மூவார் மக்களவைத் தொகுதி

மூவார் (P146) மலேசிய மக்களவைத் தொகுதி ஜொகூர்
Muar (P146) Federal Constituency in Johor
மூவார் மக்களவைத் தொகுதி (P146 Muar)
மாவட்டம்	மூவார் மாவட்டம்
வாக்காளர்களின் எண்ணிக்கை	68,925 (2022)
வாக்காளர் தொகுதி	மூவார் தொகுதி
முக்கிய நகரங்கள்	மூவார்; பண்டார் மகாராணி;
பரப்பளவு	268 ச.கி.மீ
முன்னாள் தொகுதி
உருவாக்கப்பட்ட காலம்	1974
கட்சி	மூடா
மக்களவை உறுப்பினர்	சையது சாதிக் (Syed Saddiq Syed Abdul Rahman)
மக்கள் தொகை	100,265 (2020)
முதல் தேர்தல்	மலேசியப் பொதுத் தேர்தல், 1974
இறுதித் தேர்தல்	மலேசியப் பொதுத் தேர்தல், 2022

மூவார் மக்களவைத் தொகுதி (மலாய்: Kawasan Persekutuan Muar; ஆங்கிலம்: Muar Federal Constituency; சீனம்: 麻坡国会议席) என்பது மலேசியா, ஜொகூர் மாநிலத்தின் மூவார் மாவட்டத்தில் அமைந்துள்ள ஒரு மக்களவைத் தொகுதி (P146) ஆகும்.

மூவார் மக்களவைத் தொகுதி 1974-ஆம் ஆண்டில் உருவாக்கப்பட்டது. இந்தத் தொகுதியில், முதன்முதலாக 1974-ஆம் ஆண்டில் மக்களவைப் பொதுத் தேர்தல் நடைபெற்றது. இறுதியாக, 2022-ஆம் ஆண்டில் நடைபெற்றது.

1974-ஆம் ஆண்டில் இருந்து மூவார் மக்களவைத் தொகுதி, மலேசிய நாடாளுமன்றத்தின், மலேசிய மக்களவையில் பிரதிநிதிக்கப் படுகிறது.

மூவார் மாவட்டம்

மூவார் மாவட்டம், ஜொகூர் மாநிலத்தில் உள்ள ஒரு மாவட்டம். மூவார் மாவட்டம் முன்பு இரு பிரிவுகளாகப் பிரிக்கப்பட்டு இருந்தது. மூவார் அல்லது பண்டார் மகாராணி என்பது மற்றொரு பிரிவு. லேடாங் எனும் தங்காக் என்பது மற்றொரு பிரிவு.

மூவார் மாவட்டம் கோலாலம்பூர் மாநகரில் இருந்து 150 கி.மீ.; ஜொகூர் பாரு மாநகரில் இருந்து 143 கி.மீ.; மலாக்கா மாநகரில் இருந்து 47 கி.மீ.; சிங்கப்பூரில் இருந்து 179 கி.மீ. தொலைவில் அமைந்து உள்ளது. மூவார் மாவட்டம், சிங்கப்பூரைப் போல இரண்டரை மடங்கு பெரிய நிலப்பகுதியைக் கொண்டது.

இந்த மாவட்டத்திற்கு மூவார் நகரம் தலைநகரமாக விளங்குகிறது. மலாக்கா நீரிணையின் கரையோரத்தில்; மூவார் ஆற்றின் முகப்பில் மூவார் நகரம் அமைந்து உள்ளது.

மூவார் மக்களவை தொகுதி

2022-இல் மூவார் மக்களவைத் தொகுதியின் வாக்காளர் இனப் பிரிவுகள்:

  மலாயர் (67.2%)

  சீனர் (32.3%)

  இந்தியர் (0.3%)

  இதர இனத்தவர் (0.2%)

மூவார் நாடாளுமன்ற உறுப்பினர்கள் (1974 - 2023)
நாடாளுமன்றம்	தொகுதி	ஆண்டுகள்	உறுப்பினர்	கட்சி
மூவார் தொகுதி 1974-ஆம் ஆண்டில் உருவாக்கப்பட்டது
4-ஆவது மக்களவை	P106	1974–1978	நியோ இயீ பான் (Neo Yee Pan)	பாரிசான் நேசனல் (மலேசிய சீனர் சங்கம்)
5-ஆவது மக்களவை		1978–1982
6-ஆவது மக்களவை		1982–1986
7-ஆவது மக்களவை	P123	1986–1990	முகமட் சாம் சய்லான் (Mohamed Sam Sailan)	பாரிசான் நேசனல் (அம்னோ)
8-ஆவது மக்களவை		1990–1995	அப்துல் மாலிக் முனிப் (Abdul Malek Munip)
9-ஆவது மக்களவை	P133	1995–1999	அப்துல் அசீஸ் முகமட் யாசின் (Abdul Aziz Mohd. Yassin)
10-ஆவது மக்களவை		1999–2004	ரோபியா கோசாய் (Robia Kosai)
11-ஆவது மக்களவை	P146	2004–2008	ரசாலி இப்ராகிம் (Razali Ibrahim)
12-ஆவது மக்களவை		2008–2013
13-ஆவது மக்களவை		2013–2018
14-ஆவது மக்களவை		2018–2020	சையது சாதிக் (Syed Saddiq Syed Abdul Rahman)	பாக்காத்தான் அரப்பான் (பெர்சத்து)
		2020		பெர்சத்து
		2021		சுயேச்சை
		2021–2022		மூடா
15-ஆவது மக்களவை		2022–தற்போது வரையில்

மூவார் தேர்தல் முடிவுகள்

மலேசியப் பொதுத் தேர்தல் 2022

வேட்பாளர்		கட்சி	வாக்குகள்	%	+/–
	சையது சாதிக் (Syed Saddiq Syed Abdul Rahman)	மூடா	19,961	37.55	37.55
	அப்துல்லா உசேன் (Abdullah Husin)	பெரிக்காத்தான் நேசனல்	18,616	35.02	35.02
	முகமட் எல்மி அப்துல் லத்தீப் (Mohd Helmy Abd Latiff)	பாரிசான் நேசனல்	14,581	27.43	9.14 ▼
மொத்தம்			53,158	100.00	–
செல்லுபடியான வாக்குகள்			53,158	99.00
செல்லாத/வெற்று வாக்குகள்			537	1.00
மொத்த வாக்குகள்			53,695	100.00
பதிவான வாக்குகள்			68,925	77.12	6.90 ▼
	மூடா கைப்பற்றியது
மூலம்:

மேலும் காண்க

• தங்காக்
• சாகில்
• தங்காக் மாவட்டம்
• மலேசியப் பொதுத் தேர்தல், 2022
• மலேசியத் தேர்தல் தொகுதிகள்