அபிய் அகமது

கட்டற்ற கலைக்களஞ்சியமான விக்கிப்பீடியாவில் இருந்து.
அபிய் அகமது அலி
Abiy Ahmed Ali
2018 இல் அபிய் அகமது
எத்தியோப்பியாவின் 15-வது பிரதமர்
பதவியில் உள்ளார்
பதவியேற்பு
2 ஏப்ரல் 2018
குடியரசுத் தலைவர் முலாத்து தெசோமே
சாலி-வோர்க் சேவ்தி
முன்னவர் ஐலிமரியாம் தேசாலென்
எத்தியோப்பிய மக்கள் புரட்சிகர சனநாயக முன்னணியின் 3-வது தலைவர்
பதவியில் உள்ளார்
பதவியேற்பு
27 மார்ச்சு 2018
துணை தெமென்னி மெக்கோனென்
ஒரோமோ சனநாயகக் கட்சியின் தலைவர்
பதவியில் உள்ளார்
பதவியேற்பு
22 பெப்ரவரி 2018
துணை இலெம்மா மெகர்சா
முன்னவர் இலெம்மா மெகர்சா
அறிவியல், தொழில்நுட்ப அமைச்சர்
பதவியில்
6 அக்டோபர் 2015 – 1 நவம்பர் 2016
பிரதமர் ஐலிமரியாம் தெசாலென்
தனிநபர் தகவல்
பிறப்பு 15 ஆகத்து 1976 (1976-08-15) (அகவை 47)
பெசாசா, எத்தியோப்பியா
அரசியல் கட்சி ஒரோமோ சனநாயகக் கட்சி
பிற அரசியல்
சார்புகள் 		எத்தியோப்பிய மக்கள் புரட்சிகர சனநாயக முன்னணி
வாழ்க்கை துணைவர்(கள்) சினாசு த்யாச்செவ்[1]
பிள்ளைகள் 3 பெண்கள், வளர்ப்பு மகன் ஒருவர்
கல்வி மைக்ரோலிங்க் தகவல் தொழில்நுட்பக் கல்லூரி (BA)
கிரீனிச்சுப் பல்கலைக்கழகம் (முதுகலை)
ஆசுலாந்து பல்கலைக்கழகம் (MBA)
அடிசு அபாபா பல்கலைக்கழகம் (PhD)
விருதுகள் அமைதிக்கான நோபல் பரிசு (2019)
இணையம் FDRE Office of the Prime Minister
படைத்துறைப் பணி
பற்றிணைவு  எதியோப்பியா
கிளை எத்தியோப்பிய இராணுவம்
பணி ஆண்டுகள் 1991–2010
தர வரிசை லெப். கேணல்
சமர்கள்/போர்கள் எத்தியோப்பிய உள்நாட்டுப் போர்
ஐநா உருவாண்டா பணி
எரித்திரிய-எத்தியோப்பியப் போர்

அபிய் அகமது அலி (Abiy Ahmed Ali; பிறப்பு: 15 ஆகத்து 1976) எத்தியோப்பிய அரசியலாளர். இவர் எத்தியோபியாவின் 15-வது தலைமை அமைச்சராக 2018 ஏப்ரல் 2 முதல் பதவியில் உள்ளார்.[2][3] 20-ஆண்டுகால எரித்திரிய-எத்தியோப்பியப் பிணக்கை முடிவுக்குக் கொண்டு வந்தமைக்காக 2019 அக்டோபர் 11 இல் இவருக்கு அமைதிக்கான நோபல் பரிசு வழங்கப்பெற்றது.[4]

ஆளும் மக்கள் புரட்சிகர சனநாயக முன்னணி கட்சி,[5] ஒரோமோ சனநாயகக் கட்சி[6] ஆகியவற்றின் தலைவராக அபிய் அகமது இருந்து வருகிறார். முன்னாள் இராணுவப் புலனாய்வு அதிகாரியான அபிய் அகமது, எத்தியோப்பியத் தலைமையமைச்சர் ஆனது முதல், அரசியல், பொருளாதார சீர்திருத்தங்களுக்கான ஒரு பரந்த திட்டத்தை நாட்டில் அறிமுகப்படுத்தினார்.[7]

அக்டோபர் 2021 இல், அபி 5 அகமது இரண்டாவது முறையாக 5 ஆண்டு காலத்திற்கு அதிகாரப்பூர்வமாக பதவியேற்றார்.

வாழ்க்கை வரலாறு[தொகு]

இளமை[தொகு]

அபிய் அகமது எத்தியோப்பியாவில், காப்பியின் தோற்றத்துக்குப் புகழ்பெற்ற, தென்மேற்கேயுள்ள காஃபா மாநிலத்தில் உள்ள பேசாசா என்னும் ஊரில் 1976 ஆகத்து 15 ஆம் நாளன்று பிறந்தார்.[8][9][10] இவருடைய தந்தையார் அகமது அலி ஓர் ஓரோமோ இனத்தைச் சார்ந்த இசுலாமியர்.[11] அம்ஃகாரா இனத்தைச் சேர்ந்த[12][13] எத்தியோப்பிய மரபு கிறித்துவரான[14] இவருடைய மறைந்த தாய் தெசெட்டா வோல்டே,[15] இவரது தந்தையின் நான்காவது மனைவி ஆவார்.[16])

அபிய் அகமது அவருடைய தாய்க்கு ஆறாவதும் கடைசியுமான மகன். இவரின் தந்தையாருக்கு இவர் 13 ஆவது மகவு.[8][12] இவருடைய இளமைக்கால பெயர் அபியோத்து தமிழில்: "புரட்சி"). 1974 இல் நடந்த எத்தியோப்பியப் புரட்சிக்குப் பிறகு இப்படியான பெயர்கள் கொள்வது வழக்கமாக இருந்தது.[8] அப்பொழுது அபியோத்து என்றறியப்பட்ட அபிய் அகமது உள்ளூர் தொடக்கப்பள்ளியில் படித்தார். பின்னர் உயர்நிலை பள்ளிப்படிப்பை அகரோ நகரத்தில் தொடர்ந்தார். பல ஆவணங்களின் படி இவர் கல்வியில் மிகுந்த ஆரவம் கொண்டிருந்தார். பிறருக்கும் கல்வியில் அக்கறை கொள்ளச்செய்தார்.[8]

அகவாழ்க்கை[தொகு]

அபிய் அகமது தன் வருங்கால மனைவி இசீனாசு தயாச்சேவ் என்னும் அம்ஃகாரா இனத்துப் பெண்மணியை[8][12] எத்தியோப்பிய பாதுகாப்புத் துறையில் இருந்தபொழுது[17] சந்தித்தார். இசீனாசு தயாச்சேவ் கோந்தார் என்னும் மாவட்டத்தில் இருந்து வருபவர். இவர்களுக்கு மூன்று மகள்களும், தத்து எடுத்துக்கொண்ட ஒரு மகனும் உள்ளனர்.[17] அபிய் அகமது பன்மொழி பேசுபவர். இவருக்கு அஃபான் ஒரோமோ, அம்ஃகாரி, திகிரினியா, ஆங்கிலம் ஆகிய மொழிகள் பேசத்தெரியும்.[18] இவர் உடலைத் தக்கநிலையில் வைத்திருக்கும் நற்பழக்கமும் ஆர்வமும் கொண்டவர். உடல்நலத்தோடு உளநலமும் முக்கியம் என எடுத்துரைப்பவர்.[17] இவர் பெந்தகோசுட்டு கிறித்துவ ஆர்வலர்.[19]

மேற்கோள்கள்[தொகு]

  1. ↑ "First Lady" இம் மூலத்தில் இருந்து 2019-08-31 அன்று. பரணிடப்பட்டது.. https://web.archive.org/web/20190831122410/https://pmo.gov.et/first_lady/. 
  2. ↑ "Prime Minister" இம் மூலத்தில் இருந்து 20 ஏப்ரல் 2019 அன்று. பரணிடப்பட்டது.. https://web.archive.org/web/20190420170527/https://pmo.gov.et/pm/. பார்த்த நாள்: 6 June 2019. 
  3. ↑ "Dr Abiy Ahmed sworn in as Prime Minister of Ethiopia". 2018-04-01 இம் மூலத்தில் இருந்து 2018-05-13 அன்று. பரணிடப்பட்டது.. https://web.archive.org/web/20180513170416/http://www.fanabc.com/english/index.php/news/item/11721-dr-abiy-ahmed-sworn-in-as-prime-minister-of-ethiopia. 
  4. ↑ Busby, Mattha (2019-10-11). "Ethiopian prime minister Abiy Ahmed wins 2019 Nobel peace prize – live news" (in en-GB). The Guardian. https://www.theguardian.com/world/live/2019/oct/11/nobel-peace-prize-greta-thunberg-abiy-ahmed-jacinda-ardern-among-those-tipped-win-live-news. 
  5. ↑ "EPRDF elects Abiy Ahmed chair". The Reporter. 2018-03-27. https://www.thereporterethiopia.com/index.php/article/eprdf-elects-abiy-ahmed-chair. பார்த்த நாள்: 2018-03-28. 
  6. ↑ "Ethiopia's ODP picks new chairman in bid to produce next Prime Minister". 22 February 2018. http://www.africanews.com/2018/02/22/ethiopia-s-opdo-picks-new-chairman-in-bid-to-produce-next-prime-minister/. 
  7. ↑ Keane, Fergal (3 January 2019). "Ethiopia's Abiy Ahmed: The leader promising to heal a nation". https://www.bbc.com/news/world-africa-46735703. 
  8. ↑ 8.0 8.1 8.2 8.3 8.4 Endeshaw, Dawit (2018-03-31). "The rise of Abiy 'Abiyot' Ahmed". The Reporter. https://www.thereporterethiopia.com/article/rise-abiy-abiyot-ahmed. பார்த்த நாள்: 2018-03-31. 
  9. ↑ "Abiy Ahmed Ali" (in sw). 28 March 2018. http://www.dw.com/sw/abiy-ahmed-ali/t-43173273. 
  10. ↑ Girma, Zelalem (31 March 2015). "Ethiopia in democratic, transformational leadership". Ethiopian Herald இம் மூலத்தில் இருந்து 6 மே 2018 அன்று. பரணிடப்பட்டது.. https://web.archive.org/web/20180506104159/http://www.ethpress.gov.et/herald/index.php/society/item/11415-ethiopia-in-democratic-transformational-leadership. 
  11. ↑ Sengupta, Somini (2018-09-17). "Can Ethiopia's New Leader, a Political Insider, Change It From the Inside Out?". த நியூயார்க் டைம்ஸ். https://www.nytimes.com/2018/09/17/world/africa/ethiopia-abiy-ahmed.html. பார்த்த நாள்: 2018-09-18. 
  12. ↑ 12.0 12.1 12.2 "Dr. Abiy Ahmed's diversity portfolio". 2018-04-01. https://www.satenaw.com/dr-abiy-ahmeds-diversity-portfolio/. 
  13. ↑ "The Guardian view on Ethiopia: change is welcome, but must be secured". தி கார்டியன். 2019-01-07. https://www.theguardian.com/commentisfree/2019/jan/07/the-guardian-view-on-ethiopia-change-is-welcome-but-must-be-secured. 
  14. ↑ Boko, Hermann (30 July 2018). "Abiy Ahmed: Ethiopia's first Oromo PM spreads hope of reform" (in English, translated from the original French). [FRANCE 24. https://www.france24.com/en/20180730-abiy-ahmed-spreads-hope-reform-ethiopia. பார்த்த நாள்: 14 April 2019. 
  15. ↑ Endeshaw, Dawit (13 March 2018). "The rise of Abiy "Abiyot" Ahmed". The Reporter. https://www.thereporterethiopia.com/article/rise-abiy-abiyot-ahmed. பார்த்த நாள்: 14 April 2019. 
  16. ↑ Endeshaw, Dawit (31 March 2018). "The rise of Abiy "Abiyot" Ahmed". The Reporter. https://www.thereporterethiopia.com/article/rise-abiy-abiyot-ahmed. பார்த்த நாள்: 25 March 2019. 
  17. ↑ 17.0 17.1 17.2 "Dr Abiy Ahmed interview with Amhara TV". 21 November 2017 இம் மூலத்தில் இருந்து 1 April 2019 அன்று. பரணிடப்பட்டது.. https://web.archive.org/web/20190401171617/https://www.youtube.com/watch?v=XRTTnLIwghQ. பார்த்த நாள்: 25 March 2019. 
  18. ↑ Manek, Nizar (4 April 2018). "Can Abiy Ahmed save Ethiopia?". Foreign Policy. Retrieved 5 April 2018.
  19. ↑ "God wants Ethiopians to prosper: The prime minister and many of his closest allies follow a fast-growing strain of Christianity". தி எக்கனாமிஸ்ட். 24 November 2018.

வெளி இணைப்புகள்[தொகு]

விக்கிமீடியா பொதுவகத்தில்,
அபிய் அகமது
என்பதின் ஊடகங்கள் உள்ளன.
"https://ta.wikipedia.org/w/index.php?title=அபிய்_அகமது&oldid=3541103" இருந்து மீள்விக்கப்பட்டது