கா. வேழவேந்தன்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

வேழவேந்தன் என்பவர் தமிழ்க்கவிஞர். இவர் 05-5-1936 அன்று கும்மிடிப்பூண்டியில் உள்ள காரணி எனும் சிற்றூரில் பிறந்தவர். தற்போது சென்னை மயிலாப்பூரில் வசிக்கின்றார்.

கல்வியும் பணியும்[தொகு]

இவர் இந்து தியாலாஜிகல் உயர்நிலைப் பள்ளியில் பள்ளிப் படிப்பை முடித்தார். சென்னை பச்சையப்பன் கல்லூரியில் பயின்று பட்டம் பெற்ற இவர் சட்டக் கல்லூரியில் பயின்று வழக்குரைஞராகப் பணியாற்றியுள்ளார்.தமிழக சட்டப் பேரவையின் உறுப்பினராக 1967-76 வரை பணியேற்றார். அதே காலத்தில் சில ஆண்டுகள் தொழிலாளர் நல அமைச்சரகப் பணிபுரிந்துள்ளார்.

எழுத்துப் பணிகள்[தொகு]

இவர் மாணவராக இருந்தபோது,'முத்தாரம்' இதழில் 'மழலைச் சிலை' எனும் கவிதையை எழுதினார். இக்கவிதை மு.வ அவர்களால் பாராட்டப்பட்டது. தமது 77 ஆம் ஆண்டு பிறந்த நாள் விழாவில், தமது ஆசிரியராகிய மு.வவைப் பற்றி,டாக்டர் மு.வ.வின் தனிப்பெரும் மாட்சி எனும் நூலை வெளியிட்டார்.[1] தமிழ்த்தேன் எனும் இதழைத் தொடங்கி நடத்தினார்.

படைப்புகள்[தொகு]

கட்டுரைத் தொகுப்புகள்:

  • வெற்றிக்கு ஒரு முற்றுகை
  • தமிழா? அமிழ்தா?
  • தெரிய...தெளிய...
  • மனக்காட்டுத் தேனடைகள்

கவிதைத் தொகுப்புகள்:

  • அனல் மூச்சு
  • தமிழா எங்கே போகிறாய்
  • ஏக்கங்களின் தாக்கங்கள்
  • தூறலும் சாரலும்
  • வண்ணத் தோகை
பட்டங்களும் விருதுகளும்[தொகு]

கவிஞர் தாகூர் நூற்றாண்டு விழா கவிதைப் போட்டியில் தமிழக அளவில் முதலிடம் பெற்று தங்கப்பதக்கம் பெற்றார்.தமிழக அரசு இவரின், வண்ணத் தோகை கவிதை நூலுக்குப் பரிசு வழங்கிச் சிறப்பித்தது.[2] கலைமாமணி விருது,பாவேந்தர் விருது முதலான விருதுகளைப் பெற்றுள்ளார்.

உசாத்துணை[தொகு]

1.முகம் மாமணி,'100 சாதனையாளர்கள்' மணிவாசகர் பதிப்பகம்-1994.

  1. விடுதலை: 1. மே 2012. doi:03-5-2012. 
  2. "[www.Tamil authors.com கலைமாமணி கா.வேழவேந்தன்]". பார்த்த நாள் 25 சூன் 2017.
"https://ta.wikipedia.org/w/index.php?title=கா._வேழவேந்தன்&oldid=2716651" இருந்து மீள்விக்கப்பட்டது