திரியாங்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
திரியாங்
Teriang
திரியாங் Teriang is located in மலேசியா மேற்கு
திரியாங் Teriang
திரியாங்
Teriang
ஆள்கூறுகள்: 3°14′N 102°25′E / 3.233°N 102.417°E / 3.233; 102.417ஆள்கூறுகள்: 3°14′N 102°25′E / 3.233°N 102.417°E / 3.233; 102.417
நாடு மலேசியா
மாநிலம்Flag of Pahang.svg பகாங்
நேர வலயம்மலேசிய நேரம் (MST) (ஒசநே+8)
 • கோடை (பசேநே)கண்காணிப்பு இல்லை (ஒசநே)
அஞ்சல் குறியீடு28xxx
வாகனப் பதிவுC
அனைத்துலக முன்னொட்டுக் குறி+60-9-2 (தரைவழித் தொடர்பு)
இணையதளம்http://www.mdbera.gov.my/ms/pelawat/pengangkutan

திரியாங் என்பது (மலாய்: Teriang; ஆங்கிலம்: Teriang; சீனம்: 直凉) மலேசியா, பகாங் மாநிலத்தில், பெரா மாவட்டத்தில் அமைந்து இருக்கும் ஒரு நகரம். பகாங் ஆற்றின் துணை ஆறான திரியாங் ஆற்றின் பெயரில் இருந்து இந்த இடத்திற்குத் திரியாங் என பெயர் வந்தது.[1]

வரலாறு[தொகு]

திரியாங் வரலாறு 1800-ஆம் ஆண்டுகளின் நடுப்பகுதியில் தொடங்குகிறது. அப்போது மலாய்க்காரர்கள் அதிகமான மக்கள் தொகை கொண்டவர்களாக இருந்தார்கள். விவசாயம், மீன்பிடித்தல் அவர்களின் வாழ்வாதாரம்.

அதன் பின்னர் 1900-ஆம் ஆண்டுகளில் சீனர்கள் குடியேறினார்கள். ஆரம்பத்தில் பெரும்பாலானவர்கள் திரியாங் நதி வழியாகவோ அல்லது கால்நடையாகவோ வந்து இருக்கலாம்.

மலாயா இரயில்வே நிறுவனம்[தொகு]

1900-களின் தொடக்கத்தில் மலாயா இரயில்வே நிறுவனம் இங்கு ஒரு சிறிய ரயில் நிலையத்தைக் கட்டியது. சிங்கப்பூரில் இருந்து வந்த இரயில்கள் இங்கு நின்று சென்றன.

திரியாங்கில் வந்து குடியேறிய சீனர்கள் பெரும்பாலும் ரப்பர் மரம் சீவுபவர்கள்; மர வியாபாரிகள்; உணவகம் மற்றும் காபி கடையாளர்கள். திரியாங்கில் இரயில்கள் நிறுத்தப்படும் போது சிலர் பயணிகளுக்கு உணவைத் தயாரித்துக் கொடுத்தனர்.

மலாயா அவசரக்காலம்[தொகு]

1950-க்குள் பல ஆயிரம் மக்கள் தொகையுடன், திரியாங் ஒரு பிரதானமான சீன நகரமாக வளர்ந்தது. 1948 - 1960 மலாயா அவசரக்காலத்தில், பிரிட்டிஷ் இராணுவம் பல கிராமப்புற சீனர்களைப் பலவந்தமாகப் புதிய கிராமங்களில் குடியேறச் செய்தது.

2010-ஆம் ஆண்டின் மக்கள் தொகை கணக்கெடுப்பின்படி, பெரா மாவட்டத்தின் மக்கள் தொகை 80,000 ஆகும். இவர்களில் 45% பேர் சீன இனத்தவர்கள். பெரும்பாலானவர்கள் திரியாங் நகரம் அல்லது புதிய கிராமங்களில் வசிக்கும் நகரவாசிகள்.

திரியாங் தமிழர்கள்[தொகு]

தமிழர்களும் கணிசமான் அளவிற்கு தோட்டப் புறங்களில் வாழ்கிறார்கள். திரியாங் பகுதியில் பல ரப்பர் தோட்டங்கள் உள்ளன. ரப்பர் தோட்டங்களாக இருந்தவை இப்போது எண்ணெய்ப்பனைத் தோட்டங்களாக மாறி விட்டன.

மெந்திரி தோட்டத் தமிழ்ப்பள்ளி[தொகு]

திரியாங் பகுதியில் ஒரு தமிழ்ப்பள்ளி உள்ளது. அதன் பெயர் மெந்திரி தோட்டத் தமிழ்ப்பள்ளி. இந்தப் பள்ளியில் 24 மாணவர்கள் பயில்கிறார்கள். 11 ஆசிரியர்கள் பணியாற்றுகிறார்கள்.[2]

மேற்கோள்கள்[தொகு]

  1. "Sejarah Daerah - Laman Web Pejabat Daerah dan Tanah Bera". web.archive.org. 15 February 2017. Archived from the original on 15 பிப்ரவரி 2017. 7 June 2021 அன்று பார்க்கப்பட்டது.CS1 maint: unfit url (link)
  2. "SJK(T) Ladang Menteri - The Community Chest". commchest.org.my. 6 June 2021 அன்று பார்க்கப்பட்டது.
"https://ta.wikipedia.org/w/index.php?title=திரியாங்&oldid=3486823" இருந்து மீள்விக்கப்பட்டது