மன்மத லீலை

மன்மத லீலை
மன்மத லீலை திரைப்பட ஒலிநாடாவின் அட்டைப்படம்
இயக்கம்	கே. பாலச்சந்தர்
தயாரிப்பு	பி. ஆர். கோவிந்தராஜன் ஜே. துரைசாமி
கதை	கே. பாலச்சந்தர்
இசை	எம். எஸ். விஸ்வநாதன்
நடிப்பு	கமல்ஹாசன் ஆலம்
ஒளிப்பதிவு	பி. எஸ். லோக்நாத்
படத்தொகுப்பு	என். ஆர். கிட்டு
வெளியீடு	பெப்ரவரி 27, 1976
நீளம்	4434 மீட்டர்
நாடு	இந்தியா
மொழி	தமிழ்

மன்மத லீலை 1976 ஆம் ஆண்டு வெளிவந்த தமிழ்த் திரைப்படமாகும். கே. பாலச்சந்தர் இயக்கத்தில் வெளிவந்த இத்திரைப்படத்தில் கமல்ஹாசன், ஆலம் மற்றும் பலரும் நடித்துள்ளனர். இத்திரைப்படம் தெலுங்கில் "மன்மத லீலா " மற்றும் இந்தியில் "மீத்தி மீத்தி பாட்டின் " எனும் பெயரில் மொழி மாற்றம் செய்யப்பட்டு வெளியிடப்பட்டது.

கதை

திருமணமான பெண்கள் உட்பட பல பெண்களுடன் தொடர்பு வைத்துள்ளார் மதன் (கமல்). இதையறிந்த அவரது மனைவி ரேகாவுக்கும் மதனுக்கும் பிணக்கு ஏற்படுகிறது. இதனால் கணவனைப் பிரிந்து தந்தையின் வீட்டுக்கு வந்துவிடுகிறாள் ரேகா. ஒரு கட்டத்தில் பெரிய மனிதரான ரேகாவின் தந்தைக்கும் வீட்டு சமையல்காரிக்கும் இடையில் உள்ள தகாத உறவை அறிந்து அதிர்ச்சியடைகிறாள். இது அவளது தாய்க்குத் தெரிந்தும் காண்டும் காணாமல் இருப்பதை அறிந்து மேலும் அதிர்ச்சியடைகிறாள். இறுதியில் கணவனை வந்தடைகிறாள். மதன் திருந்தி மனைவியுடன் நல்ல கணவனாக வாழ்கிறான்

நடிகர்கள்

• கமல்ஹாசன் - மதன்
• ஆலம் - ரேகா
• ஜெயபிரதா - கண்ணகி
• ஹேமா சவுத்ரி - மாதவி
• ஒய். விஜயா - பார்கவி (ராங் நம்பர்)
• ரீனா
• ஒய். ஜி. மகேந்திரன்
• ராதாரவி
• ஒய். ஜி. பார்த்தசாரதி (ரேகா தந்தை)
• டீ. டி. குசலகுமாரி (ரேகா தாய்)
• ஜெயவிஜயா
• சுதா
• விநோதினி
• சுநந்தினி

பாடல்கள்

எம். எஸ். விஸ்வநாதன் அவர்களால் பாடல் இசை இயற்றப்பட்டது. கண்ணதாசன் அவர்கள் அனைத்து பாடல்களையும் எழுதியுள்ளார்.

எண்.	பாடல்	பாடலாசிரியர்	பாடகர்கள்	நீளம் (நி:வி)
1	"மனைவி அமைவதெல்லாம்"	கண்ணதாசன்	கே. ஜே. யேசுதாஸ்	4:29
2	"நாதமெனும் கோயிலிலே"		வாணி ஜெயராம்	4:12
3	"ஹலோ மைடியர் ராங் நம்பர்"		கே. ஜே. யேசுதாஸ், எல். ஆர். ஈஸ்வரி	4:22
4	"மன்மத லீலை மயக்குது"		எஸ். பி. பாலசுப்பிரமணியம்	5:02
5	"நேற்று ஒரு மேனகை"		கே. ஜே. யேசுதாஸ்	4:38
6	"சுகம் தானா"		எஸ். பி. பாலசுப்பிரமணியம், பி. சுசீலா	3:56

வெளி இணைப்புகள்

• இணையதள திரைப்பட தரவுத்தளத்தில் -மன்மத லீலை