சூன் 30

ஜூன் 30 கிரிகோரியன் ஆண்டின் 181ஆவது நாளாகும். நெட்டாண்டுகளில் 182ஆவது நாள். ஆண்டு முடிவிற்கு மேலும் 184 நாட்கள் உள்ளன.

நிகழ்வுகள்

• 1737 - ரஷ்யாவின் படைகள் மார்ஷல் மியூனிச் தலைமையில் துருக்கியப் படைகளைத் தாக்கி 4,000 துருக்கியர்களைச் சிறைப்பிடித்தனர்.
• 1882 - அமெரிக்க அதிபர் ஜேம்ஸ் கார்பீல்ட்டை சுட்டுக் கொன்ற "சார்ல்ஸ் கைட்டோ" தூக்கிலிடப்பட்டான்.
• 1905 - சிறப்புச் சார்புக் கோட்பாட்டை அறிமுகப்படுத்தும் ஐன்ஸ்டீனின் இயங்கும் பொருட்களின் மின்னியக்கவியல் ஆய்வுக் கட்டுரை வெளிவந்தது.
• 1910 - இலங்கையில் ஐந்து சத செப்பு நாணயம் பாவனையில் இருந்து விலக்கப்பட்டது.
• 1912 - கனடாவில் ரெஜினா என்ற இடத்தில் சூறாவளி தாக்கியதில் 28 பேர் கொல்லப்பட்டனர்.
• 1917 - முதல் உலகப் போர்: கிரேக்கம் மைய சக்திகள் உடன் போரை அறிவித்தது.
• 1934 - இட்லரின் அரசியல் எதிரிகளுக்கு எதிரான வன்முறை நீள் கத்திகளுடைய இரவு செருமனியில் நிகழ்ந்தது.
• 1937 - உலகின் முதலாவது அவசரத் தொலைபேசி எண் (999) லண்டனில் அறிமுகப்படுத்தப்பட்டது.
• 1941 - இரண்டாம் உலகப் போர்: நாசி ஜெர்மனியினர் உக்ரைனின் லுவோவ் நகரைக் கைப்பற்றினர்.
• 1944 - இரண்டாம் உலகப் போர்: செர்போர்க் சண்டை முக்கிய துறைமுகம் அமெரிக்கப் படைகளிடம் வீழ்ந்ததை அடுத்து முடிவடைந்தது.
• 1956 - அமெரிக்காவின் இரண்டு விமானங்கள் அரிசோனாவில் மோதிக் கொண்டதில் 128 பேர் கொல்லப்பட்டனர்.
• 1960 - கொங்கோ பெல்ஜியத்திடம் இருந்து விடுதலை பெற்றது.
• 1971 - சோவியத்தின் சோயுஸ் 11 விண்கலத்தில் ஏற்பட்ட காற்றுக் கசிவினால் விண்வெளி வீரர்கள் மூவர் கொல்லப்பட்டனர்.
• 1972 - ஒருங்கிணைக்கப்பட்ட சர்வதேச நேரத்தில் ஒரு லீப் வினாடி அதிகரிக்கப்பட்டது.
• 1985 - பெய்ரூட்டில் 17 நாட்களாகக் கடத்தப்பட்டிருந்த 39 அமெரிக்க விமானப் பயனிகள் விடுவிக்கப்பட்டனர்.
• 1990 - கிழக்கு, மற்றும் மேற்கு ஜெர்மனிகள் தமது பொருளாதாரத்தை ஒருங்கிணைத்தன.
• 1997 - முதலாவது ஹரி பொட்டர் நூல் வெளியிடப்பட்டது.
• 1997 - ஹாங்காங் நாட்டின் அதிகாரம் ஐக்கிய இராச்சியத்திடம் இருந்து சீனாவுக்குக் கைமாறியது.
• 2002 - பிறேசில் தனது ஐந்தாவது உதைப்பந்தாட்ட உலகக்கிண்ணத்தை வென்றது.

பிறப்புகள்

• 1966 - மைக் டைசன், குத்துச் சண்டை வீரர்
• 1969 - சனத் ஜெயசூரிய, இலங்கைத் துடுப்பாட்ட வீரர்

இறப்புகள்

• 1917 - தாதாபாய் நவுரோஜி, இந்திய அரசியல்வாதி (பி. 1825)
• 1971 - விக்டர் பட்சாயெவ், சோயூஸ் 11 விண்வெளி வீரர் (பி. 1933
• 1971 - கியோர்கி டப்ரொவோல்ஸ்கி, சோயூஸ் 11 விண்வெளி வீரர் (பி. 1928)
• 1971 - விளாடிஸ்லாவ் வோல்கொவ், சோயூஸ் 11 விண்வெளி வீரர் (பி. 1935)

சிறப்பு நாள்

• கொங்கோ - விடுதலை நாள் (1960)

வெளி இணைப்புக்கள்

• பிபிசி: இந்த நாளில்
• நியூ யோர்க் டைம்ஸ் இந்த நாளில்
• கனடா இந்த நாளில்

---