பரம வீர சக்கரம்

பரம் வீர் சக்கரம் (Param Vir Chakra அல்லது PVC) எதிரிப்படைகளிடம் மிக உயர்ந்தளவு வீரதீரத்தையும் தன்னலமற்ற தியாகத்தையும் காட்டிய படைவீரர்களுக்கான இந்தியாவின் மிக உயரிய விருதாகும். இந்த விருது மரணத்திற்கு பின்பும், பெரும்பாலும் அவ்வாறே நிகழ்கின்றது, கொடுக்கக்கூடியது. இந்தி மொழியில் உள்ள இந்த விருதின் பெயரின் தமிழாக்கம் உயரிய வீரர் பதக்கம் என்பதாகும்.

சனவரி 26, 1950ஆம் ஆண்டு இந்தியா குடியரசான பிறகு குடியரசுத் தலைவரால் நிறுவப்பட்ட இந்த விருது இந்தியா விடுதலை பெற்ற ஆகத்து 15, 1947 முதலே அமலுக்கு வந்ததாக அறிவிக்கப்பட்டது. இந்தியப் படைத்துறையின் அனைத்துத் துறை அதிகாரிகளும் பட்டியலிடப்பட்ட ஊழியர்களும் இந்த விருதுக்குத் தகுதி உடையவர்களாவர். பாரத ரத்னா விருதுக்கு அடுத்தநிலையில் இந்திய அரசு வழங்கும் விருதுகளில் இரண்டாம் இடத்தை பெற்றுள்ளது. இதற்கு முன்னர் பிரித்தானிய இந்தியாவில் வழங்கப்பட்டு வந்த விக்டோரியா கிராஸ் விருதிற்கு மாற்றமாக அமைந்தது.

இந்த விருதை இரண்டாம் முறை (அல்லது அதன் பின்னரும்) பெறுபவர்களுக்கு ஆடைப்பட்டயம் வழங்க விதிகள் இயற்றப்பட்டுள்ளன. இருப்பினும், இன்று வரை, அத்தகைய வாய்ப்பு எதுவும் நடக்கவில்லை.இந்த விருதைப் பெற்றவர்கள் தங்கள் பெயரின் விகுதியில் பி.வி.சி என்று போட்டுக்கொள்ள அனுமதிக்கப்பட்டுள்ளனர்.

பரம் வீர் சக்கரத்திற்கு இணையான அமைதிக்கால மிக உயரிய படைத்துறை விருது அசோகச் சக்கர விருது ஆகும். இந்த விருது போர்களத்தில் அல்லாது காண்பிக்கப்படும் "மிக உயரிய வீரதீரச் செயலுக்கும் தன்னலமற்ற தியாகத்திற்கும்" வழங்கப்படுகிறது. இது படைத்துறை அல்லாது குடிமக்களுக்கும் வழங்கபடக்கூடியது. பரம் வீர் சக்கரத்தைப் போலவே இதுவும் மரணத்திற்கு பின்பு வழங்கக்கூடியது.

இந்த விருது பெற்ற லெப்டினன்ட் நிலைக்கு கீழான (இணையான பிற சேவையினருக்கு) நிதிப் படி வழங்கப்படுகிறது. சில நேரங்களில் நிதிக்கொடையும் வழங்கப்படுகிறது. மரணத்திற்குப் பின்னால் வாழ்க்கைத்துணைக்கு ஓய்வூதியம், அவர் இறக்கும்வரை அல்லது மறுமணம் புரியும்வரை வழங்கப்படுகிறது. மிகவும் குறைந்த இந்த நிதி உதவி பெரும் சர்ச்சையில் இருந்தவாறுள்ளது. மார்ச்சு 1999 நிலவரப்படி இது ரூ.1500/- என்ற அளவிலேயே இருந்தது.

விருது பெற்றவர்களின் பட்டியல்[தொகு]

எண்	பெயர்	படையணி	நாள்	இடம்	குறிப்புகள்
IC-521	மேஜர் சோம்நாத் சர்மா	4வது படைப்பிரிவு, குமோன் படையணி	நவம்பர் 3, 1947	பத்காம், காசுமீர்	மறைவிற்குப் பின்
IC-22356	லான்சு நாய்க் கரம்சிங்	1வது படைப்பிரிவு, சீக்கியப் படையணி	அக்டோபர் 13, 1948	தித்வால், காசுமீர்
SS-14246	செகண்ட் லெப்.ராமா ராகோப ராணே	பொறியாளர் படை	ஏப்ரல் 8, 1948	நௌஷேரா, காசுமீர்
27373	நாயக் ஜாடு நாத் சிங்	1வது படைப்பிரிவு, ராஜ்புத் படைப்பிரிவு	பெப்ரவரி 1948	நௌஷேரா, காசுமீர்	மறைவுக்குப்பின்
2831592	கம்பனி அவில்தார் மேஜர் பீரு சிங் சேகாவத்	6வது படைப்பிரிவு, ராசபுதனா துப்பாக்கிகள்	17 சூலை 1948–18 சூலை 1948	தித்வால், காசுமீர்	மறைவுக்குப்பின்
IC-8497	கேப்டன் குர்பச்சன் சிங் சலாரியா	3வது படைப்பிரிவு, முதலாம் கூர்க்கா துப்பாக்கிகள் (மாலௌன் படையணி)	திசம்பர் 5, 1961	லும்பாஷி (எலிசபெத்வில்) ,கடங்கா மாநிலம், கொங்கோ	மறைவுக்குப்பின்
IC-7990	மேஜர் தன்சிங் தாப்பா	1வது படைப்பிரிவு, 8வது கூர்க்கா துப்பாக்கிகள்	அக்டோபர் 20, 1962	லடாக், இந்தியா
JC-4547	சுபேதார் ஜோகீந்தர் சிங்	1வது படைப்பிரிவு, சீக்கியப் படையணி	அக்டோபர் 23, 1962	டோங்பென் லா, வடகிழக்கு முன்னணி முகமை, இந்தியா	மறைவுக்குப்பின்
IC-7990	மேஜர் சைத்தான் சிங்	13வது படைப்பிரிவு, குமோன் படையணி	நவம்பர் 18, 1962	ரெசாங் லா	மறைவுக்குப்பின்
2639885	கம்பனி குவாட்டர் மாஸ்டர் அவில்தார் அப்துல் அமீத்	4வது படைப்பிரிவு, கிரெனேடியர்சு	செப்டம்பர் 10, 1965	சீமா, கேம் கரண் பகுதி	மறைவுக்குப்பின்
IC-5565	லெப்.கர்னெல் அர்டெசீர் புருசோர்ஜி தாராபூர்	17வது பூனா குதிரை	அக்டோபர் 15, 1965	பில்லோரா , சியால்கோட் பகுதி, பாகிஸ்தான்	மறைவுக்குப்பின்
4239746	லான்சு நாய்க் ஆல்பெர்ட் எக்கா	14வது படைப்பிரிவு, பாதுகாவல் படைகள்	திசம்பர் 3, 1971	கங்காசாகர்	மறைவுக்குப்பின்
10877 F(P)	பறக்கும் அதிகாரி நிர்மல் ஜித்சிங் சேகோன்	18ஆம் வான்படைப்பிரிவு, இந்திய வான்படை	திசம்பர் 14, 1971	ஸ்ரீநகர், காசுமீர்	மறைவுக்குப்பின்
IC-25067	லெப்.அருண் கேதர்பால்	17வது பூனா குதிரை	திசம்பர் 16, 1971	ஜார்பால், ஷகார்கர் பகுதி	மறைவுக்குப்பின்
IC-14608	மேஜர் ஹோஷியார் சிங்	3வது படைப்பிரிவு, கிரெனேடியர்சு	திசம்பர் 17, 1971	பசன்தர் ஆறு, ஷகார்கர் பகுதி
JC-155825	நயீப் சுபேதார் பாணாசிங்	8வது படைப்பிரிவு, சம்மு காசுமீர் இலகு காலாட்படை	சூன் 23, 1987	சியாச்சென் பனியாறு, சம்மு காசுமீர்
IC-32907	மேஜர் பரமேஸ்வரன்	8வது படைப்பிரிவு, மஹர் படையணி	நவம்பர் 25, 1987	இலங்கை	மறைவுக்குப்பின்
IC-56959	கேப்டன் மனோஜ் குமார் பாண்டே	1வது படைப்பிரிவு, 11வது கூர்க்கா துப்பாக்கிகள்	சூலை 3, 1999	காலுபெர்/ஜபெர் டாப், பதாலிக் பகுதி , கார்கில் வட்டாரம், சம்மு காசுமீர்	மறைவுக்குப்பின்
2690572	கிரெனேடியர் யோகேந்திர சிங் யாதவ்	18வது படைப்பிரிவு, கிரெனேடியர்சு	சூலை 4, 1999	டைகர் ஹில், கார்கில் வட்டாரம்
13760533	துப்பாக்கியாளர் சஞ்சய் குமார்	13வது படைப்பிரிவு, சம்மு காசுமீர் துப்பாக்கிகள்	சூலை 5, 1999	ஏரியா பிளாட் டாப், கார்கில் வட்டாரம்
IC-57556	கேப்டன் விக்ரம் பாத்ரா	13வது படைப்பிரிவு, சம்மு காசுமீர் துப்பாக்கிகள்	சூலை 6, 1999	முனை 5140, முனை 4875, கார்கில் வட்டாரம்	மறைவுக்குப்பின்

மேற்கோள்கள்[தொகு]

வெளியிணைப்புகள்[தொகு]

பரம வீர சக்கரம்

விருது பெற்றவர்களின் பட்டியல்[தொகு]

மேற்கோள்கள்[தொகு]

வெளியிணைப்புகள்[தொகு]

வழிசெலுத்தல் பட்டி

தேடுக