காராக்

காராக் Karak
காராக் நகரத்திற்கு செல்லும் விரைவுச்சாலையில் கெந்திங் செம்போ சுரங்கப் பாதை
காராக் Karak மலேசியத் தீபகற்பத்தில் அமைவிடம்
ஆள்கூறுகள்: 3°24′N 102°2′E
நாடு	Malaysia
மாநிலம்	பகாங்
நேர வலயம்	ஒசநே+8 (மலேசிய நேரம் (MST))
• கோடை (பசேநே)	கண்காணிப்பு இல்லை
அஞ்சல் குறியீடு	28xxx
வாகனப் பதிவு	C
அனைத்துலக முன்னொட்டுக் குறி	+6-09 (தரைவழித் தொடர்பு)
இணையதளம்	www.mpbentong.gov.my/en/

காராக் என்பது (மலாய்: Karak; ஆங்கிலம்: Karak; சீனம்: 加叻) மலேசியா, பகாங் மாநிலத்தில், பெந்தோங் மாவட்டத்தில் அமைந்து உள்ள ஒரு நகரம். கோலாலம்பூர் மாநகரில் இருந்து குவாந்தான் நகருக்குச் செல்லும் கூட்டரசு நெடுஞ்சாலை -இல் ஓய்வு நகரமாக அறியப் படுகிறது.

காராக் நகரம் மலேசியாவில் புகழ்பெற்ற காராக் நெடுஞ்சாலைக்கு காராக் நகரின் பெயர் வைக்கப்பட்டு உள்ளது. காராக் நெடுஞ்சாலை கோலாலம்பூர் மாநகரையும் காராக் நகரையும் இணைக்கிறது.

நிலவியல்

மலேசியாவின் பிரதான மலைத் தொடரான தித்திவாங்சா மலைத்தொடரின் அடிவாரத்தில் இந்த நகரம் அமைந்துள்ளது. இந்த இடம் பகாங் மாநிலத்திற்கு மட்டும் அல்ல; கிள்ளான் பள்ளத்தாக்கிற்கும் ஒரு முக்கியமான நீர் நீர்ப்பிடிப்பு பகுதியாகவும் விளங்குகிறது.

காராக் நெடுஞ்சாலையின் கிழக்கு முனையிலும் ; மற்றும் கிழக்கு கடற்கரை அதிவேக நெடுஞ்சாலை -இன் தொடக்கமாகவும் காராக் நகரம் அமைகின்றது. பொதுவாகச் சொன்னால் தீபகற்ப மலேசியாவின் மேற்குக் கரையையும் கிழக்குக் கரையையும் இணைக்கும் ஒரு பாலமாக உருவகப் படுத்தலாம்.