ளார்.

இசுடாம்போர்டு இராஃபிள்சு (Stamford Raffles), 1811–ஆம் ஆண்டில் இருந்து 1815-ஆம் ஆண்டு வரை டச்சு கிழக்கிந்திய நிர்வாகத்தில் துணைநிலை ஆளுநர் பதவியில் இருந்தார். 1813–ஆம் ஆண்டில் ஜாவாவின் ஆளுநராகவும் இருந்தார்.[4][5]

இசுடாம்போர்டு இராபிள்சு[தொகு]

அந்தக் காலக் கட்டத்தில் துவாரான், தெம்பாசு (Tempasuk) பகுதிகள் கடல் கொள்ளைகளால் பாதிக்கப்பட்டு இருந்தன. இந்தக் கடல் கொள்ளைகளை ஒடுக்குமாறு இசுடாம்போர்டு இராபிள்சை புரூணை சுல்தான் கேட்டுக் கொண்டார்.

இந்தியாவில் இருந்த பிரித்தானிய (East India Company) செயலாளருக்கு இசுடாம்போர்டு இராஃபிள்சு அனுமதி கேட்டு கடிதம் அனுப்பி இருந்தார். அந்தக் கடிதத்தில் துவாரான் எனும் பெயர் பயன்படுத்தப்பட்டு உள்ளது.[6]

சகோதர நகரம்[தொகு]

மேற்கோள்கள்[தொகு]

  1. "The 9-Storey Pagoda Ling San is the main tourist attraction in Tuaran. Besides seeing the colorful statues of the Chinese legendary characters, the view from the top of the building is fascinating". www.mysabah.com. பார்க்கப்பட்ட நாள் 19 January 2023.
  2. "Distance between Tuaran, Sabah, Malaysia and Kuala Lumpur, Federal Territory of Kuala Lumpur, Malaysia". my.utc.city. பார்க்கப்பட்ட நாள் 19 January 2023.
  3. "Tuaran is situated in the West Coast of Sabah and is just 32 kilometres away from the State capital, Kota Kinabalu. Tuaran is well-known for it's fried 'Tuaran noodles' and visitors including Sabahans would travel all the way to Tuaran just to have a taste of it. The population of Tuaran consists a majority of the Dusun ethnic, the Lotud ethnic and the Bajau ethnic". Sabah, Malaysian Borneo (in ஆங்கிலம்). பார்க்கப்பட்ட நாள் 19 January 2023.
  4. "Sir Stamford Raffles's family". Singapore Infopedia. Singapore Government. பார்க்கப்பட்ட நாள் 13 December 2014.
  5. Ricklefs, M. C. A History of Modern Indonesia Since C. 1200, 4th Edition, Palgrave Macmillan, 2008
  6. "Sir Stamford Raffles's family". Singapore Infopedia. Singapore Government. பார்க்கப்பட்ட நாள் 13 December 2014.
  7. "LGU Calabanga Home". lgucalabanga.com. பார்க்கப்பட்ட நாள் 2022-02-01.

புற இணைப்புகள்[தொகு]

"https://ta.wikipedia.org/w/index.php?title=துவாரான்&oldid=3641046" இலிருந்து மீள்விக்கப்பட்டது