நமது அம்மா (அதிமுக நாளிதழ்)
 | |
 நமது அம்மா | |
| வகை | தினசரி நாளிதழ் |
|---|---|
| வடிவம் | பத்திரிகை, இணையத்தளம் |
| உரிமையாளர்(கள்) | எடப்பாடி கே. பழனிசாமி |
| நிறுவுனர்(கள்) | எடப்பாடி கே. பழனிசாமி |
| வெளியீட்டாளர் | ஆர்.சந்திரசேகர் |
| ஆசிரியர் | எஸ். கல்யாண சுந்தரம் |
| நிறுவியது | 24 பெப்ரவரி 2018 |
| அரசியல் சார்பு | அனைத்திந்திய அண்ணா திராவிட முன்னேற்றக் கழகம் |
| மொழி | தமிழ் |
| தலைமையகம் | 4, ஆனந்தா சாலை, ஆழ்வார்பேட்டை, சென்னை - 600018, தமிழ்நாடு, இந்தியா |
| விற்பனை | தமிழ்நாடு |
| இணையத்தளம் | www.namadhuamma.net |
| நாடு | இந்தியா |
நமது அம்மா, அதிமுகவின் முன்னாள் பொதுச்செயலாளரும், முன்னாள் தமிழக முதலமைச்சருமான செல்வி ஜெ. ஜெயலலிதாவின் 70வது பிறந்த நாளான 24 பிப்ரவரி 2018 அன்று நாளிதழாக சென்னையில் துவக்கப்பட்டது. அதிமுகவின் அதிகாரப்பூர்வ செய்தி நாளிதழாக செயல்படும் நமது அம்மா நாளிதழ், குறைந்த பட்சம் 12 பக்கங்கள் கொண்டிருக்கும். நமது அம்மா நாளிதழின் தலைமை ஆசிரியர் எஸ். கல்யாண சுந்தரம் ஆவார்.[1]
பின்னணி[தொகு]
ஜெ. ஜெயலலிதா, அதிமுகவின் அதிகாரப்பூர்வ அச்சு ஊடகமாக நமது எம் ஜி ஆர் எனும் நாளிதழையும், காட்சி ஊடகமாக ஜெயா தொலைக்காட்சியையும் துவக்கினார். ஜெயலலிதாவின் மறைவிற்குப் பின்னர், வி. கே. சசிகலாவின் குடும்பத்தின் பிடியில் இருந்த நமது எம்ஜிஆர் நாளிதழையும், ஜெயா டி வியையும் டி. டி. வி. தினகரன் தன் பொறுப்பில் எடுத்துக் கொண்டார். அதனால் அதிமுக அரசின் செய்திகள் இந்நாளிதழிலும், தொலைக்காட்சியிலும் மறைக்கப்பட்டது.
எனவே அதிமுக அரசு மற்றும் கட்சியின் செய்திகள் வெளியிடுவதற்கும் நமது அம்மா எனும் பெயரில் புதிய நாளிதழ் 24 பிப்ரவரி 2018 அன்று துவக்கப்பட்டது.[2] ஆர்.சந்திரசேகர் பத்திரிக்கையின் வெளியீட்டாளர் ஆனார்.[3][4]
அதன் தொடக்கத்திலிருந்து, மருது அழகுராஜ் 2018 முதல் 2022 வரை பத்திரிகையின் தலைமை ஆசிரியராக இருந்தார். அவர் 29 ஜூன் 2022 அன்று ஒற்றைத் தலைமைக்கு எதிர்ப்புத் தெரிவிக்கும் வகையில் செய்தித்தாளின் தலைமை ஆசிரியர் பதவியில் இருந்து விலகினார்.[5][6] 6 ஆகஸ்ட் 2022 அன்று, எஸ். கல்யாண சுந்தரம் நமது அம்மா செய்தித்தாளின் தலைமை ஆசிரியர் ஆனார்.[7]
மேற்கோள்கள்[தொகு]
- ↑ அதிமுக நாளிதழின் பெயர் ‘நமது அம்மா’
- ↑ AIADMK to launch 'Namadhu Amma' daily
- ↑ "Contractor's elevation as editor of AIADMK paper surprises many". The Times of India. 28 February 2018. 28 February 2018 அன்று பார்க்கப்பட்டது.
- ↑ "I-T officials search AIADMK mouthpiece Namathu Amma publisher's properties in Coimbatore". The New Indian Express. 7 July 2022. 7 July 2022 அன்று பார்க்கப்பட்டது.
- ↑ "அ.தி.மு.க நாளிதழ் பொறுப்பில் இருந்து மருது அழகுராஜ் விலகல்: நம்பிக்கை தகர்ந்து விட்டதாக பதிவு". Indian Express tamil. 29 June 2022. 29 June 2022 அன்று பார்க்கப்பட்டது.
- ↑ "Reporter's diary: 'Namadu Amma' editor resigns". DT Next. 30 June 2022. 30 June 2022 அன்று பார்க்கப்பட்டது.
- ↑ "அதிமுகவின் அதிகாரபூர்வ நாளேடான நமது அம்மாவின் புதிய ஆசிரியராக வேலுமணியின் தீவிர ஆதரவாளர் நியமனம்..!". Asianet News tamil. 6 August 2022. 6 August 2022 அன்று பார்க்கப்பட்டது.