இடுக்கி மாவட்டம்
இடுக்கி | |
|---|---|
      மேலிருந்து கடிகார திசையில்: மூணாறில் சூரிய உதயம் , பெரியாற்றுத் தேசியப் பூங்கா , இடுக்கி அணை , ஏலக்காய் மலையில் உள்ள தேயிலை தோட்டம் , மாட்டுப்பட்டி அணை மற்றும் ஆனைமுடி சிகரம் | |
 இடுக்கி | |
| நாடு |  இந்தியா |
| பகுதி | தென்னிந்தியா |
| மாநிலம் |  |
| பகுதி | தெற்கு கேரளா |
| தலைமை இடம் | பைனாவு |
| வட்டங்கள் | 5 வட்டங்கள்
|
| அரசு | |
| • மாவட்ட ஆட்சியர் | ஸ்ரீமதி. ஷீபா ஜார்ஜ் , இ.ஆ.ப |
| • காவல்துறை கண்காணிப்பாளர் | ஸ்ரீ. வி.யு.குரியகோஸ் , இ.காப |
| பரப்பளவு | |
| • மொத்தம் | 4,612 km2 (1,781 sq mi) |
| மக்கள்தொகை (2011)[2] | |
| • மொத்தம் | 11,08,974 |
| நேர வலயம் | ஒசநே+5:30 (இ.சீ.நே) |
| இணையதளம் | idukki |
இடுக்கி மாவட்டம் கேரள மாநிலத்திலுள்ள பதினான்கு மாவட்டங்களுள் இதுவும் ஒன்றாகும்.[3][4] இந்த மாவட்டத்தின் தலைமையகம் பைனாவு நகரத்தில் உள்ளது. இடுக்கி மாவட்டம் கேரளத்தின் மிகப் பெரிய மாவட்டமாக உள்ளது. இது கேரளத்தில் தமிழர்கள் அதிகம் வசிக்கும் மாவட்டமாகும் (ஏறத்தாழ 20%). தேவிகுளம், பீர்மேடு, உடும்பஞ்சோலா வட்டங்களில் தமிழர்கள் அதிகமாக வாழ்கின்றார்கள். மாவட்டத்தின் பெரும்பாலான பகுதி (ஏறத்தாழ 50%) காடுகளும் மலைகளுமே.26 ஜனவரி 1972 இல், கோட்டயம் மாவட்டத்தில் இருந்து முன்னாள் ஹைரேஞ்ச் வட்டத்தின் உடும்பஞ்சோலா, தேவிகுளம் தாலுகாக்களையும் எர்ணாகுளம் மாவட்டத்தில் இருந்து தொடுபுழா தாலுக்கையும் பிரித்து இந்த மாவட்டம் உருவாக்கப்பட்டது. முன்னர் கோட்டயம் நகரம் மாவட்ட தலைமையிடமாக இருந்தது, ஆனால் ஜூன் 1976 இல் பைனாவு மற்றும் செருதோனி அருகே குயிலிமலைக்கு மாற்றப்பட்டது. மலையாளம் மற்றும் ஆங்கிலம் ஆகியவை மாவட்டத்தின் இரண்டு உத்தியோகபூர்வ நிர்வாக மொழிகள். இடுக்கி மாவட்டத்தில் மலையாளத்திற்கு அடுத்தபடியாக தமிழ் அதிகமாக பேசப்படும் மொழியாகும்.
கேரளத்தின் மின்சாரத் தேவையில் சுமார் 66% இடுக்கி மாவட்டத்தில் உள்ள பல்வேறு நீர்மின் திட்டங்களிலிருந்து வருகிறது. மாவட்டம் முழுவதும் ஏராளமான பணப்பயிர்கள் மற்றும் மசாலாப் பொருட்கள் பயிரிடப்படுகின்றன, இது கேரளத்தின் மசாலாத் தோட்டம் என்று அழைக்கப்படுகிறது. மாவட்டத்தில் ஒரு குறிப்பிடத்தக்க பகுதி பாதுகாக்கப்பட்ட காடுகள் மற்றும் வனவிலங்கு சரணாலயங்களாக பாதுகாக்கப்படுகிறது. கேரள மாநிலத்தின் மிகப்பெரிய நதி பெரியாறு இடுக்கியில் உற்பத்தியாகி அரபிக்கடலில் கலக்கிறது. இடுக்கி மாவட்டத்தில் இருந்து பிறக்கும் மற்றொரு முக்கியமான நதி பம்பா ஆறு.இடுக்கி மாவட்டம் கேரளத்தின் மத்திய பகுதியில் அமைந்துள்ளது. மாவட்டத்தில் உள்ள மற்ற முக்கிய நகரங்கள் தொடுபுழா, கட்டப்பனா, அடிமாலி, நெடுங்கண்டம் மற்றும் செருதோணி. இடுக்கி மாவட்டம் கேரளத்தின் பரப்பளவில் மாநிலத்தின் 11 சதவீதத்தை கொண்டுள்ளது. இடுக்கி மாவட்டத்தில் 50 சதவீதத்திற்கும் அதிகமான பகுதிகள் பாதுகாக்கப்பட்ட வனப்பகுதிகளாகும். இரயில் பாதை இல்லாத கேரளத்தில் உள்ள இரண்டு மாவட்டங்களில் இதுவும் ஒன்று (மற்றொன்று வயநாடு). முடியாட்சியின் போது இடுக்கி வேணாடு மற்றும் திருவீதாங்கூர் பேரரசின் கீழ் இருந்தது. மாவட்டத்தின் தாலுகாக்கள் தேவிகுளம், தொடுபுழா, உடும்பஞ்சோலா, பீர்மேடு மற்றும் இடுக்கி. தொடுபுழா மற்றும் கட்டப்பனா மாவட்டத்தின் நகராட்சிகள் ஆகும். 8 பிளாக் பஞ்சாயத்துகள் மற்றும் 51 கிராம பஞ்சாயத்துகள் உள்ளன. இது தவிர, கேரளத்தின் முதல் பழங்குடியினர் பஞ்சாயத்து இடமலக்குடி 1 நவம்பர் 2010 முதல் அமலுக்கு வந்தது. மூணாறு ஊராட்சியின் 13வது வார்டை பிரித்து இடமலக்குடி உருவாக்கப்பட்டது. தேவிகுளம், அடிமாலி, நெடுங்கண்டம், இளம்தேசம், தொடுபுழா, இடுக்கி, கட்டப்பனா மற்றும் அழுதா ஆகிய தொகுதி பஞ்சாயத்துகள் உள்ளன.
சுற்றுலா
[தொகு]இடுக்கி அணை, தேக்கடி, மூணாறு முதலியன இடுக்கி மாவட்டத்தில் உள்ள குறிப்பிடத்தகுந்த சுற்றுலாப் பகுதிகள். இம்மாவட்டத்தில் சின்னாறு புரவலர்க்காடு, இரவிக்குளம் புரவலர்க்காடு முதலிய பாதுகாக்கப்பட்ட இடங்கள் உள்ளன.
குறிப்பிடத்தக்க இடங்கள்
[தொகு]கட்டப்பனை, குமுளி, மூணாறு, பைனாவு, தேக்கடி, பெருமேடு(பீர்மேடு), தேவிகுளம் முதலியன இம்மாவட்டத்தில் உள்ள குறிப்பிடத்தக்க ஊர்களாகும். பெரியாறு பாயும் இடுக்கி மாவட்டத்திலேயே முல்லைப்பெரியாறு அணையும் உள்ளது.
வரலாறு
[தொகு]இடுக்கி மாவட்டத்தின் தொன்மையான வரலாறு தெளிவாக அறியப்படவில்லை. இன்றைய இடுக்கி மாவட்டம் முன்னாளில் சேர நாட்டையும் கொங்கு நாட்டையும் சேர்ந்த பகுதியாக இருந்தது. கி.பி 800-1100 காலப்பகுதியில் தேவிகுளம், உடும்பஞ்சோளா, பீர்மேடு போன்றவை அடங்கிய உயர் மலைத்தொடர் பகுதிகள் வேம்பொளி நாட்டின் பட்குதியாக இருந்தன. 16 ஆவது நூற்றாண்டில் இடுக்கியின் பெரும்பகுதி பூஞ்ஞார் அரசின் ஆட்சிக்கு கீழ் வந்தது.
இடுக்கியின் அண்மைக்கால வரலாறு, ஐரோப்பிய காப்பி-தேயிலைத் தோட்டப் பயிர்த்தொழில் முதலாளிகளின் செயற்பாடுகளில் இருந்து தொடங்குகின்றது. 1877 இல் பூஞ்ஞார் ராஜா கேரள வர்மா கண்ணன் தேவன் மலைகளில் 590 சதுர கி.மீ (227 சதுர மைல்) இடத்தை சான் டேனியல் மன்ரோ (John Danial Manroe) என்னும் பிரித்தானிய தோட்டத் தொழில் முதலாளிக்கு குத்தகைக்கு விட்டார். அக்காலப் பகுதியில் இவ்விடம் அடர்ந்த காடுகளாக இருந்தது. சான் மன்ரோ வட திரிவிதாங்கூர் நிலத் தோட்டம் பயிர்த்தொழில் குமுகம் ஒன்றை நிறுவினார். இக் குமுகத்தின் உறுப்பினர்கள் உயர்நிலப்பகுதிகளில் பல தோட்டங்கள் நிறுவினர், சாலைகள் அமைத்தனர், போக்கு வரத்து வசதிகள் செய்தனர். இதன் பயனாய் வீடுகள் அமைப்பதும் விளைபொருள்களை எடுத்துச்செல்வதும் எளிதாயிற்று.
ஆட்சிப் பிரிவுகள்
[தொகு].svg){kind=spacer}
இது ஐந்து வட்டங்களைக் கொண்டுள்ளது.[5]
- தேவிகுளம் வட்டம்
- தொடுபுழை வட்டம்
- உடும்பன்சோலை வட்டம்
- பீர்மேடு வட்டம்
- இட்க்கி வட்டம்
இந்த மாவட்டத்தில் தொடுபுழை மட்டுமே நகராட்சியாகும். இங்கு 8 மண்டல ஊராட்சிகளும், 51 ஊராட்சிகளும் உள்ளன.
சட்டமன்றம் மற்றும் மக்களவை தொகுதிகள்:
| # | சட்டப் பேரவையின் தொகுதிகள்[5] | ( SC / ST / எதுவுமில்லை) க்கு ஒதுக்கப்பட்டது | # | மக்களவை தொகுதிகள்[5] | ( SC / ST / எதுவுமில்லை) க்கு ஒதுக்கப்பட்டது |
|---|---|---|---|---|---|
| 88 | தேவிகுளம் சட்டமன்றத் தொகுதி | SC | 13 | இடுக்கி | எதுவுமில்லை |
| 89 | உடும்பன்சோலைசட்டமன்றத் தொகுதி | எதுவுமில்லை | |||
| 90 | தொடுபுழை சட்டமன்றத் தொகுதி | ||||
| 91 | இடுக்கி சட்டமன்றத் தொகுதி | ||||
| 92 | பீர்மேடு சட்டமன்றத் தொகுதி |
இதனையும் காண்க
[தொகு]மேற்கோள்கள்
[தொகு]- ↑ https://idukki.nic.in/en/
- ↑ https://idukki.nic.in/en/demography/
- ↑ "District Idukki, Government of Kerala | The Spice Garden of Kerala | India" (in அமெரிக்க ஆங்கிலம்). Retrieved 2026-08-07.
- ↑ "District of Idukki - Munnar, Thekkady, Periyar - the hill district of Kerala". Kerala Tourism (in ஆங்கிலம்). Retrieved 2026-08-07.
- 1 2 3 "மக்களவைத் தொகுதிகளும், சட்டமன்றத் தொகுதிகளும் (எல்லைப் பங்கீடு, 2008) - [[இந்தியத் தேர்தல் ஆணையம்]]" (PDF). Archived from the original (PDF) on 2010-10-05. Retrieved 2014-11-16.
| தலைநகரம் |  | |
|---|---|---|
| தலைப்புக்கள் | ||
| மாவட்டங்கள் | ||
| நகரங்கள் | ||
| புகழ்பெற்றவர்கள் | ||
| தலைநகரம் | | |
|---|---|---|
| தலைப்புக்கள் | ||
| மாவட்டங்கள் | ||
| நகரங்கள் | ||
| புகழ்பெற்றவர்கள் | ||